06/02/2022
" معلوماتی مضمون "
کچھ بنیادی نکات جن پر ہر نئے شوقین کو لازمی عمل کرنا چاہیے۔
• لوبرڈز کو ہمیشہ فلٹر والا پانی استعمال کروایں۔
•کبھی بھی دانہ یا بیج ایسی دکان سے مت خریدیں جو پرندوں یا جانوروں کی خرید و فروخت کرتا ہو۔
• لوبرڈز کو بریڈنگ کے دوران 22٪، مولٹ پر 17٪، ریسٹ پر 13٪ تقریباً پروٹین کی ضرورت ہوتی ہے لہذا لوبرڈز کو ان کی ضروریات کے مطابق متوازن خوراک محیا کریں اور اس چیز کو یقینی بنائیں کے جو خوراک آپ دے رہے ہے وہ ان کی ضرورت کو پورا کرے۔
• نئے خریدے گئے لوبرڈز کو ہمیشہ کم از کم 15 دن کے لیے شیڈ سے الگ قرنطینہ میں رکھیں، 40 دن زیادہ بہتر ہیں۔
•روزانہ کی بنیاد پر رات کو پانی نکالیں اور صبح دوبارہ برتن دھو کر تازہ پانی دیں۔
• کم از کم 12 گھنٹے لائٹس بند رکھیں اور اپنے پرندوں کو 12 گھنٹے آرام دیں، 14-16 گھنٹے زیادہ بہتر ہے۔
• اپنے شیڈ میں مناسب ہوا کی گردش اور وینٹیلیشن یقینی بنائیں پھر باہر جو بھی درجہ حرارت ہو، صرف اس چیز کا خیال کریں کے سیدھی ہوا لوبرڈز کو نہ لگے۔
• جب بھی کوئی پرندہ بیمار ہوتا ہے تو اس کی بیٹھ کا مشاہدہ کریں اور سینیئرز یا ڈاکٹر کے ساتھ شئیر کرکے رہنمائی حاصل کریں۔
پرندے کی بیماری اور علاج کے بارے میں جاننے کے لیے اس کی 30 سیکنڈ کی ویڈیو اور بیٹھ دیکھنے کے لیے کیج کی ٹرے باہر نکال کے مکمل روشنی میں واضح ویڈیو شیئر کریں بغیر بیٹھ کے معائنے کے بیماری کا پتا لگانا مشکل ہوتا ہے
• ہمیشہ ایک ہفتے کے بعد ٹرے صاف کریں اور صفائی کے وقت پرندوں کی بیٹھ کا مشاہدہ کریں۔
• روزانہ کم از کم 30 منٹ اپنے پرندوں کے سامنے بیٹھیں اور ان کی سرگرمیوں کا مشاہدہ کریں تاکہ جب کوئی پرندہ بیمار ہو جائے تو آپ کو اس کی حرکت دیکھ کے فوراً معلوم ہو جائے گا کہ یہ پرندہ بیمار ہے۔
کارگو پر منگوائے پرندے کو ایک دم اپنے شیڈ میں موجود پرندوں کے ساتھ مت چھوڑیں نہ ہی جوڑا لگانے کی کوشش کریں ۔ ۔ ۔ برڈ کو تھوڑا ماحول میں ایڈجسٹ اور پر سکون ہونے دیں اس کے بعد جوڑا لگائے۔
نئے کارگو آنے والے پرندے کو تھکاوٹ اور بخار سے بچانے کے لئے Panadol یا Brufen سیرپ 1ml اور Stress سے بچانے کے لیے کوئی بھی ملٹی وٹامن سیرپ 1ml (Spark,Vidylan,Surbex,Lysov it) پانی والے برتن میں ڈال کر دیں۔
از قلم
محمد اویس الیاس
