Professional Vet Academy

15/10/2025

⭕️ ⬛️🔺

14/10/2025

08/10/2025

بالتوفيق والنجاح الدائم ..تعلم اللغة الإسبانية مع المهندسة أمانتين 👋✌🤝🇪🇦🇪🇬🇦🇷🇪🇦🇪🇦🇪🇬

🇪🇬 مرحبًا بالجميع! 👋
أنا أمنتين الحصاوي، مدرسة إسباني معتمدة (DELE B2).
بقدّم دروس أونلاين للأطفال والكبار بطريقة ممتعة وسهلة ومناسبة لكل مستوى.
لو حابب تتعلم الإسبانية من البداية أو تطوّر مستواك — أنت في المكان الصح 🌟
📚 دروس أونلاين 🌍 من مصر وقطر
➡️ راسلني لمعرفة التفاصيل أو لحجز أول درس 🎉

🇪🇸 ¡Hola a todos! 👋
Soy Amantine Elhassawy, profesora certificada de español (nivel DELE B2).
Enseño español online a niños y adultos de forma divertida, práctica y personalizada.
Si quieres aprender español desde cero o mejorar tu nivel, ¡este es tu lugar!
📚 Clases online 🌍 Desde Egipto y Qatar
➡️ Escríbeme para más información o para reservar tu primera clase.

🇬🇧 Hi everyone! 👋
I’m Amantine Elhassawy, a certified Spanish teacher (DELE B2).
I teach Spanish online to kids and adults — my classes are fun, interactive, and personalized!
If you want to learn Spanish easily from home, you’re in the right place.
📚 Online lessons 🌍 From Egypt & Qatar
➡️ Message me for details or to book your first class!

16/04/2025

"اخطر من سم الثعبان"
البوتوليزم (Botulism) هو مرض نادر لكنه خطير جداً، يُسببه سم البوتولينوم، وهو أحد أقوى السموم المعروفة.
يُفرز هذا السم من بكتيريا تُسمى ((Clostridium ((botulinum

طيب ايه هى انواعه؟؟
البوتوليزم الغذائي: يحدث بسبب تناول طعام ملوث بالسم (غالباً أطعمة معلبة بطريقة غير صحية)..اشهر مثال عليه هو "الفسيخ"
البوتوليزم الناتج عن الجروح:يحدث عندما يتعرض الجرح للبكتريا المفرزه للسم ..
البوتوليزم التنفسي (نادر): قد يحدث بسبب استنشاق السم ..
البوتوليزم الطفلي: يصيب الأطفال الرضع عند ابتلاعهم أبواغ البكتيريا (مثل العسل)..
طيب اعراضه ايه ؟؟
طبعا غثيان ،ترجيع ،اسهال ، ضعف عام ..
بس نيجى بقى للمهم اللى يبسهل تشخيصه!!
• صعوبة في البلع أو التحدث
• ضعف في عضلات الوجه
• تدلي الجفون
• ضيق في التنفس
٠ شلل قد يبدأ من الرأس ويمتد إلى باقي الجسم.

طيب فى علامه معينه تعرفنا على السم؟؟
للاسف ملوش شكل ولا ريحه و لا لون ...
طيب هل لى علاج ؟؟
اه موجود "antitoxin "يستخدم لإيقاف تطور المرض لكن للاسف مش متواجد بسهوله لان تكلفته عاليه جدااا !!
طيب فى حاجه بتميز الفسيخ الملوث او اللى نخاف منكلوش ؟؟
بيتكون عليه طبقه مخاط شفافه او لونه بيميل للاصفر او الاخضر و طبعا مش هنميز ريحته لانه طبعا فسيخ 😂!!
كل سنه و حضراتكم بخير ....
Written by PH/ Jomanda Mahmoud Elhassawy .

09/04/2025

"القاتل الصامت" "ALUMINIUM PHOSPHIDE"

'القاتل الصامت 'او السم القاتل'او الغاز المميت'
و معروف ايضا بإسم "حبوب الغله" او "حبوب السوس"
كلها مسميات لواحد من اخطر ما يمكن ان يتعرض له الانسان.
( فوسفيد الالومنيم) هو مركب كيميائى حيادى يستخدم فى التخلص من القوارض و الحشرات (مبيد حشرى)
عند تعرضه الى الرطوبه او الاحماض ينتج غاز الفوسفين (PH3) غاز سام جدا عديم اللون و قابل للاشتعال !!

لماذا لقب بالقاتل الصامت ؟؟
لا يترك علامات سوى شفاه زرقاء و جسد بارد على جثث ضحاياه
طيب و ازاى بيشتغل ؟؟
تعمل اقراص ( فوسفيد الالومنيوم) عند تعرضها للجو فتتفاعل مع الرطوبه و تطلق غاز "الفوسفين" السام .

طيب لو اتعرض له شخص هيحس ب اعراض زى ايه ؟؟
غثيان شديد ،اسهال ، دوخه ، عدم قدره على تركيز ..
على طول اقرب طوارئ او مركز سموم و سرعه التوجه مطلوبه جدا لان لحد وقتنا هذا ''لا يوجد ترياق''

طيب لو تم ابتلاع قرص !!
اهم عرض هيحس بيه المصاب هو العطش الشديد .،مصاحب طبعا ب الاعراض المذكوره .
و يجب عدم تناول المياه نهائيا لان زى ما عرفنا انه بيشتغل فى الرطوبه و ابتلاع المياه هيسرع من نشاطه و انتاجه للفوسفين السام
و للاسف هيكون صعب جدا انقاذ الشخص المصاب ..
و فى بعض الاراء ان الشخص المصاب ممكن يتناول اى ماده دهنيه مثل الزيت او القشطه لتقلل من الامتصاص و لكن لا يوجد ادله كفايه على هذا
لذلك الحل الوحيد هو التوجه لاقرب طوارئ

وده التفاعل بين aluminium phosphide و water نتج عن غاز الفوسفين السام (PH3)
AlP + 3 H₂O → Al(OH)₃ + PH₃↑

ده التفاعل بين aluminium phosphide و بين acid
نتج عنه ايضا غاز الفوسفين السام (PH3)
AlP + 3 HCl → AlCl₃ + PH₃↑

Written by PH/ Jomanda Mahmoud Elhassawy

11/04/2024

كل عام وانتم جميعا بخير
بمناسبه عيد الفطر المبارك
اعاده الله علينا وعليكم
بالخير واليمن والبركات

05/10/2023

كل عام ومصر بخير بمناسبة انتصارات حرب أكتوبر المجيدة

07/10/2022

كل عام والأمة الاسلامية بخير

05/10/2022

نهنئ الشعب المصرى بذكرى نصر أكتوبر العظيم

07/05/2020

أستاذ دكتور/ هبة أحمد عبد الهادى
تحكى عن يوم من أيام العزل

لما كنت فى اعدادى وثانوى ولغايه ما دخلت كليه طب بيطرى القاهرة وبعد ماتخرجت سنه ١٩٩٣ كنت اعانى من هوايتى القراءة والكتابه ولكن بمرور الوقت وبعون الله تعالى استطعت ان اتخلص من احدى الهوايات الا وهى الكتابه ومن يعرفنى عن قرب يعلم جيدا انى لم أعد اطيق الكتابه حتى اننى لا استطيع ان أكمل محادثات الواتس آب او غيرها اذا كانت مطوله وايضا سيدهش من طول هذا البوست بالنسبه لى
الذى دفعنى للكتابه أقوى منى ومنها أيضا الذى دفعنى هو خباثه الخطر الذى نعيشه هذه الأيام طبعا عرفتوا أقصد ايه
الكورونا أيوة الكورونا
الكورونا الحقيقي مش الفيروس الكيوت الاخضر ابو بزابيز اللى بيطلع يرقص ويغنى على الفيس ويقول نكت لأ الكورونا الفيروس اللى بيدخل من انفك أو فمك أو عينك يرفع درجة حرارتك ممكن تعدى ال ٤٠ اه والله بتعدى ويعملك جفاف رهيب فى الحلق ماتقدرش حتى تبلع ريقك أو ألم رهيب فى بؤر فى زورك أو كمان ألم شديد وحرقان فى العين وياحظك لو الفيروس حبك وعملك كل دا وبعدين بقى ينزل يتمخطر كدا فى جهازك التنفسي لغايه مايتوغل فى الرئه ويتعمق فى الحويصلات الهوائيه ويبتدى يتحكم بقى فى اكسجينك وثانى اكسبد كربونك على مزاجه انا باحاول ماتكلمش علميا قوى لان الموضوع قتل شرحا باحاول ابسط الدنيا
تفتكر فيروس بالخبث دا حيسيبك تاخد الاكسجين اللى انت محتاجه عشان تتنفس بسهوله وراحة أكيد لأ طبعا دا حيشفط الاكسجين ويخلى رئتك مش قادرة تشتغل ولا انت عارف تاخد نفسك واحدة واحدة حتلاقى نفسك حاطط ماسك الاوكسجين لو ربنا كان كريم معاك حتعدى خلال كام يوم ولو لأ يبقى لا قدر الله حتزيد الحاله سوء ونلجأ لجهاز التنفس الصناعى اللى هو بقى مش ماسك تحطه على منخيرك وبقك عشان يساعدك على التنفس لا دا انبوبه بتدخل من الانف الى ان تصل الى الرئتين لتمدهما بالاكسجين طبعا مؤلمه ومفيش حد بيتحملها عشان كدا معظم الحالات بتاخد مخدر وتدخل فى غيبوبه أسبوع أو اكتر بعدها المصاب مش بس بيفقد جزء من كفائه الرئتين دا بيفقد جزء كمان من كتله جسمه وبيحتاج رعايه واعادة تأهيل لمدة تتراوح مابين ٣ الى ٦ شهور
انا مش باخوفكم ولا بانفركم لأ انا باحكيلكم تجربه عيشتها عيشتها مع زوجى ربنا يتم شفاه يارب... على مدار ١٥ يوم كان كل هدفى وأملى انا والدكاترة اللى متابعين حالته انه مايلجأش للتنفس الصناعى والحمد لله بفضل رحمه الله وصبر وتوفيق الفريق الطبى وبفضل دعاكم عدينا مرحله الخطر وبعد ٢١ يوم بقى يقدر يستغنى عن الاكسجين تدريجيا
فى ناس حتقولى فى حالات كتير عدت من غير أى أعراض حاقولهم الحمد لله وربنا يعافى الجميع بس انت مش ضامن انت حتكون من أى فئه انا اتعديت انا وزوجى وبنتى ٢٤ سنه وابنى ٩ سنين كل واحد مننا شاف درجات متفاوته من الاعراض وعدد مختلف من الاعراض .....سيبك من الاعراض العضويه هناك المعاناه النفسيه اول مابتطلع نتيجة المسحة وتعرف انك ايجابى للفيروس حتى لو ماظهرش عليك أعراض بتفضل تفكر ياترى ايه اللى حيظهر عليا وياترى جسمى حيقدر يقاومه ولا لأ وحاوصل لحد فين حتى لو مافكرتش فى نفسك ... أدامك بنتك وابنك مش عارف حيوصلوا لفين ياترى حتخرج من العزل ولا لأ ولو خرجت مين حيكون معاك من عيلتك اللى دخلت معاك ومين حيروح منك... باتكلم عن نفسى على فكرة
بلاش كدا وانت فى العزل كل يوم ويوم بيتاخد منك انت وابنك وبنتك عينات دم وبيتعملك أشعات على الصدر ومسحات من الانف والفم وماأدراك ماهى مسحات الانف والفم ماشى انت كبير وحتستحمل لكن ابنك الصغير اللى جاله رعب من خبطه الباب بس عشان الاجراءات الطبيه طبعا الناس دى كتر ألف خيرها وربنا يحفظهم وبحميهم لكن انا باتكلم فى ألمك النفسي ادام انهيار ابنك الصغير وبعدين تسمع كل مرة انك ايجابى تصاب بالاحباط تقوم تجيلك نتيجة فى النص انك بقيت سلبى تفرح بس مش فرحة كامله لان ابنك وبنتك لسه ايجابيين .... ايه بقى اللى يحصل تتاخد انت لوحدك بعد ماكنت صابر انك مع ولادك وتقعد فى اوضه لوحدك وتسمع انهيار ابنك الصغير فى الاوضه اللى جنبك تحاول تصبر وتعدى الايام وتيجى المفاجئه نتيجة المسحة التاليه اللى مش المفروض لأ دى اللى نفسك انت انها تطلع سلبيه عشان تخرج ... صحيح حتخرج وتسيب ولادك بس معلش ان شاء الله ربنا يتم شفاهم ويحصلونى
قوم ايه بقى تطلع النتيجة ايجابى تانى وتحبط تانى وتالت وتعيد الايام من اولها ... الكورونا يا ما الكورونا
انا كدا خلصت
طولت جدا بس يمكن واحد يستفيد حاجة واحدة يبقى انا كسبت
خلوا بالكم من نفسكم وارحموا نفسكم