نبض - Pulse

نبض - Pulse Contact information, map and directions, contact form, opening hours, services, ratings, photos, videos and announcements from نبض - Pulse, Giza.

وراء كل محتوى بيوصلكم، في عقول مبدعة بتبذل أقصى جهدها علشان تطلع أحسن ما عندها🧠✨ وكلنا عارفين ان مفيش مشروع بيقوم غير با...
22/03/2026

وراء كل محتوى بيوصلكم، في عقول مبدعة بتبذل أقصى جهدها علشان تطلع أحسن ما عندها🧠✨

وكلنا عارفين ان مفيش مشروع بيقوم غير بالميمبرز بتوعه ف حبينا نشكرهم علي مجهودهم و اننا نكرمهم تكريم بسيط علي مجهودهم الفترة اللي فاتت ونتمني انهم يستمروا في تميزهم و ابداعهم🤩❤️


#نبض

بالص تتمني لكم عيد فطر سعيد و كل عام وانتم بخير❤️
19/03/2026

بالص تتمني لكم عيد فطر سعيد و كل عام وانتم بخير❤️

أحيانا بننظر علي ما ينقصنا في حياتنا زي المال الذي لم نحصل عليه 💸، الفرصة اللي ضاعت، الشئ اللي بنتمناه ✨. بس مفيش مرة وق...
18/03/2026

أحيانا بننظر علي ما ينقصنا في حياتنا زي المال الذي لم نحصل عليه 💸، الفرصة اللي ضاعت، الشئ اللي بنتمناه ✨. بس مفيش مرة وقفنا لحظة سألنا نفسنا سؤال بسيط كم نعمة نعيش بها الآن دون أن نشعر؟ 🤔

نستيقظ فنجد أنفسنا ما زلنا أحياء، نتنفس بلا تعب 🫁، نري 👀، نسمع 👂، نجد طعاما نأكله وسقفا يحمينا.
كل هذه النعم نعيش معها يومياً، لكنها تصبح غير مرئية لأننا اعتدنا عليها يومياً.

لهذا جاء توجيه عظيم في القرآن يغير نظرتنا للحياة.
قال الله تعالى: "لَئِن شَكَرْتُمْ لَأَزِيدَنَّكُمْ" 📖
تأمل كدة ربنا سبحانه وتعالي لم يقل أن الشكر يحافظ علي النعمة فقط بل أن الشكر هيزود النعمة .

ازاي نطبق الشكر في حياتنا؟ 🧐
• ابدأ يومك بالحمد: عندما تستيقظ، تذكر أن مجرد الاستيقاظ نعمة عظيمة 🤲.
• استخدم نعمك في الخير: فالنعمة التي لا تُشكر قد تزول، لكن النعمة التي تُشكر تزداد.

في النهاية الشكر يغير القلب ❤️ فخلي كلمة الحمد والشكر لله عادة في يومك مش بس لما يجيلك حاجة بتتمناها ولكن اشكر ربنا سبحانه وتعالي دائما في كل الأمور التي تحدث وتذكر دائما أن سر السعادة مش في امتلاك المزيد ولكن في تقدير ما نمتلكه بالفعل 🌟.

Written By: Youssef Ayman
Designed By: Mostafa Abdo

#نبض

الصبر… حكمة ودرس اتعلمناه من القرآن اساسي في حياتنا! 🤍في حياتنا اليومية بنقابل مواقف كتير ممكن تضايقنا أو تخلينا نتوتر ب...
16/03/2026

الصبر… حكمة ودرس اتعلمناه من القرآن اساسي في حياتنا! 🤍

في حياتنا اليومية بنقابل مواقف كتير ممكن تضايقنا أو تخلينا نتوتر بسرعة القرآن بيعلّمنا خُلُق مهم بيساعدنا نتعامل مع كل ده، وهو الصبر.🪐

قال الله تعالى: ﴿إِنَّ اللَّهَ مَعَ الصَّابِرِينَ﴾.
الصبر مش معناه إنك تستحمل وخلاص، لكن إنك تتحكم في رد فعلك وتكمل طريقك حتى لو الأمور مش سهلة و تتطلع منها باكبر استفادة .♥️

إزاي نطبّق الصبر بشكل عملي؟🤔

لو عندك هدف في الدراسة أو الشغل،كمل حتى لو النتيجة مظهرتش بسرعة.
لما تقابل مشكلة، حاول تفكر في حل بدل ما تستسلم للإحباط.

اصبر على العادات الكويسة زي الصلاة أو تنظيم وقتك لحد ما تبقى جزء طبيعي من يومك.🪄

الصبر بيخلينا أقوى من غير ما نبقى قساة، وبيفكرنا إن كل تعب له وقت وهيعدي… وربنا دايمًا مع الصابرين. ✨

Written by: Rasha Khaled
Coordinated by: Ahmed Eraky
Designed By: Mostafa Abdo

🐋 لما تضيق بيك الدنيا.. افتكر إن في "بطن الحوت" كان فيه أمل!​سيدنا يونس عليه السلام، النبي الكريم اللي عاش سنين يدعو قوم...
14/03/2026

🐋 لما تضيق بيك الدنيا.. افتكر إن في "بطن الحوت" كان فيه أمل!

​سيدنا يونس عليه السلام، النبي الكريم اللي عاش سنين يدعو قومه وهما مفيش فايدة، لحد ما صدره ضاق وخرج من غير إذن ربنا.. ركب السفينة، والموج هاج، والقرعة جت عليه هو.. فكان المصير: في قلب البحر، جوه بطن الحوت!

​تخيّل المشهد المرعب..
​نبي وحيد، في بطن حوت، في أعماق المحيط، وفي عز ليل كاحل.. ظلمات فوق ظلمات، زي ما القرآن وصفها:
​﴿وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَىٰ فِي الظُّلُمَاتِ أَن لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ﴾

​مفتاح الفرج في كلمتين ✨
​في اللحظة اللي أي حد يفتكر إنها النهاية، سيدنا يونس مأيسش، ولا اعترض، ولا قال "ليه يا رب؟".. هو عمل حاجة واحدة بس: اعترف وانكسر لله.
​ردد بقلب صادق:
"لا إله إلا أنت سبحانك إني كنت من الظالمين" 🤍

​الوعد الرباني اللي يطمنك ⛈️
​الرد مكنش مجرد نجاة ليونس لوحده، ده كان "صك أمان" لكل واحد فينا لحد يوم القيامة:
﴿فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ وَكَذَٰلِكَ نُنجِي الْمُؤْمِنِينَ﴾

​رسالة ليك إنت.. 💌
​لو حاسس إنك في "ظلمة" مشاكل أو ديون أو ضيق..
​لو شايف إن المخرج مستحيل والأبواب كلها اتقفلت..
​افتكر إن اللي طلّع يونس من بطن الحوت، قادر يطلّعك من همّك في لحظة.

​مفيش حاجة هتنقذك إلا صدق الرجوع لربنا..
خلي "دعوة ذي النون" هي وردك النهاردة، وشوف العجب. ♥️
​

Written by: Rasha Khaled
Coordinated by: Ahmed Eraky
Designed By: Mostafa Abdo

🤔هل ممكن حاجة شكلها شر… وتكون في الحقيقة خير من ربنا؟قصتنا بتبتدي لما بني إسرائيل سألو سيدنا موسى عليه السلام: مين أعلم ...
11/03/2026

🤔هل ممكن حاجة شكلها شر… وتكون في الحقيقة خير من ربنا؟

قصتنا بتبتدي لما بني إسرائيل سألو سيدنا موسى عليه السلام: مين أعلم أهل الأرض؟

واعتقد سيدنا موسى كونه رسول الله أنه الأكثر علماً، فجاوبهم: "أنا".
فعاتبه رب العالمين، وكان الأولى قوله:
"الله أعلم".

وقاله إن فيه عبد صالح أعلم منه اسمه الخضر 👳‍♂️
وإن موسى هيقابله عند (مجمع البحرين)

بيتقابل سيدنا موسى مع الخضر عليهما السلام وبيطلب منه يرافقه ويتعلم من علمه📚
، ولكن الخضر بيقوله إنه مش هيستحمل لأنه مش هيقدر يصبر⏳.
فقاله سيدنا موسى: "إن شاء الله هصبر وأنفذ كل أوامرك" .
وبعدها بتحصل ٣ مواقف مقدرش سيدنا موسى يكتم فيهم استغرابه وكانوا درس من ربنا ليه ولينا✨

1️⃣ ركبوا في سفينة وقام الخضر بعمل خرق فيها ممكن يتسبب في غرقها 🌊.
سيدنا موسى قال له: "يعني الناس ركبونا ببلاش وانت جاي تغرق سفينتهم؟"
رد الخضر: "مش قولتلك مش هتقدر تصبر؟" اعتذر موسى وقال إنه نسي

2️⃣ بعد ما نزلوا من السفينة بأمان لقوا مجموعة غلمان بيلعبوا، وراح الخضر وقتل غلام
سيدنا موسى قال له: "ازاي تقتل نفس بريئة معملتش أي حاجة؟"
فيرد عليه الخضر: "هو أنا مش قولتلك إنك مش هتقدر تصبر؟" اعتذر موسى تاني وقاله لو اعترضت تاني خلاص امشي وسيبني

3️⃣ وصلوا قرية رفض أهلها يضايفوهم🚪، ولقى الخضر جدار مايل في بيت من البيوت فعدله.
قال له موسى: "كان الأحسن ياخد أجر عن الشغل ده يشتروا بيه أكل".

هنا قال له الخضر إن دي لحظة فراقهم 👋، ولكنه هيشرح له ليه عمل كل اللي فات، وايه حكمة ربنا من اللي حصل

🚤 السفينة: كانت لناس غلابة بيشتغلوا في البحر، وكان في ملك ظالم بياخد السفن السليمة، فخرقها علشان ما ياخدهاش.

⚰️ الغلام: كان هيكبر ويتعب والديه الصالحين، فربنا أراد يبدلهم ولد خير منه.

🧱 الجدار: كان ليتيمين وتحته كنز ليهم، فعدّله علشان يفضل محفوظ لحد ما يكبروا.
وهنا بيوضح الخضر لسيدنا موسى إنه عمل كل ده بتأويل من ربنا🌟.

وقصتنا دي بتعلمنا دروس كتير أهمهم:

نرجع الفضل دايماً لله مهما بلغ علمنا أو قوتنا أو مالنا.
مش لازم دايماً نسأل ليه بيحصلنا كده في حياتنا 🤷‍♂️.
أحداث القصة كلها هي اختبار لصبر موسى⏳، وباقي شخصيات القصة

أهم وأعظم درس🌟: دايماً ربنا بيعمل الخير لينا حتى لو مكناش شايفين ده وحتى لو ظاهر الأمر إنه شر، ولكن باطنه دايمًا فيه حسن تدبير ورحمة من الله❤️.

Written by: Eslam Elgarhy
Coordinated by: Malak Essam
Designed by: Helana Mikhail

تحدي جديد لعشاق التفاصيل! 🧠✨في الصورة دي فيه ٥ اختلافات مستخبيين… مين هيكون أسرع واحد يكتشفهم؟ 🐶🐱ومتنسوش ان الكسبان هيبق...
08/03/2026

تحدي جديد لعشاق التفاصيل! 🧠✨
في الصورة دي فيه ٥ اختلافات مستخبيين… مين هيكون أسرع واحد يكتشفهم؟ 🐶🐱
ومتنسوش ان الكسبان هيبقي ليه جايزة❤️

يلا اكتبلنا في الكومنتات اجابتك🥰

Follow us for more games 🤩

#نبض

سؤال بسيط… بس مش أي حد يعرف إجابته 👀🌙جاهزين لتحدي مسابقة النهارده؟✨ السؤال الأول:كم عدد المرات التي صام فيها النبي محمد ...
03/03/2026

سؤال بسيط… بس مش أي حد يعرف إجابته 👀🌙
جاهزين لتحدي مسابقة النهارده؟

✨ السؤال الأول:
كم عدد المرات التي صام فيها النبي محمد ﷺ شهر رمضان كاملًا بعد أن فُرض الصيام؟

✨ السؤال الثاني:
وقعت معركة فاصلة في تاريخ الإسلام في شهر رمضان
فما هي هذه المعركة؟
وما هو اللقب الذي أطلقه القرآن عليها؟

شاركنا إجابتك في الكومنتات 👇

وشير البوست مع أصحابك وورونا عارفين قد إيه عن شهر رمضان 🌙✨
وأول كومنت صح هيكسب جائزة حلوة إن شاء الله 🤩♥️

⏳ ومتنسوش إن أي تفاعل على أي بوست بينزل خلال شهر رمضان
هيبقى ليه مكافأة قيمة يوم الإفطار الجماعي 🌙🤍

**FREE 🔥 FREE 🔥 FREE*كل الأنشطة يوم الإفطار متاحة فور فري بالكامل ✨📸 فوتو بوث✨ تنورة🥁 فرقة دف بدون أغاني🥊 لعبة البوكس⛱️ع...
01/03/2026

**FREE 🔥 FREE 🔥 FREE*

كل الأنشطة يوم الإفطار متاحة فور فري بالكامل ✨
📸 فوتو بوث
✨ تنورة
🥁 فرقة دف بدون أغاني
🥊 لعبة البوكس
⛱️عربية غزل البنات

والمفاجآت لسه مكملة 👀
💥 معانا شركة meelox راعي رسمي بهدايا طول اليوم 🎁🔥
📌وعشان الكلية مش بتنسى مواهبها هتلاقي إبداعات من براندات البازار معانا كمان🫶🥰

⚠️ آخر يوم حجز التلات 3/3
والعدد محدود جدًا.

💳 التحويل لازم يتأكد بالاسم + نوع التذكرة + تفاصيل الحجز + الدفعة
*انستا باي 01115898409*
*محفظة 01114536049*
علشان مكانك يتثبت رسميًا ✅
وطبعا غير الدفع كاش لمندوبين الدفعة.

متستناش… اللي بيسبق هو اللي بيكسب 😉🔥

الضلمة وحشه ومفهاش امل عندك حق.. بس تخيل ان الضلمة دي هتتتحول لمُلك وعرش! ✨لو مقدرتش تتخيل تعالى اسمع القصة بتاعت النهار...
01/03/2026

الضلمة وحشه ومفهاش امل عندك حق..
بس تخيل ان الضلمة دي هتتتحول لمُلك وعرش! ✨
لو مقدرتش تتخيل تعالى اسمع القصة بتاعت النهاردة من سلسلة "قِصَصٌ من القُرآن" 📖

قال الله تعالى في القرآن الكريم:
﴿نَحْنُ نَقُصُّ عَلَيْكَ أَحْسَنَ الْقَصَصِ﴾ (س.يوسف: 3)
ولم تكن قصة سيدنا يوسف أحسن القصص لأنها مليئة بالأحداث فقط، بل لأنها رحلة إنسانية كاملة بين الألم والأمل، بين السقوط الظاهري والرفعة الحقيقية🌟.

بدأت القصة برؤيا طفل بريء 👶🏻:
﴿يَا أَبَتِ إِنِّي رَأَيْتُ أَحَدَ عَشَرَ كَوْكَبًا وَالشَّمْسَ وَالْقَمَرَ رَأَيْتُهُمْ لِي سَاجِدِينَ﴾ (س.يوسف: 4)

رؤيا تحمل بشارة عظيمة! 💫
لكن الطريق إلى تحقيقها كان مليئًا بالاختبارات.
اشتعل الحقد في قلوب إخوته ، فدبّروا له مكيدة وألقوه في البئر 💔.
ظنّوا أن الظلام سيُنهي قصته، لكن الله كان يُعد له بداية جديدة!

وفي عمق الجب، في لحظة خوف ووحدة، جاء الاطمئنان:
﴿وَأَوْحَيْنَا إِلَيْهِ لَتُنَبِّئَنَّهُم بِأَمْرِهِمْ هَٰذَا وَهُمْ لَا يَشْعُرُونَ﴾ (س.يوسف: 15)
حين تنقطع الأسباب… يبقى وعد الله! 🤍

انتقل سيدنا يوسف من البئر إلى بيت العزيز، وهناك واجه اختبارًا أصعب من ظلام الجب،

اختبار الشهوة والاختيار! ⚖️🤔
لكنه قال بقلب ثابت:
﴿مَعَاذَ اللَّهِ﴾ (س.يوسف: 23)
اختار رضا الله على رغبة النفس، فكان ثمن الطهارة سجنًا! 😳
ومع ذلك قال في رضا وتسليم:
﴿رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ﴾ (س.يوسف: 33)
الصبر هنا لم يكن على الألم فقط، بل على الثبات حين يسهل الانحراف.😟

وفي السجن لم يتغير قلبه، لم يتحول إلى ساخط أو يائس، بل ظل محسنًا 🌿
فسّر الرؤى، ونصح، وذكّر بالله، حتى جاء وعد الله بالفرج 🥀
وقال الملك:
﴿إِنَّكَ الْيَوْمَ لَدَيْنَا مَكِينٌ أَمِينٌ﴾ (س.يوسف: 54)
من بئرٍ مظلم… إلى خزائن الأرض.
هكذا يرفع الله من صَبروا وثَبتوا✨.

وجاءت اللحظة الأصعب… لحظة القدرة على الانتقام! 😢
وقف إخوته بين يديه محتاجين، وكان قادرًا أن يرد الألم بألم، لكنه قال:
﴿لَا تَثْرِيبَ عَلَيْكُمُ الْيَوْمَ يَغْفِرُ اللَّهُ لَكُمْ﴾ (س.يوسف: 92)
العفو عند المقدرة هو قمة النبل، وهو أعظم صور القوة.❤️

وفي النهاية تحققت الرؤيا 🌙
﴿هَٰذَا تَأْوِيلُ رُؤْيَايَ مِن قَبْلُ قَدْ جَعَلَهَا رَبِّي حَقًّا﴾ (س.يوسف: 100)

قصة سيدنا يوسف تعلّمنا أن الطريق قد يمر ببئرٍ وسجنٍ ودموع، لكن إن كان الله معنا فلن تضيع الرحلة أبدًا ⭐
"إنه من يتق ويصبر فإن الله لا يضيع أجر المحسنين" 🤍🍂.

شير البوست وخلي غيرك يستفيد 🔁
ومتنساش تتابعنا علشان باقي السلسلة 📖

⚠️ أكتر شخص هيتفاعل على بوستات السلسلة (لايك – كومنت – شير)
هيكون ليه جائزة كبيرة يوم الإفطار الجماعي 🎁🌙
فخليك دايمًا متفاعل ومتابع 👀🔥

Written by: Maryam Taha
Coordinated by: Ahmed Eraky
Designed by: Helana Mikha

جملة واحدة قادرة تحققلك كل الي تتمناه !"لا حول ولا قوة الا بالله"مش مجرد ذكر بيتقال دي جملة بتغير منظورك كله 🌼معناها يا...
27/02/2026

جملة واحدة قادرة تحققلك كل الي تتمناه !

"لا حول ولا قوة الا بالله"
مش مجرد ذكر بيتقال دي جملة بتغير منظورك كله 🌼

معناها يارب انا مش قادر لوحدي ومفيش قوة بتحرك الأمور الا باذن ربنا

النبي صلى الله عليه وسلم قال عنها انها كنز من كنوز الدنيا

استخدم الحوقلة دائما
☘️لما تحس ان الحمل تقيل
☘️لما تبذل ومفيش نتيجة
☘️لما تحاول تغير حاجة ومش قادر
☘️لما تقع وعايز تقوم تاني

الحوقلة اعتراف انك عبد بس وراك رب قادر على كل شئ
لما بتقولها بتحس براحة وطمأنينة لانك بتحول احساس العجز ... لاتصال مباشر بقوة ربنا

Written by: Salma Hosny
Designed by: Aya Hisham

اكيد كلنا عارفين أن رمضان شهر الفوازير والجوايز🏆وعشان كدة مكنش ينفع نفوت السنة دي من غير فزورة تقيلة كدة 😏والفزورة هي أن...
26/02/2026

اكيد كلنا عارفين أن رمضان شهر الفوازير والجوايز🏆

وعشان كدة مكنش ينفع نفوت السنة دي من غير فزورة تقيلة كدة 😏

والفزورة هي أننا هنحطلكم مجموعة من الحروف ونشوف شطارتكم في انكم تكونوا بيها {اسم حيوان ، اسم مرض ، مكان , وظيفة ، اسم حيوان أليف}

وهي دي الحروف اللي متاح بس انكم تستخدموها 🫣

1. toag
2. nemuiapno
3. licnic
4. evt
5. ryo

يلا ورونا شطارتكم ✨ وعايزين نقولكم أن اكتر حد هيشارك هيبقي ليه مفاجأة حلوة في الإفطار الجماعي🌙
بس يكون عامل follow للبيدج وكومنت علي البوست طبعا 🫡♥️

Address

Giza

Website

Alerts

Be the first to know and let us send you an email when نبض - Pulse posts news and promotions. Your email address will not be used for any other purpose, and you can unsubscribe at any time.

Contact The Business

Send a message to نبض - Pulse:

Shortcuts

Share