REVO Veterinary Clinic

01/10/2026

01/10/2026

📢 Pharmacy Assistant — ဆေးဝါးကောင်တာဝန်ထမ်း (မ) ခေါ်ယူခြင်း

မြစ်ကြီးနားမြို့ သီတာ ရပ်ကွက် ရှိ
တိရစ္ဆာန်ဆေးခန်းတွင် ဆေးဝါးကောင်တာပိုင်းလုပ်ကိုင်ရန် ဝန်ထမ်းခေါ်ယူပါသည်

လုပ်ဆောင်ရမည့်တာဝန်များ
• ဆရာဝန်ရေးပေးထားသော ဆေးညွှန်ကြားချက်အတိုင်း ဆေးအမည်၊ ဆေးပမာဏနှင့် အရေအတွက်ကို စစ်ဆေး၍ ပြင်ဆင်ထုတ်ပေးခြင်း
• သောက်ဆေးပြားများကို သတ်မှတ်ထားသည့်အတိုင်း zip bag ထဲထည့်၍ ဆေးသောက်ညွှန်ကြားချက် တပ်ဆင်ပေးခြင်း
• ဆေးဝါးကောင်တာပတ်လည် ၁၀ ပေခန့်ရှိ နေရာကို သန့်ရှင်းစနစ်တကျ ထိန်းသိမ်းခြင်း

လိုအပ်ချက်များ
• ဆေးဝါးပိုင်း အခြေခံနားလည်မှုရှိသူ၊ သက်ဆိုင်ရာအတွေ့အကြုံရှိသူ ဦးစားပေးမည်
• English ဆေးအမည်၊ label နှင့် ပမာဏများကို ဖတ်ရှုစစ်ဆေးနိုင်သူ
• ဆက်ဆံရေးကောင်းပြီး Team နှင့် အလုပ်လုပ်နိုင်သူ
• ခွေး၊ ကြောင်ရှိသည့် ဆေးခန်းပတ်ဝန်းကျင်တွင် အလုပ်လုပ်နိုင်သူ
• ကျောင်းကိစ္စကင်းရှင်းသူ
• ရေရှည်လုပ်ကိုင်လိုသူ

ဤအလုပ် position တွင် ခွေး၊ ကြောင်ကို ဖမ်းကိုင်ခြင်း သို့မဟုတ် ထိန်းချုပ်ခြင်း လုပ်ဆောင်ရန် မလိုပါ

ဆရာဝန်ညွှန်ကြားချက်အတိုင်း ဆေးပြင်ဆင်ထုတ်ပေးရမည်ဖြစ်ပြီး ကိုယ်တိုင်ဆေးရွေးခြင်း၊ dose သတ်မှတ်ခြင်း လုပ်ရန်မလိုပါ

အလုပ်ချိန် — မနက် ၉:၀၀ မှ ည ၇:၀၀
နားရက် — တစ်လလျှင် ၂ ရက်
လစာ — တစ်လ -၅၀၀,၀၀၀ကျပ်+Bonus
အတွေ့အကြုံနှင့် လုပ်ကိုင်နိုင်မှုအပေါ်မူတည်၍ ညှိနှိုင်းမည်။

စိတ်ဝင်စားသူများသည် အမည်၊ ပညာအရည်အချင်း၊ အလုပ်အတွေ့အကြုံ၊ မျှော်မှန်းလစာ တို့ကို ယခု Post တင်ထားသော account ၏ Messenger သို့ ပေးပို့လျှောက်ထားနိုင်ပါသည်။

https://www.facebook.com/khun.thiha.464932/

သင့်လျော်သူများကို Interview အတွက် ပြန်လည်ဆက်သွယ်ပါမည်။

30/09/2026

ပါလာတဲ့ လက်နှစ်ဖက် ခြေနှစ်ဖက် က ဆေးခန်းကပြန်ဖို့အတွက်ပဲသုံးမှာနော်

ဆေးခန်းထဲ ဝင်လာစေချင်ရင်တော့ ချီရမယ်
ဒါပဲ☺️

26/09/2026

လမ်းမှာ ၃ လကြာပြီးနောက်
ပစ္စည်းတဝက်ရောက်လာပါပြီ
🙏🏻
ဒါမျိုးသာ edit လုပ်လို့ရနေရင် သန့်ရှင်းရေး နေ့တိုင်းဘယ်လုပ်ပါ့မလဲဗျာ😄

25/09/2026

မြစ်ကြီးနားမှာနေပြီး ရထားကြိတ်ခံရတယ်လို့ ကလေးရယ်

ဒါမျိုးကလေးတွေကတော့ ကားtiteလိုက် ဆိုင်ကယ်နဲ့ငြိလိုက်နဲ့ နေ့စဉ်လာနေတာပါပဲ
ကျွန်တော်တို့အတွက် ကတော့ နေ့ဒဒ္ဓူဝတွေပါ
အရိုးတွေကျိုးတော့လဲ ဆက်ရတဲ့ကလေးတွေကျတော့လဲ ဆက်
ပတ်တီးစည်းသင့်တဲ့ကလေးတွေကိုလဲစည်းပေါ့
ခွဲသင့်တာတွေလဲ ခွဲစိတ်ပေါ့

ရထားကျတော့ ဘဝမှာ ပထမဆုံး case
ရောက်တဲ့အချိန်မှာ သွေးမထွက်
ခြေထောက်အရိုးတချို့ပါမလာတော့
ဆီးပို့ပြွန်ကွဲပြီး ဥ နှစ်လုံးစလုံး လမ်းပေါ်ပြုတ်ကျကျန်နေခဲ့လေရဲ့..ဥတွေလဲပါမလာ
ဟ..ဥတွေက ဘယ်မှာတုန်း သားကြောဖြတ်ပေးထားတာလားဆိုတော့ မဖြတ်ထားဖူးတဲ့
နံရိုးတချို့ပျော့
နှာခေါင်းထဲက ေXွးတွေထွက်

လုပ်ပေးနိုင်တာက မေ..ဆေးပေးလိုက်တာပါပဲ
သူငြင်ငြင်သာသာပဲအိပ်ပျော်သွား
မေ..ဆေးပေးစက်ဖွင့်
အမွေးတွေအမြန်ရိတ်
ဒီကလေးလိမ်မာတယ် line တွေတပ်ဖို့ ၂ -၃ နေရာတပြိုင်ထဲဖောက်တာတောင် ပေခံရှာတယ်

ရလိုရငြား ကြေနေတဲ့နေရာတွေကို မြန်မြန်ပိုးthet ပြီးသူ Pressure ငြိမ်ရင် ဘယ်လောက်ကြာကြာ ငါရသလောက်ပြန်ပြင်မှာဆိုပြီး တွေးလိုက်မိသေးတယ်
သွေးဖိအားက တဖြည်းဖြည်းကျလာ
အခြေအနေကဘာမှလုပ်မရမှန်းကိုယ်သိပြီ
လိုတဲ့ဆေးတွေထပ်ထိုး
နှလုံးခုန်ပိုမြန်လာ
အသက်ရှူနှုန်းတဖြည်းဖြည်းကျလာပြီး
Rainbow Bridge ကို သက်သာစွာနဲ့ ဖြတ်သွားလေရဲ့

ပိုင်ရှင်ရောဆိုတော့ မရှိ..ခြေထောက် မဖြတ်ချင်ရင် လမ်းမှာ ကျခဲ့တဲ့အရိုးတွေ ပြန်ရမှ ဖြစ်မယ်လို့ပြောလိုက်မိတာကို ပြန်သွားရှာတယ်ထင်ပါ့
(မဖြတ်ချင်ဖူးအတင်းပြောနေလို့ တမင်ပြောလိုက်ရတာပါ..အကုန်ကျေနေပြီမို့ တခြားရွေးစရာမရှိခဲ့ပါ)

နောက်ဆုံးအချိန်ထိ ပြုံးပြုံးလေးနဲ့ တချက်မှ မငြီးသွားခဲ့တဲ့ကလေး
ဒါ ဒီ ၅ နှစ်အတွင်း Accident case တွေမှာ Ozi ဆိုတဲ့ Pitbull အစပ်လေးပြီးရင် ဒုတိယမြောက် စိတ်မကောင်းအဖြစ်ဆုံး case ပါ
ဘာလုပ်လုပ်
ကျေးဇူးတင်တဲ့အကြည့်တွေနဲ့ကြည့်နေသလိုမျိုး (accident လို Case တွေမှာက နာမယ် ကြောက်မယ် အော်မယ် ကိုက်မယ် သေးတွေထွက်ကျမယ်..ထပြေးမယ်..ဒါတွေက သာမန်ရိုးကျတုံ့ပြန်နေကျပုံစံတွေဆိုပေမယ့် ဒီကလေးရဲ့ response ကတော့တကယ် special one ပါ)
ပိုင်ရှင်တွေလဲ ကြေကွဲ
ငါတို့လဲစိတ်မကောင်း
ဒီမြို့မှာမှ ရထားကြိတ်ခံရတယ်လို့ ကလေးရယ်
ကောင်းရာမွန်ရာရောက်ပါစေ
သတိရနေပါမယ်

20/09/2026

⚠️ သေးသေးလေးဆိုပြီး မပေါ့ဆသင့်တဲ့ “မွှား (Tick)” အန္တရာယ်

ထိုင်းနိုင်ငံတွင် မွှားမှတစ်ဆင့် ကူးစက်နိုင်သော SFTS (Severe Fever with Thrombocytopenia Syndrome) ကဲ့သို့သော zoonotic disease များနှင့် ပတ်သက်ပြီး သတိပြုစောင့်ကြည့်မှုများ ပြုလုပ်လျက်ရှိပါတယ်။

ဒီသတင်းကို Share ပေးရတဲ့ ရည်ရွယ်ချက်ကတော့
အိမ်မှာရှိတဲ့ ခွေးလေး၊ ကြောင်လေးတွေကို သန်း/မွှားကင်းအောင် ပုံမှန်ကာကွယ်ပေးဖို့ သတိပေးချင်တာပါ။ 🐶🐱

အိမ်မွေးတိရစ္ဆာန်မှာ Tick တွေကပ်လာရင် တိလေးကိုယ်တိုင်အတွက်သာမက အိမ်ပတ်ဝန်းကျင်ထဲ ဝင်ရောက်ပျံ့နှံ့နိုင်တာကြောင့် မိသားစုဝင်တွေအတွက်ပါ အရေးကြီးပါတယ်။

✅ လစဉ် Flea & Tick Prevention ကို ပုံမှန်လုပ်ပေးပါ
✅ အပြင်ထွက်ပြီးတိုင်း နားရွက်၊ လည်ပင်း၊ ချိုင်း၊ ပေါင်ကြားနဲ့ ခြေချောင်းကြားတွေကို စစ်ဆေးပေးပါ
✅ အိပ်ရာ၊ ခြံဝန်းနဲ့ နေထိုင်ရာပတ်ဝန်းကျင်ကို သန့်ရှင်းထားပါ
✅ တွေ့ရှိတဲ့ Tick ကို လက်ဗလာနဲ့ ဖိချေခြင်း မပြုလုပ်ပါနဲ့
✅ သင့်တော်တဲ့ Flea/Tick preventive ကို အသက်၊ ကိုယ်အလေးချိန်နဲ့ ကျန်းမာရေးအခြေအနေအလိုက် Veterinarian နဲ့ တိုင်ပင်ပြီး ရွေးချယ်ပေးပါ

💡 Prevention က ကုသခြင်းထက် ပိုလွယ်ပြီး ပိုလုံခြုံပါတယ်။

တိလေးတွေကို ကာကွယ်ပေးခြင်းဟာ
တိလေးတွေအတွက်သာမက ကိုယ့်မိသားစုရဲ့ ကျန်းမာရေးကိုပါ ကာကွယ်ပေးခြင်း ဖြစ်ပါတယ်။ ❤️🐾

14/09/2026

အဖျားပဲတိုင်းမှာဆို
အခု အရေပြားအနာတွေရှိလို့တဲ့
အမွှေးတွေပါရိတ်ကုန်ပြီ
ဆေးထိုးရမယ်ဆိုတဲ့ အသံလဲကြားလိုက်တယ်
ကယ်ကြပါအုန်း
ပြန်တော့မယ်လို့

12/09/2026

နာမည်တော့ မပေးရသေးဖူး
လောလောဆယ်တော့ ဆေးခန်းရှေ့မှာ ယဲ့ယဲ့ပဲကျန်တယ်
ဖုတ်လိုက်ဖုတ်လိုက်ပါပဲ

ထမင်းဝအောင်ကျွေး ရေတိုက် ထားတယ်
သန်းတွေက မျက်လုံးထဲထိပါ ဝင်ကိုက်နေလို့ external parasite control လဲလုပ်ထားတယ်

နေစရာတော့ ပေးဖို့မရှိဖူး
အဲ့တော့ လမ်းဘေး အိပ်ပေါ့ ကလေးရာ
မိုးရွာရင်တော့ ကားတွေအောက်ဝင်နေပေါ့
မင်းကံပဲ deeply sorry

ခင်ဗျားတို့လဲ ဘာအကျင့်မှန်းတော့မသိဖူး

လူဖြစ်ပြီး ခွေးတကောင် မငတ်အောင် မကျွေးနိုင်

တေခါနီးခွေးတွေ ကြောင်တွေ
ခြံမစောင့်နိုင်တော့ရင် သုံးမရတော့ရင်
အိုမင်းလာရင် ချစ်စရာမကောင်းတော့ရင်
ရွဲပြဲလာရင် ဆေးခန်းရှေ့မှာ လာပစ်တော့တာပဲ

နောက်ရက်မှ CCTV ကမိထားတဲ့ $ ခွက်တွေ သေချာပြန်ရှာပြီး
လိုင်းပေါ်တင်ပေးအုန်းမယ်

10/09/2026

ရှားရှားပါးပါး ထိုင်းထုတ်လေးတွေ ရောက်ပါတယ်

28/08/2026

More Testing.
Less Complexity.
Same Price. 🩺

လက်ရှိသုံးနေတဲ့ 3-part CBC system ကနေ
REVO ရဲ့ Lab diagnostic setup ကို နောက်တစ်ဆင့် upgrade လုပ်နေပါတယ်

ဒီတစ်ခေါက်တော့ Ozelle Diagnostic System 🇩🇪 အသစ်ပါ။

ဆေးခန်းမှာ သွေးစစ်တာတင်မကဘဲ
Urine / F***s Analysis နဲ့ အခြား Diagnostic Tests တွေပါ တစ်နေရာတည်းမှာ ပိုပြီးလုပ်နိုင်လာတော့မှာပါ

Electrolyte Analyzer အပါအဝင် ကျန်တဲ့ Lab equipment တွေက 30 Aug မှ ရောက်ပါမယ်။
တချို့စက်တွေနဲ့ Cartridges တွေကတော့ အရင်ရောက်နေပါပြီ 😄

သူတို့ စကားမပြောတတ်ပေမယ့်…
သွေး၊ ဆီး၊ ဝမ်းက သူတို့ရဲ့ ကျန်းမာရေးအကြောင်း အများကြီးပြောပြနိုင်ပါတယ်။ 🐶🐱

ပိုမြန်မြန်သိနိုင်ဖို့၊ ပိုကောင်းတဲ့ clinical decision တွေ ချနိုင်ဖို့…
REVO Lab က နောက်တစ်ဆင့်တက်နေပါတယ်။ 🔬🙏🏻
veterinary clinic