https://munirandsonspiegon.wixsite.com/pakistan

Munir & Son's Piegon, Chack No 448 GB Lisharan, Samundri (2025)

23/07/2025

موضوع :کبوتر کا اندرون سسٹم

🕊️ کیج کبوتر کا نظامِ میٹابولک – خاموش جسم میں کام کرتی بے آواز مشین
(ہر اس شخص کے لیے جو پنجرے میں رکھے گئے کبوتروں کی اصل صحت کو سمجھنا چاہتا ہے)

کبوتروں کو پنجرے میں پالنا ایک خوبصورت شوق ہے، مگر اس خوبصورتی کے پیچھے ایک حساس اندرونی نظام ہوتا ہے جو ہم اکثر نظر انداز کر دیتے ہیں۔ یہ نظام وہ ہے جسے ہم نظامِ میٹابولک کہتے ہیں — یعنی وہ حیاتیاتی نظام جو خوراک کو جسم کی ضروریات کے مطابق توانائی، حرارت، مدافعت، اور خلیاتی مرمت میں تبدیل کرتا ہے۔

کیج برڈز کے میٹابولزم کی نمایاں خصوصیات:

1. مسلسل حرارت پیدا کرنے کی ضرورت
کیونکہ پنجرے میں بیٹھے کبوتر کی جسمانی سرگرمی محدود ہوتی ہے، اس لیے جسم کو قدرتی گرمی برقرار رکھنے کے لیے اندرونی نظام کو زیادہ فعال رکھنا پڑتا ہے۔

2. خوراک کا مکمل ہضم ہونا ضروری
جسمانی مشقت کم ہونے کی وجہ سے خوراک میں توازن نہ ہو تو چربی کا جمع ہونا، جگر کا بوجھل ہونا، اور قبض جیسے مسائل جنم لیتے ہیں۔

3. مدافعتی نظام مکمل طور پر میٹابولک نظام سے جڑا ہوتا ہے
کمزور نظامِ میٹابولک کا مطلب ہے — سردی میں جلد بیمار ہونا، سانس کی بیماریاں، پر جھڑنے کا عمل، اور افزائش کا متاثر ہونا۔

کون سی غذائیں میٹابولک نظام کو سہارا دیتی ہیں؟

✅ (پروٹینز): دالیں، چنے، مونگ
✅ قدرتی چکنائیاں: تل، السی کے بیج، بادام ,سورج مھکی،
✅ نشاستہ دار اجزاء: مکئی، جو، باجرہ (مگر صرف یہی نہ دیں)
✅ معدنیات و وٹامنز: کیلشیم پاؤڈر، ملٹی وٹامن قطرے، ہڈیوں کا سفوف

خراب میٹابولک نظام کی نشانیاں:

• بھوک نہ لگنا
• جسمانی کمزوری یا لاغری
• پر جھڑنا یا خشک پر
• سانس کی دقت
• جوڑوں کا کمزور ہونا

اہم تدابیر:

خوراک روزانہ تازہ دیں، باسی دانے سے پرہیز کریں
ہفتہ میں کم از کم 1 بار ہاضمے کو بہتر بنانے والے اجزاء دیں (جیسے: سونف،اجوائن،پودینہ، دارچینی پانی میں)
ماہ میں ایک بار ہلکا Liver ٹانک ضرور دیں
روزانہ پانی تازہ، نیم گرم یا موسم کے مطابق ہو
موسم کی تبدیلی پر فوری وٹامن اور مدافعتی سپورٹ دیں.

Must using products
Immune boster
Multivitamins
Calcium
E/Sel

23/07/2025

موضوع :گائے کو وچھے سے کراس کروائیں یا سیمن رکھوائیں۔

ایک فیصلہ جو صرف بچھڑا نہیں بلکہ نسل، آمدنی اور بیماریوں کی مزاحمت تک کو بدل دیتا ہے آئیں جانتے ہیں کیسے ۔

آج بھی دیہات میں ذیادہ تر لوگ بلا سوچے سمجھے کسی بھی مقامی بل سے گائے کا ملاپ کروا دیتے ہیں، حالانکہ بل کے نطفے کا اثر آنے والی نسل پر نہایت گہرا ہوتا ہے۔ ایک اعلیٰ نسل کا بل نہ صرف دودھ کی مقدار بڑھاتا ہے، بلکہ جانور کی ساخت، جسمانی طاقت، بیماریوں کے خلاف قوت مدافعت، حتیٰ کہ اس کے مزاج تک میں بہتری لاتا ہے۔

🔬 درآمد شدہ اعلیٰ نسل کے بل (جیسے فریژین، ہالسٹین، جرسی وغیرہ) ایسے بیل ہوتے ہیں جنہیں مخصوص معیار اور تجربات کی بنیاد پر منتخب کیا جاتا ہے۔ ان کے اثرات آئندہ نسل پر درج ذیل صورتوں میں ظاہر ہوتے ہیں:

🥛 دودھ کی پیداوار میں نمایاں اضافہ (ایک دودھ دینے کے عرصے میں پانچ ہزار سے دس ہزار لیٹر تک)

💪 مضبوط جسمانی ساخت – لمبا ڈھانچہ، مضبوط ٹانگیں، چوڑا کولہا (آسان ولادت کے لیے موزوں)

🧬 بیماریوں سے قدرتی بچاؤ – تھن کی سوزش، پاؤں کی گلن، اور بچہ دانی کی بیماریوں میں کمی

🔄 گائے بچہ جلدی دیتی ہے سونے کے 1 مہینا بعد کراس ہو جاتی ہے۔

⛔ مقامی اور غیر معیاری بل کی افزائش سے آئندہ نسل میں اکثر درج ذیل خرابیاں پیدا ہوتی ہیں:

⚠️ دودھ کی پیداوار میں کمی، جلد خشک ہونا لمبا عرصہ دودہ نہ دینا۔

🚫 کمزور ہڈیاں، لنگڑا پن، جوڑوں کے امراض

🧨 چڑچڑا اور حملہ آور مزاج۔مارنا چوائی کے وقت تنگ کرنا

🐄 بعض اوقات پیدائشی میں مشکلات ۔

📈 آمدنی کا فرق:
اعلیٰ نسل کے بل سے پیدا ہونے والا بچہ زیادہ پیداوار دیتا ہے، بیماریوں سے محفوظ رہتا ہے اور بازار میں اس کی قیمت بھی زیادہ ہوتی ہے – یعنی کم خرچ، زیادہ منافع۔

اگر آپ مصنوعی نسل کشی (Artificial Insemination) کا طریقہ اپنا رہے ہیں تو صرف رجسٹر شدہ اور تجربہ شدہ بل کا نطفہ استعمال کریں۔ بل کا نسلی شجرہ اور کارکردگی کا ریکارڈ ضرور ملاحظہ کریں۔

یاد رکھیے:
“جو بچہ آج پیدا ہو رہا ہے، وہ آئندہ دس سال تک آپ کی معیشت پر اثر ڈالے گا۔”
اس لیے بل کا انتخاب محض ملاپ نہیں، بلکہ ایک نسل کی بنیاد کا انتخاب ہے۔

24/05/2025

پیشاب میں خون؟ جانور کے جسم کی خاموش چیخ! — فاسفورس کی شدید کمی

جس کو سرکن/شرکن کے نام سے بھی جانا جاتا ہے اور کچھ لوگ رت موترا کے نام سے بھی جانتے ہونگے اسکی حقیقت کیا ہے؟

اگر آپ کے جانور کے پیشاب میں خون آ رہا ہے، تو یہ محض کوئی وقتی مسئلہ نہیں بلکہ اندرونی طور پر ہڈیوں، پٹھوں اور جسمانی نظام میں خطرناک تبدیلیوں کی علامت ہو سکتا ہے۔ اس کی سب سے بڑی اور عام وجہ فاسفورس کی کمی ہوتی ہے۔

فاسفورس کی کمی سے پیشاب میں خون کیوں آتا ہے؟
جب جانور کے جسم میں فاسفورس کی مقدار خطرناک حد تک کم ہو جاتی ہے، تو جسم اپنے اندرونی ذخائر یعنی ہڈیوں سے فاسفورس لینا شروع کر دیتا ہے۔
نتیجتاً:

ہڈیاں نرم پڑ جاتی ہیں

گردے متاثر ہوتے ہیں

پٹھے کمزور ہو جاتے ہیں

اور پیشاب کی نالیوں میں خراش اور اندرونی زخم پیدا ہو سکتے ہیں

یہ اندرونی زخم اور ٹوٹ پھوٹ ہی پیشاب میں خون کا باعث بنتی ہے۔

اہم علامات:

پیشاب میں گہرا سرخ یا گلابی رنگ

جانور کا سست یا چڑچڑا ہو جانا

دودھ میں کمی

کھانے پینے میں کمی

ہڈیوں میں درد یا جانور کا بار بار بیٹھ جانا

اکثر بیٹھ کر پیشاب کرنا اور تکلیف محسوس کرنا

تشخیص:

جانور کے پیشاب کا معائنہ

خون میں فاسفورس لیول چیک کرنا

علامات کی بنیاد پر ماہر ویٹرنری ڈاکٹر کی رائے

علاج:

فوراً فاسفورس سپلیمنٹ شروع کریں جیسے:

ڈائی کیلشیم فاسفیٹ پاوڈر

فاسفورس انجیکشن (ویٹرنری مشورے سے)

کیلشیم اور وٹامن ڈی بھی ساتھ دیں تاکہ جسم میں فاسفورس جذب ہو

مکمل آرام اور ہلکی غذا دیں

بچاؤ (Prevention):

جانوروں کو متوازن خوراک دیں جس میں فاسفورس کی مقدار مناسب ہو

معدنی بلاک، لیک سپلیمنٹ، یا فاسفورس والا چارہ استعمال کریں

ہر دو مہینے بعد فاسفورس لیول کا جائزہ لیں

دودھ دینے والے جانوروں کو خاص توجہ دیں کیونکہ ان میں یہ کمی جلدی ہو سکتی ہے

یاد رکھیں:
پیشاب میں خون آنا کسی بھی صورت معمولی مسئلہ نہیں۔ اگر وقت پر علاج نہ ہو تو یہ جانور کی جان لے سکتا ہے۔
فاسفورس کی کمی ایک سست زہر کی مانند ہے جو جسم کو اندر سے کھوکھلا کر دیتی ہے۔ مکمل آگاہی، وقت پر علاج اور متوازن خوراک ہی اس بیماری کا واحد حل ہے۔

19/03/2025

لیوامیزول (Levamisole) ایک مشہور اینٹی پیراسائٹک (کیڑے مار) دوا ہے جو جانوروں میں آنتوں کے کیڑوں اور مدافعتی نظام کو مضبوط بنانے کے لیے استعمال کی جاتی ہے۔ یہ خاص طور پر گائے، بھینس، بکری، بھیڑ، اور مرغیوں میں مؤثر سمجھی جاتی ہے۔ اس کا استعمال ہک ورم، گول ورم، اور دیگر پیراسائٹس کے خاتمے کے لیے کیا جاتا ہے۔

---

1. لیوامیزول (Levamisole) کیسے کام کرتی ہے؟

یہ دوا کیڑوں کے اعصابی نظام پر اثر انداز ہوتی ہے اور انہیں مفلوج کر دیتی ہے، جس کے بعد وہ جسم سے خارج ہو جاتے ہیں۔ اس کے علاوہ، یہ جانوروں کے مدافعتی نظام کو متحرک کرتی ہے، جس سے وہ بیماریوں کے خلاف زیادہ مزاحمت پیدا کرتے ہیں۔

---

2. لیوامیزول (Levamisole) کے فوائد

آنتوں کے کیڑوں کا خاتمہ – یہ دوا ہک ورم، گول ورم، اور فنگس ورم جیسے پیراسائٹس کو مارتی ہے۔
مدافعتی نظام کو بہتر بنانا – یہ دوا خون کے سفید خلیوں کو متحرک کر کے بیماریوں سے لڑنے کی صلاحیت بڑھاتی ہے۔
مرغیوں میں بہتر افزائش – اس کا استعمال مرغیوں میں وزن بڑھانے اور صحت بہتر بنانے کے لیے کیا جاتا ہے۔
کم خرچ اور مؤثر علاج – یہ نسبتاً سستی دوا ہے اور آسانی سے دستیاب ہوتی ہے۔

---

3. لیوامیزول (Levamisole) کے نقصانات اور احتیاطی تدابیر

زیادہ مقدار میں دینے سے زہریلا اثر ہو سکتا ہے، جس کی علامات میں کانپنا، تھکن، اور الٹی شامل ہیں۔
کمزور یا بیمار جانوروں کو دینے سے پہلے ویٹرنری ڈاکٹر سے مشورہ کریں۔
یہ دوا حاملہ جانوروں کو دینے میں احتیاط کی ضرورت ہوتی ہے کیونکہ یہ ان کے مدافعتی نظام کو زیادہ متحرک کر سکتی ہے۔

---

4. لیوامیزول (Levamisole) کا استعمال کیسے کریں؟

خوراک کا تعین جانور کے وزن اور صحت کے مطابق کیا جاتا ہے۔

عام طور پر 1.5 سے 2 ملی گرام فی کلوگرام کے حساب سے دی جاتی ہے، مگر ہر جانور کی نوعیت کے مطابق خوراک تبدیل کی جا سکتی ہے۔

5. آنتوں کے کیڑوں سے بچاؤ کے حفاظتی اقدامات

1جانوروں کو صاف اور خشک جگہ پر رکھیں تاکہ انہیں آلودہ خوراک یا پانی نہ ملے۔
2 چارہ کھلانے سے پہلے ہلکی دھوپ میں رکھنے سے پیراسائٹس کا خطرہ کم ہو جاتا ہے۔
3 ہر تین سے چھ ماہ بعد پیراسائٹس کے خلاف کوئی دوا ضرور دیں۔
4جانوروں کے رہنے کی جگہ پر ڈیس انفیکٹنٹ اسپرے کریں تاکہ کیڑوں کی افزائش نہ ہو۔

5یہ دوا خاص طور پر ان فارمز کے لیے مفید ہے جہاں جانوروں کی بڑی تعداد ہوتی ہے اور پیراسائٹس کا خطرہ زیادہ ہوتا ہے

19/03/2025

Ivermectin is an antiparasitic drug. After its discovery in 1975, its first uses were in veterinary medicine to prevent and treat heartworm and acariasis.
1. Ivermectin کیا ہے اور کیسے کام کرتی ہے؟

ایسر مکٹین ایک اینٹی پیراسائٹک دوا ہے جو ٹکس، جوئیں، مائٹس، اور آنتوں کے کیڑوں کے خلاف استعمال ہوتی ہے۔ یہ دوا پیراسائٹس کے اعصابی نظام پر اثر ڈال کر انہیں مفلوج کرتی ہے، جس کے بعد وہ جانور کے جسم سے خارج ہو جاتے ہیں۔

یہ دوا جلد کے ذریعے بھی کام کر سکتی ہے، اور خون میں جذب ہو کر جسم کے مختلف حصوں میں پیراسائٹس کو نشانہ بناتی ہے۔ خاص طور پر، یہ GABA (Gamma-aminobutyric acid) receptors کو متاثر کرتی ہے، جو صرف کیڑوں میں پائے جاتے ہیں، اس لیے یہ جانوروں کے لیے محفوظ مانی جاتی ہے (مگر کچھ اقسام کے لیے احتیاط ضروری ہے)۔

2. ٹکس کے خطرات خون کے پیراسائٹس اور دیگر بیماریاں

ٹکس نہ صرف خون چوستے ہیں بلکہ بابیزیا (Babesiosis)، اناپلازما (Anaplasmosis) اور لائم ڈیزیز (Lyme Disease) جیسے خطرناک انفیکشن بھی پھیلا سکتے ہیں۔ اگر ٹکس جانور کے خون میں شامل ہو جائیں، تو وہ خون کے سرخ خلیوں کو متاثر کر کے کمزوری، بخار، اور موت تک کا سبب بن سکتے ہیں۔
جس میں ہمارا جانور ریڈ کلر کا پیشاب کرتا ہے جس کو ہم ریڈ واٹر کے نام سے جانتے ہیں اور اس کو رت مترا کے نام سے بھی جانا جاتا ہے یہ صرف ٹکس کے کاٹنے کی وجہ سے ہو سکتا ہے جس کے نتیجے میں بیبیوسس یا پھر اینا پلازما یا پھر تھیلیریوسس کی بیماری جنم لے سکتی ہے۔

3. Ivermectin کا صحیح استعمال اور خوراک

عام طور پر Ivermectin کو انجیکشن، گولی یا ٹاپیکل لوشن کی صورت میں استعمال کیا جاتا ہے۔

خوراک جانور کے وزن اور صحت کے مطابق دی جاتی ہے۔ مثال کے طور پر، گائے اور بکریوں کے لیے عام خوراک see label جبکہ کتوں میں مخصوص نسلوں کے لیے مختلف ہو سکتی ہے۔

احتیاط: کچھ نسلوں جیسے Collie, Australian Shepherd میں اس دوا کا زہریلا اثر ہو سکتا ہے، اس لیے پہلے ویٹرنری ڈاکٹر سے مشورہ ضروری ہے۔

4. ٹکس سے بچاؤ کی حفاظتی تدابیر

Ivermectin دینے کے ساتھ ساتھ، ٹکس کے مکمل خاتمے کے لیے کچھ حفاظتی تدابیر ضروری ہیں:
✔ ماحولیاتی کنٹرول: جانوروں کے باڑے یا رہنے کی جگہ پر ڈیس انفیکٹینٹ اسپرے کریں، جیسے Cypermethrin یا Permethrin۔
✔ باڈی چیک اپ: روزانہ جانوروں کے جسم پر ہاتھ پھیریں اور اگر کوئی ٹک نظر آئے تو چمٹی (Tweezers) کی مدد سے نکال کر الکحل میں ڈال کر ماریں۔
کے ساتھ ساتھ، حفاظتی تدابیر بھی اپنانا ضروری ہے تاکہ جانور دوبارہ ان خطرناک پیراسائٹس کا شکار نہ ہوں۔

کیا آپ کو کبھی جانوروں میں ٹکس کا مسئلہ درپیش آیا ہے؟ کمنٹس میں اپنی رائے دیں!

Hafiz Umair With Dr Noman

16/02/2025

آج کا موضوع

وٹامن C کیا ہے؟

یہ ایک پانی میں حل پذیر وٹامن ہے جو اینٹی آکسیڈنٹ کے طور پر کام کرتا ہے اور جسم میں کئی اہم افعال انجام دیتا ہے۔

کردار اور کام

1. مدافعتی نظام کو مضبوط بناتا ہے

2. کولیجن بنانے میں مدد دیتا ہے (جو جلد، ہڈیوں اور جوڑوں کے لیے ضروری ہے)

3. آئرن کے جذب کو بہتر بناتا ہے

4. زخم بھرنے کے عمل کو تیز کرتا ہے

5. خون کی نالیوں کو صحت مند رکھتا ہے

حاصل کرنے کے ذرائع

ترش پھل (لیموں، کینو، مالٹا)

سبزیاں (شلجم، بروکلی، بند گوبھی)

اسٹرابیری، کیوی، پپیتا

روزانہ کی ضرورت

مرد: 90 ملی گرام

عورتیں: 75 ملی گرام

حاملہ خواتین: 85 ملی گرام

بچوں کے لیے: عمر کے لحاظ سے 15-65 ملی گرام

کمی کے اثرات

مسوڑھوں سے خون آنا

زخم دیر سے بھرنا

تھکن اور کمزوری

جلد خشک ہونا

18/01/2025

السلام علیکم گائز کیسے ہیں۔
امید کرتا ہوں سب دوست خیریت سے ہوں گے دوستو اج ہم بات کرنے جا رہے ہیں برڈز کیپنگ کے بارے میں کہ ہم اپنے پرندوں کو صاف ستھرا ماحول کس طرح سے پرووائڈ کر سکتے ہیں ہمیں ان کو کیسا ماحول دینا چاہیے جس میں وہ خوش رہ سکیں جس میں وہ زیادہ پیداوار دیں جس میں وہ اچھے بچے پالیں اور جس میں وہ ہمارے شوق کو پورا کریں
کیونکہ صاف سی بات ہے جب اپ کے پرندے کو رہنے کے لیے اچھا ماحول ملے گا اس کی ضروریات کے مطابق تو وہ ان گنت بچے دے گا تو جب وہ بہت ہی زیادہ تعداد میں بچے دے گا تو ہر شوقین بندے کا شوق پورا ہوگا۔

دوستوں سب سے پہلے بات آ جاتی ہے کہ برڈز کو رکھنا کیسی جگہ پر چاہیے اور ان کا کیج کیسا ہو ہمارے لوفٹ کا سٹائل کیسا ہو۔یہ ایک بہت ہی زیادہ اہم بات ہے جس کے بارے میں ہمیں جانا نہایت ضروری ہے ۔

پرندے رکھنے کی جگہ

1 کوشش کرنی چاہیے کہ پرندے ایک کھلے کمرے میں ہوں جس میں ہوا کا کراس دونوں طرف سے ہو رہا ہو اور زیادہ نہیں تو کمرے کے آدھے حصے میں چاہے سردیاں ہوں یا گرمیاں دھوپ لازمی آنی چاہیے۔
2-ہفتے میں دو مرتبہ کھڈوں کی صفائی لازمی کرنی چاہیے۔اگر ہم صفائی نہیں کریں گے تو اس سے جو کھڈوں کے اندر ڈسٹ پیدا ہوگی جب پرندے اپنے پروں کو پھڑپھڑائیں گے تو وہ دھول اڑ کر ان کے پھیپھڑوں کو متاثر کرے گی جس سے پرندوں کو سانس کی بیماری لگ سکتی ہے۔اور صاف ستھرے ماحول میں پرندے خوش بھی رہتے ہیں اور صاف ستھرے ماحول میں جراثیموں کے رہنے کی جگہ بھی کم بنتی ہے جس کے نتیجے میں ہمارے پرندے بیماریوں سے محفوظ رہتے ہیں

3- مہینے میں ایک بار کوئی اچھا ڈس ان فیکٹر استعمال کرنا چاہیے۔ ڈس ان فیکٹر کیا ہوتا ہے.؟ ڈس ان فیکٹر جراثیم کش دوا کو بولتے ہیں جس سے اینٹی بیکٹیریل اور اینٹی وائرل تمام قسم کے جراثیم اور وائرس مر جاتے ہیں جو کہ مارکیٹ میں کافی نام سے اتی ہیں لیکن اپ کے پاس اگر کوئی اچھا ڈس ان فیکٹر ہے تو صحیح نہیں تو اپ ڈیٹول اور سرف مکس کر کے اپنے کیج میں سپرے کر سکتے ہیں۔
4 سب سے اہم بات ہم نے اٹومیٹک پانی والی سپلائی انسٹال نہیں کرنی مینول پانی رکھنا ہے اور کوشش کریں کہ پانی والے دو برتن اپ کے پاس ہوں روزانہ کی بنا پر اپ نے برتن واش کر کے پانی رکھنا ہے ایک دن ایک برتن میں پانی رکھیں گے اور دوسرے دن دوسرے برتن میں پانی رکھیں گے۔زیادہ دن پانی اگے پڑا رہنے سے برتن میں فنگس لگ جاتی ہے جو کہ اپ کے پرندے کے لیور کو ڈیمج کرتی ہے جس سے اپ کے پرندے سوکڑے کی طرف چلے جاتے ہیں ان میں ٹاکسسٹی کا ایشو بن جاتا ہے تو اس لیے ہم نے فنگس سے بچنے کے لیے روزانہ کی بنا پر پانی تبدیل کرنا ہے اور ہم نے دو برتن استعمال کرنے ہیں ایک برتن ایک دن اور دوسرا برتن ایک دن۔

5 چاہے سردیاں ہوں یا گرمیاں اگر اپ کے پرندے کمرے میں ہیں تو اپ نے کبھی بھی کمرے کو کور نہیں کرنا چاہے ان کے نیچے چھوٹے بچے ہوں اپ نے کمرے کو کور نہیں کرنا کیونکہ پرندوں میں اتنی ایمیونٹی ہوتی ہے کہ وہ سردی اور گرمی سے با اسانی لڑ سکتے ہیں۔
لیکن ان کو سردی اور گرمی سے بچانے کی بجائے تازہ ہوا کی زیادہ ضرورت ہوتی ہے-

باقی اگلی پوسٹ میں

26/05/2024

اسلام علیکم
مچھروں کے مسائل کبوتروں میں پوکس / دانے بن جانا
اج ہم بات کریں گے پوکس کے بارے میں جو کے کبوتروں کے بچوں میں بیماری پائی جاتی ہے عموماً یہ بیماری15 سے 50 دن کے بچوں پر حملہ کرتی ہے اس کے کیس اس عمر سے چھوٹے اور اس سے بڑوں میں بھی آتے ہیں لیکن اس عمر میں زیادہ آتے ہیں۔
اسکی وجہ کیا ہے یہ کیوں بنتے ہیں-
دراصل یہ ایک وائرل بیماری ہے لیکن یے وائرل بیماری دانا اکھٹا کھانے یا پانی ساتھ پینے سے نہیں پھیلتی جیسا کی این ڈی نیو کاسٹل پھیلتی ہے۔ یے بیماری کے پھیلاؤ کی وجہ مچھر ہیں۔
پاکس کا وائرس آپکے کیج میں موجود ہوتا ہے مچھر اسکو کیری کر کے اپکے پرندے میں منتقل کر دیتے ہیں اور اس کے نتیجہ میں آپکا وہ پرندہ جسکی قوت مدافعت کمزور ہوتی ہے مطلب جیسا کے بچوں میں بہت کی قوت مدافعت ہوتی ہے کیوں کہ وہ بڑھوتری میں ہوتے ہیں اس کے نتیجہ میں اسکے دانے نکل آتے ہیں اور وہ بڑے ہوں جاتے یہاں تک کے انکو بیٹھ کرنے نیں مشکل آنکھوں سے دکھنا بند ہوجاتا ہے۔

اسکا علاج
پاکس سے آپکے پرندے کے اندرونی حصے بہت کم متاثر ہوتے ہیں اس میں آپکے برڈ کو ٹمپریچر ہوتا ہے جس کی وجہ نکلنے والے دانے اور دانوں کی وجہ سے ہونے والا درد ہے۔
اکثر لوگ کیا کرتے ہیں دانو کو چھیل دیتے ہیں اور برڈ مزید تکلیف میں آکر اپنا ٹمپریچر زیادہ اوپر لے جاتا ہے اور مر جاتا ہے۔جیسا کے ہم نے اوپر لکھا ہے کے یہ ایک وائرس ہے اور ہم سب کو معلوم ہے کہ وائرس کے خلاف کوئی بھی جاندار جسم خود ہی قوت مدافعت پیدا کرتا ہے وائرل بیماری کا کوئی پراپر علاج نہیں اس میں اپ نے برڈز کے درجہ حرارت کو کنٹرول رکھنا ہوتا ہے اور وہ دانے جو کے برڈز کے بیٹھ والی جگہ پر نکل آئیں چونچ پت نکل آئیں یہ آنکھ پر آپ نے انکو شروع میں ہی ریموو کر دینا ہے اوپر پائوڈین لگانی ساتھ بروفن دینا ہے۔
اپ ڈوفلم یہ دلروز کی مدت سے بھی آپ دانو کو ختم کر سکتے ہیں۔

جاری ہے ۔۔۔۔۔۔

11/03/2023

Mashaallah Tiger Pair❤️

14/02/2023

اسلام علیکم آج میں جس موضوع کے بارے میں لکھنے جارہا ہوں وہ ایک بہت ہی زیادہ اہم موضوع ہے۔
ہر اس بندے کے لئے جس نے کبوتروں کا شوق کیا ہوا ہے ہے کیونکہ آپ لوگ جانتے ہیں آج کل کے موسم میں ہر بندے کے پاس بریڈ آئی ہوئی ہے۔
تو آج جس موضوع کے بارے میں ہم بات کریں گے وہ یہ ہے ہے کہ کبوتروں کے بچوں کے جو پوکس(دانے/باد) بن جاتے ہیں۔

1.اس کی کیا وجہ ہے۔
2.وہ کیوں بنتے ہیں ۔
3.ہم چکس کو اس سے کیسے بچا سکتے ہیں۔

اس کی کیا وجہ ہے۔

اچھا تو یہ دراصل پوکس ایک وائرس ہے جو کہ آپ ہی کے لوفٹ میں موجود ہوتا ہے اور مچھر اس کا کیریئر بنتے ہیں۔
مچھر اس وائرس کو آپ کے ہی لوفٹ سے کیری کر کے کے جب بچوں کو کاٹتے ہیں تو وہ وائرس بچوں میں منتقل ہو جاتا ہے۔

یہ کیوں بنتے ہیں۔

کیونکہ بچوں کی قوت مدافعت اتنی زیادہ نہیں ہوتی کہ وہ اس وائرس کے خلاف لڑ سکیں۔تو پھر بچوں کے پوکس نکل آتے ہیں جن کو اکثر لوگ زہرباد یا ماتا بھی بولتے ہیں۔اسکی ایک وجہ یہ بھی ہوتی ہے کہ جب آپ کے کیج میں کوئی ایسا نیا پرندہ آتا ہے جس کے پہلے ہی پوکس نکلے ہوں تو جب مچھر اس کو کاٹ کر آپ کے کسی تندرست بچے کو بھی کاٹیں گے تو اس کے پوکس نکل سکتے ہیں۔

ہم چکس کو اس سے کیسے بچا سکتے ہیں۔

جی تو یہ ایک اہم بات ہے اس کی کافی احتیاطی تدابیر ہیں لیکن میں ان میں سے کوئی چند لکھنے کی کوشش کرتا ہوں ہو اگر آپ صرف ان چند تدابیر پر ہی عمل کریں گے تو آپ نے 99٪ اس مرض سے اپنے بچوں کو بچا سکتے ہیں۔

1۔پرندوں کو ملٹی وٹامن استعمال کروائیں اور ان کو اچھی ڈائٹ دیں کیونکہ ہر صحت مند پرندہ کسی بھی بیماری سے بچنے کے زیادہ چانسز رکھتا ہے۔
2-جب بچہ دس دن کا ہو جائے تو اس کا ایک چھوٹا پر کھینچ کر کر اس میں آئیوٹیک(ivermactin) کا کا ایک قطرہ ڈال دیں کیونکہ یہ کرنے سے سے بچے کا خون کڑوا ہوجائے گا اور مچھر کے اسے کاٹنے کے چانس کسی حد تک کم ہو جائیں گے۔

3-روزانہ ایک کوآئل(جلیبی) یا میٹ کا استعمال لازمی بنائیں اور جو آپ کا لافٹ ہے یہ خیال رہے کہ کہ مغرب سے پہلے اس کے جو جو مچھر گزرنے کے راستے ہیں وہ بند کر دیے جائیں۔یا تو ادھر باریک کپڑا یا جعلی لگا دیں یا پھر پھر کوئی اور چیز لگا دیں لیکن اس بات کا خیال رکھنا ہے کے ہوا کا گزر لازمی ہے کیونکہ موسم میں تھوڑی سی گرمی آ رہی ہے اور آپ کے پرندوں کو ہوا کے گزر کی ضرورت ہے ہوا بند ہونے سے پرندوں کو کافی نقصانات ہوتے ہیں۔

4 -مارکیٹ میں آپ کو سپرے مل جائے گی جو کہ آپ اپنے کبوتروں کے کمرے میں کر سکتے ہیں اور ان کا کوئی نقصان نہیں یہ تین سے چار منتھ مچھر نہیں آنے دیتی جن میں سے میں آپ کو ایک بتاتا ہوں لیمڈا 15٪ جو آپ اپنے کبوتروں کو تھوڑی دیر سائیڈ پہ کرکے اپنے کمرے میں کر سکتے ہیں۔
اور الفاکل نام سے ایک سپرے آ جاتی ہے جو اپ ڈائریکٹ بچوں پر کر سکتے ہیں۔

اس کے کافی طریقہ کار ہے آپ اپنے حساب سے جو آپ کو مناسب لگے وہ کر سکتے ہیں لیکن یہ بات یاد رہے کہ اس کی آپ نے احتیاط کرنی ہے اس کا علاج اتنا آسان نہیں ہے یہ نہیں ہے کہ علاج نہیں ہے علاج ہے لیکن بہت مشکل ہے ایک بچے کا علاج آپ کے پورے سیزن کی احتیاط کے برابر چلا جاتا ہے تو آپ نے صرف احتیاط کرنی ہے آپ نے علاج کی طرف نہیں جانا علاج آپ اپنے حساب سے کر سکتے ہیں ل۔ تو جو مجھے آسان لگا وہ میں نے آپ لوگوں کو بتا دیا۔

اگر میں نے کچھ غلط لکھا ہو تو آپ دوست میری درستگی فرما سکتے ہیں

دعامیں یاد رکھنا
حافظ عمیر۔

Munir & Son's Piegon

23/07/2025

23/07/2025

24/05/2025

19/03/2025

19/03/2025

16/02/2025

18/01/2025

26/05/2024

11/03/2023

14/02/2023

Address

Telephone

Website

Alerts

Contact The Business

Shortcuts

Share

Category