03/11/2020
"قطتي🐈 - الله يرحمها"
بنحس احساس غريب اول مرة ننطق الجملة دي... غير احساس الحزن و الفراق... احساس كدا انها لا تنطبق ... يعني مثلا لما نقول "فلان (الله يرحمه) كان بيعمل كذا او نصحني بكذا..." تحس انها ماشية ان في نص الكلام بعد ذكر اسم المتوفي ندعو له بالرحمة على اساس انه بشر و هايتحاسب و كل البشر هايحتاجوا رحمة ربنا و مغفرته يوم الحساب. لكن مع الحيوان الأليف بتحس انه اصلا ماطلعش برة دايرة رحمة ربنا علشان يحتاج الدعاء بالرحمة كل مرة نذكر اسمه بعد وفاته. بصفة عامة الدعاء بالرحمة شيء حلو بغض النظر لانسان او لحيوان، حي او ميت، لكن السؤال الفلسفي:
هل "مصدر كل حاجة حلوة" بتحتاج مني انا الدعاء بالرحمة؟! سؤال اكيد بيجي على بال كل واحد فينا رحل عنه أليفه. على فكرة مش غلط اننا نسأله و نناقشه... لو تعرف حد أليفه اتوفى اتناقش معاه و شجعه يتكلم عنه ... الكلام بيخفف جزء من الحزن و بيساعد على بدء طريق الاستشفاء من صدمة الفراق... حبايبنا🐈🐕 في الجنة 🌈
