28/03/2025
صداع الخير
أكيد الكل لاحظ الموجة اللي عم تعصف بأرض وجو المجتمع السوري من كذا سنة لهلأ موجة "اللامبالاة"...
ومو اللامبالاة تبع اللاانتماء تبع كولن ولسون...
على العكس تماما اللامبالاة اللي عم احكي عنها هيي اللامبالاة بهدف "الكولنة"
كل شي عم شوفو بالفترة الأخيرة صاير "كئيب" ، "روحاني" بيكره الحياة و عندو اياها عبارة عن "استعارة" شو ما كان هالشي بيعني، ليش؟..
مجرد تكملة لعقد النقص الاخرى...
يعني بدك تقنعني انك مسبل شعرك بهدف انك تعبر عن كون حياتك جحيم ولاه؟..
ولاه لك بالمصاري اللي دفعتا كرمال تسبلو لشعرك كنت عشت يوم ملك، يعني مجرد انك عم "تعبر" ولو انو بطريقة ما الا علاقة باللياقة عن كونك كئيب..
أما ما عاد فيني صدق انك كئيب..
يا حبيبي لو كنت كئيب ماكنت قلت لحدا.. لأنو لو كنت كئيب وقلت للعالم اي بتكتئب بزيادة...
أصلا السبب الرئيسي للكابة هوي هالعالم يا حيوان، واذا مصر أنك كئيب روح انتحر من بعد اذنك يعني
بعدين تعا لهون ولاه دخلك اذا بتعرفلك تلات أربع أغاني لأناثيما؟
طز شو يعني بتكون أخدت التصريح الرسمي من وكالة الشؤون التكئيبية والاصلاح؟..
ـ ليش مكتئب؟
ـ الدنيا زفت، كل شي فاضي، البشر hypocrites، الحياة عبارة عن كذبة كبيرة.
ـ آي، طيب شو صاير معك؟
ـ ولا شي، بس سمعت امبارح Slipknot قبل ما نام، وصحيت لقيت إنو أنا شخصية سوداوية ومعقدة وما حدا بيفهمني.
خيي المكتئب الحقيقي بيسمع
Psychonaut 4 , happy days , Xasthur
بيسمع راب وجاز وبلوز و نانسي عجرم اذا بدك عادي
لأنو بيعرف إنو الحياة زفت من الأساس، بغض النظر عن الميوزك
أما السوداوي الـcool؟ بيسمع Evanescence وبفكر حالو صار غوثيك، وبعدها بينزل على البالة يشتري جاكيت أسود لأنو "بيرمز للفراغ الداخلي يلي جواته."
شوف أنا ما أحلاني بسمع كل شي في أغاني انتحارية و وحياة شرفي بكيّف عليها..
يعني بتوقع وصلت الفكرة، ولا ما وصلت؟... الخلاصة لا تكتئب عديني ما عدا في حال قررت تنتحر بطريقة مثيرة للأهتمام، وقتها يفضل تدعيني للمشاهدة...
