16/06/2026
Helgin var ógleymanleg fyrir okkur.
Hvolparnir úr ræktuninni okkar stóðu sig frábærlega á tvöfaldri sýningarhelgi.
Allir fengu sérlega lofandi báða dagana ásamt því að 4 fengu BOB & BOS, sitthvor systkinin á lau & sun, sem okkur finnst mikilvægt & segja okkur mikið.
Einn af hvolpunum okkar vann svo þann glæsilega sigur að verða
BIS 1 puppy úr gríðarlega stórum hópi 6-9 mánaða hvolpa, aðeins 7 mánaða gömul.
Það er árangur sem fyllir okkur stolti & gleði.
Við erum þó ekki aðeins stolt af úrslitunum heldur fólkinu á bak við þau. Hvolpaeigendurnir okkar eiga stóran þátt í þessum árangri. Þið hafið sýnt okkur traust frá fyrsta degi, lagt ótrúlega mikla vinnu í hundana ykkar & staðið með okkur í gegnum súrt & sætt.
Fyrir það verðum við ævinlega þakklát.
Síðustu misseri hafa ekki alltaf verið auðveld. Við höfum mætt gagnrýni, mótlæti & ýmsum hindrunum á leiðinni.
En í stað þess að láta það draga okkur niður höfum við einbeitt okkur að því sem skiptir máli • heilbrigðum, glæsilegum hvolpum & sterkum tengslum við eigendur okkar.
Þess vegna er þessi árangur svo sérstakur. Hann er afrakstur þrautseigju, samvinnu & ótal klukkustunda af vinnu sem margir sjá ekki.
Við gætum ekki verið stoltari af hvolpunum okkar, eigendum þeirra & öllu því sem við höfum byggt upp saman.
Takk fyrir traustið, stuðninginn & vinnuna sem þið leggið í þetta með okkur.
Stundum tala úrslitin sínu máli 🖤
