Big Big Pet Sitter 寵物保姆

18/01/2025

學校急忙揾我地迎接一隻6歲狗狗回家寄宿8天
任務：餵食+餵藥+陪玩，簡單照顧
Lucky 好乖，好痴人
好快就過咗8日，明天要回家啦，好開心識到你
仲送個goodbye kiss 比我 多謝你呀～❤️🥰

17/01/2025

05/01/2025

我朋友另一隻寶貝貓貓
高高在上的哥哥～雪糕哥
樣子都係比較cool
但佢喜歡親近人架🤗🩷
同哥哥係最快可以熟落🥰

上門服務：
餵食、清潔貓砂、陪玩

02/01/2025

2025年1月1日 出去開工
有朋友離港幾天，要幫手上門照顧貓貓😺

呢個女，令人又愛又恨…
佢樣子極可愛，但極有性格🤭
佢叫黑豆妹
一行埋去就閃開啦～
最後，偷偷地攝埋去, 成功同佢合照啦～ 😍😍

上門服務：
餵食、清潔貓砂、陪玩

22/12/2024

7/7/2024

今日早上最後一日為Miu Miu服務❤️🥰

Miu Miu一見到我開門就主動走埋黎歡迎我，係我見到佢精神最好嘅一日，可能佢知道主人今晚就會返屋企陪佢🤭

（唔知道多唔多主人會因為好奇去學寵物傳心呢？
我就係一個好奇寶寶😁會好想知道動物內心世界係點樣嘅🤗學完之後，我想講：係真㗎💯👍呢個話題將來有機會再同大家分享😎）

入屋見到尿片上有幾粒便便，表面無血，再壓爛裡面睇過，都係無血，相信Miu Miu腸胃炎問題已經有少少好轉。早餐胃口一般，我分開幾次氹佢，最後都係冇食曬啲糧🥲

陪多Miu Miu一陣，見佢無唔舒服就放心離開，今次的寵物保姆照顧服務圓滿結束。

～～～～～～～～～～～～～～～～～～～～～
Miu Miu 身體雖然患有略為嚴重問題，但係無論如何新圍寵物保姆的我們都會盡心盡力去照顧，每次都會每天send訊息update主人，讓主人知道毛孩每日嘅狀況，即使主人去到世界不同地方，只要係收到網絡，都會收到我們的報告 😎盡力讓主人安心，放心🩷

好多謝Miu Miu 和主人畀我哋 Big Big 有機會做寵物保姆上門服務嘅經驗，我地不會忘記你們，感恩有緣結識你們和有機會為Miu Miu服務❤️

07/12/2024

毛孩老了………

✅當不吃不喝沒精神、越來越瘦、後腳沒力、行動變得緩慢？越訓越無力？
✅食好多supplement都無好轉，唔吸收？
✅每次出去動物診所/醫院做復健療程，出入唔方便？費用又好昂貴？

毛孩主人的您，願意給年老毛孩一個轉變嘛？
我們能夠上門為有需要的毛孩做肌肉訓練
可以強化肌肉，連香港獸醫都未必知的訓練🤭
我們家中的18歳長老Coffee 體驗了，係work 架！
歡迎PM 我們了解詳情啦☺️給年老的毛孩一個復健機會💪

1️⃣☎️我們需要通過電話與主人進行毛孩現時身體狀態評估
2️⃣我們會提供一個優惠上門服務費讓毛孩體驗
3️⃣每次會紀錄過程和訓練後的效果
✅過程絕對安全❌無任何風險

Big Big Pet Sitter ❤️
我們是寵物保姆，也是動物鍛鍊肌肉的教練🤗
💪認可資格：專業寵物保姆証書課程、獸醫助護課程、動物急救、高級動物按摩證書課程
🐶🐱服務：上門幫助動物肌肉骨頭鍛鍊，改善肌肉萎縮，強化關節，配合按摩手法，同时上門照顧毛孩起居飲食，遛狗，陪玩等等
🩷目標：能為動物提供優質復健和照顧毛孩的貼心服務，提升牠們生活質素，活得開心健康

07/12/2024

6/7/2024

今日上門見到Miu Miu尋晚曾經嘔過幾次，我去到之後仲肚屙咗3次，幾次便便表面都明顯見到有血，而且仲有腥味，好肯定內臟有問題。雖然佢好精神，但係食慾不振，唔肯食糧。

Miu Miu 到晚上就好胃口啲，食晒全部糧，餵佢食糧嘅時候引佢行咗一陣。之後再餵藥，餵完藥觀察一陣見佢無乜問題，喺床仔瞓覺才放心離開。

Miu Miu 要加油呀，媽媽好快返來架啦～🩷

04/12/2024

5/7/2024

今早Miu Miu好有精神, 不過聽到佢呼吸有點大力，肚仔好脹，但都願意週圍行，我幫佢做咗幾分鐘按摩舒緩一下。

之後食早餐，餵完藥，觀察多一陣，結束上午服務。

到晚上，見到Miu Miu都有精神，肯走動，明顯比尋日好好多，有幾粒便便成形，正常唔太淋。

晚餐胃口唔太好，都係要用手逐粒餵先肯食。
飯後第一次便便比較正常，但係第二次變返淋身，所以留多15分鐘觀察佢，見佢之後肯趴低想瞓覺先離開。

明天見🥰

01/12/2024

4/7/2024

今日上午去到見到Miu Miu，精神唔錯，我餵完佢第一次藥之後，隔一陣餵糧，點知佢肚屙，跟住仲嘔，我即刻同主人溝通，主人話平時都係咁，可以照比早餐佢食，再觀察。

Miu Miu 又再肚痾，始終都有慢性病, 又有腹水，一定唔舒服，狀況唔好，便便唔成形仲好腍。屙完之後都唔肯食嘢，我唯有將乾糧放在手上俾佢食，但係佢食咗一兩啖又唔肯食，隔多一陣餵埋第二次藥，再觀察一陣先離開。

到夜晚再上去，Miu Miu 今晚食得好快，可能今朝無食，肚仔餓, 食得好急，咳咗幾次，所以我將乾糧放在手上餵佢。

聽日見啦～

29/11/2024

3/7/2024
服務對象：松鼠狗 Miu Miu

因為主人突發事情需要離開香港幾天，Miu Miu 需要早晚餵藥，雖然家中有家傭，但都唔放心，透過寵物學校轉介，我們承接了是次上門照顧Miu Miu的服務😊

我地有事前上門做家訪，要了解毛孩平時生活狀況，性格，飲食模式，便便次數等等，小心聆聽同主人溝通。

毛孩本身患有心臟病、肝、肺、肚有積水等問題，每日都需要食好多藥, 我們上門幫忙基本清潔、換水、換尿片，最重要是餵藥和餵糧，毛孩主人都非常細心，寫好哂每日食藥的份量同時間，我哋就一定無搞錯😊

今日是第一次見面，要和牠獨處，我需要給牠一個空間，給牠一個安全範圍，慢慢等毛孩降低戒心🤗
毛孩有護食問題，我想將跌在地上的糧食放返入碗，佢會吠我🤭加上可能由於佢唔舒服，胃口麻麻，仲有好多糧無食晒😥最終都有乖乖食曬藥，總算順順利利～

聽日再見🩷

06/11/2024

（家中有狗狗腳仔無力，肌肉嚴重流失嘛？）

Milk 13.5歳，今日都夠期去做年檢
結果樣樣指數都暫時尚算好正常🙏
唯一係甩毛揾唔到原因 unknown 🤷🤷
醫生都話Milk身體都無問題, 皮毛嘅嘢就唔好理佢啦😅 無嘢可以做😁顧好佢的健康就夠。

今次去體檢最有驚喜就係比醫生反問我：
Milk今次來個狀態比上年仲好，腰骨痛腳仔啲肉“實的的”（本身Milk 係有先天膝蓋移位，4歳做過手術到以家，關節一向都好鬆，一直有食住supplement，情況都無咩改善，唔轉差都叫好吧）但今次醫生話Milk 腳仔有力左，肌肉實左，問我幫佢做過咩嚟？🤭🤭🤭 我內心突然暗喜，所以驚喜醫生反問我…
我同醫生分享近月幫Milk 每日用機做運動+手法，估唔到 一個月已經有效果，所以我一直觀察同方向係無錯，部機真係可以改善老狗肌肉流失同腳仔無力的問題🙏

下個月醫生都話等埋coffee 做body check 時再比佢睇下coffee的情况，佢都好有興趣想了解部機係點，因為可以醫療上幫到老狗。coffee 現時停左針炙，轉了日日做機去強化肌肉同骨骼👍

連獸醫都反問我，要咨詢我幫狗狗做機的過程係點做……🤷 其實只要揾啱方法幫到人同動物改善佢地問題，就係我的價値🤭👍

13/10/2024

同阿女去睇小忌廉🤭
睇下佢幾開心😁🤣