21/09/2022
လေးတွေကို လိမ်မာအောင် ဘယ်လိုလေ့ကျင့်မလည်း။
Good Luck & Have Fun with reptiles ✌✌✌
Ig လို့ပဲ Iguana ကို အတိုကောက်ရေးထားပါတယ်
1. Taming (ယဉ်ပါးအောင်ပြုလုပ်ခြင်း)
သင့်ရဲ့ပထမဆုံး Reptile လေး Iguana ကိုစမွေးမယ်ဆိုပါစို့ဗျာ အဲ့ Ig လေးက နဂိုကတည်းက လူယဉ်ပြီးသား ဖြစ်ကောင်းဖြစ်နိုင်ပါတယ်။ ဒါမှမဟုတ် လှောင်အိမ်ထဲရောက်ကတည်းက သင့်ကိုစတွေ့တာနဲ့လုံးဝကို အထိမခံ ရွှေပုဂံဆိုပြီး အမြီးနဲ့ ရိုက်ကောင်းရိုက်နိုင်ပါတယ်။ ဒီအချက်ကို သင့်အနေနဲ့ နားလည်ထားပါ။ ဘာလို့လည်းဆိုတော့ Animal's Instinct ဆိုတဲ့ သဘာဝပေးအသိအရ Ig ဟာသင့်ကို အန္တရာယ်ပေးမယ့်သူအဖြစ် မြင်နိုင်ပါတယ်။ Ig တိုင်းတော့ မဟုတ်ပေမယ့် တချို့ Ig တွေအတွက်ပေါ့ဗျာ။ ဒါပေမယ့် အားမလျှော့ပါနဲ့ သင့်ရဲ့ အချိန်၊ စိတ်ရှည်မှု နဲ့ ခေါင်းမာမှုတွေ ပေါင်းလိုက်ရင်တော့ Ig က သင့်အတွက် အရမ်းချစ်ဖို့ကောင်းတဲ့ Pet လေးဖြစ်လာမှာပါ။
ခေါင်းမာမှု ( Persistence) ကို အောက်မှာ ပြန်ရှင်းပြထားပါတယ်
2. Adjustment
( နေသားတကျဖြစ်အောင်ပြုလုပ်ခြင်း)
ကဲ ဒီလိုနဲ့ပဲ သင်ဝယ်ထားတဲ့ Ig လေး အိမ်ကိုရောက်လာပြီဗျာ။ သင်ကလည်း Ig လေးကို ကိုင်ချင်နေပြီ ပခုံးပေါ်တင် ဓာတ်ပုံရိုက်ချင်နေပြီ။ ဒါပေမယ့် မလုပ်ပါနဲ့။ ဒါကမပြုလုက်သင့်တဲ့ အချက်တစ်ချက်ပါ။ Ig လေး အိမ်ကိုရောက်တာနဲ့ သူနေရမယ့်လှောင်အိမ် or မှန်ကန် ထဲကိုထည့်ပြီး Ig လေးကို သူ့ရဲ့ ပတ်ဝန်းကျင်အသစ်ကို စူးစမ်းလေ့လာခွင့် အချိန်လေးကို တစ်ပတ် ဆယ်ရက်လောက် ဖြစ်ဖြစ်ပေးလိုက်ပါဗျာ။ နေရာသစ်ကိုရောက်နေတဲ့ Ig မှာလည်း ခံစားချက် ကြောက်လန့်မှု စိတ်ဖိစီးမှုတွေဖြစ်နေမှာပေါ့။ သူနေသားတကျဖြစ်အောင် အချိန်လေးပေးလိုက်ပါ နောက်မကျပါဘူး ကိုယ့်လက်ထဲမှာပဲ ကြိုက်တဲ့အချိန်ကိုင်လို့ရပါတယ်။ အဆင်ပြေသွားမှာပါ 👌
3. Calm ( စိတ်တည်ငြိမ်အောင်ထားခြင်း)
ဒီအချက်ကတော့လှောင်အိမ်ကို တည်ငြိမ်အောင် ထားခိုင်းတာမဟုတ်ပါဘူး။ သင်နဲ့ သင့်ရဲ့Ig လေးရဲ့စိတ်ကို တည်ငြိမ်အောင် ကြိုးစားခိုင်းတာပါ။ ရှင်းပြရမယ်ဆိုရင် Ig ကို ကိုင်တော့မယ် ဆိုရင် သူလန့်စေမယ့် အပြုအမူတွေကို အတတ်နိုင်ဆုံး ရှောင်ဖို့ပါ။ အဲ့ဒါတွေက ရုတ်တရက်ကြီး လှမ်းဖမ်းတာမျိုးတို့၊ ဖမ်းခါနီးကိုယ်က လန့်ပြီးအော်တာမျိုးတို့၊ အတင်းကြီး လိုက်ဖမ်းတာမျိုး၊ ဖမ်းမိတော့လည်း အရမ်းညစ်ထားတာမျိုးတို့ကိုပေါ့။ သင်ကိုယ်တိုင်လည်း မကြောက်ပဲနဲ့ စိတ်ငြိမ်အောင်နေပါ။ Ig ကို ရဲရဲကိုင်ပါ။ လွတ်သွားမှာပဲဆိုပြီး အသားကုန်ညစ် မကိုင်ပါနဲ့။ သင်ကညစ်ကိုင် Ig ကလန့်ပြီးရုန်း အယောင်ယောင်အမှားမှားနဲ့ မတော်တဆလွတ်ကျနိုင်ပါတယ်။ အဲ့ခါကျ Ig လည်းဂွမ်းရော။ သင်စိတ်ငြိမ်ပြီး အမှားအယွင်းမရှိတော့ Ig လည်း သိပ်မကြောက်ပဲ စိတ်ငြိမ်တာပေါ့ဗျာ။
4. Hand Feeding
( လက်ဖြင့်အစာခွံ့ကျွေးနည်း )
Pet လေးတွေက လက်နဲ့အစာကျွေးပြီး ယဉ်အောင် လေ့ကျင့်တဲ့နည်းကတော့ တော်တော်များများ အသုံးပြုတဲ့နည်းပါ။ Ig နဲ့ သင့်ကြားက သူစိမ်းချိုးချိုးနေတဲ့ Relationship ကို အမြန်ဆုံးတိုးတက်စေတဲ့ နည်းပါ။ Ig ကို အစာကျွေးရင် ခွက်ထဲထည့်ကျွေးရာက တဖြည်းဖြည်း လက်နဲ့ ကြိုးစားပြီးကျွေးကြည့်ပါ။ ဗိုက်ဆာနေတဲ့ Ig တောင် ပထမဆုံးအကြိမ် လက်နဲ့ကျွေးရင် မစားဘူးဆိုတာ 100% လောက်သေချာပါတယ်။ သင့်ကို မျက်လုံးကြီးပြူးပြီးတောင်ပြန်ကြည့်နေနိုင်ပါတယ် ဘာကြီးလား ဆိုပြီး။ အချိန်ပေးရပါတယ် စိတ်ရှည်ပါ။ တဖြည်းဖြည်းနဲ့ သင်ခွံ့ကျွေးတာကို လာကိုက်စားပါလိမ့်မယ်။ ဒီနည်းနဲ့ သင်နဲ့ Ig ကြားက ယုံကြည်မှုကို တည်ဆောက်ပါ။
5. Handling ( ကိုင်တွယ်ခြင်း)
Ig ကို ကိုင်တွယ်မယ်ဆိုရင် လှောင်အိမ်ထဲလက်ထည့်ဖမ်းလိုက် ပြီးတာပဲဆိုတာကြီးက Ig အတွက် " ဟိုက် ဘာကြီးလား " ဆိုပြီး ပတ်ပြေးနေပါလိမ့်မယ်။ ရုတ်တရက်ကြီး ဇတ်ကနဲ မဖမ်းပါနဲ့။ လက်ထည့်ပြီး ဖြည်းဖြည်းချင်း ခေါင်းကိုပွတ်လိုက် ကျောပေါ်က အဆူးလေးတွေကို ပွတ်ပေးလိုက်လုပ်ပါ။ ပွတ်ပေးရင်လည်း ခေါင်းကနေ အမြီးကို တဖြည်းဖြည်း ပွတ်ပေးပါ။ ပြောင်းပြန်ကြီး မပွတ်ပါနဲ့။ Ig ရဲ့ကြေးခွံဖွဲ့စည်းပုံအရ နေရခက်တာမျိုးဖြစ်နိုင်ပါတယ်။ ဒီလိုလုပ်ပေးခြင်းအားဖြင့် Ig ကနေနဲ့ တဖြည်းဖြည်း သင့်ရဲ့ကိုင်တွယ်မှုကို မကြောက်လန့်တော့ပဲ သင်ကိုယုံကြည်လာမှာပါ။ Ig ကို ကိုင်မတော့မယ်ဆိုရင် ဗိုက်အောက်ကို လက်ထည့်ပြီးမှ ဖြည်းဖြည်းလေးမပေးပါ။ အပေါ်ကနေအုပ်မိုးပြီးမ မ ပါနဲ့။ သင့်ကို အန္တရာယ်ပြုသူအဖြစ်ထင်ပြီး ကြောက်လန့်နိုင်ပါတယ်။ ပြီးတော့ မတဲ့အချိန်မှာလည်း Ig က ကုတ်တွယ်ပြီးနေတဲ့ Reptile အမျိုးအစားဖြစ်တော့ လက်သည်းခြေသည်း လက်ချောင်းခြေချောင်းတွေကို ဂရုစိုက်ပါ ကျိုးနိုင်ပါတယ်ဗျ။
6. Freedom ( လွတ်လပ်မှု )
Ig လေးကို တခါတလေ လှောင်အိမ်ထဲက ထုတ်ပြီး အခန်းထဲဖြစ်ဖြစ် နေရာအလွတ်တစ်ခုမှာဖြစ်ဖြစ် လွှတ်ပြီး ထိန်းကျောင်းချင်တယ်ပေါ့ဗျာ။ အဲ့ခါကျ ပထမဆုံး ကိုယ်လွှတ်မယ်နေရာကို အရင်ရွေးပါ အခန်း or ခြင်ထောင် or တစ်နေရာရာပေါ့ဗျာ။ ဘယ်နေရာပဲဖြစ်ဖြစ် Ig လှောင်အိမ်ထက်တော့ ပိုကြီးမှာကတော့ သေချာသလောက်ပဲလေ။ အဲ့တော့ Ig အတွက် အန္တရာယ်ဖြစ်နေနိုင်နဲ့အရာ ထွက်ပြေးနိုင်တဲ့ အပေါက်တို့လမ်းတို့ကို သေချာကြည့်ပါ ရှင်းပါ ပိတ်ပါ။ Ig ဟာ သဘာဝကိုက အမြင့်ကိုကြိုက်ပြီး ကုတ်တွယ်တက်တဲ့နေရာမှာလည်း ဆရာတစ်ဆူပါ မြန်လိုက်တာကလည်း ၂ပေ၁ပေ ကန်တောင်မနည်းဖမ်းရတာ အခန်းထဲဆိုရင်တော့ စိန်ပလိန်တိန် မုန့်ကြိုးလိမ်တဲ့။ အမြင့်ကခြေချော်လက်ချော် ပြုတ်ကျနိုင်သလို ခြေသည်းလက်သည်းက တစ်နေရာမှာညပ်နေတာမျိုး အမြီးညပ်ပြီးပြတ်သွားတာမျိုး အပေါက်တွေ့လို့ တိုးထွက်သွားတာမျိုး ဖြစ်နိုင်လို့ပါ။ အခန်းကို လုံခြုံမှုရှိအောင် အရင်လုပ်ပါ။ Ig ကို ဖမ်းပြီး အခန်းထဲမလွှတ်ခင် ကိုယ်ပေါ်တင်ပြီး ပွတ်ပေးပါ Ig ကကိုယ်ပေါ်ကနေ ဆင်းပြီး အခန်းထဲ စူးစမ်းလေ့လာနေရင်လည်း ပြန်မဖမ်းပါနဲ့ ခဏလောက် လွှတ်ပြီး စူးစမ်းခွင့်ပေးလိုက်ပါ။ ပြီးမှပြန်ဖမ်းပြီး လှောင်အိမ်ထဲ ပြန်ထည့်ပါ။
7. Persistence ( ခေါင်းမာမှု)
ခေါင်းမာမှုကို ဇွဲရှိဖို့လို့ပြောလည်းရပါတယ်။ Ig ကိုစမွေးမယ်ဆိုရင်တော့ လူယဉ်ပြီးသား Ig လေးတွေကလွဲလို့ ကျန်တဲ့ Ig တွေကတော့ နေ့တိုင်းကိုင်တွယ်ဖို့ ကြိုးစားပါ။ တစ်နာရီလောက် အချိန်မပေးနိုင်ရင်တောင်မှ အနည်းဆုံး ၁၀ မိနစ်ခန့် အချိန်ပေးပြီး ကိုင်တွယ် ထိတွေ့ပေးပါ။ ပွတ်သပ်ပေးပါ။ အစာခွံ့ကျွေးပါ။ အခန်းထဲ လွှတ်ပြီးကျောင်းပေးပါ။ အကိုက်ခံ အရိုက်ခံဖို့အတွက် စိတ်ရှည်စွာ အချိန်ပေးပါ။ အဲ့လို Training လုပ်ရင်တဲ့ အကျိုးကတော့ သင့်တွေ့တာနဲ့ ပတ်ပြေး အမြီးနဲ့ တရွှမ်းရွှမ်းရိုက် ခုန်ကိုက်နေတဲ့ Iguana လေးက သင့်ရဲ့ အနားကနေ မခွာတဲ့ ချစ်စရာ Reptile Pet လေး ဖြစ်လာမှာပဲလေ။ ဟုတ်တယ်ဟုတ် ✌👌✌
crd
#စာcrd
