18/08/2025
"Your dog relies on you for everything. Make sure they're protected from preventable diseases. Vaccinations are a must for responsible pet owners!
KASO SANG RABIES SUBONG NGA TUIG MAS MANUBO, IKUMPARAR SADTONG NAKALIGAD NGA TUIG
Ginkumpirmar sang Department of Health (DOH) nga halin sadtong Enero 1 tubtob Agosto 2 nakabalhag lamang ang ahensya sang 211 nga kaso sang rabies sa pungsod.
Ini ang mas manubo sang 21% ikumparar sa 266 nga kaso nga nabalhag sa kaangay nga panahon sadtong 2024.
Sa pihak sini, nagpahanumdom ang DOH sa publiko nga indi mangin kampante bangud makamamatay ang rabies nga ginapasa pinaagi sa kagat, karos, kag laway sang ido, kuring, kag iban pa nga sapat nga may yara sini.
Sa datus sang DOH, halos pareho lang ang mga nabalhag nga kaso halin sa hinuptanan ukon domestic pets kag layaw nga sapat ukon stray animals.
Samtang, yara sa 121 ukon 57% naman sang mga kabug-usan nga kaso ang wala matumod kon nabakunahan ang sapat ukon wala.
Kaangtanan sini, liwat nagapanawagan ang DOH sa publiko nga siguruhon nga bakunado ang mga hinuptanan nga sapat kag mangin responsible pet owners.
Dugang pa sang ahensya nga kon sa tion naman nga makagat ukon nakaros, hugasan gilayon ang pilas gamit ang sabon kag sa natubod nga tubig sa sulod sang napulo ka minutos kag sa gilayon nga magpakonsulta sa pinakamalapit nga health center ukon Animal Bite Treatment Center.
DYOP 102.5 FM
UNA SA SERBISYO
BASKOG RADYO!
