https://www.facebook.com/472723099267078/

MEF Task Force, Yangon Equestrian Compound, Yangon (2025)

29/04/2025

Equestrian Development Center (EDC)
အဆောက်အဦးရှိ မြင်းဇောင်း အဆောက်အဦးအား
MEF Task Force မှ တစ်နှစ်စာအတွက်ငှားခ
ကျပ်သိန်း ၂၀၀ တိတိ ပေးချေငှားရမ်းခြင်း စာချုပ်ကို
၂၀၂၅ ခုနှစ်၊ ဧပြီလ (၂၉) ရက်နေ့တွင်
အောင်မြင်စွာ ချုပ်ဆိုနိုင်ခဲ့ပါသည်။

စာချုပ် အသေးစိတ်ကို တွဲဖက် တင်ပြလိုက်ရပါသည်။

26/03/2025

မြင်းစီးအားကစား ဝါသနာရှင်များ၊
မြင်းချစ်သူများ ခင်ဗျား

၂၀၂၅ ခုနှစ်၊ မတ်လ ၂၅ ရက်မှ
မတ်လ ၂၉ ရက်အထိ ထိုင်းနိုင်ငံ၊ ပတ္တရာမြို့
Thai Polo Club တွင် ပြုလုပ်သည့်
2025 Seagames Eventing Camp
(၂၀၂၅ အရှေ့တောင်အာရှ
အားကစားပြိုင်ပွဲ Eventing အနီးကပ်
ကြီးကြပ်သင်တန်း) ကို
မြန်မာနိုင်ငံ ကိုယ်စားပြု
အားကစားသမားများ ဖြစ်ကြသည့်
- သန်းနိုင်အောင်
- စောမောင်
- ကျော်၀ဏ္ဏအောင်
တို့သည် မြန်မာနိုင်ငံမြင်းစီးအားကစားအဖွဲ့ချုပ် အားကစားသမားနည်းပြ
ဖြစ်သည့် ဒေါ်အိသက်မွန်နှင့်အတူ သင်တန်း တက်ရောက်နေပြီ ဖြစ်ပါသည်။

အဆိုပါသင်တန်းတွင် Eventing
အားကစားနည်းတွင် ပါဝင်သည့်
အခက်အခဲဖြတ်ကျော် Cross Country
ကစားနည်း၊ တန်းခုန် Show Jumping ကစားနည်း နှင့်
အလှစီး Dressage ကစားနည်း (၃) ခု စလုံးနှင့် ပတ်သက်ပြီး ပြင်သစ်နိုင်ငံမှ
လာရောက်သင်ကြားသည့်
နိုင်ငံတကာနည်းပြ Maxine Livio က အနီးကပ် သင်ကြား ပြသပေးမည် ဖြစ်ပါသည်။

အဆိုပါ သင်တန်းတွင် တက်ရောက်သင်ကြားနေမှုများ၏ မှတ်တမ်း ဓာတ်ပုံများကို မျှဝေပေးလိုက်ပါသည်။

13/03/2025

မြင်းစီးအားကစားဝါသနာရှင်များ၊
မြင်းချစ်သူများခင်ဗျာ။

၂၀၂၅ခုနှစ်၊မတ်လ ၁၃ရက်နေ့တွင် တရုတ်တိုင်ပေ၊
တိုင်ချွမ်း၌ ကျင်းပခဲ့သည့် Asian Equestrian
Federation Cup CSICh-B Taichung(Show Jumping)
အသက် ၁၄နှစ်အောက် အာရှလူငယ် မြင်းစီး တန်းခုန်ပြိုင်ပွဲတွင်
မြင်းစီးအားကစားသမား မြတ်သူထက်သည် နည်းပြဒေါ်အိသက်မွန်၏
ကြီးကြပ်မှုနှင့် ပါဝင်ယှဉ်ပြိုင်ခဲ့ပါသည်။

Show Jumping 2 rounds ယှဉ်ပြိုင်ရာတွင် 2 rounds စလုံး
အောင်မြင်အောင် ခုန်နိုင်ခဲ့ပါသည်။ ပြစ်ဒဏ်အမှတ်များ ရှိခဲ့သည့်အတွက်
ပြစ်ဒဏ်အမှတ် ကင်းလွတ်သော
အင်ဒိုနီးရှား၊ ထိုင်း၊ တရုတ်တိုင်ပေ နိုင်ငံများက
ပထမ၊ ဒုတိယ၊ တတိယ ဆုများ အသီးသီး
ဆွတ်ခူးသွားခဲ့ကြောင်း တင်ပြလိုက်ရပါသည်။

12/03/2025

ကမ္ဘာ့မြင်းစီးအားကစား အဖွဲ့ချုပ် FEI တွင် တရားဝင်စာရင်းပေးသွင်းထားသော မြန်မာကိုယ်စားပြု အားကစားသမားများ၏ အမည်စာရင်းကို တင်ပြပေးလိုက်ပါသည်။ စာရင်းသွင်းထားသော အားကစားသမားများသာလျှင် နိုင်ငံတကာ မြင်းစီးပြိုင်ပွဲများတွင် ဝင်ရောက် ယှဉ်ပြိုင်ခွင့် ရပါသည်။

အဆိုပါ စာရင်းသွင်းခြင်းအတွက် ကုန်ကျငွေများကို မြန်မာနိုင်ငံမြင်းစီးအားကစားအဖွဲ့ချုပ်မှ တာဝန်ယူ ကျခံပေးထားပါသည်။

12/03/2025

မြင်းစီးအားကစားဝါသနာရှင်များ၊
မြင်းချစ်သူများခင်ဗျာ....

၂၀၂၅ခုနှစ်၊မတ်လ ၁၃ရက်နေ့တွင် တရုတ်တိုင်ပေ၊ တိုင်ချွမ်း၌ ကျင်းပမည့် Asian Equestrian Federation Cup CSICh-B Taichung(Show Jumping) အသက် ၁၄နှစ်အောက် အာရှလူငယ် မြင်းစီး တန်းခုန်ပြိုင်ပွဲတွင် မြန်မာနိုင်ငံကိုယ်စားပြု ပါဝင်ယှဉ်ပြိုင်မည့် မြင်းစီးအားကစားသမား
မြတ်သူထက်သည် နည်းပြဒေါ်အိသက်မွန်နှင့်အတူ တရုတ်တိုင်ပေသို့ရောက်ရှိနေပြီဖြစ်ပါသည်။

ပြိုင်ပွဲတွင် မြတ်သူထက်မှ စီးနင်းယှဥ်ပြိုင်ရမည့်မြင်းကို မဲနှိက်ရွေးချယ်ရာတွင် Cameron အမည်ရှိမြင်းအား မဲပေါက်ရရှိခဲ့ကာ အဆိုပါမြင်းနှင့် ယနေ့မှစတင်၍ လေ့ကျင့်မှုများပြုလုပ်နေပြီဖြစ်ပါသည်။
အဆိုပါပြိုင်ပွဲတွင် မြန်မာနိုင်ငံအပါအဝင် နိုင်ငံပေါင်း(၁၉)နိုင်ငံမှ မြင်းစီးအားကစားသမားများ ပါဝင်ယှဥ်ပြိုင်ကြမည်ဖြစ်ပါသည်။

မြတ်သူထက်သည်သည် မြင်းစီးအားကစားဖြင့် နိုင်ငံ့ဂုဏ်ကိုဆောင်နိုင်ရန်အတွက် မြန်မာ့မြင်းလောကသားများ အားလုံးတို့၏ ဆုတောင်းများက
အဓိက အထောက်အပံ့များဖြစ်ပါသည်။

11/03/2025

လာမည့် မတ်လ ၁၃ ရက်နေ့တွင် ကျင်းပပြုလုပ်မည့် Asian Equestrian Federation Cup CSICh-B Taichung 2025 (Show Jumping)
အသက် ၁၄ နှစ်အောက် အာရှ လူငယ် တန်းခုန်မြင်းစီးပြိုင်ပွဲတွင်
မြန်မာကိုယ်စားပြု ယှဉ်ပြိုင်မည့် အားကစားသမား မြတ်သူထက်သည်
ပြိုင်ပွဲအတွက် မြင်း မဲနှိုက်ရွေးချယ်ရာတွင် Cameron အမည်ရှိ
မြင်းကို ရရှိပါသည်။

ယနေ့တွင် မြတ်သူထက်သည် အဆိုပါမြင်းနှင့်
လေ့ကျင့်မှုများ ပြုလုပ်လျက်ရှိပါသည်။

09/03/2025

မတ်လ ၁၃ ရက်၊ ၂၀၂၅ ခုနှစ်တွင် တရုတ်တိုင်ပေနိုင်ငံ
တိုင်ချွန်းမြို့တွင် ကျင်းပပြုလုပ်မည့်
Asian Equestrian Federation Cup
CSICh-B Taichung 2025 (Show Jumping)
အသက် ၁၄ နှစ်အောက် အာရှ လူငယ် တန်းခုန်မြင်းစီးပြိုင်ပွဲတွင်
မြန်မာနိုင်ငံ ကိုယ်စားပြု ဝင်ရောက်ယှဉ်ပြိုင်မည့်
မြန်မာ့လက်ရွေးစင် လူငယ်အားကစားသမား မြတ်သူထက်နှင့်
နည်းပြဒေါ်အိသက်မွန်တို့သည် ပြိုင်ပွဲယှဉ်ပြိုင်ရန်အတွက်
ယနေ့ မတ်လ ၉ ရက် နေ့လယ်ခင်းတွင်
ရန်ကုန်အပြည်ပြည်ဆိုင်ရာ လေဆိပ်မှ
စတင်ထွက်ခွာပြီ ဖြစ်ပါသည်။

09/03/2025

မျိုးဆက်သစ် အားကစားသမားများ ပေါ်ထွန်းလာရန်
Task Force မှ လုပ်ဆောင်မည့် ရွေးချယ်လေ့ကျင့်မှုများတွင် ပါဝင်နိုင်ရန်အတွက် လျှောက်လွှာပုံစံ။

21/02/2025

ထိုင်းနိုင်ငံ ပတ္တရာမြို့တွင် ၂၂-၂-၂၀၂၅ တွင်
ကျင်းပပြုလုပ်မည့်
CSI-YB Show Jumping Competition တွင်
မြန်မာ့ကိုယ်စားပြု အားကစားသမား
ကျော်ဝဏ္ဏအောင် ပါဝင်ယှဉ်ပြိုင်ပါမည်။

မဲနှိုက်ရရှိသည့် မြင်း Pikes Peak ဖြင့်
၂၁-၂-၂၀၂၅ နေ့တွင်
အကျွမ်းဝင် လေ့ကျင့်နေမှု ဓာတ်ပုံများကို
တင်ပြလိုက်ပါသည်။

07/02/2025

မြင်းစီးအားကစားဝါသနာရှင်များ၊
မြင်းချစ်သူများခင်ဗျာ....

မြန်မာနိုင်ငံမြင်းစီးအားကစားအဖွဲ့ချုပ်သည်
၂၀၂၅ခုနှစ်၊မတ်လတွင်
ထိုင်ဝမ်နိုင်ငံ၊တိုင်ချောင်းမြို့၌ကျင်းပမည့်
(CSICH-B) Show Jumping Taichung အသက် ၁၂နှစ်မှ ၁၄နှစ်ကြား မြင်းစီးတန်းခုန်ပြိုင်ပွဲသို့
ပါဝင်ယှဥ်ပြိုင်နိုင်ရန်အတွက် လူရွေးပွဲကို ၇.၂.၂၀၂၅(သောကြာနေ့)
ယနေ့နံနက် ၈နာရီကရန်ကုန်တိုင်းဒေသကြီး၊ဒဂုံမြို့သစ်(မြောက်ပိုင်း)မြို့နယ်၊မြန်မာနိုင်ငံမြင်းစီးအားကစားအဖွဲ့ချုပ်၊မြင်းစီးအားကစားကွင်းတွင်
ကျင်းပခဲ့ရာ

-အားကစားသမား ဆုဟန်နီထွန်းက
မြင်းအမည် စကားဝါမေကိုစီးနင်း၍လည်းကောင်း၊

-အားကစားသမား မြတ်သူထက်က မြင်းအမည်
နဝရတ်ကိုစီးနင်း၍လည်းကောင်း၊

-အားကစားသမား ပိုးပိုးဟန်က မြင်းအမည်မေရီ(Merry)ကို စီးနင်း၍ လည်းကောင်း
ယှဥ်ပြိုင်ခဲ့ကြပြီး

Penalty-0၊စံချိန် ၅၆•၀၃စက္ကန့်
ဖြင့် အားကစားသမား မြတ်သူထက်က
အကောင်းဆုံးယှဥ်ပြိုင်၍ မြန်မာနိုင်ငံကိုယ်စားပြုအားကစားသမားအဖြစ် ရွေးချယ်ခြင်းခံခဲ့ရပါသည်။

အလားတူ ၂၀၂၅ခုနှစ်၊ဖေဖော်ဝါရီလ(၂၀)ရက်တွင် ထိုင်းနိုင်ငံ၊ပတ္တယားမြို့၌ကျင်းပမည့်
(CSIY-B) Show Jumping Pattaya
အသက် ၁၆နှစ်မှ ၂၁နှစ်ကြား မြင်းစီးတန်းခုန်ပြိုင်ပွဲသို့ ပါဝင်ယှဥ်ပြိုင်နိုင်ရန်အတွက် လူရွေးပွဲကိုဆက်လက်ကျင်းပရာ
- အားကစားသမား ကောင်းမြတ်သူက မြင်းအမည် စိန်အိမ်စည်ကို
စီးနင်း၍လည်းကောင်း၊
- အားကစားသမားအောင်ကိုကိုထက်က မြင်းအမည် ဂျနီဖာ(Jennifer)ကို စီးနင်း၍လည်းကောင်း
-အားကစားသမား ဆက်ပိုင်ဖြိုးက မြင်းအမည်
ဟေဇဲလ်(Hazel)ကိုစီးနင်း၍လည်းကောင်း၊
-အားကစားသမားကျော်ဝဏ္ဏအောင်က မြင်းအမည်ရူဘီ(Ruby) ကိုစီးနင်း၍လည်းကောင်း
အကြိတ်အနယ်ယှဥ်ပြိုင်ခဲ့ကြပြီး
Penalty-4၊စံချိန် ၅၆•၅၀စက္ကန့်ဖြင့် ကျော်ဝဏ္ဏအောင်က အကောင်းဆုံးယှဥ်ပြိုင်၍ မြန်မာနိုင်ငံကိုယ်စားပြုအားကစားသမားအဖြစ် ရွေးချယ်ခြင်းခံခဲ့ရပါသည်။

အဆိုပါလူရွေးပွဲသို့ မြန်မာနိုင်ငံမြင်းစီးအားကစားအဖွဲ့ချုပ်ဥက္ကဌ ဦးပြုံးမောင်မောင်နှင့်တကွ အဖွဲ့ချုပ်ဗဟိုအလုပ်အမှုဆောင်များ၊ဒိုင်အဖွဲ့ဝင်များ၊နည်းပြများ၊မြင်းပိုင်ရှင်များ၊
အားကစားသမားများ၊အားကစားသမားများ၏မိဘများ စုံညီစွာတက်ရောက်အားပေးခဲ့ကြပြီးနံနက် ၁၀:၃၀နာရီတွင် လူရွေးပွဲအစီအစဥ်များအောင်မြင်စွာပြီးမြောက်ခဲ့ပါသည်။

22/01/2025

မျိုးဆက်သစ်အားကစားသမားများ
ပေါ်ထွန်းဖွံ့ဖြိုးရေးလုပ်ငန်းအဖွဲ့ (TASK FORCE) ဖွဲ့စည်းခြင်း။

အသင်း ဖွဲ့စည်းပုံမှာ ပုံပါအတိုင်း ဖြစ်ပါသည်။

21/01/2025

မြန်မာနိုင်ငံမြင်းစီးအားကစားအဖွဲ့ချုပ်

(၇၈) နှစ်မြောက် ပြည်ထောင်စုနေ့အထိမ်းအမှတ်
မြင်းစီးအားကစားပြိုင်ပွဲ အသိပေးကြေညာချက် (၁)

၂၀၂၅ ခုနှစ် ဇန်နဝါရီလ (၂၀) ရက်

---------------

၁။ မြန်မာနိုင်ငံမြင်းစီးအားကစားအဖွဲ့ချုပ်သည် နိုင်ငံတော်၏နေ့ထူးနေ့မြတ်တစ်ရက်ဖြစ်သော ပြည်ထောင်စုနေ့ကို ဂုဏ်ပြုသောအားဖြင့် ပြည်နယ် နှင့် တိုင်းဒေသကြီး မြင်းစီးအားကစားပြိုင်ပွဲအား ယမန်နှစ် (၂၀၂၄ ခုနှစ်) က စတင်ပြီး မြန်မာနိုင်ငံမြင်းစီးအားကစားအဖွဲ့ချုပ်၏ မြောက်ဒဂုံမြင်းစီးအား ကစားကွင်းတွင် ကျင်းပပြုလုပ်ခဲ့ပါသည်။

၂။ ယင်းသို့ ကျင်းပနိုင်ရန်အတွက် မြန်မာရိုးရာမြင်းစီးအားကစားကော်မတီ၊ ပြည်နယ် နှင့် တိုင်းဒေသကြီးအလိုက် မြင်းစီးအားကစားဆပ်ကော်မတီများကို မြန်မာနိုင်ငံမြင်းစီးအားကစား အဖွဲ့ချုပ်၏ အထွေထွေအတွင်းရေးမှူးနှင့် Compliance Committee ဥက္ကဋ္ဌတို့က ကြီးကြပ်ကာ ဖွဲ့စည်း ခြင်းများပြုလုပ်ခဲ့သည့်အတွက် ယခုအခါ -

(က) ရန်ကုန် တိုင်းဒေသကြီးမြင်းစီးအားကစားဆပ်ကော်မတီ
(ခ) မန္တလေးတိုင်းဒေသကြီးမြင်းစီးအားကစားဆပ်ကော်မတီ
(ဂ) ဧရာဝတီတိုင်းဒေသကြီးမြင်းစီး အားကစားဆပ်ကော်မတီ
(ဃ) ပဲခူးတိုင်းဒေသကြီးမြင်း စီးအားကစားဆပ်ကော်မတီ
(၄) ဖွဲ့အား ဖွဲ့စည်းထားပြီးဖြစ်ပါသည်။

၃။ ပြည်နယ် နှင့် တိုင်းဒေသကြီးဆပ်ကော်မတီများကို ဖွဲ့စည်းရာတွင် -

(က) မြန်မာနိုင်ငံမြင်းစီးအားကစားအဖွဲ့ချုပ်က ဦးဆောင်ကြီးကြပ်ဖွဲ့စည်းရန်။

(ခ) ဖွဲ့စည်းပြီး ဆပ်ကော်မတီဝင်များ၏ အမည်စာရင်းကို မြန်မာနိုင်ငံမြင်းစီးအားကစား အဖွဲ့ချုပ်မှ အားကစားနှင့်လူငယ်ရေးရာဝန်ကြီးဌာန နှင့် သက်ဆိုင်ရာတိုင်းဒေသကြီး အစိုးရအဖွဲ့သို့ ဆက်လက်တင်ပြပြီး အတည်ပြုချက်ရယူရန်။

(ဂ) အတည်ပြုချက်ရရှိပါက သက်ဆိုင်ရာပြည်နယ် နှင့် တိုင်းဒေသကြီး မြင်းစီးအားကစား ဆပ်ကော်မတီအား မြန်မာနိုင်ငံမြင်းစီးအားကစားအဖွဲ့ချုပ်မှ အသိအမှတ်ပြုလက်မှတ် ထုတ်ပေးရန်။

(ဃ) ဆပ်ကော်မတီအတွင်း ဖွဲ့စည်းပုံပြောင်းလဲပါက မြန်မာနိုင်ငံမြင်းစီးအားကစား အဖွဲ့ချုပ်သို့ တင်ပြပြီး အပိုဒ် (ခ) ပါ အတိုင်း အတည်ပြုချက်ရယူရန်။
စသည့် အခြေခံစည်းမျဉ်းများ သတ်မှတ်ဖွဲ့စည်းခဲ့ခြင်းဖြစ်သည်။

၄။ ယခုနှစ် (၂၀၂၅ ခုနှစ်) ကျင်းပမည့် (၇၈) နှစ်မြောက် ပြည်ထောင်စုနေ့အထိမ်းအမှတ် မြင်းစီး အားကစားပြိုင်ပွဲကျင်းပနိုင်ရေးအတွက် ယမန်နှစ် (၂၀၂၄ ခုနှစ်) ကနှင့်မတူဘဲ အပိုင်း (၂) ပိုင်း ခွဲကာ ကျင်းပသွားမည်ဖြစ်ကြောင်းကို တိုင်းဒေသကြီးအလိုက် ကိုယ်စားလှယ်များပါဝင်သည့် မြန်မာ့ရိုးရာ မြင်းစီးအားကစားကော်မတီ၏ (၂၈-၀၉-၂၀၂၄) ရက်နေ့ ဧရာဝတီတိုင်း၊ (၂၈-၁၂-၂၀၂၄) ရက်နေ့ မန္တလေးတိုင်းနှင့် (၁၂-၁-၂၀၂၅) ရက်နေ့ ရန်ကုန်တိုင်း တို့တွင် ကျင်းပခဲ့သည့် အစည်းအဝေးများ၌ ဆွေးနွေးအတည်ပြုချက် ရယူပြီးဖြစ်သည်။

၅။ အဆိုပါ အပိုင်း (၂) ပိုင်း အနက် ပထမပိုင်းမှာ နိုင်ငံတကာမြင်းစီးအားကစားနည်းပြိုင်ပွဲများ ဖြစ်သည့် Show Jumping နှင့် Eventing မှ Cross Country ပြိုင်ပွဲများကို Union Day Show Jumping Championship Cup အဖြစ် သတ်မှတ်ရန်၊ ဒုတိယပိုင်းမှာ ရိုးရာမြင်းစီးအားကစားနည်း ပြိုင်ပွဲများဖြစ်သည့် ရိုးရာဒုန်းစီး၊ ရိုးရာအသားကျစီး၊ ရိုးရာဓါးခုတ်၊ ရိုးရာစက်ထိုး၊ လှံထိုး (Tent Pe***ng) ပြိုင်ပွဲများကို ပြည်ထောင်စုနေ့ ရိုးရာမြင်းစီးအားကစားတံခွန်စိုက်ဖလားအဖြစ် သတ်မှတ် ရန်တို့ဖြစ်သည်။

၆။ ပထမပိုင်းဖြစ်သည့် Union Day Show Jumping Championship Cup ပြိုင်ပွဲမှာ ပြည်နယ် နှင့် တိုင်းဒေသကြီး (သို့မဟုတ်) ကလပ် အလိုက်ပြိုင်ပွဲမဟုတ်ဘဲ အလွတ်တန်းပြိုင်ပွဲဖြစ်ပြီး အားကစားသမား၊ မြင်း နှင့် မြင်းပိုင်ရှင်တို့ကသာ ကိုယ်စားပြုယှဉ်ပြိုင်ရမည်ဖြစ်သည်။ ပြိုင်ပွဲ အမျိုးအစားတိုင်းတွင် အနည်းဆုံးပြိုင်ပွဲဝင် (၄)ဦး ရှိမှ (ပထမ၊ ဒုတိယ၊ တတိယ) ဆုကို ချီးမြှင့်မည်။ (၃) ဦး ရှိပါက (ပထမ နှင့် ဒုတိယ) ဆုသာ ချီးမြှင့်မည်။ (၂) ဦးသာ ရှိပါက နှစ်သိမ့်ဆုသာ ချီးမြှင့်မည်။ ပြိုင်ပွဲအမျိုးအစားများမှာ -

(က) အသက် (၁၄) နှစ်အောက် Children တန်းခုန်ပြိုင်ပွဲ
(ခ) အသက် (၁၄) နှစ် နှင့် (၁၈) နှစ် အတွင်း Junior တန်းခုန်ပြိုင်ပွဲ
(ဂ) အသက် (၁၆) နှစ် နှင့် (၂၁) နှစ် အတွင်း Youth တန်းခုန်ပြိုင်ပွဲ
(ဃ) အသက် (၂၁) နှစ် အထက် Senior တန်းခုန်ပြိုင်ပွဲ (Youth အတန်းမှ ပြိုင်ပွဲဝင်လိုသူ များပါ ယှဉ်ပြိုင်နိုင်သည်။) တို့ဖြစ်သည်။

(မှတ်ချက်။ အားကစာသမား နှင့် မြင်း သည် ဖေါ်ပြပါပြိုင်ပွဲများတွင် ဘောင်ဝင်ပါက (၂) ကြိမ် ယှဉ်ပြိုင်နိုင်သည်။)

Cross Country ပြိုင်ပွဲသည် အလွတ်တန်းပြိုင်ပွဲဖြစ်ပြီး အသက် (၁၆) နှစ် နှင့် အထက် အားက စားသမားများ ပါဝင်ယှဉ်ပြိုင်နိုင်သည်။

အထက်ပါပြိုင်ပွဲများမှ ထူးချွန် နှင့် အလားအလာရှိသော အားကစားသမားများကို မျိုးဆက် သစ်အားကစားသမားများပေါ်ထွန်းဖွံ့ဖြိုးရေးအလုပ်အဖွဲ့ (Task Force) က ရွေးချယ်ပြီး နိုင်ငံတကာ ပြိုင်ပွဲများတွင် ပါဝင်ယှဉ်ပြိုင်နိုင်ရန် စဉ်ဆက်မပြတ်လေ့ကျင့်ပေးသွားမည်။

၇။ မြန်မာ့ရိုးရာမြင်းစီးအားကစားကော်မတီ၏ ပြည်ထောင်စုနေ့တံခွန်စိုက်ဖလားပြိုင်ပွဲများနှင့် ဆုကြေးများမှာ အောက်ပါအတိုင်း ဖြစ်ပါသည်။

(က) ဒုန်းအကြီးတန်း ( ၅ပေ နှင့် ၅ပေ၂လက်မ အတွင်း)
ပထမဆု ၂၀ သိန်း ၊ ဒုတိယဆု ၁၀သိန်း၊ တတိယဆု ၅သိန်း

(ခ) ဒုန်းအလတ်တန်း ( ၄ပေ ၁၀လက်မ မှ ၅ပေ အတွင်း)
ပထမဆု ၂၀သိန်း ၊ ဒုတိယဆု ၁၀သိန်း၊ တတိယဆု ၅သိန်း

(ဂ) ဒုန်းအငယ်တန်း ( ၄ပေ ၈လက် မ မှ ၄ပေ ၁၀လက်မအတွင်း )
ပထမဆု ၁၀သိန်း ၊ ဒုတိယဆု ၅သိန်း၊ တတိယဆု ၃သိန်း

(ဃ) ဒုန်း Pony တန်း ( ၄ပေ ၈ လက် မ. အောက် )
ပထမဆု ၅သိန်း ၊ ဒုတိယဆု ၃သိန်း၊ တတိယဆု ၂သိန်း

(င) မြန်မာ့ရိုးရာအသားကျ ( အသက်၊ဒေါက်တန်းမခွဲပါ)
ပထမဆု ၅သိန်း ၊ ဒုတိယဆု ၃သိန်း၊ တတိယဆု ၂သိန်း

(စ) ရိုးရာဓားခုတ်စီးနင်းပြိုင်ပွဲ
ပထမဆု ၅သိန်း ၊ ဒုတိယဆု ၃သိန်း၊ တတိယဆု ၂သိန်း

(ဆ) ရိုးရာ လှံထိုးစီးနင်းပြိုင်ပွဲ ( Tent Pe***ng )
ပထမဆု ၁၀သိန်း ၊ ဒုတိယဆု ၅သိန်း၊ တတိယဆု ၃သိန်း

အဆိုပါပြိုင်ပွဲများတွင် တိုင်းအသီးသီးမှ ရရှိသည့် ရလာဒ်အပေါ်မူတည်၍ ဆုတံခွန်စိုက်ဖလား ချီးမြှင့်သွားမည်။

၈။ မြန်မာနိုင်ငံမြင်းစီးအားကစားအဖွဲ့ချုပ်အနေနှင့် ၂၀၂၄ ခုနှစ် အတွင်း ဇန်နဝါရီလ မှ ဒီဇင်ဘာ လ အထိ လစဉ် (အချို့သောလတွင် နှစ်ကြိမ်) နိုင်ငံတကာပြိုင်ပွဲများ၊ သင်တန်းများ၊ Workshop များ၊ အာရှ နှင့် အရှေ့တောင်အာရှ အဆင့်ရှိပြိုင်ပွဲများ ကျင်းပခြင်း၊ ဖွင့်လှစ်ခြင်း၊ ပြိုင်ပွဲဝင်ခြင်းများကို ပြုလုပ်ခဲ့ပါသည်။ ယင်းသို့ လူအား၊ ငွေအား၊ ပညာအား တို့ဖြင့် ကြိုးပမ်းအားထုတ်နေမှုသည် မြန်မာ အနေဖြင့် နိုင်ငံတကာပြိုင်ပွဲများသို့ဝင်ရောက်ပြီး အောင်မြင်မှုရရှိကာ မြန်မာ့ဂုဏ်ကိုဆောင်နိုင်ရန် ဖြစ်သည်။

၉။ တစ်ပြိုင်နက်မှသည် ရိုးရာမြင်းစီးအားကစားများ မတိမ်ကောစေရန်အတွက် ရိုးရာမြင်းစီးအား ကစားဆပ်ကော်မတီကို ဖွဲ့စည်းခြင်း၊ တိုင်းဒေသကြီးမြင်းစီးအားကစားဆပ်ကော်မတီများ ဖွဲ့စည်းပြီး ပြည်ထောင်စုနေ့အထိမ်းအမှတ် မြန်မာ့ရိုးရာမြင်းစီးအားကစားတံခွန်စိုက်ဖလားပြိုင်ပွဲ ကျင်းပခြင်း စသည်တို့ကိုလည်း လူအား၊ ငွေအား၊ ပညာအားဖြင့် ကြိုးပမ်းဆောင်ရွက်လျက်ရှိသည်။

၁၀။ မြန်မာနိုင်ငံမြင်းစီးအားကစားအဖွဲ့ချုပ်အနေဖြင့် လုပ်ရမည့်အလုပ်များကို လုပ်နေသလို တိုင်းဒေသကြီးမြင်းစီးအားကစားဆပ်ကော်မတီများအနက် ပဲခူးတိုင်းဒေသကြီးမြင်းစီးအားကစားဆပ် ကော်မတီအနေနှင့် ကိုယ်ထူကိုယ်ထစနစ်ဖြင့် TKK မြင်းစီးကလပ်ကို ထူထောင်ပြီး ပြည်ထောင်စုနေ့ အထိမ်းအမှတ်တံခွန်စိုက်ဖလားပြိုင်ပွဲတွင် ဝင်ရောက်ယှဉ်ပြိုင်နိုင်ရန် လူရွေးပွဲများကျင်းပကြောင်း သိရှိရသည့်အတွက် ပဲခူတိုင်းဒေသကြီးမြင်းစီးအားကစားဆပ်ကော်မတီကို မြန်မာနိုင်ငံမြင်းစီးအားက စားအဖွဲ့ချုပ်အနေနှင့် ချီးကျူးဂုဏ်ပြုပါသည်။ အခြားသောဖွဲ့စည်းပြီး တိုင်းဒေသကြီးမြင်းစီးအားက စားဆပ်ကော်မတီအသီးသီးသည်လည်း နမူနာယူဆောင်ရွက်ကြပါရန်ကိုလည်း တိုက်တွန်းအပ် ပါသည်။

၁၁။ မြန်မာနိုင်ငံမြင်းစီးအားကစားအဖွဲ့ချုပ်အနေနှင့် ပါဝင်ယှဉ်ပြိုင်မည့် တိုင်းဒေသကြီးအသီးသီး ပြင်ဆင်ချိန်ရရှိရန် ပြိုင်ပွဲများအား ဖေဖေါ်ဝါရီလ (၁၂) ရက် မှ (၁၆) ရက်နေ့ သို့ တောင်းဆိုချက်များ အရ ပြောင်းရွှေ့ပြီးဖြစ်သည်။ အချို့သော တိုင်းဒေသကြီးများက လူရွေးပွဲကို ပြိုင်ပွဲမကျင်းပမီရက်များ အတွင်း ကျင်းပလိုပါက လုပ်ထုံးလုပ်နည်းများအတိုင်းတင်ပြကာ အတည်ပြုချက်ရယူပြီး ဆောင်ရွက် နိုင်သည်။

၁၂။ ယခုအခါ ၂၀-၀၁-၂၀၂၅ ရက်နေ့တွင် ကွင်းပြင်ဆင်မှု ၉၅ ရာခိုင်နှုန်းပြီးစီးပြီဖြစ်ပြီး သက်ဆိုင် ရာမှခွင့်ပြုချက်များရရှိပါက အစီအစဉ်များအတိုင်း ဆက်လက်ကျင်းပမည်ဖြစ်သဖြင့် တိုင်းဒေသကြီး များ နှင့် အားကစာသမားများ မှ စုံညီစွာပါဝင်ယှဉ်ပြိုင်နိုင်ရန် ကြိုတင်ပြင်ဆင်ထားကြပါရန် အသိပေး အပ်ပါသည်။

- မြန်မာနိုင်ငံမြင်းစီးအားကစားအဖွဲ့ချုပ်

ဖြန့်ဝေခြင်း
၁။ ရန်ကုန်တိုင်းဒေသကြီးမြင်းစီးအားကစားဆပ်ကော်မတီ
၂။ မန္တလေးတိုင်းဒေသကြီးမြင်းစီးအားကစားဆပ်ကော်မတီ
၃။ ပဲခူးတိုင်းဒေသကြီးမြင်းစီးအားကစားဆပ်ကော်မတီ
၄။ ဧရာဝတီတိုင်းဒေသကြီးမြင်းစီးအားကစားဆပ်ကော်မတီ

MEF Task Force

29/04/2025

26/03/2025

13/03/2025

12/03/2025

12/03/2025

11/03/2025

09/03/2025

09/03/2025

21/02/2025

07/02/2025

22/01/2025

21/01/2025

Address

Website

Alerts

Shortcuts

Share

Category