04/06/2024
Maxamed Amin Cabdirisaaq Ibraahim oo 22 jir ah ayay ku cadaatay inuu dilay saaxiibtiis Saga Forsgren Elneborg oo ahayd 20 jir Swidish ah, taasoo isla markaana u lahayd uur 7 bilood ah.
Dilkan ayaa 29-kii bishii April 2023 ka dhacay magaallada Örebro oo 2 saacadood u jirta Stockholm, waxaana ay boolisku sheegeen in Maxamed Amiin uu gabadha u geystay 'dil sharafeed' isagoo ka cararayay ceeb isla markaana garan waayay qaab uu arrintaa ugu sheego qoyskiisa, waxaana dilka uu u adeegsaday xarigga Jaajarka Taleefoonka oo uu dhuunta uga ceejiyay gacalisadiisii oo isku diyaarinaysay inay Hooyo noqoto.
Caddeymuhu waxay kaloo muujiyeen wada hadal dhex maray Maxamed Amiin iyo saaxiibtiis oo uu ku yiri "ilmaha aad uurka iigu sido iska soo rid", kaddibna Saga Forsgren ay arrintaa diidday, tirina ilmahayga yar ma dilayo.
Waxay sii iibsatay sariirtii iyo dharkii ilmihii yaraa ee ay caloosha ku siday, laakiin labaduba way isla geeriyoodeen.
: Boolisku wax la xiriira dembigaan kuma helin qoyska Maxamed, laakiin gacan ku dhiiglaha oo kiiskani uu ku kooban yahay ayuu falkani la xumaaday, wuxuuna ka qariyay qoyskiisa isagoo ceeb ka carar ah ayuuna saaxiibtiisii dilay sida maxkamaddu sheegtay.
