02/04/2026
Ինչ պետք է իմանալ,և ինչպես պատրաստվել կենդանուն զուգավորելուց առաջ`💚
1.Լիարժեք անասնաբուժական զննում`
Շունը պետք է լինի ընդհանուր առողջ վիճակում՝ առանց ջերմության, մաշկային խնդիրների, ականջաբորբի, հազի, փորլուծության, միզասեռական խնդիրների կամ քրոնիկ հիվանդության սրացման։ Արուն ու էգը երկուսն էլ պետք է անցնեն անասնաբուժական զննում։
2.Բրուցելոզի թեստ
Brucella canis-ը կարող է բերել անպտղության, վիժման և վարակի տարածման։ Էգին պետք է ստուգել յուրաքանչյուր պլանավորված զուգավորումից առաջ, խորհուրդ ենք տալիս երկուսին էլ ստուգել նախքան զուգավորումը։
3.Պատվաստումներ և մակաբույծների վերահսկում
Պատվաստումները պետք է լինեն ժամանակին արված մինչև հղիանալը, ոչ թե արդեն հղիության ընթացքում։ Նույնը վերաբերում է ներսի և արտաքին մակաբույծների վերահսկմանը՝ խորհուրդ ենք տալիս կատարել մշակումները զուգավորումից առնվազն երկու շաբաթ առաջ։
4.Տարիք և ֆիզիկական հասունություն
Շատ կարևոր է, որ հատկապես էգը հղիանա ոչ թե առաջին իսկ սեռական ցիկլից, այլ լիարժեք ֆիզիկապես հասուն, ցանկալի է լինի առնվազն մոտ 2 տարեկան, ոչ շատ երիտասարդ։
5.Ցեղին բնորոշ գենետիկ և օրթոպեդիկ ստուգումներ
Պետք է նայել տվյալ ցեղին հատուկ ժառանգական խնդիրները՝ օրինակ
հիպ դիսպլազիա
պաթելայի լյուքսացիա
աչքի հիվանդություններ
սրտային խնդիրներ
MDR1 կամ այլ գենետիկ թեստեր՝ ըստ ցեղի։
6.Քաշ և մարմնակազմություն
Չպետք է լինի ոչ չափազանց նիհար, ոչ ճարպակալած։ Սխալ քաշը իջեցնում է բեղմնավորման շանսը և բարձրացնում հղիության/ծննդաբերության բարդությունների ռիսկը։
7.Ճիշտ ցիկլի օրերի ընտրություն
Էգը պետք է զուգավորվի ոչ թե պարզապես “արյունահոսության օրերին”, այլ օվուլյացիային մոտ ճիշտ օրերին։ Դրա համար ամենահուսալի տարբերակը ցիկլի 8-12րդ օրերն են։ Սխալ օր ընտրելը շատ հաճախ “չբեղմնավորվելու” հիմնական պատճառն է։
8.Վերարտադրողական օրգանների վիճակ
Պետք է բացառել հեշտոցաբորբ, պրոստատայի խնդիր, ամորձիների խնդիր, պիոմետրա, աննորմալ արտադրություն, ցավ, Պիոմետրան, օրինակ, կյանքին վտանգավոր վիճակ է և նման շունը բուծման համար պիտանի չէ։
9.Բնավորություն և վարք Ագրեսիվ,
Ուժեղ վախկոտ կամ անկայուն հոգեկերտվածքով շներին ցանկալի չէ բուծել, որովհետև դա նույնպես փոխանցվող/խորացող խնդիր կարող է դառնալ։
10.Պատրաստ լինել հղիության ու ծննդաբերության ծախսերին
Մինչև զուգավորելը պետք է արդեն պատրաստ լինել հղիության վերահսկմանը։
*ուլտրաձայն հետազոտություն
*հնարավոր կեսարյան հատում
*լակտացիա
*ձագերի պատվաստում, ճիճվաթափում, խնամք
