01/09/2025
Nga rastet më të vështira dhe më prekëse që kemi hasur në Strehëzën Veterinare ishte ai i një qeni mashkull që mbërriti tek ne, në një gjendje tepër të rënduar! 🐾
Situata ishte shumë serioze! Pacienti kishte vështirësi të theksuar në frymëmarrje, vështirësi të vazhdueshme në gëlltitje dhe dhimbje të madhe sa herë përpiqej të ushqehej apo të hapte gojën.
Lezionet kishin përfshirë thuajse të gjithë gojën, gjuhën, mishrat e dhëmbëve, faqet e brendshme dhe zonën e fytit, duke e bërë jetesën e tij të përditshme jashtëzakonisht të vështirë. Ishte e qartë që ndërhyrja nuk mund të priste!
Vendosëm të ndërhynim menjëherë me një procedurë kirurgjikale të plotë nën anestezi të përgjithshme. Ndërhyrja zgjati disa orë dhe ishte një nga procedurat më të ndërlikuara që kemi hasur deri tani. Çdo hap kërkonte kujdes maksimal për të hequr me saktësi formacionet pa dëmtuar indet jetike, për të kontrolluar gjakderdhjen dhe për të siguruar që frymëmarrja dhe funksioni i ushqimit të ruheshin gjatë gjithë kohës.
Me përkushtimin dhe bashkëpunimin e të gjithë ekipit arritëm të realizonim me sukses të plotë këtë ndërhyrje komplekse. Pacienti u zgjua pa komplikacione dhe aktualisht është nën trajtim post-operator me gjendje të qëndrueshme dhe përmirësim të dukshëm. Tani ai mund të marrë frymë më lirshëm, ka rifilluar të ushqehet dhe është në rrugën e duhur drejt rikuperimit të plotë.
Ky ishte një rast që kërkoi shumë mund, kohë dhe përkushtim, por çdo përpjekje ia vlejti për të sjellë lehtësim dhe jetë më cilësore për një mik të heshtur që kishte shumë nevojë për ndihmë! ❤️
📍 Strehëza Veterinare, Tufinë, Tiranë
🌍 streheza.tirana.al
