https://www.facebook.com/1043686078835239/

les plumes de souss

Home
Morocco
Agadir
les plumes de souss

Contact information, map and directions, contact form, opening hours, services, ratings, photos, videos and announcements from les plumes de souss, Pet Store, centre ville, Agadir.

متخصصون في تربية و إنتاج دجاج السلالات النقية
نوفر بيض مخصب و كتاكيت تحت الطلب فقط
نضمن لزبنائنا مواكبة و استشارة مجانية ما بعد البيع
📍أگادير-التوصيل متوفر لجميع المدن
📩الطلب حسب التوفر،للحجز راسلونا على الرقم0721783211
الجودة أصلنا و الثقة رأس مالنا 🐓

01/11/2026

تعرف على أسباب ظهور هذه الخطوط على البيض 👇

هادي كيسميوها فالتربية "Body Checked Egg" - بيضة مضروبة و مصلحة.

الدجاجة كتكون القشرة ديال البيضة تقريبا كملات فالرحم ديالها، وفجأة كتتخلع ولا كيتزاحمو معاها دجاجات خرين فالعش، لهذا القشرة كتتشقق لداخل، ومن بعد الجسم ديالها كيعاود يصلحها بطبقة جديدة ديال الكالسيوم فوق الشق، داكشي علاش كيبانو ليك هدوك الخطوط بحال السيكاتريس.

من الأسباب الرئيسية :

1. التوتر هو رقم 1: الخلعة، الصوت العالي، الفار ولا القط ولا كلب كيدخل الكوري، الضو شاعل بالليل، ولا الدجاجة كتخلع و هي كتبيض
2. تزاحم فالعش: دجاج بزاف و عش واحد، كيتضاربو وهي كتبيض
3. نقص الكالسيوم ولا الدجاجة كبيرة فالسن: القشرة كتولي رقيقة وكتتشق بسهولة
4. مرض تنفسي قديم: إلى كانت دازت فيها البرونشيت (IB) قبل، الرحم كيبقى مضروب وكيدير هاد الخطوط ديما.

واش خطيرة ؟
لا، البيضة صالحة 100% للأكل وللتفقيس، غير القشرة ضعيفة شوية فديك البلاصة. إلى كانت مرة مرة راه أمر عادي ماشي مشكل.

إلا ولات كتتكرر بزاف عند نفس الدجاجة:
- زيد ليهم الكالسيوم (بيكربونات الكالسيوم ولا كوكياج البحر)
- دير أعشاش كثر و بلاصة هادئة و مظلمة شوية.
- متدخلش عليهم وقت البيض.
#أسترالوب les plumes de souss

29/10/2026

حقيقة دجاج سلالة أيام سيماني-Ayam cemaniماشي فجودة اللحم، اللحم ديالو عادي بحال الدجاج البلدي.

علاش غالي بزاف؟ حيث كيتسمى "لامبورغيني ديال الدجاج" كيوصل حتى 2500 دولار للوحدة فبرا.

السبب الحقيقي هو 3 الحوايج:

1. الطفرة الجينية النادرة:
فيه مرض جيني سميتو `fibromelanosis`، كيخلي كلشي فيه كحل: الريش، الجلد، المنقار، اللحم، حتى العظام والقلب والمصارن كحلين. الدم هو الوحيد اللي كيبقى أحمر. هادشي مكاينش فحتى دجاج آخر.

2. نادر و التكاثر ديالو ضعيف:
الأصل ديالو من جزيرة جاوا في إندونيسيا، والدجاجة كتبيض غير 60 حتى 100 بيضة فالعام (الدجاجة العادية 300)، وحتى التفقيس ديالو صعيب. وزيد عليها إندونيسيا مانعة التصدير ديالو باش تحافظ عليه، داكشي علاش العرض قليل والطلب كبير من عند المربيين و الهواة.

3. المعتقدات الشركية و الزينة:
في إندونيسيا كيعتابروه رمز للقوة والثراء، كيذبحوه فأوقات معينة لا داعي لذكر التفاصيل، وكيستعملوه فطقوس شركية.
فالصين وأمريكا الأغنياء كيشريوه غير للتباهي والزينة، ماشي للماكلة.

أما من ناحية اللحم، كيقولو فيه شوية حديد و مضادات أكسدة كثر من الدجاج العادي، ولكن ماشي شي حاجة خارقة، القيمة الغذائية ديال وحدة كتعادل دجاجة عادية، غير الناس كتبالغ باش تبيعو غالي.

بالمختصر: كتشري فيه الندرة والشكل المميز، ماشي البنة.

24/10/2026

"اللهم اكفنا بحلالك عن حرامك و بطاعتك عن معصيتك و اغننا بفضلك عمن سواك"🤲

#اكادير les plumes de souss

24/10/2026

🔥 ليجهورن الذهبي - Leghorn Doré 👑 ملك البيض بامتياز

ما شاء الله تبارك الرحمٰن 🌹 أدعدوا لنا و لأنفسكم 🌹
ليجهورن الذهبي الأصلي - Gold Leghorn

سلالة نقية 100%، معروفة فالعالم كامل أنها الماكينة ديال البيض 🥚
كتبيض من 280-300 حتى 320 بيضة فالعام.

✅ كتتحمل الحرارة.
✅ مناعة قوية و كتبيض بكري شويا.
✅ الريش الذهبي ديالها كيهبل،دجاج زينة و بيض.

***هاد الجيل من الليجورن الذهبي هو البداية ديالنا في رحلة تطوير المستوى إن شاء الله.

> شكون عندو هاد السلالة ؟ يورينا فالتعاليق 👇

les plumes de souss

20/10/2026

حقيقة لون صفار البيض
#توعية
les plumes de souss

14/10/2026

أغلب المربين كيشكيو من نقص الإنتاج حاليا، شنو السبب فنظركم ؟
علاش البيض قليل هاد الأيام؟ 🤔🥚
أجيو نعرفو بعض الأسباب :

*أولا. فرضية الحرارة و الإجهاد الحراري:*
هاد الصيف كان الصهد بزاف و فهاد الفترة الدجاجة كتدخل فـ "ستريس حراري" و المبيض ديالها كيحبس، وكتبقى مدة شهرين عاد كترجع.

*ثانيا. فرضية البدالة- La mue:
دابا حنا فوقت تبدال الريش، الدجاجة إلا بدات كتبدل الريش كتقطع البيض أوطوماتيك باش تجمع البروتين للريش الجديد.

*ثالثا. فرضية السلالة ماشي بياضة:*
بزاف ديال الناس مربيين دجاج ديال اللحم ولا جيل ثاني وثالث ديال الكروازي، ماشي سلالة بياضة بحال ليجهورن ولا لوهمان، بمعنى عندهم سلالات أصلا كيبيضو قليل.

*رابعاً. فرضية الجيل الأول F1:*
الناس شراو فلالس على أساس F1 بياض، ولكن فالحقيقة راه جيل ثالث ولا رابع، الإنتاج ديالو ضعيف بزاف.

*خامساً. فرضية قلة ساعات الإضاءة:*
النهار بدا كيقصار، الدجاجة خاصها 14-16 ساعة ديال الضو باش تبيض، إلا نقص الضو كينقص البيض.

*سادساً. فرضية العلف الغالي:*
بسبب غلا العلف، بزاف ديال الناس ولاو كيعطيو غير النخالة والشعير بوحدو، بلا بروتين ولا كالسيوم، والدجاجة بلا بروتين 17% ما تبيضش.

*سابعاً. فرضية الأمراض الصامتة:*
كاين أمراض كتدوز بحال الكوريزا ولا إلتهاب القصبات، كيضربو المبيض وكيخلي الدجاجة ما تبيضش حتال 3 شهور.

فالرأي ديالكم، شنو هو السبب رقم 1 اللي كيخلي البيض قليل حاليا؟ واش الحرارة ولا البدالة ولا السلالة؟ خليو لينا رأيكم 👇

13/10/2026

مرحبا بالناس الجداد فعائلة les plumes de souss ❤️🐓

شكرا بزاف للمتابعين الجدد، مرحبا بيكم فمزرعتنا الصغيرة فـ سوس.

Un grand merci à mes nouveaux followers ! اوسيدي ساندا, Fayssal Této, Mohammed Mekrane, Said Bk, Îmad Môtassim, Said Fttah, Yas Sine, توفيق جبار, ماجدة بائعة البيض البلدي

هنا كنشاركو معاكم كلشي على الدجاج البلدي خاصة السلالات البياضة و اللاحمة،البيض الحر و النصائح باش تربي مزيان.

الله يسخر لينا و ليكم و لجميع المسلمين و المسلمات 🌹

خليو لينا كومنتير منين كتابعونا ؟ 👇

#سوس #أكادير

13/10/2026

منقوع الشعير المخمر أقوى بروبيوتيك طبيعي.
هذا لي فالصورة أمامكم هو شعير ولا قمح منقوع فالماء وبدا كيخمر، ديك الرغوة البيضاء هي البكتيريا النافعة كتخدم.

الفوائد ديالها:
- بروبيوتيك طبيعي، كتعمر المصران بالبكتيريا المزيانة(النافعة)
- كتسهل الهضم بزاف، الدجاج ما كيبقاش فيه الإسهال
- كتخليهم يمتصو الماكلة كاملة وكيوزنو دغيا
- كتقوي المناعة وكتنقص الريحة ديال البراز أعزكم الله.

كيفاش تستعملها وما تقتلش الدجاج:
التحضير الصحيح:
1. خود سطل، دير فيه 1 كيلو شعير ولا قمح
2. عمر عليه الماء حتى يغطيه بـ 10 سنتيم
3. خليه 24 ساعة حتى 48 ساعة، ما تفوتش 3 أيام
4. ملي تشوف الرغوة بحال اللي فالصورة راها واجدة

إمتى كنقدموها:
- من عمر 1 شهر للفوق، الفلوس الصغير لا
- 2 مرات فالسمانة فقط، ماشي كل نهار
- عطيها الصباح، صفي الزرع من الماء، وعطي الزرع ياكلوه ولا ديرو مستنبت، والماء ديالها خلطو مع ماء الشرب: كاس واحد ديال ماء الخميرة فـ 3 ليترو ماء عادي
-كنعطيوها من بعد كل مضاد حيوي و الطريقة هي من بعد 24 ساعة من آخر جرعة و لثلاثة أيام متتالية.

رد بالك بزاف:
- إلا فاتت يومين أو 3 أيام المهم إلى خنزات، لوحها راها ولات سم، كتدير التسمم.
- السطل غسلو مزيان من بعد كل استعمال.

سخر الله لنا و لكم و لجميع المسلمين و المسلمات🌹

les plumes de souss

#سينبيوتيك #بروبيوتيك #بريبيوتيك

12/10/2026

السلالة لي عندها الخط الدُّهني الصدري Veine de Graisse كعلامة رسمية للجودة هي:

دجاج Bresse - بريس الفرنسي الأصلي

الاسم الكامل ديالها : Bresse Gauloise Blanche

علاش غير هي لي كتهضر عليه؟
- هي السلالة الوحيدة فالعالم اللي عندها *AOC* فالدجاج و المعيار ديال الجودة هو هاد الخط الدهني اللي كيبان تحت الجلد فالصدر.
- إلا ما بانش هاد العرق، الدجاجة ما كتاخدش ختم Bresse الحقيقي وما كتتباعش كـ Poulet de Bresse
داكشي علاش المربين ديال Bresse ديما كيوريو هاد البلاصة فالتصاور باش يثبتو أن دجاجهم أصلي و سمين مزيان و الخط كيخصو يكون رفيع و طويل و مستقيم فالصدر،و هادي علامة الجودة.
نتا إلى عندك هاد الخط فدجاجك، فأنت عندك بريس نقي 100%.
هذا هو الخط الدهني الصدري Veine de graisse ديال بول دوبريس الأصلية، وهادي هي العلامة ديال الجودة.
هاد الشحمة لي كتكون تحت الجلد على طول الصدر عند دجاج بريس كتكون باينة شوية حيت الشحمة كتكون غليظة و بيضة تحت الجلد.
شنو هي بالضبط :
- هاد الخط كيعني أن الدجاج سمين مزيان و الدهن ديالو توزع بشكل متوازن تحت الجلد ديال الصدر (فاللحم)،ماشي غير فالبطن حيت دجاج بريس الأصلي كيتميز بأنه كيدير "infiltration de graisse sous-cutanée"
- ففرنسا باش ياخدو الـ AOC ديال Bresse كيقلبو على هاد العلامة، إلى ما كانتش ما كتاخدش اللابل.
غير بول دوبريس لي كتدير هاد النوع ديال الشحم الرقيق فاللحم لي كيخلي اللحم كيدوب زبدة.
شنو الفرق بين الخط الدهني عند بول دو بريس و باقي السلالات :
كاينين سلالات أخرى كيبان فيها شوية العرق بحال "دجاج Faverolles و La Flèche" حيت جايين من نفس الأصل، ولكن فـ Bresse هو لي واضح بزاف ومطلوب باش يتعرف التسمين واش مزيان بالحليب والذرة ولا لا حيت معروف عندو برنامج خاص لضمان الجودة.
فالسلالات الأخرى،إلى بان الخط كيكون غليظ و متفرق كيعني أن الدجاجة غليضة بزاف و صافي،ماشي علامة سلالة نقية.
داكشي علاش إلى شفتي الخط رفيع و مسطر مزيان بحال لي فالصورة أمامك،ف ٪90 عندك دم بول دو بريس،واخا تكون مهجنة شوية مع Gâtinaise ولا Faverolles.
les plumes de souss
#أكادير

11/10/2026

شكون هي السلالة لي كتمتاز بأفضل و أجود لحم الدجاج فالعالم ؟؟

Address

Centre Ville
Agadir
80000

Website

facebook.com

Alerts

Be the first to know and let us send you an email when les plumes de souss posts news and promotions. Your email address will not be used for any other purpose, and you can unsubscribe at any time.