Համակցված կերեր & բաղադրիչներ

06/12/2024

27/09/2024

ԶՐՈՒՅՑՆԵՐ ԽՈԶԱԲՈՒՅԾՆԵՐԻ ՀԵՏ
Մաս 4

ՆՈՐԱԾԻՆ ԽՈՃԿՈՐՆԵՐ
ԴԻՏԱՐԿԵԼ – ՄՏԱԾԵԼ – ԳՈՐԾԵԼ

Ի՞նչ է «անձեռոցիկի թեստը»
Նկար №1․ դժվար հասանելի վայրերը սպիտակ շորով սրբելով՝ կարող եք ստուգել, թե արդյոք ծինի հաստոցը ճիշտ է մաքրվել: Աղբը կհավաքվի գործվածքի վրա՝ առաջին հայացքից անտեսանելի: Նույնիսկ գոմաղբի նվազագույն մնացորդները դեռ պարունակում են միլիոնավոր բակտերիաներ և վիրուսներ, որոնք կարող են ապրել մի քանի օր: Գոմաղբը ախտահանելն իմաստ չունի՝ այն նախ պետք է հեռացնել: Ուստի, նախ լվացեք կեղտոտ տեղերը, ապա միայն ախտահանեք մակերեսը։ Երբեք մի տեղաշարժվեք կրծքից կտրելու տարածքից դեպի ծինի տարածք, քանի որ ձեր մաքրման բոլոր ջանքերն ապարդյուն կլինեն: Փոխեք ձեր կոշիկները կամ օգտագործեք առանձին կոշիկներ յուրաքանչյուր սենյակի համար:
3 ամիս, 3 շաբաթ և 3, 4 կամ 5 օր:
Ծննդաբերությունը խթանելու միակ առավելությունն արտադրական գործընթացների առավել արդյունավետ կառավարման հնարավորությունն է. ծննդաբերությունն ընթանում է ավելի «համերաշխ», անձնակազմի ծանրաբեռնվածության հատվածները, երբ պահանջվում է անասունների ինտենսիվ խնամք, կրճատվում են: Այնուամենայնիվ, հղիության ժամկետները յուրաքանչյուր ֆերմայում տարբեր են: Խոզամայրը չպետք է խթանվի մինչև հղիության 113-րդ օրը: Վաղաժամ ծնված խոճկորները դեռ «հասուն» չեն, նրանք ցածր կենսունակություն ունեն, քանի որ շնչուղիների և աղիքների ձևավորման վերջնական ընթացքը դեռ չեն ավարտվել։ Իսկ ուշ խթանումն անիմաստ է, քանի որ ծննդաբերության բնական գործընթացն արդեն սկսված է:

№2 նկարում վաղահաս խոճկորներն են։ Նրանք մահանալու ավելի մեծ վտանգի տակ են
ծնվելուց հետո առաջին 24 ժամվա ընթացքում՝ հետևյալ պատճառներով․
• գլիկոգենի ավելի փոքր պաշարներ;
• ավելի փոքր ճարպային պաշարներ;
• խիժի սպառման ցածր մակարդակ, ինչի հետևանքով խոճկորները մրսում են;
• թերզարգացած թոքեր;
• թուլացած, փախչող վերջույթներ (սահմանափակ շարժունակություն).

Ի՞նչ է պետք նախատեսել ծինի համար (նկ․№3)

ՈՂՋ ԵՎ ԱՌՈՂՋ
Կենդանի ծնված խոճկորների թվի աճի հետ խոճկորների միջին կենդանի քաշը նվազում է, իսկ մահացած խոճկորների թիվը՝ ավելանում: Ընդ որում, ծինի մեջ ամենափոքր խոճկորները ծնվում են էլ ավելի փոքր և ամենաշատն են տուժում, և, հետևաբար, նրանք էլ ավելի մեծ ուշադրություն են պահանջում: Միջին հաշվով թույլատրվում է ոչ ավելի, քան մեկ մահացած խոճկոր մեկ ծննդաբերության համար: Կանխե՛ք մահացած ծնունդները՝ վերահսկելով խոճկորների ծնունդների միջև ընկած ժամանակահատվածը, ժամանակին հետևելով խոզամայրին և համոզվելով, որ խոճկորները շարժունակ են ծնվելուց անմիջապես հետո:

Հանգիստը խիստ պարտադիր է։ Նորածինների մոտ առաջին խոճկորը հաճախ մահացած է ծնվում, քանի որ առաջին պտուղը պետք է լայնացնի ծննդուղիները և երբեմն չի կարողանում դիմակայել նման սթրեսին: Տարիքով խոզամայրերի մոտ վերջին խոճկորն է հաճախ մահացած ծնվում՝ խոզամայրի թույլ օրգանների և կենսունակության պակասի պատճառով:

Խոճկորներն իրենք են խթանում ծինը
Ծնվելուց կարճ ժամանակ առաջ խոճկորները սկսում են արտադրել սթրեսի հորմոն (կորտիզոլ), քանի որ արգանդում տարածությունը և արյան մատակարարումը սահմանափակ են: Արգանդն արձագանքում է՝ արտադրելով պրոստագլանդիններ, որոնք առաջացնում են ծննդաբերության սկիզբը: Արդյունքում, բազմաթիվ ծինը հայտնվում է ավելի վաղ, իսկ սակավաթիվ ծինը՝ ավելի ուշ: Երկու խմբերն էլ հատուկ ուշադրություն են պահանջում։

ՓԱՍՏԵՐ ՄԵՌԵԼԱԾԻՆՆԵՐԻ ՄԱՍԻՆ
•Սատկած ծնված խոճկորների 20%-ը սատկում է նույնիսկ պտղի արտաքսման ընթացքի սկսվելուց առաջ։ 80%-ը մահանում է ծննդաբերության ժամանակ կամ ծնվելուց անմիջապես հետո։
• Ծննդաբերության տևողությունը մեկից ութ ժամ ավելանալու դեպքում մեռելածին խոճկորների տոկոսը 2,5%-ից հասնում է 10,5%-ի:
• Վերջինը ծնված խոճկորը 50%-ից պակաս հավանականություն ունի ողջ մնալու մինչև կաթից կտրվելը:
• Խոճկորների աշխարհ գալու ժամանակային միջակայքը, որպես կանոն, չի գերազանցում 15 րոպեն։ Մեռելածին խոճկորները հաճախ հայտնվում են միայն 45-60 րոպե հետո։
• Մեռելածին խոճկորների 80%-ից ավելին ծինի վերջին երրորդից են:

Դանդաղ, ավելի դանդաղ, չափազանց դանդաղ
№5 նկարում պատկերված դեղին լորձով պատված խոճկորները նշան են, որ ծննունդը դանդաղ է ընթացել։ Այս խոճկորը արգանդից արտաքսման ժամանակ արտաթորել է ամնիոտիկ հեղուկի մեջ: Որքան դանդաղ է պտուղը շարժվում ծննդուղիներով, այնքան մեծ է թթվածնի պակասի վտանգը: Սրա հետևանքը շնչահեղձության նշաններով սատկած պտղի կամ խոճկորի ծնունդն է՝ նրա արյունը մակարդված է, քանի որ. պարունակում է մեծ քանակությամբ կաթնաթթու և ածխածնի երկօքսիդ: Այսպիսի խոճկորները ավելի անտարբեր են և ավելի դանդաղ են խմում խիժը։ Նրանց մարմնի ջերմաստիճանը ծնվելուց հետո առաջին օրը երկու աստիճանով ցածր է, քան արագ ծնված խոճկորներինը։

Օքսիտոցին հորմոնը հաճախ օգտագործվում է ծննդաբերությունն արագացնելու համար (նկար №6): Սակայն սխալ օգտագործման դեպքում այն կարող է հակառակ էֆեկտ առաջացնել՝ արգանդի մկանների կծկումը հանգեցնում է նրան, որ խոճկորները լռվում են ծննդուղիներում։ Միանգամից օգտագործեք ոչ ավելի, քան 0,5-1 մլ դեղամիջոց (5-10 IU ներարկում պարանոցում), ոչ ավելի, քան երեք անգամ՝ ներարկումների միջև 1 ժամ ընդմիջումով: Նախ ստուգեք խոզամայրի ծննդուղիների վիճակը: Իսկ ծննդաբերության ժամանակ մի օգտագործեք օքսիտոցինի երկարատև ազդող տեսակը:

Փայլուն մեկնարկ
Ծնվելուց հետո եռանդուն խոճկորն արագորեն ոտքի է կանգնում և փնտրում մոր պտուկները: Նա ընտրում է լավագույն խուլը և լցնում փորը։ Կենսունակությունը սուբյեկտիվ հասկացություն է, ուստի, եթե որևէ բողոք ունեք ծինի կենսունակության վերաբերյալ, համոզվեք, որ ճշգրիտ եք նկարագրում ախտանիշները: Անհրաժեշտության դեպքում, շաբաթվա ընթացքում ավելի ուշադիր հետևեք ծննդաբերություններին. Որքա՞ն է տևում ծննդաբերությունը: Որքա՞ն է խոճկորների հայտնվելու ժամանակային միջակայքը: Ե՞րբ է խոճկորն առաջին անգամ սկսում խմել խիժը: Համեմատեք տարբեր ծիների ցուցանիշները՝ ֆերմայում կենսունակության ընդհանուր մակարդակի մասին ավելի լավ պատկերացում ստանալու համար:

Նկար №7․ Ցածր քաշ ունեցող խոճկորները կյանքի բոլոր փուլերում ավելի դանդաղ են աճում։ Հատկապես հետ են ընկնում ծնվելուց հետո առաջին օրերին՝ 900 գրամից պակաս քաշով։ Կաթից կտրելու պահին 6 կգ-ից պակաս քաշը նույնպես ցույց է տալիս խոճկորների կորսվելու բարձր ռիսկը: Օգտագործեք խոհանոցային կշեռք՝ ծինի երկու ամենաթեթև և երկու ամենածանր խոճկորներին կշռելու համար՝ պատկերացում կազմելու համար խոճկորների միջին քաշի մասին:

26/09/2024

23/09/2024

ԶՐՈՒՅՑՆԵՐ ԽՈԶԱԲՈՒՅԾՆԵՐԻ ՀԵՏ
Մաս 3
ԽՈՃԿՈՐՆԵՐԻ ԽՆԱՄՔ

Ներքևի №1 նկարում կարող եք տեսնել խոճկորների դատարկ բոքսը, որտեղ խոճկորները թողնված են իրենց հայեցողությանը։ Փոխարենը այս բոքսը հեշտ է մաքրել և կարիք չկա լրացուցիչ աշխատանքների, որոնք հասցված են նվազագույնի։ Սա իսկական սպարտացիների սենյակ է հիշեցնում։

Իսկ ահա №2-ում պատկերված բոքսում կատարված լրացուցիչ աշխատանքը ապահովում է խոճկորներին առավել հարմարավետ պայմաններ և գոյատևման ավելի մեծ շանսեր։ Բայց բոքսի մաքրման համար ամբողջ սարքավորումը պետք է նախապես հեռացնել։

ԽՈՃԿՈՐՆԵՐԻ ՄԱՍՆԱԲԱԺՆԻ ՀԱՏԱԿԻ ՏԱՐԲԵՐ ԾԱԾԿՈՒՅԹՆԵՐԻ ԱՌԱՎԵԼՈՒԹՅՈՒՆՆԵՐՆ ՈՒ ԹԵՐՈՒԹՅՈՒՆՆԵՐԸ ԸՍՏ 0-5 ԲԱԼԱՆՈՑ ԳՆԱՀԱՏՄԱՆ ՍԱՆԴՂԱԿԻ

Սալիկ – հիգիենա/0, խոճկորների կոմֆորտ/0, խոզամայրի կոմֆորտ/2, աշխատանք/0, խոճկորների ակտիվություն/0, արժեք/4

Բետոն - հիգիենա/0, խոճկորների կոմֆորտ/0, խոզամայրի կոմֆորտ/2, աշխատանք/0, խոճկորների ակտիվություն/0, արժեք/4

Tri-bar (եռակողմ պողպատ) - հիգիենա/3, խոճկորների կոմֆորտ/0, խոզամայրի կոմֆորտ/2, աշխատանք/2, խոճկորների ակտիվություն/3, արժեք/1

Կոշտ պլաստիկ - հիգիենա/3, խոճկորների կոմֆորտ/0, խոզամայրի կոմֆորտ/2, աշխատանք/2, խոճկորների ակտիվություն/3, արժեք/1

Ծածկույթով պողպատ - հիգիենա/2, խոճկորների կոմֆորտ/3, խոզամայրի կոմֆորտ/0, աշխատանք/4, խոճկորների ակտիվություն/4, արժեք/3

Չուգուն - հիգիենա/3, խոճկորների կոմֆորտ/0, խոզամայրի կոմֆորտ/5, աշխատանք/3 խոճկորների ակտիվություն/5, արժեք/1

ԾՆՆԴԱԲԵՐՈՒԹՅԱՆ ՄԱՍՆԱԲԱԺԻՆԸ ԱՊԱԳԱՅՈՒՄ
Ծինի իդեալական բոքսը ապագայում պետք է բավարարի տնտեսական գործունեության պահանջները (խոճկորների առավելագույն քանակի ծին ապահովելու համար) և միևնույն ժամանակ ապահովում է հարմարավետ կացարան խոզամայրի և նրա մեծ ծինի համար (ավելի քան 14 խոճկոր):
Դեռևս հնարավոր չէ միաժամանակ բավարարել խոզի, խոճկորների և աշխատողների բոլոր կարիքները։ Սակայն կա սարքավորումների առատ ընտրություն, և յուրաքանչյուրը կարող է ընտրել իրեն առավել համապատասխանը:

ԲՆՈՒԹՅԱՆ ՄԵՋ
Բնության մեջ վայրի խոզերը հղիության վերջում որոնում են հարմար ապաստան, որտեղ պետք է ծնեն: Բույնը, առնվազն մի կողմից, պետք է պաշտպանված լինի բլրով, քարով կամ թփով: Խոճկորները ծնվում են խմբի այլ անդամների աղմկոտ ձայներից հեռու՝ փոքր փոսի կամ խոռոչի մեջ:
Ծննդաբերության ժամանակակից սարքավորումները թույլ չեն տալիս խոզամայրին բույն կառուցել, սակայն այնպիսի նյութերի առկայությունը, ինչպիսիք են թեփը կամ ծղոտը, օգնում է նվազեցնել մեռելածնությունների թիվը և կանխել խոճկորների՝ սթրեսի պատճառով ճզմվելը:

№ 3 նկարում պատկերված բոքսի հատակը նմանակում է այն խոռոչը, որը բնության մեջ ընտրում է խոզամայրը ծինի համար։ Խոճկորների առջևի ոտքերի համար փոքրիկ ակոսը բարելավում է մուտքը դեպի մոր պտուկները և կանխում ոտքերի վնասվածքները: Այստեղ և՛ խոզամայրը, և՛ խոճկորները կարծես ավելի երջանիկ և առողջ են:

№4 նկար․ խեղդված խոճկորների թիվը զգալիորեն կրճատվում է շարժական հատակով բոքս օգտագործելիս: Հենց խոզամայրը սկսում է շարժվել, հատակը բարձրանում է, իսկ խոճկորները մնում են ապահով «ցածր մակարդակի վրա»: Կախված բոքսի մոդիֆիկացիայից՝ կա՛մ խոճկորներն են իջնում, կա՛մ մայրն է բարձրանում:

№5 նկարում պատկերված շվեյցարական բոքսը նախագծվել է, հաշվի առնելով խոզերի բնական վարքագիծը: Խոզամայրը առանց սահմանափակումների կարող է զբաղվել բնի բարեկարգմամբ։ Ի հավելումն խոզամայրի ազատ տեղաշարժման պահանջին, շվեյցարական օրենսդրությունը պարտավորեցնում է ֆերմերին ծննդաբերության շրջանում ավելացնել հինգ կիլոգրամ թակած ծղոտ: Սա զգալիորեն նվազեցնում է խոզամայրի սթրեսը և խոճկորների մահացությունը նախքան կաթից կտրելը:

№6 նկար. Նիդեռլանդների օրգանական խոզաբուծական ֆերմաներում ծնած խոզամայրերը պետք է կարողանան ազատ տեղաշարժվել սկսած ծննդաբերությունից հետո երրորդ օրվանից: Ծննդաբերության բոքսի մակերեսը հասնում է 10 մ²-ի (7,5 մ² ներսում + 2,5 մ² դրսում), իսկ խոճկորները կաթից կտրվում են միայն 40-րդ օրվանից հետո։

ՄԱՔՐՈՒԹՅՈՒՆ
Ծինից առաջ համոզվեք, որ խոճկորները ստիպված չեն լինի ծնվելուց անմիջապես հետո ենթարկվել մանրէների հանկարծակի հարձակմանը: Հոգացեք, որ ծինի բոքսը մանրակրկիտ մաքրված և ախտահանված լինի, խոզամայրը՝ լողացված, իսկ թարմ գոմաղբը պարբերաբար հեռացվում է: Սա կապահովի, որ նորածին խոճկորները չեն վարակվի նախորդ ծննդաբերության մանրէներով և կդադարացնի վարակի փոխանցման ցիկլը:

Ինտենսիվ օգտագործման ժամանակ ծինի հաստոցներն ու սարքավորումները ծածկվում են գոմաղբի, փոշու և բակտերիաների շատ բարակ շերտով: Այս բիոթաղանթը ձևավորվում է բոլոր արտաքին մակերեսների վրա և կուտակվում է նաև ջրի խողովակների ներսում: Ատամի փառը բիոթաղանթի ձևավորման ևս մեկ տարածված պատճառ է: Տարածքը մաքրումից առաջ թրջելը արդյունավետորեն քայքայում է բիոթաղանթի մակերեսը՝ ազատելով մեծ քանակությամբ բակտերիաներ: Մանրակրկիտ ախտահանումը պետք է իրականացվի ողողումից հետո մեկից հինգ ժամվա ընթացքում, քանի որ դրանից հետո բիոթաղանթի մակերեսը նորից կփակվի:

ՀԱՐՈՒՑԻՉՆԵՐԻ ԿԵՆՍՈՒՆԱԿՈՒԹՅՈՒՆԸ 20°C ՊԱՅՄԱՆՆԵՐՈՒՄ
PRRS (վերարտադրողական և շնչ․ համախտանիշ) - 8օր
Դիզենտերիա – 24օր
Լավսոնիա - 18օր
Ստրեպտոկոկեր - 3օր
APP (պլեվրոպնևմոնիայի ակտինոբացիլոզ) - 1 օր
Միկոպլազմա - 14օր
Կլոստրիդիում - ամիսներ/տարիներ
Կոկկիդիա (coccidium) - ամիսներ/տարիներ

Լավագույնն այն է, որ տարածքը և պատերը թրջեք փրփուրով, քանի որ փրփուրը հեշտ է նկատել, և դուք վստահ կլինեք, որ ոչ մի սանտիմետր բաց չեք թողել։ Թրջելուց առաջ հեռացրեք չամրացված նյութերը, հեռացրեք աղբը և մաքրեք գոմաղբի կանալները: Բարձր ճնշման խողովակով մաքրեք տարածքը շուրջ 1 ժամ, լվացեք և ախտահանեք: Ամեն անգամ, երբ մաքրում եք հաստոցը, մի՛ մոռացեք անցումների մասին։ Եթե մաքրությունը կանոնավոր կերպով պահպանվում է, ապա դրանք մաքրելը մեծ ջանք չի պահանջում։

Նույնիսկ գետնից մեկ մետր կամ ավելի բարձր մակարդակի վրա դուք դեռ կգտնեք մանրէներով «հարստացված» փոշու և գոմաղբի շերտ: Ծինի թաց հաստոցը իդեալական միջավայր է միկրոօրգանիզմների բազմացման համար: Հետևաբար, մաքրեք նաև մետրանոց նիշից վերև գտնվող մակերեսը և սենյակը թողեք դատարկ ավելի քան 24 ժամ, որպեսզի լավ չորանա:

18/09/2024

17/09/2024

ԶՐՈՒՅՑՆԵՐ ԽՈԶԱԲՈՒՅԾՆԵՐԻ ՀԵՏ
Մաս 2
ԿԱԹԻՑ ԿՏՐԵԼՈՒՑ ՀԵՏՈ
Ամենակարևորը, որ կաթից կտրված խոճկորները պետք է շարունակեն կերակրվել։ Ջուրը, կերը, խնամքը կարևոր ատրիբուտներ են։ Քաղցած խոճկորներին ի հայտ բերելը կարևոր առաջնահերթություն է։ Բոլորովին դժվար չէ հայտնաբերել նաև միկրոկլիմայի հետ կապված խնդիրները` վերլուծելով խոճկորների վարքագիծը, մասնավորապես հանգստի պահին։
Թվենք մի քանի կարևոր ասպեկտներ, որոնց վրա պետք է առանձնակի ուշադրություն դարձնել․
- միաժամանակյա կերակրում
- ջուրն առանձնացված է կերից
- միջանցիկ քամիների բացառում
- նվազագույն ազդանշանների հայտնաբերում
- հազի կամ լուծի բացակայություն
- նույն ծնի խոճկորների համատեղ խնամք
- լավ լցված փորիկներ
- թարմ, համեղ կեր
- հարմարավետ ջերմաստիճան
- բաց գույնի կերաման
Մեծ թվով առողջ խոճկորների հաջող ծինի համար մի քանի նախադրյալներ են անհրաժեշտ։ Նախ՝ խոզի ճիշտ և ժամանակին բեղմնավորումը։
Երկրորդ՝ լիարժեք հանգիստ հղիության ընթացքում և բալանսավորված կերակրում, ինչպես նաև ծննդաբերության տարածքի պատրաստում ֆերմայի պայմաններին և ֆերմերի կարիքներին համապատասխան:
Արժե ժամանակ ծախսել այս հարցերը ճիշտ կազմակերպելու համար:
Վերջին տասնամյակների ընթացքում, 3 տարին մեկ, խոճկորների թիվը 1 ծինի հաշվարկով ավելացել է մոտավորապես 1 գլխով, ինչը հանգեցրել է ծնված խոճկորների միջև մրցակցության աճին: Արդյունքում ծնված խոճկորների միջին քաշը աստիճանաբար նվազել է, իսկ կենսունակության ցուցանիշները՝ վատացել։
Ինչպե՞ս կարելի է փոխել իրավիճակը:
Դրա շտկումը սկսվում է արտադրողականության վրա ազդող գործոնների ըմբռնմամբ, այդ թվում՝
• գենետիկա;
• խոզի արգանդի ֆիզիոլոգիական զարգացում;
• սաղմի իմպլանտացիայի տարիքի և ժամկետների տարբերություն;
• սպառված կերի քանակ
• հղիության ընթացքում սննդակարգի կազմ (սննդարար նյութեր);
• ծինի տևողություն
• միջավայրը, որում ծնվում են խոճկորները (խնամքի պայմաններ և միկրոկլիմա);
• խիժի (молозиво) առկայություն

Իմիջիայլոց
Բտման շրջանում անճարպ մսի ձևավորման արագությունը այն հիմնական հատկանիշն է, որին ուշադրություն է դարձվում վարազների բուծման ժամանակ: Այնուամենայնիվ, անճարպ մսի ձևավորման բարձր մակարդակը հաճախ ուղեկցվում է կենսունակության նվազմամբ: Անճարպ մսի բարձր մակարդակ ունեցող խոճկորները ավելի շատ ուշադրություն և խնամք են պահանջում ձագերի բոքսում: Այսօր բուծողները ավելի ու ավելի են նախապատվությունը տալիս խոճկորների կենսունակությանը, և հենց տարբեր ցեղատեսակների խաչասերման արդյունքում ստացված հիբրիդային կենդանիներն են բնութագրվում կենսունակության բարձր մակարդակով։

Ի դեպ
ամենաբարձր կենսունակությամբ, սակայն անճարպ մսի ամենացածր պարունակությամբ աչքի են ընկնում Բերկշիրյան և Մեյշան ցեղատեսակները
Լանդրասին բնորորշ է միջինից մի փոքր ցածր կենսունակություն և անճարպ մսի պարունակություն
Յորքշիր ցեղատեսակը համեմատաբար ցածր կենսունակություն ունի, սակայն՝ անճարպ մսի պարունակության միջին ցուցանիշ
Հեմփշիր և Դյուրոկ ցեղատեսակներն ունեն բավականին բարձր կենսունակություն և անճարպ մսի պարունակության միջին մակարդակ
Գերմանական Պյետրենը պարունակում է անճարպ մսի բարձր մակարդակ, սակայն՝ կենսունակության միջին ցուցանիշ
Անճարպ մսի պարունակության ամենաբարձր մակարդակն ունի Բելգիական Պյետրենը, բայց այս ցեղատեսակն ունի ռեկորդային ցածր կենսունակություն

ՀԱՄՍԵՌՈՒԹՅՈՒՆԸ ԿԱԽՎԱԾ Է ԲԵՂՄՆԱՎՈՐՈՒՄԻՑ
Խոճկորների կենդանի քաշի ցուցանիշի ցրվածությունը ծննդյան ժամանակ որոշվում է ծնվելուց երեք-չորս ամիս առաջ՝ օվուլյացիայի, բեղմնավորման և սաղմի իմպլանտացիայի ժամանակ: Խոզամայրը պետք է վերականգնվի նախորդ լակտացիայից հետո և լավ վիճակում լինի։ Միայն այս դեպքում նրա օրգանիզմը բավականաչափ էներգիա կկուտակի ձվաբջիջների պատշաճ զարգացման համար։ Եթե բոլոր պայմանները բավարարվեն, մի քանի ձվաբջիջների օվուլյացիան տեղի է ունենում միաժամանակ, ինչը նշանակում է, որ իմպլանտացիայի պահին սաղմերը նույն տարիքի կլինեն: Բեղմնավորումից առաջ մեկ շաբաթվա ընթացքում սննդակարգում շաքար ավելացնելը կարող է օգնել այս գործընթացին (դեքստրոզը ամենահեշտն է ներծծվում արյան մեջ): Սա խթանում է ինսուլինի արտադրությունը, որն իր հերթին դրական է ազդում ձվաբջիջների հասունացման և օվուլյացիայի վրա։

Խոճկորի համի զգացողությունը սկսում է զարգանալ դեռևս արգանդում։ Խոզի կողմից սպառված կերից բուրավետ նյութերը ազդում են ամնիոտիկ հեղուկի վրա, որը խոճկորը ժամանակ առ ժամանակ կուլ է տալիս: Եթե դուք ավելացնեք այս նյութերը, օրինակ, նախաստարտային կերի մեջ, ապա խոճկորները դրանք ավելի շատ կուտեն:

Ձկան յուղի գաղտնիքը
Հղիության ընթացքում մայր խոզի կերին ձկան յուղ ավելացնելը կարող է մեծացնել կաթից կտրված խոճկորների թիվը՝ հղիության ժամկետի երկարացման շնորհիվ: Արդյունքում, ծնվելու պահին խոճկորները ունենում են ավելի լավ զարգացած ուղեղ, նրանց կենդանի քաշն ավելի մեծ է, և նրանք ավելի շատ գլիկոգեն են կուտակում։ Արդյունքն ավելի կենսունակ խոճկորներն են՝ ավելի մեծ էներգիայի պաշարներով և գոյատևման ավելի մեծ հնարավորություններով:

Նույնիսկ արգանդը ստերիլ օրգան չէ։ Շրջակա միջավայրի վարակները կարող են ներթափանցել խոճկորի մեջ մոր արյան միջոցով։ Խոճկորները կարող են վարակել միմյանց ամնիոտիկ հեղուկի միջոցով: Ծննդաբերության ժամանակ արգանդի վզիկը բացվում է, և խոճկորները անմիջական շփման մեջ են մտնում ծնուղիների պաթոգենների հետ: Թույլ մի տվեք, որ նրանք ծնվեն կեղտոտ հատակի վրա, ժամանակին մաքրեք կղանքը:

Յուրաքանչյուր խոզամայր եզակի է։ Արգանդի ֆիզիոլոգիական ներուժը և ընկերքի արդյունավետությունը, որոնցից կախված են խոճկորների քանակն ու կենսունակությունը, գենետիկորեն նախորոշված են։ Եթե ցանկանում եք ունենալ շատ և առողջ խոճկորներ, հիշեք այս մասին ցեղատեսակն ընտրելիս։

Ծնող խոզամայրի իդեալական հաստոցի ընտրություն
Ծնի հաստոցները շատ տարբեր կոնստրուկցիաների և չափերի են։ Սակայն ո՞րն է լավագույնը։ Ահա մի քանի խորհուրդներ, որոնք կօգնեն ձեզ ճիշտ ընտրություն կատարել․
• Ծննդաբերության սենյակի չափը ընտրում են հաշվի առնելով ծնվող խոճկորների քանակը:
• Մոր պտուկների հասանելիություն (ներքևի կարգավորվող-շարժական բար):
• Մայր խոզի տակ չսահող հատակ։
• Խոզի գլուխը դեպի պատն է կամ անցուղին:
• Մարմինն ուղի՞ղ է, թե թեքված անկյան տակ:
• Հատակի ջեռուցման առկայություն.
• Խոճկորների համար բավականաչափ տարածություն մոր շուրջը տեղաշարժվելու համար:
• Թարմ օդ և բարենպաստ կլիմա խոզի համար:
• Բնադրման հարմարավետ տարածք մոր երկու կողմերում
• Լրացուցիչ միջանցք զննման համար
• Խոճկորների համար խաղալու տեղ

Նկարում խոզամայրը հազիվ է տեղավորվում ծինի այս հաստոցի մեջ: Մի՛ գնեք նոր սարքավորումներ, որոնք նույն չափի են, ինչ նախկինում օգտագործել եք: Ժամանակակից խոզերն ավելի մեծ են: Ծինի փոքր հաստոցը վատթարացնում է խոզամայրի վիճակը և հանգեցնում է ճզմված խոճկորների քանակի ավելացմանը, քանի որ նման պայմաններում խոզամայրի համար ավելի դժվար է պառկել և վեր կենալ։

22/04/2024

Сегодня это уместно вспомнить, в свете согласия Пашиняна сдать Азербайджану еще 4 армянских села вместе с армянами. В Баку сегодня по этому поводу уже празднуют с ф....