20/02/2024
Lakumean Farm iha semana ida no antes kolleita buah naga/ dragon fruit/ pittaya kuaze 200kg e tal, balun distribui ona ba kliente regulár no balun mak sai hanesan “customer” foun. Agradese wain ba imi tomak, ne’ebe mak kontinua suporta negósiu kiik ida ne’e. Ami-nia kolleita ho kategoria sazonál ligadu ho produtu orgániku, hodi utiliza deit mak audubu orgániku no tau matan iha parte manutensaun nian; ida ne’e servisu ida ke la fasil. Maibe, ami ida ne’e mak “pride and joy” ka sentimentu orgullu no kontente wainhira bele fornese komunidade, kliente, kolega no família ho produtu lokál no orgániku.
Ho pittaya, ita bele kria ai-han saudável, partikularmente sobremeza oin-oin, hanesan ida ne’ebé mak hatudu iha figura sira iha kraik. Ninia midar mós naturál, nune’e la presiza tau masin-midar barak ka uza “additives” ka pewarna no sabór artifisiál sira seluk. Ami-nia kriasaun favoritu ka reseita mak paun, ne’ebé bele konsumu iha kualkér oras ho xá ka kafé kopu ida.
Loron ruma imi koko tok, e bele partilla mós ho reseita iha nia koluna komentáriu iha okos!!📌
