25/05/2025
有感而發，從事 Limousine 工作已十二個年頭，從前是香港，現在是英國… 又或者，現在在英國的工作，不應該觀以 Limousine 名字，由客户層面，服務性質，基本上盡是不同，以往，要顧及專業形象，一切要依規矩辦事，想熱心，但不能隨心…
現在來到英國，服務名義上雖然都係機場接送，但服務性質跟本是兩回事。
在英國服務嘅客人，大多是破釜沉舟，為未來而闖天涯。 他們雖要的服務，不是什麽專業形象，不是什麽華麗橋車，他們要的是真心誠懇，真誠服務和一架滿足乘客和行李需求嘅客車，一切都來得實在～直接～
移民他鄉，從來都不是輕易的決定，何況現在舉家移民，扶老攜幼，甚至及貓犬… 每走一步，都不容易，壓力亦出奇地大…
早幾曰，喺某群組，見到位徬徨嘅香港人，臨近出發前三日，收到已預約客車公司不能提供服務通知，雖然該公司聲稱可安排其他公司為他服務，但需要補差價 £70，作為服務使用者，當然盡感不合理，既然服務已承諾，當前問題是出自服務供應商，點解最終要客人承擔額外開支？？
客人雖然合理地提出質疑，但換來嘅答案，卻感覺畀看不起似的，「 £70 鎊啫！又唔係多？唔係下話？」
傾聽客人申訴過程中，客人表示已對移英香港人失去信心，未到步，已經可以咁，過到黎都唔知再有咩事情會遇上…
明明自己以及眼見身邊好多朋友好積極為未來打拼，亦有以身作則地傳承獅子山精神，實在睇唔過眼！！竟然畀一小撮害群之馬金錢奴隸有辱香港人之名，當為行業出一分力，向客人寫包單，由我親自安排，睇下可以令客人拾回一些對香港人嘅信心，希望我能為您們說到做到，衷心祝你們事事順利，新生活愉快！
後記：原本很憤怒！想寫一篇文章向（某公司）為客人聲討！
但回想… 冇咁嘅需要，層次唔同，無謂打爛人哋養家嘅飯碗，但希望佢好好檢討，認為自己會繼續從事呢個行業嘅話，請對客人付出基本嘅責任，認認真真地考返個接載乘客嘅牌照，買返份合法嘅商業保險，唔好再呃人呃到連自己都呃埋？ 再三請你對客人付出番少少責任感，唔好再有辱香港人嘅明聲，拜託拜託！
