http://www.youtube.com/@sugarglidercarebymora

Sugar Glider Care by Mora, Room 106, Building 888, Oakkyin Budayone Street, 13 Wards, Hlaing Township, Yangon (2025)

28/06/2025

အသက် ၅နှစ်ကျော် သားသား အကိတ်လေး

တစ်နေ့က Sugar Glider အကိတ်လေး ဆီးဝမ်းသွားတိုင်း ခက်ခက်ခဲခဲ နဲ့ အသံမြည်အောင် အော်နေရလို့ တီတီ Mora ရဲ့ Sugar Glider Care Center ကို လာပြပါတယ်။ သားသားကို လိုအပ်တဲ့ ကျန်းမာရေး စစ်ဆေးကြည့်တော့ အဝလွန်နေတာက လွဲရင် အကုန်ကောင်းပါတယ်။ ဆီးဝမ်း ချူပေးကြည့်တော့ ပုံမှန်လို လွယ်လွယ်မသွားတာ သတိထားမိဖြစ်ပါတယ်။ သားသား သခင်တွေကို ဘာကျွေးဖြစ်လဲမေးကြည့်တော့ အစာတွေက ပုံမှန်ဖြစ်ပေမယ့် (သေချာမသိလို့) SG လေးတွေနဲ့ မတည့်တဲ့ နို့မှုန့်တွေတိုက်ဖြစ်တယ် ပြောပါတယ်။ ရေရှည်တိုက်လာတာဆိုတော့ အတွင်း ကလီစာတွေ ပျက်စီးမှာ စိုးရိမ်ရတဲ့အကြောင်းလေး ပြောဖြစ်ပါတယ်။ Sugar Glider လေးတွေ ဝမ်းချုပ်တာက ပြဿနာမရှိ (ကုရလွယ်) ပေမယ့်၊ ဆီးမသွားနိုင်တာ ဆီးလမ်းကြောင်းပိုးဝင်တာဆိုရင် အန္တရာယ်ရှိပါတယ်။

သားသားပြန်ပြီး recover ဖြစ်ဖို့အတွက် နဲ့ အဟာရ ဖြစ်ဖို့ SG နို့မှုန့်လေးရယ်၊ Supplement diet food ရယ်၊ SG တွေအတွက် သီးသန့် ဓါတ်ဆားရည်လေး ပေးပြီး၊ ဆီးကော ဝမ်းကော မှန်ဖို့ (လွယ်လွယ်သွားနိုင်ဖို့) လိုအပ်တဲ့ Diet plan ကအစ သေချာလေး ပြောပေးခဲ့ပါတယ်။

နောက်ရက်မှာတော့ သားသားသခင်က ပြန်ဆက်သွယ်လာပါတယ်။ သားသား ဆီးကော၊ ဝမ်းကော အားလုံးသွားပါပြီတဲ့ 🥰

Sugar Glider လေးတွေက လူစားတဲ့ မှုန့်တွေ၊ နွားနို့နဲ့ အခြားနို့မှုန့်တွေ၊ ဆီ / ဆား / ဟင်းခတ်မှုန့် စတာတွေ ဘာနဲ့မှ မတည့်လို့ သူတို့နဲ့တည့်တဲ့ SG milk နဲ့ သဘာဝ ဖြစ်တဲ့ အသီးလေးတွေ၊ အသားပြုတ်ဆိုရင် ရေနဲ့ပဲ ပြုတ်တာတွေ၊ ပိုးကောင်ခြောက်၊ အစေ့အဆံ စတာလေးတွေကို သေချာလေ့လာပြီး တည့်တာလေးတွေပဲ ကျွေးကြဖို့ SG ဖေဖေ မေမေ တို့သတိပြုကြပါနော် ❤️

Sugar Glider Care by Mora

25/06/2025

Weight 50g to 150g 😱🥰

တီတီ ချစ်ရတဲ့ သမီးချောလေးတွေထဲက သမီးလေး အခုဆိုအကိတ်လေး ဖြစ်လာပါပြီ 😍

ဒီကလေးကို စတွေ့တာက သူ့မေမေက Home service ခေါ်တော့ တီတီ mora ကလေးရဲ့အိမ်ကို သွားပြီး လိုအပ်တဲ့ check up တွေလုပ်ပေးဖြစ်တာပါ။

စတွေ့ချိန်ကလေးက ပိန်ချုံးနေတာ အရွယ်ရောက်နေပေမယ့် weight က 50 gram လောက်ပဲ ရှိတဲ့ ခန္ဓာကိုယ်လေး နဲ့ အစားလည်း သိပ်မစား၊ စားတာကလည်း မမှန် (ကလေးကို ရောင်းတဲ့ နေရာကလည်း SG လေးတွေအတွက် toxic ဖြစ်စေတဲ့နို့မှုန့်တွေထည့်ပေးလိုက်တာ) ဆိုတော့ ကလေးအတွက် လိုအပ်တဲ့ အဟာရ ဖြစ်စေမယ့် Joey နို့မှုန့် + Supplement diet food နဲ့ snack လေးတွေ ပေးပြီး ဘယ်လို care လုပ်သင့်လဲဆိုတာလေးတွေ ပြောပြပေးခဲ့တာ လွန်ခဲ့တဲ့ ၈လကျော်လောက်ကပေါ့။

သူ့မေမေက ကလေးကို အရမ်းချစ် ဂရုတစိုက်ပြုစုပြီး နို့ကော၊ diet food ကော ကိုယ်တိုင်အမြဲ ခွံ့တိုက်ပေးခဲ့ရာကနေ အခုဆိုရင် 150g နီးပါး အကိတ်လေး ဖြစ်လာပါပြီ။ ကလေးက တီတီနဲ့တစ်ခါတွေ့ တစ်ခါ ဖွံ့ပဲ ကိတ်လာတာ 😍

SG လေးတွေက အသီးပဲကျွေးရင် လုံလောက်ပြီ၊ အစာခြောက်လေး တစ်ခါတစ်လေကျွေးမယ်၊ နို့ကလည်း ဘာဖြစ်ဖြစ်တိုက်လို့ရတယ်ဆိုပြီး အဆင်ပြေရာလေးတွေကျွေးရင် တကယ်တန်း ထိတာက ကလေးတွေပါ။ ဒါ့ကြောင့် SG owner တွေ ကလေးတွေကို မွေးတော့မယ်ဆိုရင် သူတို့အတွက် လိုအပ်တဲ့ nutrition လေးတွေကို သေချာလေး လေ့လာပြီး၊ အစာအဟာရ စုံလင်အောင် ကျွေးပေးကြဖို့ သူတို့ရဲ့သက်တမ်းအပြည့် ချစ်ပေး၊ ဂရုစိုက်ပေးကြဖို့ အကြံပေး မျှဝေလိုက်ပါတယ် 🥰

Sugar Glider Care by Mora

24/06/2025

နို့ကြိုက်စိန် ခေးလေးတွေ 😍

အဖြူလေးက စိတ်ထားဖြူတယ်နော် 🤭😂

23/06/2025

မေး - Sugar Glider လေးတွေက ဥာဏ်ကောင်းလား၊ ဆော့တတ်ကြလား?

ဖြေ - သားသားရဲ့ Skill တစ်ပေါက် လျှမ်းလျှမ်းတောက် 🥰

18/06/2025

အထီးလေး တစ်ကောင်တည်း မွေးထားပေမယ့် သခင်က အချိန်များများပေးလို့ Stress မပိပဲ သာယာနေသော ခေး 🥰

*customer ပို့ပေးတဲ့ video လေးပါ 😍

28/05/2025

Specialized milk replacer for Sugar Gliders (main ingredients made in France)

တီတီ Mora ရဲ့ Sugar Glider နို့မှုန့်လေးတွေကို စတင်ထုတ်လုပ်တဲ့ အချိန်က ဒီနေ့ထိတိုင်အောင် (၄နှစ်ဝန်းကျင်လောက်ရှိပါပြီ) အမြို့မြို့အနယ်နယ် ကနေ အထုပ်သေးကစပြီး 470g အထုပ်ကြီး အထိ လက်လီလက်ကား အားပေးနေကြတဲ့သူတွေ အမြောက်အများရှိခဲ့ပြီး ယနေ့ထက်ထိအောင် တီတီ mora ကို ယုံကြည်စွာ အားပေးကြတဲ့ customer အယောက်စီတိုင်းကို အထူးကျေးဇူးတင်ရှိပါတယ်။

ဒီနို့မှုန့်လေးတွေကို mora ကိုယ်တိုင် နှစ်ပေါင်းများစွာ လေ့လာစမ်းသပ်ပြီး အကောင်းဆုံး product တွေကိုသာရွေးချယ် ထုတ်လုပ်ထားလို့ ကိုယ့်ရဲ့ကလေးတွေကိုလည်း နေ့စဥ်တိုက်ကျွေးလာတာဆိုရင် ၅နှစ်ကျော်ရှိပါပြီ။

Mora ရဲ့ Sugar Glider နို့မှုန့်လေးတွေရဲ့ ကောင်းကျိုးလေးတွေကဘာတွေရှိလဲဆိုရင်

✅ အသက်အရွယ်မရွေး (မိခင်ဗိုက်အိတ်ထဲက joey အရွယ်ကစလို့ junior, adult အရွယ် အသက်ကြီးသည်အထိ) ဘေးထွက်ဆိုးကျိုးမရှိဘဲ၊ အဟာရ အစုံအလင် ဖြည့်စည်ပေးနိုင်ခြင်း

✅ Calcium deficiency စတဲ့ အဟာရ ချို့တဲ့ခြင်းကြောင့် ဖြစ်တဲ့ ခြေထောက်တွဲခြင်း၊ အာရုံကြောအားနည်းခြင်းကြောင့် ဦးခေါင်း တစ်ဖက်စောင်းဖြစ်ခြင်း တက်ခြင်း စတဲ့ ရောဂါများ ဖြစ်ပွားခြင်းတို့ကို ကာကွယ်ပေးနိုင်ခြင်း

✅ Under weight ဖြစ်လို့ ပိန်ချုံးနေခြင်း၊ အမွှေးလေးတွေ မညီမညာ စုတ်နေခြင်း၊ အမွှေးအရောင် ဝါထိန်ညစ်နေခြင်းတို့ မဖြစ်အောင် လိုအပ်တဲ့ အဟာရများ ဖြည့်ပေးနိုင်ခြင်း

✅ Protein ဓါတ်လုံလောက်စွာပါဝင်သောကြောင့် အသား နဲ့ ပိုးကောင်လေးတွေ အစားနည်းတဲ့ကလေးများ၊ နို့တိုက်မိခင်များအတွက် အသားဓါတ်များ လုံလောက်စွာ ဖြည့်တင်းပေးနိုင်ခြင်း

✅ အဓိကအကျဆုံးဖြစ်တဲ့ နို့မှုန့် အသား (texture) နဲ့ အနံ့၊ အရသာ တို့ကို Sugar Glider လေးတွေ အနှစ်သက်ဆုံး အနေအထား ဖြစ်အောင်၊ အခြား နွားနို့၊ ခွေးကြောင်တိုက်တဲ့ နို့တို့မှာ ပါဝင်တဲ့ small animal လေးများအတွက် ဘေးဥပါဒ်ဖြစ်စေနိုင်တဲ့ Lactose ဓါတ် အနည်းဆုံးဖြစ်အောင် Formula ဖြင့် ပေါင်းစပ်ထုတ်လုပ်ထားခြင်း

စတာတွေကြောင့် Sugar Glider ဖေဖေ မေမေ တို့ စိတ်အေးချမ်းသာစွာ တိုက်ကျွေးနိုင်တဲ့ အကြောင်းလေး မျှဝေကြော်ငြာ ဝင်လိုက်ပါတယ်နော် 😁

ကျန်းမာလှပဖွံ့ဖြိုးတဲ့ Sugar Glider လေးများ ပိုင်ဆိုင်ကြပါစေ ❤️

Sugar Glider Care by Mora

27/05/2025

ကျော်ဆန်း 🐿️

သားသားအကြောင်းလေး နည်းနည်းပြောပြချင်ပါတယ်ခင်ဗျ၊ သားသားနာမည် ကစပြောရရင် သားနာမည် ကျော်ဆန်းပါခင်ဗျ၊ အခက်အခဲတွေကျော်ဖြတ်နိုင်ပြီး ဆန်းဆန်းပြားပြားလေး အသက်ရှင်ခဲ့ရတဲ့ခလေးမို့ မီမီက သားကို ကျော်ဆန်းလို့ပေးခဲ့တာပါခင်ဗျ၊ ဘာလို့လည်းဆို သားက သားမေမေဗိုက်ထဲ 2လဝန်းကျင်မှ ဗိုက်အိတ်ထဲက ထွက်လာရမှာကို သားဗိုက်အိတ်ထဲ အသက်1လဝန်းကျင်လေးပဲရှိသေးတုန်း သားမေမေ Sugar Glider အမကြီးက ရုတ်တရက်ဆုံးသွားခဲ့တာပါ၊ အာ့လိုသားမေမေ Sugar glider မကြီးဆုံးသွားပေမယ့် သားက ဗိုက်အိတ်ထဲ အမေနို့ကိုက်ရက်လေးနဲ့အသက်ရှင်ကျန်နေခဲ့လို့ မေမေမိုရာက ဗိုက်အိတ်ထဲကနေထုတ်ခဲ့ပေမယ့် သားက နို့ကိုက်ရက်ကိုမဖြုတ်ချင်ခဲ့ဘူးဗျ၊ အမေ့နို့ကြီးတန်းလန်းကို သားပါးစပ်တွေ မနာအောင်မနည်းဖြုတ်ခဲ့ရတာပါဗျ၊ 4,5 ခါလောက် ဆွဲပေမယ့် မပြုတ်လို့ နို့သီးခေါင်းကို ကပ်ကြေးနဲ့ညှပ်ရမလား စဉ်းစားနေရတဲ့ခြေနေမှာပဲ ကံကောင်းစွာပါးစပ်လေးကနေ နို့သီးလေးပြုတ်သွားခဲ့ပါတယ်။

သားရဲ့ကိုယ်လုံးလေးက 1လက်မလောက်တောင်မရှိသေးပဲ 4gလောက်ပဲရှိလို့ နီရဲ စီးကပ်နေပြီး အသားလေးကအရမ်းနုနေတော့ အသဲယားစရာလေးပေါ့ဗျာ၊ မီမီမိုကတော့ ဗိုက်အိတ်ထဲကနေ 1လဝန်းကျင်စောထွက်လာတဲ့ခလေးမို့ ရသမျှကြိုးစားမယ် ရှင်တာဘာညာက သားကံပဲဆိုပြီး တခါတိုက်5စက်လောက်ပဲ သောက်နိုင်တဲ့သားကို တညလုံး မအိပ်ပဲ သားကိုအနွေးခန်းထဲထည့် နို့လေးတိုက်လိုက်နဲ့2ပတ်လောက်တိုက်ခဲ့ရပါတယ်၊ ဒီလိုနဲ့ သားက မီမီရဲ့ Joey နို့လေးနဲ့ပဲ အသက်ဆက်ခဲ့တာ 2လကျာ်လောက်ရှိတဲ့အချိန်မှ သားက တခြားခလေး2ပတ်သားလောက်နဲ့တန်းတူထွားလာခဲ့တာပါခင်ဗျ၊ သားက အမေအိတ်ထဲကနေ အချိန်မတန်ပဲ စောထုတ်ခံခဲ့ရပြီး အနွေးခန်းထဲ အချိန်ပြည့် 2 လနီးပါးနေခဲ့ရတော့ သားကိုယ်လုံးမှာ အသက်2လဝန်းကျင်ထိ အမွှေးလုံးဝမပေါက်ဖူးခင်ဗျ၊ ဒါကိုလည်း photoလေးတွေ ပြထားသလို သားတို့ဆိုင်လာတဲ့ ကိုကို မမ တချို့တော့ သားကိုတွေ့ဖူးကြတယ်ခင်ဗျ၊ သားက အမွှေးမပေါက်တော့ ပုံမှန် room temperature မှာတောင် ခံနိုင်ရည်မရှိပဲ အေးစက်နေရော၊ မီမီက 2 လကျော်မှ ခံနိုင်ရည်ရှိအောင် အပြင်ကိုခေါ်ရင်တောင် ခနလေးပဲ ထုတ်ပြီး မီမီက ကျင့်ပေးရင်း ဧည့်သည်ကိုကို မမ တွေနဲ့ပေးတွေ့ပါတယ်ခင်ဗျ၊ တချို့ မမတွေဆို အမွှေးမပေါက်တဲ့သားကို မကိုင်ရဲကြဘူး အသဲယားကြလို့ပါတဲ့။

ခုဆို သားသားအသက်3လကျော်ပါပြီခင်ဗျာ ၊ သားက 3လသားလောက်ထိ နို့တမျိုးပဲ သောက်တတ်သေးတာပါခင်ဗျ။ အသီးလေးတွေ စစားတတ်တာရက်ပိုင်းပဲရှိပါသေးတယ်၊ ခုဆိုသားသားက တခြား Sugar glider တွေနဲ့တန်းတူ အမွှေးလေးတွေ စုံလာပြီး အရမ်းချောလာတယ်ပြောခံနေရပါပြီခင်ဗျ။ မီမီ့ဘဝမှာလည်း အမေဗိုက်ကနေ 1လစောထွက်လာလို့ (ကြုံတွေဖူးကြတဲ့ SG owner တွေ Knowledge ရှိကြတဲ့သူတွေ သိကြတဲ့အတိုင်း) အပြင်လောကမှာ မိနစ်ပိုင်း နာရီပိုင်းလောက်ပဲ အသက်ရှင်သန်နိုင်တဲ့ သားလို့ နီတာရဲလေးကို ရှင်သန်အောင်မွေးမြူနိုင်ခဲ့တာလည်း မီမီမိုရာ့အတွက် ပထမဆုံးအတွေ့အကြုံနဲ့ တကယ်အမှတ်တရ ဂုဏ်ယူခဲ့ရတဲ့ ပန်းတိုင်လေးတခုမို့ သားစာအရှည်ကြီးရေးပြီး ပြောပြလိုက်တာပါခင်ဗျာ။ စာအရှည်ကြီးကို စိတ်ရှည်ရှည် စိတ်ဝင်တစားဖတ်ပေးလို့လည်း ကျေးဇူးပါခင်ဗျာ။

သားသားသေးသေးလေးတုန်းက video လေးတွေကို မေမေက အသက်ရှင်ပါ့မလား မသေချာလို့ ရိုက်မထားဖြစ်ခဲ့လို့ အသက်ရှင်ဖို့ ရာခိုင်နှုန်းများတဲ့အရွယ်းလေး ကနေစရိုက်ဖြစ်တာလေးတွေကို အမှတ်တရ ဖြစ်အောင် video လေးနဲ့ တင်ပေးလိုက်ပါတယ် ❤️

Sugar Glider Care by Mora

19/05/2025

မနက်တိုင်း နို့တိုက်ပေးနေကြပါ၊ တခါတလေ အုန်းရည်နဲ့ Sugar Glider နို့မှူန့်နဲ့ ဖျော်တဲ့နေ့ဆို ပိုကြိုက် ပိုသောက်ပဲ😂😍😋

အုန်းသီးအုန်းရည်က Glider လေးတွေအတွက်က သဘာဝကပေးတဲ့ ဓါတ်စာ အဟာရတမျိုးလို့ကို သတ်မှတ်လို့ရသလို၊ သူတို့အတွက် ခနခန တိုက်ကျွေးသင့်တဲ့ အသီးတွေထဲကတခုအပါအဝင်ဖြစ်ပါတယ်။ အုန်းရည်နဲ့နို့တွဲတိုက်ခြင်းကြောင့် အရသာလည်း ပိုရှိသလို၊ ရေဓါတ်ဖြည့်ပေးခြင်းနဲ့ အဟာရစုံလင်ခြင်းကြောင့် ကလေးတွေကို ပိုကျန်းမာစေမှာ ဖြစ်ပါတယ်။

မနက်တိုင်း 1လီတာ 2ခွက်ဖျော်တိုက်မှ လောက်သော ရပ်ကွက်ကပါ 😁🥰😋

17/05/2025

ဒီပုံလေးတွေကိုသေချာကြည့်ကြပါနော် SG ဖီမီတို့ရေ 😍

ဘာထူးခြားတာလေးများတွေလဲ အရင်စဉ်းစားနော်

အဖြေကို မန့်မှာဖြေထားပေးပါတယ် နော်🥰

08/05/2025

Sugar Glider Care by Mora နဲ့ အမြဲအားပေးနေတဲ့ SG ဖေဖေမေမေ တို့ရဲ့ အလှူလေးပါ 🐘🐘🐘

ပြုသမျှကုသိုလ် အမျှပေးပါတယ် အမျှအမျှအမျှ ပါ

04/05/2025

ဒီနေ့က တင်းဂွေနေ့လေ ဘေးဘေ 😁

ဒီနေ့က Spa day လေး ဘေးဘေ 🥰

Felo တို့ family (6 Sugar Gliders) လက်သည်းညှပ်၊ ရေချိုး spa လုပ်ပြီး SG နို့မှုန့်နဲ့ snack တွေ အားပေးသွားကြပါတယ်။

ခေးတွေ ပိုလှပိုဖွံ့ပိုကျန်းမာကြပြီး ခေးတို့ဖီဖီနဲ့လည်း နှစ်ပေါင်းများစွာ ပိုချစ်ပိုပျော်နိုင်ကြပါစေနော် 😊

Sugar Glider Care by Mora

28/06/2025

25/06/2025

24/06/2025

23/06/2025

18/06/2025

28/05/2025

27/05/2025

19/05/2025

17/05/2025

08/05/2025

04/05/2025

Address

Telephone

Website

Alerts

Contact The Business

Shortcuts

Share

Category