28/06/2025
نصيحة لمن يريد حقًا الاستفادة من العلاج و رؤية النتائج و زيادة الأمل في الشفاء :
علاج الحيوان او الانسان او أي كائن حي يدب فوق الارض لا يقتصر على حقنة تحت الجلد او لمسة مباركة من الطبيب فيحصل الشفاء مباشرة ، العلاج هو بروتوكول طويل المدى غالبا ، جرعات مقسمة على أيام و ربما على عدة مرات في نفس اليوم ، قد يطول الأمر لأسابيع ، و قد يشفى مع بقاء اعراض جانبية تزول بمرور الزمن و تسمى les séquelles .
اتباع التعليمات الطبية فرض و ليس اختيار ، اذا عالجنا و كتبنا وصفة لازم تتطبق بتفاصيلها ، اذا طلبنا احضار الحيوان يوميا معناها يوميا ماشي بحصص متذبذبة ، كاينة حاجة اسمها الاستمرارية لازم قبل مايصفى الجسم من الجرعة تكون دخلت الجرعة الثانية لي تعزز الدفاع و ترفع المناعة و تخفف الالم ، اذا كان فيها سيروم معناها مالازمش الحيوان ينشف خاصة اذا عندو مشاكل وظيفية ، اذا كان مشكل في عضو داخلي يحتاج منشطات لازم تتشرب مرات فاليوم على مدار الايام لي حددها الطبيب ، كلمة ( ماقدرتش نشربلو ) و تستهزا عليه يوم يومين يعاود يتدهور و تسوء حالتو اكثر من ذي قبل ، أحيانا نمركيولكم ادوية تتشرب باه ماتشقاوش كل يوم لأجل حقنة خاصة البعاد و في نفس الوقت لتقليل الفاتورة باه مايكلفكش العلاج و تستثقل الشي و بالاك لظروفك المادية تولي تتخلى عليه نهائيا ، بصح كي نعود نكتبلك و ماتلتزمش و مبعد ماتلقاش نتائج تعيط هاو مارتاحش ا الطبيب هاو ماحبش ياكل هاو كلا شوي و عاود طاح ماتستناش مني اللمسة المباركة لي فيها شفاء من كل داء ، هاذيك يختص بها الله سبحانه و تعالى فقط ،حنا الاسباب وفرناهالك و اذا احتاج الامر لتحاليل و راديوات نبعثوك وين تدير و انتهى ، الباقي دورك نتا و حنا علينا التوجيه ، و بارك الله فيكم
