12/11/2025
КОЖНИ ТВОРБИ
Кај милениците, особено кај повозрасните кучиња и мачки, често можат да се појават различни промени на кожата — мали испакнувања, јазолчиња, брадавички или отоци.
Овие промени може да изгледаат слично, но имаат различно потекло и значење.
1️⃣ Кожни полипи (фиброепителни полипи)
Тоа се мали, меки, издолжени израстоци кои најчесто „висат“ на површината на кожата.
Обично се бенигни, безболни и не се шират.
Се појавуваат најчесто кај постари миленици, на места каде што кожата се трие – под пазуви, на врат или на стомак.
Немаат потреба од третман, освен ако миленикот не ги гребе, лиже или во случај ако почнат да крварат.
📍 Слични се на мали брадавички, но се помеки и поеластични.
Но, понекогаш кожните творби можат да бидат и посериозни – воспалителни, заразни или дури и туморски.
👀 Затоа е важно секоја нова или променета творба да ја прегледа доктор по ветеринарна медицина, особено ако:
расте или ја менува бојата,
миленикот ја лиже, чеша или боли,
крвари или има непријатен мирис.
💙 Не паничете, но немојте да игнорирате.
Во повеќето случаи творбата е безопасна –
но раната дијагноза секогаш значи подобар исход и помалку стрес за вас и вашиот миленик.
