25/01/2026
විසිතුරු පොකිරිස්සන් (Crayfish) ඇති කරන්න ඔබත් ආසද? 😍
ලංකාවේ විසිතුරු මත්ස්ය ටැංකි වලට අමුතුම ලස්සනක් එකතු කරන සත්වයෙක් තමයි "ක්රේෆිෂ්" (Crayfish) එහෙමත් නැත්නම් විසිතුරු පොකිරිස්සා කියන්නේ. නිවැරදිව ඇති කළොත් මෙය ඉතාම විනෝදජනක වගේම ලාභදායී විනෝදාංශයක්!
📜 ඉතිහාසය සහ ලංකාවේ ප්රවණතාවය
ලෝකයේ විසිතුරු මත්ස්ය කර්මාන්තයට ක්රේෆිෂ් හඳුන්වා දුන්නේ මීට දශක කිහිපයකට පෙර වුවත්, ලංකාව තුළ මෑත කාලීනව මොවුන්ට විශාල ඉල්ලුමක් ඇති වුණා.
විශේෂයෙන් Electric Blue, White Specter, සහ Red Swamp වැනි වර්ණවත් විශේෂ ලංකාවට හඳුන්වා දීමත් සමඟ විසිතුරු මත්ස්ය ලෝලීන් අතර මොවුන් බෙහෙවින් ජනප්රිය වුණා.
💡 ලංකාවේදී ඇති කරන ඔබට වැදගත් උපදෙස්
🔴ලංකාවේ සාමාන්ය උෂ්ණත්වය මොවුන්ට ගැළපෙනවා. නමුත් ටැංකිය සෘජු හිරු එළියට නිරාවරණය නොවන සෙවණ ඇති ස්ථානයක තැබීම වැදගත් (24°C - 28°C අතර සුදුසුයි).
🔴පොකිරිස්සන් කියන්නේ දක්ෂ "පැන යන්නන්". ඒ නිසා ටැංකියේ උඩ හොඳින් ආවරණය කරන්න (Lid එකක් භාවිතා කරන්න).
🔴මොවුන් වර්ධනය වෙද්දී පරණ කටුව ගලවා දමනවා. ඒ අවස්ථාවේදී සතා ඉතාම දුර්වලයි. අනෙක් සතුන්ගෙන් ආරක්ෂා වෙන්න ටැංකියේ අනිවාර්යයෙන්ම PVC බට කෑලි හෝ මැටි ගුහා තියන්න.
🔴පතුලට වැලි හෝ සිහින් ගල් (Gravel) යෙදීමෙන් ඔවුන්ට ස්වභාවික පරිසරයක් ලැබෙනවා.
🍽️ ලබාදිය යුතු ආහාර (Food & Nutrition)
විසිතුරු පොකිරිස්සන් කියන්නේ ඕනෑම දෙයක් කන (Omnivorous) සත්තු කොට්ඨාසයක්.
✅මාළුන්ට දෙන Palette වර්ග වගේම විශේෂයෙන් ක්රේෆිෂ්ලා සඳහාම නිපදවූ "Sinking Pellets" ලබා දිය හැකියි.
✅තම්බපු නිවිති කෑල්ලක්, කැරට් හෝ වට්ටක්කා කෑල්ලක් ලබා දීමෙන් ඔවුන්ගේ වර්ණය තවත් ලස්සන කරගන්න පුළුවන්.
✅ඉඳහිට වියළි ඉස්සන් (Dried Shrimp) හෝ bloodworms ලබා දීම වර්ධනයට හිතකරයි.
✅කටුව ශක්තිමත් වෙන්න "Calcium" අඩංගු ආහාර හෝ කුඩා හක් බෙල්ලන් කටු ටැංකියට එක් කිරීම සුදුසුයි.
⚠️ විශේෂ අවධානයට!
විසිතුරු පොකිරිස්සන් සමඟ ඉතා කුඩා මසුන් (Guppy, Neon Tetra) ඇති කිරීමේදී ප්රවේශම් වන්න, මන්ද පොකිරිස්සන් රාත්රී කාලයේදී එම මසුන්ව අල්ලා ගැනීමට ඉඩ ඇත. වඩාත් සුදුසු වන්නේ පොකිරිස්සන් පමණක් වෙනම ඇති කිරීමයි.
