Одговорни сопственици, одговорна заедница , среќни кучиња
АвАв Хепи Дог е првиот забавен парк во Македонија за кучиња и нивните сопственици кој е формиран како социјално претпријатие и е направен целосно од рециклирани материјали, што е во целосна согласност со нашите вредности и верувања да бидеме одговорни кон животните, животната средина и кон планетата воопшто.
Мисијата на АвАв Хепи дог како компанија е “да се подобри квалитетот на живитот на кучињата и трајно вдомување на уличните кучиња преку нивно времено згрижување, а воедно и создавање на пријатен простор со многу содржини за едукација, забава и игра на домашните миленичиња и нивните сопственици, со цел “на едно место да се најдат сите потребни производи и услуги”.
Создаваме центар во кој секој ќе се осеќа пријатно со својот миленик, ќе се разменуваат искуства, ќе се оддржуваат јавни настани со различни соддржини, и ќе се подига свеста и одговорноста кон добра нега на кучињата од страна на сопствениците, и а од останатите граѓани, а особено на децата како идни сопственици на кучиња. Центар кој ќе биде отворен за сите љубители на кучиња и сите оние кои сакаат да допринесат кон решавање на овој проблем, а во исто време центар кој ќе поддржува формирање на друѓи социјални претпријатија за производство на еко/аксесоари за кучиња и кои ја имаат истата визија како и ние, а тоа е да создадеме заедница каде што секое куче ќе има траен дом, на секое куче да му е обезбедена основната нега и градот Скопје да биде град без улични кучиња и насилство врз животните.
