SAIDI VET

28/05/2026

10/11/2025

القط كائن حى ولود من فصيلة السنوريات 🐈🐈🐈
غذاؤه الأساسي يعتمد على اللحوم
لكن في حالة ان كانت الخضر مطبوخة بإمكانه القيام بعملية هضمها
عندو كبد صغير و كليتين ايضا صغار تتوافق مع الحجم اللي عندو
و حتى الجهاز الهضمي متوافق مع الحجم اللي عندو
عزيزي المربي لما تعطي لحيوانك غذاء تاع الإنسان حاول مقارنته في الأول قبل ما تمدلو

راح نذكر كل غذاء شائع و واش فيه مشاكل

الباتي و الكاشير 🍠🍠🍠:

فيه كمية ملح تلائم الإنسان ماشي الحيوان
يعني كلية القط ما عندهاش القدرة على تصفية الكمية الزائدة

هاذ المواد تحتوي على مضافات غذائية و مواد حافضة و ملونات تدير عجز في الكبد على الأمد الطويل يعني راح تعييلو الكبد

كمية الثوم و البهارات المضافة تعمل تقرحات في الجهاز الهضمي و شحال من حالة تجي للعيادة و ننصح المربي على هاذ النقطة بالذات

التون تاع العلب🥫🥫🥫 :

نسبة الملح اللي فيها يحملها الإنسان ماشي الحيوان

الشاوارما و الماكلة تاع برا 🥪🥪🥙🍞🍕🍕:

نتكلمو دائما على البهارات و المضافات الغذائية الثوم و البصل و الفطر كلها تكون سبب في تسممات غذائية عند القطط و الكلاب

السردين نيء 🐟🐟🐟 :

شخصيا لا أبذ إعطاؤه للقطط نيئا علاش
الحاجة الأولى سوء الحفظ يعني الحيوان أول متضرر من التسممات يعني تسمم الحيوان هو معيار باش تعرف نوعية السردين

( السردين المخير عندو فايت 12 ساعة ملي خرج من البحر )

علاش الحيوانات تاع الزنقة ياكلو و ما يسرالهم والو هاذ النقطة بالذات في هدرة كبيرة يكفي اني نقولكم بلي الحيوان تاع المنزل عندو غذاء يومي يعني المشكل راح يكون مزمن و لما يمرض بأي مرض راح تكون استجابته للعلاج سلبية بسبب انو الأعضاء الحيوية متضررة و تخدم بنصف الطاقة الإستعابية نتاعها

بالنسبة للكروكات 🧇🧇 :

هي غذاء مكمل وليست غذاء أساسي
يعني افتقارها للألياف راح يخلي المشاكل اللي تجي منها كثيرة
و على اختلافها اللي يكون السعر نتاعها رخيس هي اللي تكون مشاكلها قليلة لأن قيمتها الغذائية فقيرة
النوعية الغالية غالبا ما تكون قيمتها الغذائية غنية و تتمد بالمعايير مضبوطة في الأغلب لا تتجاوز ال 80 غرام في اليوم
لذلك كي تكثر منها راح يبانو العيوب
و اغلبها مشاكل انحسار البول و التهاب المثانة

الحلوى و السكاكر 🍩🍨🍪🍫🍬🍭🍦🧁🍰🍯😋 :

كثير من الحالات تعاني من مرض السكري بلا ما نكثر
المشكل يبان في كثرة شرب الماء و التبول الكثير

خلي حيوانك يعتمد نظام غذائي متنوع
الخضر اللحوم البقوليات الأسماك الألبان

يعني حيوانك المسكين نتا كي تقلشو عن حسن نية لكن في الأصل راح تكون سبب في مرضه

العيادة البيطرية Saidi Vet تحييكم
الله ولي التوفيق 🤲🤲🤲

11/11/2024

مرحبا بكم عند الطبيبة البيطرية سعيدي
العيادة متواجدة في #حي _الحبق #بوهناق #منصورة بجانب مقهى

11/09/2024

07/09/2024

مرحبا بكم عند الدكتورة سعيدي
حي بوهناق طريق سكنات عدل بوجميل
Bienvenue chez Dr SAIDI
Cité Bouhannak . Route AADL Boudjmile à côté du café Signature