Neptune Bullies PH

Call Contact the business

Neptune Bullies PH Neptune Bullies PH 🇵🇭 - Passionate about Love birds, Bunnies, and American Bullies.

Wednesday, October 28, 2026Acts 6:4 – ”At ilalaan naman namin ang aming oras sa pananalangin at sa pangangaral ng salita...
28/10/2026

Wednesday, October 28, 2026

Acts 6:4 – ”At ilalaan naman namin ang aming oras sa pananalangin at sa pangangaral ng salita ng Diyos.”

Unahin ang Pananalangin

Ang paglilingkod sa Panginoon ay hindi lang tungkol sa maraming gawaing nagagawa natin, kundi higit sa lahat, sa ating katapatan sa pananalangin at pangangaral ng Kanyang Salita. Makikita natin sa halimbawa ng mga apostol na bagama’t mahalaga ang pagtugon sa pangangailangan ng mga tao, hindi nila pinabayaan ang pangunahing tungkuling ipinagkatiwala sa kanila ng Diyos. Bilang mga lingkod ni Cristo, kailangan nating matutong magtakda ng tamang prayoridad. Minsan, dahil sa dami ng responsibilidad natin, ministry activities, at personal na problema, puwedeng maging abala tayo sa gawain ng Panginoon pero napapabayaan naman natin ang pakikipag-ugnayan sa Kanya. Tandaan natin na ang tunay na lakas sa paglilingkod ay nagmumula sa pananalangin at sa patuloy na pag-aaral at pagsunod sa Salita ng Diyos.

Gaya ng sinabi Niya sa Juan 15:5, “Sapagkat kung kayo'y hiwalay sa Akin ay wala kayong magagawa.”

Kaya naman, huwag nating hayaang mapalitan ng pagiging abala ang ating personal na pakikisama sa Panginoon. Unahin natin ang pananalangin, manatili tayo sa Kanyang Salita, at maglingkod nang may pusong nakatuon sa Kanyang kaluwalhatian. Ang pinakamahalagang bagay ay hindi lang ang marami nating nagagawa para sa Diyos, kundi ang tapat nating paglilingkod na nagmumula sa malalim na ugnayan sa Kanya. Be Christ-centered. Be Gospel-focused. Be eternally-minded. Be a blessing. 🙏

Scripture reading
Morning: Psalm 88; 1 Kings 20
Evening: Zech. 1:1-17; James 2:14–26



26/10/2026

Tuesday, October 27, 2026

2 Timothy 2:16 – “Iwasan mo ang makamundo at walang kwentang usap-usapan, dahil lalo lang napapalayo sa Diyos ang mga gumagawa nito.”

Mga Salitang Nakakatulong

Mahalagang maging maingat tayo sa ating mga salita, sapagkat hindi lahat ng usapan ay nakatutulong sa ating espirituwal na paglago. May mga pag-uusap na nagdudulot ng tsismis, pagtatalo, pagkakampi-kampi, at pagkasira ng relasyon sa kapwa. Sa halip na gamitin ang ating bibig para manira o makipagtalo, gamitin natin ito para magpatibay, magbigay ng pag-asa, at magpahayag ng katotohanan ng Salita ng Diyos. Tandaan natin na ang ating mga salita ay nagpapakita ng kalagayan ng ating puso. Kaya bago tayo magsalita, tanungin natin ang ating sarili: Ang sasabihin ko ba ay makapagbibigay-luwalhati sa Diyos at makatutulong sa espirituwal na paglago ng iba, o makakasira?

Sabi Niya sa Ephesians 4:29 – ”Huwag kayong magsasalita ng masama kundi iyong makabubuti at angkop sa sitwasyon para maging kapaki-pakinabang sa nakakarinig.”

Nawa'y maging maingat tayo sa ating pananalita at piliin palagi ang mga salitang nagtataguyod ng katotohanan, kapayapaan, at kabanalan para sa kaluwalhatian ng ating Panginoong Jesu-Cristo. Be Christ-centered. Be Gospel-focused. Be eternally-minded. Be a blessing. 🙏

Scripture reading
Morning: Psalm 87; 1 Kings 19
Evening: Haggai 2; James 2:1-13



Thursday, October 22, 2026Matthew 24:43-44 – 43 “Tandaan ninyo ito: kung alam ng isang tao kung anong oras sa gabi darat...
22/10/2026

Thursday, October 22, 2026

Matthew 24:43-44 – 43 “Tandaan ninyo ito: kung alam ng isang tao kung anong oras sa gabi darating ang magnanakaw, magbabantay siya at hindi niya hahayaang pasukin ng magnanakaw ang kanyang bahay. 44 Kaya maging handa rin kayo, dahil Ako na Anak ng Tao ay darating sa oras na hindi ninyo inaasahan.”

Hindi Mo Inaasahan

Itinuturo ni Jesus na dapat tayong laging maging handa dahil hindi natin alam kung kailan Siya babalik. Tulad ng isang may-ari ng bahay na nagbabantay kung alam niyang may magnanakaw na darating, dapat din tayong mamuhay nang may pagbabantay at paghahanda sa pagdating ng Panginoon. Hindi sapat na paminsan-minsan lang natin Siya alalahanin o maglingkod kapag may oras tayo; sa halip, dapat makita sa araw-araw nating pamumuhay ang ating pananampalataya, pagsunod, at katapatan sa Kanya. Hindi natin alam kung kailan darating ang Panginoon, kaya huwag nating ipagpaliban ang pagsisisi, paglago sa pananampalataya, at paggawa ng Kanyang kalooban. Ang taong tunay na naghihintay sa pagbabalik ni Cristo ay namumuhay nang tapat sa Kanya ngayon.

Sabi Niya sa 1 Thessalonians 5:6, “Kaya nga huwag tayong matulog na gaya ng iba, kundi tayo'y magbantay at maging mapagpigil.”

Mga kapatid, maging handa tayo sa bawat sandali, hindi dahil sa takot, kundi dahil mahal natin ang Panginoon at nais nating matagpuan Niya tayong tapat sa Kanyang pagbabalik. Be Christ-centered. Be Gospel-focused. Be eternally-minded. Be a blessing. 🙏

Scripture reading
Morning: Psalm 82; 1 Kings 14:21–15:24
Evening: Ezekiel 45; Romans 14



Wednesday, October 21, 20261 Juan 4:20 – ”Ang nagsasabing mahal niya ang Diyos ngunit napopoot naman sa kanyang kapatid ...
21/10/2026

Wednesday, October 21, 2026

1 Juan 4:20 – ”Ang nagsasabing mahal niya ang Diyos ngunit napopoot naman sa kanyang kapatid ay sinungaling. Dahil kung ang kapatid niya mismo na nakikita niya ay hindi niya mahal, paano pa kaya niya magagawang mahalin ang Diyos na hindi naman niya nakikita?”

Minahal at Pinatawad

Ang tunay na pagmamahal natin sa Diyos ay nakikita sa paraan ng pagmamahal natin sa kapwa. Bilang mga Kristiyano, hindi sapat na umawit tayo ng papuri, magbasa ng Biblia, o palaging dumalo sa pagsamba kung nagtatago naman sa puso natin ang galit, sama ng loob, at kawalan ng pagpapatawad sa iba. Hindi ibig sabihin nito na madali nating magugustuhan ang lahat o sasang-ayunan natin ang lahat ng ginagawa nila, kundi tinatawag tayo ng Diyos na magmahal nang may pagpapatawad, kabutihan, at katotohanan. Tandaan natin na tayo mismo ay minahal at pinatawad ng Diyos sa kabila ng mga pagkakasala natin. Kaya kung nais nating ipakita ang pagmamahal natin sa Panginoon, simulan natin sa mga taong nakapaligid sa atin.

Sabi Niya sa Ephesians 4:32, “Sa halip, maging mabait kayo at maawain sa isaʼt isa. At magpatawad kayo sa isaʼt isa gaya ng pagpapatawad ng Diyos sa inyo dahil kay Cristo.”

Mayroon bang tao sa buhay mo na kailangan mong patawarin o pakitaan ng pagmamahal? Puno na ba ng galit ang pagkatao mo? Huwag nating hayaang manaig ang galit sa ating puso. Ipakita natin sa ating pakikitungo sa kapwa ang tunay na pag-ibig natin sa Diyos. Be Christ-centered. Be Gospel-focused. Be eternally-minded. Be a blessing. 🙏

Scripture reading
Morning: Psalm 81; 1 Kings 14:1-20
Evening: Ezekiel 44; Romans 13



Tuesday, October 20, 2026Numbers 23:19 – ”Ang Diyos ay hindi tao na magsisinungaling, o magbabago ng Kanyang isip. Nagsa...
20/10/2026

Tuesday, October 20, 2026

Numbers 23:19 – ”Ang Diyos ay hindi tao na magsisinungaling, o magbabago ng Kanyang isip. Nagsasabi ba Siya ng hindi Niya ginagawa? Nangangako ba Siya ng hindi Niya tinutupad?”

Tapat at Hindi Nagsisinungaling

Kahit may mga pagkakataong hindi natin nauunawaan ang nangyayari sa ating buhay, huwag agad tayong mawalan ng pag-asa o magduda sa Kanyang kabutihan. Puwedeng magbago ang ating sitwasyon, mabigo tayo sa ating mga plano, at hindi matupad ang mga pangako ng tao, pero ang Salita ng Diyos ay nananatiling totoo at maaasahan. Kaya patuloy tayong magtiwala sa Kanya, hindi dahil alam natin ang lahat ng Kanyang gagawin, kundi dahil kilala natin kung sino Siya—isang Diyos na tapat at hindi nagsisinungaling.

Gaya ng sinasabi Niya sa Titus 1:2, ”...ang Diyos ay hindi nagsisinungaling.”

Kapag nanghihina ang ating pananampalataya, alalahanin natin na ang ating pag-asa ay hindi nakasalalay sa mga pangako ng tao kundi sa katapatan ng ating Diyos. Kapag may ipinangako ang Diyos, makatitiyak tayo na tutuparin Niya ito ayon sa Kanyang kalooban at tamang panahon. Be Christ-centered. Be Gospel-focused. Be eternally-minded. Be a blessing. 🙏

Scripture reading
Morning: Psalm 80; 1 Kings 13
Evening: Ezekiel 43; Romans 12



Friday, October 16, 2026Isaias 26:3 – “Panginoon, bigyan Nʼyo nang lubos na kapayapaan ang taong Kayo lagi ang iniisip d...
16/10/2026

Friday, October 16, 2026

Isaias 26:3 – “Panginoon, bigyan Nʼyo nang lubos na kapayapaan ang taong Kayo lagi ang iniisip dahil nagtitiwala siya sa Inyo.”

Takot at Pag-aalala

Ang Panginoon ang nagbibigay ng tunay na kapayapaan sa mga taong nagtitiwala sa Kanya at nananatiling nakatuon ang isip sa Kanya. Hindi ibig sabihin na mawawala na ang lahat ng problema at alalahanin sa buhay natin, kundi sa gitna ng mga pagsubok, maaari pa rin tayong magkaroon ng kapayapaan dahil alam nating ang Diyos ang may kontrol sa lahat ng bagay. Minsan, masyado tayong nababalisa dahil nakatuon tayo sa bigat ng mga problema kaysa sa kadakilaan at katapatan ng ating Diyos. Kaya sa halip na hayaang manaig ang takot at pag-aalala, matuto tayong manalangin, magtiwala sa Kanyang mga pangako, at isuko sa Kanya ang mga bagay na hindi natin kayang kontrolin.

Sabi Niya sa Philippians 4:6–7 – ”Huwag kayong mag-alala sa anumang bagay. Sa halip, ilapit sa Diyos ang lahat ng pangangailangan nʼyo sa pamamagitan ng panalangin na may pasasalamat. Kapag ginawa nʼyo ito, bibigyan kayo ng Diyos ng kapayapaan na siyang mag-iingat sa puso ninyo at pag-iisip dahil kayoʼy nakay Cristo Jesus. At ang kapayapaang ito ay hindi kayang unawain ng tao.”

Ang tunay na kapayapaan ay hindi nakasalalay sa kawalan ng problema kundi sa ating pagtitiwala sa Diyos na hindi nagbabago. Kapag ang isip natin ay laging nakatuon sa Kanya, makakayanan nating harapin ang bawat araw nang may pananampalataya at kapanatagan. Be Christ-centered. Be Gospel-focused. Be eternally-minded. Be a blessing. 🙏

Scripture reading
Morning: Psalm 76; 1 Kings 9:10–10:29
Evening: Ezekiel 38; Romans 8:18-39



Thursday, October 15, 2026Proverbs 16:1 – “Nasa tao ang pagpaplano, ngunit ang Panginoon ang nagpapasya kung magaganap i...
14/10/2026

Thursday, October 15, 2026

Proverbs 16:1 – “Nasa tao ang pagpaplano, ngunit ang Panginoon ang nagpapasya kung magaganap ito o hindi.”

Gabay ng Panginoon

Puwede tayong gumawa ng mga plano at maghanda ng mga sasabihin, pero ang Diyos pa rin ang may ganap na kapangyarihan sa lahat ng bagay. Minsan, sigurado tayo sa mga desisyon natin kasi pinag-isipan nating mabuti, pero kailangan pa rin nating kilalanin na limitado ang ating pang-unawa at kailangan natin ang gabay ng Panginoon. Hindi masama ang magplano, mangarap, at maghanda; ang mahalaga ay huwag nating kalimutang ipagkatiwala sa Diyos ang lahat ng ating ginagawa. Bago tayo magdesisyon, matuto tayong manalangin at humingi ng karunungan para ang ating mga plano ay umayon sa kalooban Niya.

Sabi Niya sa Kawikaan 3:5-6, “Magtiwala ka nang buong puso sa Panginoon at huwag kang manalig sa iyong sariling karunungan. Alalahanin mo ang Panginoon sa lahat ng iyong ginagawa at ituturo Niya sa iyo ang tamang landas.”

Sa huli, hindi sapat na maganda ang mga plano natin; mas mahalaga na ang Diyos ang nangunguna sa ating buhay at handa tayong sumunod sa Kanyang kalooban. Be Christ-centered. Be Gospel-focused. Be eternally-minded. Be a blessing. 🙏

Scripture reading
Morning: Psalm 75; 1 Kings 9:1-9
Evening: Ezekiel 37; Romans 8:1-17



Wednesday, October 14, 2026Luke 15:7 – At sinabi ni Jesus, “Ganoon din sa langit, masayang-masaya sila roon dahil sa isa...
13/10/2026

Wednesday, October 14, 2026

Luke 15:7 – At sinabi ni Jesus, “Ganoon din sa langit, masayang-masaya sila roon dahil sa isang makasalanang nagsisisi kaysa sa 99 na matuwid na hindi nangangailangang magsisi.”

Totoong Nagsisisi

Ipinapakita ni Jesus kung gaano kalaki ang kagalakan sa langit kapag ang isang makasalanan ay nagsisisi at nagbabalik-loob sa Diyos. Minsan, iniisip natin na dahil sa dami ng pagkakasala natin, wala na tayong pag-asang tanggapin muli ng Panginoon. Pero ipinapaalala sa atin ng talatang ito na hindi kinalulugdan ng Diyos na mapahamak ang makasalanan, kundi ang kanyang pagsisisi at pagbabalik sa Kanya. Hindi ibig sabihin na maliit lang ang kasalanan, kundi napakadakila ng biyaya ng Diyos sa mga taong totoong nagsisisi. Kaya huwag nating maliitin ang kapangyarihan ng ebanghelyo na magbago ng buhay, at huwag din nating isuko ang mga taong naliligaw ng landas. Sa halip, patuloy natin silang ipanalangin, abutin, at akayin pabalik kay Cristo.

Sabi Niya sa 2 Pedro 3:9 – ”Hindi nagpapabaya ang Panginoon sa pagtupad sa pangako Niya, gaya ng inaakala ng ilan. Ang totoo, binibigyan lang Niya ng pagkakataong magsisi ang lahat sa mga kasalanan nila, dahil ayaw Niyang mapahamak ang sinuman.”

Tandaan natin, ang bawat taong nagsisisi at nagtitiwala kay Cristo ay dahilan ng kagalakan sa langit. Kaya patuloy tayong magbahagi ng ebanghelyo, dahil ang isang kaluluwang nagbabalik sa Diyos ay mahalaga sa Kanyang paningin. Be Christ-centered. Be Gospel-focused. Be eternally-minded. Be a blessing. 🙏

Scripture reading
Morning: Psalm 74; 1 Kings 8:22–66
Evening: Ezekiel 36; Romans 7



Tuesday, October 13, 2026Psalm 55:22 – “Ibigay mo sa Panginoon ang iyong mga alalahanin at aalagaan ka Niya. Hindi Niya ...
13/10/2026

Tuesday, October 13, 2026

Psalm 55:22 – “Ibigay mo sa Panginoon ang iyong mga alalahanin at aalagaan ka Niya. Hindi Niya pababayaan ang mga matuwid magpakailanman.”

Katapatan at Pangangalaga

May mga pagkakataon sa buhay na parang napakabigat ng mga dinadala natin—mga problema sa pamilya, pangangailangan sa buhay, mga alalahanin sa kinabukasan, at mga pagsubok na hindi natin masabi sa iba. Pero ipinapaalala sa atin ng Salita ng Diyos na hindi natin kailangang pasanin ang lahat nang mag-isa. Puwede nating ilapit sa Panginoon ang lahat ng alalahanin natin dahil nagmamalasakit Siya lagi. Hindi ibig sabihin nito na mawawala agad ang mga problema natin, kundi tinitiyak ng Diyos na hindi Niya tayo pababayaan sa gitna ng mga ito. Kaya imbes na magpadala sa pag-aalala, matuto tayong magtiwala sa Kanyang.

Tulad ng sinasabi sa 1 Pedro 5:7, “Ipagkatiwala nʼyo sa Kanya ang lahat ng kabalisahan nʼyo, dahil nagmamalasakit Siya sa inyo.”

Kapatid, ipagkatiwala mo sa Panginoon ang mga bagay na hindi mo kayang kontrolin, patuloy kang sumunod sa Kanyang kalooban, at manalig na bibigyan ka Niya ng lakas para harapin ang bawat araw. Be Christ-centered. Be Gospel-focused. Be eternally-minded. Be a blessing. 🙏

Scripture reading
Morning: Psalm 73; 1 Kings 8:1–21
Evening: Ezekiel 35; Romans 6



Thursday, October 08, 2026Psalm 25:16 – ”Dinggin Nʼyo po ako at Inyong kahabagan, Panginoon, dahil akoʼy nag-iisa at nag...
08/10/2026

Thursday, October 08, 2026

Psalm 25:16 – ”Dinggin Nʼyo po ako at Inyong kahabagan, Panginoon, dahil akoʼy nag-iisa at naghihirap.”

Hindi Ka Nag-iisa

May mga pagkakataon sa buhay na kahit may mga taong nasa paligid natin, pakiramdam pa rin natin ay mag-isa tayo. May mga problema at sakit na hindi natin madaling maikwento sa iba. Ganyan ang kalagayan ni David nang manalangin siya sa Panginoon. Hindi niya itinago ang nararamdaman niya; direkta siyang lumapit sa Diyos at humingi ng awa at habag. Ganoon din dapat tayo. Kapag mabigat ang puso natin, kapag pagod na tayo, o kapag parang wala nang nakakaintindi sa atin, puwede tayong lumapit sa Panginoon nang buong katapatan. Hindi natin kailangang magpanggap na okay tayo, dahil alam na ng Diyos ang laman ng puso natin.

Sabi sa Awit 34:18, “Malapit ang Panginoon sa mga bagbag ang puso.”

Kaya kung pakiramdam mo ay nag-iisa ka ngayon, hindi ’yan totoo. Tandaan mo: hindi ka nag-iisa dahil lagi mong kasama ang Panginoong Hesus. Lumapit ka sa Kanya, sabihin mo sa Kanya ang lahat ng bigat ng puso mo, at magtiwala ka na hindi Niya babalewalain ang pagluha at panalangin mo. Be Christ-centered. Be Gospel-focused. Be eternally-minded. Be a blessing. 🙏

Scripture reading
Morning: Psalm 68; 1 Kings 3
Evening: Ezekiel 29-30; Romans 3:9–20



Address

San Pedro City
Laguna
4023

Telephone

+639322427850

Website

Alerts

Be the first to know and let us send you an email when Neptune Bullies PH posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Neptune Bullies PH:

Shortcuts

Share

Category

Nearby pet stores & pet services