الرحمة بالحيوانات

01/11/2026

سلام عليكم ختي
عاود خرج هاذي مرة بصح الله اعلم كي صرالو راه في يومين
موالف يخرج كل يوم فليل و صباح يدخل لول بارح خرج معاودش رجع و اليوما صباح فوت في طاكسي شفت مرا هيا و بنتها رافدين قط بيض يشبهلو مي الله اعلم اذا هو ولا لالا
اذا تقدري طلعيه عنده بلاك يكون غي هنا انا من ليشنار بلاك راه في ليشنار ولا لافينير

01/11/2026

قطط للتبني نظاف
تيارت فيل

01/11/2026

عندي 2قطات للتبني

01/11/2026

السلام عليكم اختي هاد القط مسكين مرض من كراعه و داوه شيرات للفيتيرينار و لكن راه في لاسيتي و مقدروش يدوه معاهم لدار ادا كاين انسان يقدر يتبناه يتهلى فيه ماهوش حالة تاع قط يقعد ف لاسيتي و قطوط يسوطوه و هو عاقل و نقي رماوه ناس ف لاسيتي عندو بروبلام في رجله برك

01/11/2026

راني نحوس على القطة تاعي من الفصيلة سياموا معقمة تودرت في الشناوة حي قايد احمد عدل
لي شافها براسلني فالخاص

31/10/2026

*🐱 قطة للتبني في تيارت - Tiaret 🐱*

هاذي القمر راهي في ولاية تيارت وتبحث عن منزل دائم ❤️

معلوماتها:
- المكان: *تيارت - Tiaret*
- العمر: صغيرة، تقريبا 6-8 أشهر
- الجنس: أنثى
- للون: رمادي مخطط "Tabby" وعينيها صفر ذهبي
- الشخصية: هادئة، حنينة، وتحب الشمس
- الصحة: ✅ *ملقحة ضد طاعون القطط Typhus* بتاريخ 28/10/2026
عندها كارني صحي ممضي من عند البيطري + طوق وردي

هي قطه نظيفة ومتعودة. انقذتها وعالجتها و درتلها كل التلقيحات.
ضرك خصها ناس من تيارت يتهلاو فيها ويعطوها الحب.

شروط التبني:
1. تكون من تيارت ولا تقدر تتنقل ليها
2. شخص مسؤول ويوفرلها كلش
3. متابعة بصور من وقت للوقت

اللي حاب يتبناها يتواصل معايا في الخاص.
بارطاجيو يا ناس تيارت الخير 🙏

#تيارت

31/10/2026

نبحث عن قط للتزاوج نفس الفصيلة تيارت فيل

29/10/2026

السلام عليكم صرات حاجة اليوم، حبيت نحكي عليها. هادي حبيبتي واختي وصديقة الصفحة، وصديقة هاد المخلوقات الضعيفة.
هي ديما سباقة للخير، وفي أغلب الحالات تتبرع لهم من مالها الخاص، تعالج وتعاون وتوكل.

اليوم تم النصب عليها وسرقو لها مبلغ مالي.

نتمنى أنو الخير لي دارتو في هاد الحيوانات، لي تبرعت لهم وعالجتهم وعاونتهم، ربي يعوضها ويخلف عليها أضعاف.

حسبي الله ونعم الوكيل في لي سرقها.

ربي يخلف عليها بالحلال 🤲🐾
ومن هاد المنشور حبيت نمد تنبيه لكل الناس:
لي يديرو الثقة بزاف في المعاملة والبيع والشرا عبر الانترنت، ردّو بالكم حذاري، كاين ناس بزاف متحايلة وكذابة، حتى أنا تعرضت للسرقة لمبلغ مالي.

ما تديروش الثقة حتى تتأكدو مليح، وحسبي الله ونعم الوكيل في كل نصاب

29/10/2026

الشكر الكبير للأخت لي بعتت الأكل، ربي يجازيها كل خير ويجعلها في ميزان حسناتها، وربي يرزقها من حيث لا تحتسب ويفتح عليها بيبان الخير كيما فتحت بيبان الرحمة لهاد المخلوقات الضعيفة.

وشكرا لكل واحد عاون حتى بكلمة طيبة، بدعوة، ببارطاج.

قال رسول الله ﷺ: "في كل كبد رطبة أجر" - وانتم درتو أجر كبير اليوم.

ربي يتقبل منا ومنكم ويرحم ضعف هاد القطيطات 🐾

اللهم اجعلها صدقة جارية لكل من ساهم.

29/10/2026