كل حاجة و عندها حكاية.. و حكايتنا ماشي كيما كل الحكايات.. بدات من عند جدودنا و مشات.. حكاوهالنا مع حكايات الثورة، و عشناها في صغرنا.. تربينا معاها و كبرنا بيها و فيها.. زدنا و شفنا جدودنا يخدموا الأرض و يغرسوها.. يسقيوها بتعبهم، يحميوها بروحهم و يوقفوا عليها مهما كان.. باش تمد في الأخير ثمارها اللي بيهم يعيشوا و يعيشوا جيرانهم.. و البركة في الأرض قناعتهم.. كبروا والدينا و كبروا متطلبات الحياة.. بص
ح عمرهم لا سمحوا في حكاية الجدود.. كبروها معاهم و صارت حرفة و صنعة يكسبوا منها قوتهم.. كبروا المجموعة الصغيرة اللي كانت تقتات على ثمار أرضهم حتى ولات تجارة.. و صار اسمهم على كل لسان لأمانتهم و سهولة التعامل معاهم.. و حنا مازلنا نترباو على يديهم و نكبروا وسط ثمار أرضنا و بيها.. و دايما بركة الأرض غامرتنا.. اليوم حنا ولاد الأرض كبرنا.. و كل جزء منا معجون بريحة الأرض و ثمار الأرض.. و كل ما الدنيا تتبدل حنا نواكبوها.. بصح أرضنا مانتخلاوش عليها.. و سمعتنا دايما تبعنا.. و حكايتنا كيما حكاوهالنا جدودنا حنا نحكيوها لولادنا.. و منتوجاتنا المصبرة تحكيهالكم في كل مرة تتذوقوها.. و في كل مرة تشموا ريحة الأرض منها..
Notifications
Soyez le premier à savoir et laissez-nous vous envoyer un courriel lorsque CAH publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.
