Hestamannafélagið Sprettur

29/07/2026

Kári Sveinbjörnsson Íslandsmeistari!

Íslandsmót barna og unglinga var haldið á Brávöllum á Selfossi á félagssvæði hestamannafélagsins Sleipnis dagana 22.-25.júlí sl.

Fjölmargir ungir Sprettarar mættu til leiks og áttu stórgóðar sýningar.

Fyrstan ber að nefna Kára Sveinbjörnsson sem varð Íslandsmeistari í slaktaumatölti unglinga á hesti sínum Gígjari frá Bakkakoti. Innilega til hamingju Kári með Íslandsmeistara titilinn!

Hilmir Páll Hannesson varð þriðji í slaktaumatölti unglinga á Goða frá Oddgeirshólum og Apríl Björk endaði í 9.sæti á Sikli frá Árbæjarhjáleigu II.

Í tölti unglinga varð Apríl Björk Þórisdóttir í 2.sæti á Lilju frá Kvistum og Kristín Rut Jónsdóttir varð í 10.sæti á Straumi frá Hofsstöðum, Garðabæ.

Í fjórgangi unglinga varð Kristín Rut Jónsdóttir í 2-3.sæti á Goða frá Garðabæ, Jóhanna Sigurlilja Sigurðardóttir varð í 5.sæti á Radíus frá Hofsstöðum og Ragnar Dagur Jóhannsson varð í 8.sæti á Eiðfaxa frá Lækjarbotnum.

Í fimmgangi unglinga varð Apríl Björk í 3.sæti á Esju frá Miðsitju og Ragnar Dagur Jóhannsson varð í 9.sæti á Öx frá Hvammi.

Í slaktaumatölti í barnaflokki varð Eyvör Sveinbjörnsdóttir í 3.sæti á Hag frá Hofi á Höfðaströnd og þau urðu einnig í 8.sæti í fjórgangi barna.

Í gæðingatölti unglingaflokki varð Hilmir Páll Hannesson og Heiður frá Eystra-Fróðholti í 2.sæti og Kristín Rut Jónsdóttir á Goða frá Garðabæ í því 3. Ragnar Dagur Jóhannsson varð í 8.sæti á Eiðfaxa frá Lækjarbotnum.

Í unglingaflokki (gæðingakeppni) varð Hilmir Páll Hannesson og Grímur frá Skógarási í 3.sæti og Hrefna Kristín Ómarsdóttir varð í 16.sæti í B-úrslitum.

Fjölmargir ungir Sprettarar voru að keppa í fyrsta sinn á Íslandsmóti og öðlast þar með gríðarlega reynslu sem gott er að hafa í reynslubankanum. Ungir Sprettarar komu vel fyrir og áttu stórgóðar sýningar. Innilega til hamingju allir ungir Sprettarar með góðan árangur.

Hópur ungra Sprettarar sem tók þátt á Íslandsmóti barna og unglinga 2026:

Apríl Björk Þórisdóttir
Birkir Snær Sigurðsson
Elena Ást Einarsdóttir
Elisa Rún Karlsdóttir
Eyvör Sveinbjörnsdóttir
Harpa Rún Sveinbjörnsdóttir
Hilmir Páll Hannesson
Hrefna Kristín Ómarsdóttir
Ingunn Lilja Gautadóttir
Jóhanna Dýrleif Guðjónsdóttir
Jóhanna Sigurlilja Sigurðardóttir
Kristín Rut Jónsdóttir
Kári Sveinbjörnsson
Lilja Guðrún Gunnarsdóttir
Ómar Björn Valdimarsson
Ragnar Dagur Jóhannsson
Sigursteinn Ingi Jóhannsson
Saga Hannesdóttir (tók þátt í pollatölti)

29/07/2026

Þrír ungir Sprettarar í landsliðhóp fyrir NM!

Norðurlandamótið í hestaíþróttum fer fram á Margaretehof í Svíþjóð dagana 4.-9.ágúst. Í landsliðshópnum eru þrír ungir Sprettarar en það eru þær Hekla Rán, Elva Rún og Guðný Dís.

Hekla Rán Hannesdóttir (Spretti) og Tindur frá Árdal. Hekla og Tindur þekkjast vel og hafa náð góðum árangri í keppni saman og voru meðal annars í B-úrslitum í B-flokki ungmenna á LM. Keppa í B-flokki ungmenna, T1 og V1.

Elva Rún Jónsdóttir (Spretti) og Kvasir frá Steinnesi. Elva Rún er ríkjandi Íslandsmeistari í T1 unglinga og hefur náð frábærum árangri undanfarin ár. Keppa í T1 og V1.

Guðný Dís Jónsdóttir (Spretti) og Laki fran Adalgården. Ríkjandi Íslandsmeistari í gæðingaskeiði ungmenna og hefur verið fyrnasterk í ýmsum greinum undanfarin ár. Keppa í T1 og V1.

Það verður spennandi að fylgjast með mótinu og ungu Spretturunum okkar en það verður sýnt í beinni útsendingu á Eiðfaxa TV ásamt því að mótinu verður gerð góð skil á samfélagsmiðlum Landssambandsins.

Við óskum landsliðsknöpum og teyminu góðs gengis.

Meira inn á vef LH, lhhestar.is - https://www.lh.is/landsli-islands-a-norurlandamot-2026

23/07/2026

Minnum á síðasta mót sumarsins í Spretti!
Metamót Spretts 4.- 6. september

Minnum á hið stórskemmtilega Metamót Spretts sem fer fram 4. - 6. september á Samskipavelli Spretts.

21/07/2026

Óskulamunir á Landsmóti
Töluvert magn af fatnaði, ábreiðum og ýmsum öðrum munum varð eftir á mótssvæðinu.

Myndir af óskilamununum má finna á Facebook-síðu Landsmóts:
https://www.facebook.com/landsmothestamanna

Fyrir frekari upplýsingar eða til að fá upplýsingar um óskilamunina er hægt að hafa samband við Stefaníu Ingu: [email protected]

Föstudaginn 24. júlí verður farið með þá óskilamuni sem ekki hafa verið sóttir/komið til eigenda sinna í Rauða krossinn.

20/07/2026

Að loknu Landsmóti - frábærir ungir Sprettarar!

Ungir Sprettarar fjölmenntu á Landsmót hestamanna á Hólum sem fór fram 5.-11.júlí. Í barnaflokki kepptu 11 ungir Sprettarar en það voru þau; Eyvör, Ísar Dalmar, Sigursteinn Ingi, Erla Dís, Patrekur, Heiður Inga, Þóra, Hafdís, Ómar Björn, Birkir Snær og Harpa Rún. Í unglingaflokki mætti til leiks fullskipaður hópur, 12 sæti, en það voru þau Kristín Rut, Kári, Jóhanna Sigurlilja, Hilmir Páll, Apríl Björk, Jóhanna Dýrleif, Elena Ást, Lilja Berg, Rafn Alexander, Ragnar Dagur, Milla Ida og Íris Thelma. Í ungmennaflokki mættu 9 ungir Sprettarar til leiks en það voru þau; Guðný Dís, Elva Rún, Hekla Rán, Herdís Björg, Anika Hrund, Ásta Hólmfríður, Ásdís Mist, Ragnar Bjarki og Hulda. Það er því ljóst að við Sprettarar eigum verulega efnilegan hóp af ungum keppnisknöpum.

Fjölmargir ungir Sprettarar náðu inn í milliriðla á Landsmóti hestamanna og þó nokkrir komust inn í úrslit.

Að loknum milliriðlum í barnaflokki fór Eyvör Sveinbjörnsdóttir beint inn í A-úrslit. Leikar fóru svo að Eyvör og hestur hennar Hagur frá Hofi á Höfðaströnd enduðu í 7.sæti í feiknasterkum barnaflokki.

Að loknum milliriðlum í unglingaflokki héldu þær Jóhanna Sigurlilja Sigurðardóttir á Radíus frá Hofsstöðum og Kristín Rut Jónsdóttir á Straum frá Hofsstöðum, Garðabæ, áfram beint í A-úrslit. Kári Sveinbjörnsson var grátlega nærri B-úrslitum en lenti í „dauðasætinu“ á hesti sínum Gígjari frá Bakkakoti. Úrslitin í unglingaflokki fóru þannig að Jóhanna Sigurlilja endaði í 7.sæti og Kristín Rut endaði í 4.sæti.

Að loknum milliriðlum í ungmennaflokki fóru Elva Rún Jónsdóttir á Björt frá Feti og Hekla Hannesdóttir á Tind frá Árdal í B-úrslit en Guðný Dís Jónsdóttir á Goða frá Garðabæ reið sig beint inn í A-úrslit.
B-úrslitin fóru þannig að Hekla Hannesdóttir endaði í 11.sæti og Elva Rún sigraði B-úrslitin og reið því A-úrslitin.
A-úrslitin í ungmennaflokki fóru þannig að Elva Rún reið sig alla leið upp í 2.sæti og Guðný Dís endaði í 3.sæti.

Í A-flokki ungmenna riðu þær Jóhanna Sigurlilja á Gusti frá Efri-Þverá, Apríl Björk á Esju frá Miðsitju og Lilja Guðrún á Hátíð frá Söðulsholti í milliriðlum og voru fyrir utan úrslitasætin en engu að síður frábær árangur að vera í topp 30 yfir landið. Anika Hrund Ómarsdóttir reið sig hinsvegar inn í B-úrslitin í A-flokki ungmenna og fóru leikar svo að hún endaði í 15.sæti á hestinum Hraunari frá Hólaborg.

Til hamingju ungir Sprettarar með frábæran árangur á Landsmóti hestamanna á Hólum í Hjaltadal 2026.

07/07/2026

Þá er sérstakri forkeppni lokið í öllum yngri flokkum, þ.e. barnafl., unglingafl., ungmennafl. og A-fl ungmenna. Þar áttum við Sprettarar glæsilegan hóp af keppendum.

Í barnaflokki tóku 11 ungir Sprettarar þátt og stóðu þau sig öll afar vel. Eftir að sérstakri forkeppni lýkur fá efstu 30 knaparnir að halda áfram í milliriðla. Eyvör Sveinbjörnsdóttir á Hag frá Hofi á Höfðaströnd er í 16.sæti eftir forkeppni og Harpa Rún Sveinbjörnsdóttir á Straum frá Víðinesi 1 er skammt undan í 17.sæti. Það er því ljóst að við Sprettarar eigum tvo unga knapa sem munu koma fram fyrir okkar hönd í milliriðlum barnaflokks á Landsmóti á Hólum.

Í unglingaflokki stendur efst eftir forkeppni Kristín Rut Jónsdóttir á Straum frá Hofsstöðum í Garðabæ og skammt undan í 8.sæti er Kári Sveinbjörnsson á Gígjari frá Bakkakoti. Jóhanna Sigurlilja Sigurðardóttir reið sig einnig inn í milliriðlana á Radíus frá Hofsstöðum. Við eigum því þrjá unga Sprettara sem halda áfram í milliriðla í unglingaflokki. Í "dauðasætinu" eða 31.sæti, það munaði einni kommu, er svo Hilmir Páll Hannesson á Grím frá Skógarási og þar skammt á eftir komu svo Apríl Björk Þórisdóttir á Lilju frá Kvistum og Jóhanna Dýrleif Guðjónsdóttir á Sól frá Hólum sem urðu í 35.- 36. sæti. Elena, Lilja Berg og Rafn Alexander voru líka öll nálægt því að ríða sig inn í milliriðla en vantaði nokkrar kommur upp á.

Í ungmennaflokki er Guðný Dís Jónsdóttir á Goða frá Garðabæ í 4.sæti eftir forkeppni og Elva Rún Jónsdóttir er í því 7. á Björt frá Feti. Hekla Rán Hannesdóttir á Tind frá Árdal er í 11.sæti eftir forkeppni og Herdís Björg Jóhannsdóttir afmælisbarn dagsins á Þór frá Efri-Brú er í 12.sæti. Rétt fyrir utan milliriðlana eru þær Anika Hrund Ómarsdóttir á Dáðhuga frá Álfhólum og Ásta Hólmfríður Ríkharðsdóttir á Garra frá Bessastöðum.

Í nýrri grein á Landsmóti, sem er enn sem komið er sýningargrein, A-flokkur ungmenna er Anika Hrund Ómarsdóttir á Hraunari frá Hólaborg í 4.sæti eftir forkeppni. Næst koma Apríl Björk Þórisdóttir á Esju frá Miðsitju í í 17.sæti, Jóhanna Sigurlilja Sigurðardóttir á Gusti frá Efri-Þverá í 21.sæti, Ragnar Dagur Jóhannsson á Öxi frá Hvammi í 27.sæti og Lilja Guðrún Gunnarsdóttir á Hátíð frá Söðulsholti í 29.sæti.

Það er því ljóst að við Sprettarar eigum dágóðan hóp af ungum og bráðefnilegum Spretturum!

06/07/2026

Sprettaragrill á Landsmóti fyrir setningarathöfn á fimmtudag - við Bjórsetrið ( þfyrir neðan Sögusetrið) gegnt kirkjunni á Hólum kl 18-19:30 en setningarathöfn mótsins hefst kl 20:00
vinsamlegast meldið fjölda þeirra sem ætla að mæta hér í athugasemdum/commenti fyrir neðan

04/07/2026

Landsmót hestamanna hefst í fyrramálið þegar barnaflokkur ríður á vaðið kl.8:30. Fjölmargir Sprettarar eru mættir norður og hafa verið við æfingar undanfarna daga. Veðrið hefur verið allskonar en veðurspáin fyrir morgundaginn er góð! Við erum alveg hrikalega spennt að sjá ungu Sprettarana okkar ríða í braut og hvetja þau áfram! Fyrst til að ríða inn á glæsilegan keppnisvöllinn hér í Hjaltadal fyrir hönd Sprettara er Eyvör Sveinbjörnsdóttir á Hag frá Hofi á Höfðaströnd. Svo fylgja þau Ísar Dalmar, Sigursteinn Ingi, Erla Dís, Patrekur, Heiður Inga, Þóra, Hafdís, Ómar Björn, Birkir Snær og síðust mætir Harpa Rún. Við eigum flottan hóp af ungum Spretturum sem verður gaman að fylgjast með en upplifunin við að taka þátt á Landsmóti, og flest þeirra að keppa á sínu fyrsta, er ótrúleg. Að loknum barnaflokki tekur unglingaflokkur við og annaðkvöld er það B-fl áhugamanna. Það verður því nóg um að vera á morgun!

03/07/2026

Kæru Sprettarar á Landsmóti hestamanna á Hólum :-)

Við minnum á að í dag, föstudaginn 3.júlí, er barnaflokkurinn okkar með sérstakan æfingatíma frá kl.12:30-13:30. Vinsamlegast sýnið þeim tillitssemi og eftirlátum þeim þennan klukkutíma til að kynnast vellinum og æfa sig :-)

Hér er u tímasetningar fyrir æfingatíma hjá börnum í dag:
12:30 Harpa, Sigursteinn, Ísar
12:48 Þóra, Ómar Björn
13:00 Erla Dís, Heiður Inga
13:12 Hafdís Járnbrá
13:18 Patrekur, Birkir
13:30 Æfingatími fyrir barnaflokk búinn og æfingatími fyrir alla Sprettara hefst.

30/06/2026

Nokkur pláss laus í Reiðmanninn

https://endurmenntun.lbhi.is/naestu-namskeid/