11/06/2025
ဒီနေ့လာပြတဲ့ patient လေးတွေထဲကထူးထူးခြားခြားလေး သားအမိပါ။သားဖြစ်သူက အသက်26နှစ်တဲ့။ဟုတ်ရဲ့လား2ခါပြန်မေးယူရတယ်။ကျမက အသက်24နှစ်ထိရှိတဲ့ကြောင်မလေးတစ်ကောင်ကိုဘဲတွေ့ဖုးခဲ့လို့ပါ။ သူတို့ကိုကြည့်ရတာအပြင်ပန်းအနေအထားက10/12နှစ်ဘဲထင်ရ။ Client ကသူ့မောင်လေးအသက်နဲ့အတူတူပါဘဲမို့ အသက်ကတကယ်အမှန်အကန်ပါတဲ့ရှင့်။ကြောင်မေမေကတော့28
နှစ်ခန့်မှန်းပါတဲ့လေ။26နှစ်သားလေးကတော့ castrate လုပ်ထားတာပါ။အမေကတော့ ငယ်ငယ်က တားဆေးထိုးထားခဲ့ပြီးခုမထိုးတာ နှစ်20ခန့်ရှိပါပြီတဲ့။
သူတို့သားအမိရဲ့ အသက်ဇီဝဓာတ်အားကောင်းပုံလေးကိုဆင်ခြင်မိတာပါ။တိလေးတွေလာဖြစ်တာတောင်မှ အသက်ရှင်မှုအချိန်ကာလတွေမတူကြပါဘူးေနာ်။ဒါတောင်မှပိုင်ရှင်က အထူးတလည်ယုယုယယထားတာမဟုတ်ဘဲပုံမှန်လောက်ဘဲဂရုစိုက်တာရှိပါတယ်လို့ပြောတယ်ရှင့်။ခုလဲ အဆုတ်အအေးမိတာ သူတို့အရွယ် တခြားကြောင်လေးတွေမှာဆို seriously ဖြစ်နိုင်သော်လည်း သူတို့ကတော့ တစ်ရက်နှစ်ရက်အတွင်း respond မြန်မြန်နဲ့နလံထူနိုင်ကြပါတယ်။နားရွက်လေးတွေနွေး ခြေဖျားတွေနွေး ပုံမှန်ပြန်စားသောက်နိုင်ကြပါပြီ။ ကြက်စွပ်ပြုတ်ရည်ရေလေးတိုက် ။Oxygen တောင်မှပေးစရာမလို steam inhalation လေးလောက်ပါဘဲ။
Castrate လုပ်ထားတဲ့ကြောင်လေးမို့အသက်ရှည်တယ်ပြောနိုင်ပေမဲ့သူ့အမေကတော့ သားအိမ်ထုတ်တာမျိုးမရှိပါဘူး။သူ့အကြောင်းလေးတွေနဲ့သူလာကြတယ်ဆိုတာမျိုးပေါ့နော်။အသက်ရှည်ကျန်းမာတဲ့ကလေးတွေတွေ့ရင်ဝမ်းသာရပါတယ်။သူတို့လေးတွေကို ကုသလိုက်လို့ မြန်မြန်ဆန်ဆန်သက်သာသွားရင် စိတ်ချမ်းသာမှုကပြောမပြတတ်အောင်ကိုပါဘဲရှင်။ အားလုံးသော ကလေးတွေကျန်းမာကြပါစေ။
ံ
