Dýraeftirlit Norðurþings

25/07/2026

Elsku hunda-, katta- og hestaeigendur. 🐾

Við viljum minna á að á miðnætti, að loknum Mærudagstónleikunum, verður flugeldasýning niðri á bryggju.

Ef dýrið þitt er hrætt við flugelda er gott að gera viðeigandi ráðstafanir tímanlega. Gott getur verið að hafa kveikt ljós þar sem dýrið er, spila tónlist aðeins hærra en venjulega til að draga úr flugeldahljóðunum og halda sjálf ró sinni. Dýrin skynja oft líðan okkar og rólegt viðmót getur hjálpað þeim að líða betur.

Eigum öll öruggt og ánægjulegt kvöld. ❤️🐶🐱🐴

13/07/2026

🪿 Uppfærsla varðandi grágæsirnar

Undanfarið hafa þrjár grágæsir verið á ferðinni í bænum. Þær eru í fjaðrafelli og því tímabundið ófleygar á meðan nýjar flugfjaðrir vaxa. Tekur 3 vikur að minnsta kosti.

Með hliðsjón af velferð fuglanna, umferðaröryggi, þeirra öryggi og vegfarenda, sem og óhreinindum á svæðinu þar sem þær héldu sig. Var ákveðið að ferja þær út fyrir bæinn og sleppa þeim í náttúrulegt umhverfi þar sem þær njóta meira öryggis og eru í eðlilegum félagsskap annars fuglalífs.

Aðgerðin var framkvæmd með velferð fuglanna að leiðarljósi og í samræmi við gildandi lög og reglur um dýravelferð og meðferð villtra dýra. 🪶💙🪿

11/07/2026

🪿 Grágæsir í fjaðrafelli

Nú eru þrjár grágæsir á ferðinni hér í bænum sem hafa vakið athygli vegna þess að þær fljúga ekki.
Á þessum árstíma ganga grágæsir í gegnum fjaðrafelli og missa flugfjaðrirnar. Á meðan nýjar fjaðrir vaxa eru þær tímabundið ófleygar og halda sig því á jörðinni.
Þær geta hlaupið undan fólki og virkað berskjaldaðar, en þetta er eðlilegt ferli hjá gæsum. 🪶

Við biðjum fólk um að gefa þeim gott rými, leyfa þeim að vera í friði og halda hundum frá þeim. 🐾
Ef gæs virðist slösuð, veik eða er í augljósri hættu má að sjálfsögðu hafa samband við Dýraeftirlit Norðurþings. 🪿💚

15/06/2026

🐾 Tilkynning vegna hátíðarhalda 17. júní 🐾🇮🇸

Dýraeftirlit Norðurþings vill minna hundaeigendur á að skrúðgangan er ekki ætluð hundum.

Jafnframt er bent á að samkvæmt 9. gr., 7. mgr. samþykktar um hundahald í Norðurþingi eru hundar ekki leyfðir á útisamkomum.

Hátíðarhöld sem þessi einkennast oft af miklum mannfjölda, hávaða og annarri óvæntri örvun sem getur valdið hundum streitu og vanlíðan. Flestum hundum líður því mun betur heima í rólegu og öruggu umhverfi.

Við biðjum hundaeigendur að virða reglurnar og hjálpa þannig til við að tryggja öryggi og ánægjulega upplifun allra sem taka þátt í hátíðarhöldunum.

Gleðilega þjóðhátíð 🇮🇸💛

08:00 Fánar dregnir að húni09:00 FjölskylduratleikurFyrsta vísbending birtist á vef Norðurþings ásamt reglum og leiðbeiningum um þátttöku Þann 17. júni - www.nordurthing.isSvör send inn á [email protected] merkt Ratleikur og vinningshafi dreginn út10:30 - Skrúðagarðurin...

12/06/2026

05/06/2026

🐾 Hundar bundnir fyrir utan verslanir 🐾

Við viljum minna hundaeigendur á að samkvæmt 4. mgr. 18. gr. reglugerðar nr. 80/2016 um velferð gæludýra er aðeins heimilt að tjóðra hunda undir eftirliti.

Þetta á einnig við þegar hundur er skilinn eftir bundinn fyrir utan verslun á meðan eigandi fer inn að versla. Hundurinn er þá almennt ekki undir því eftirliti sem reglugerðin gerir ráð fyrir.

Auk þess geta skapast aðstæður sem valda hundinum streitu eða hættu, svo sem samskipti við ókunnuga, aðra hunda, umferð eða veðurfar.

Við hvetjum því hundaeigendur til að skilja hunda ekki eftir bundna og eftirlitslausa fyrir utan verslanir eða aðra staði.

Takk fyrir að stuðla að góðri velferð dýranna okkar. 🐶💚

30/05/2026

Dýraeftirlitið minnir á að alltaf skal hirða upp eftir hundinn sinn 💩 og setja í ruslið.

Hvað er eiginlega í pokanum? 😅🐶
Röng svör aðeins leyfð!

12/05/2026

Tilkynning frá Dýraeftirlitinu!

Undanfarið hafa fundist 4 dauðar Æðarkollur á sömu staðsetningu við fjörurætur á Húsavík, við rampinn hjá Slippnum.

Málið hefur verið tilkynnt til Matvælastofnun (MAST) sem mun meta hvort þörf sé á frekari rannsóknum og sýnatöku.

Við biðjum fólk vinsamlegast að:

- Forðast snertingu við dauða eða veika fugla.
- Halda börnum og hundum frá svæðinu.
- Og tilkynna ef fleiri fuglar finnast á svæðinu.

Guðný María Waage
Dýraeftirlitsmaður Norðurþings.

12/05/2026

Dýraeftirlit Norðurþings vill minna á að það er óásættanlegt og hættulegt að láta hunda hlaupa á eftir ökutækjum. 🐾🚗
Slík háttsemi getur valdið alvarlegum meiðslum, hræðslu og jafnvel dauða.

Samkvæmt lögum um velferð dýra nr. 55/2013, 6. gr., er skylt að koma í veg fyrir að dýrum sé valdið þjáningu eða hættu á meiðslum.
Þetta fellur því undir óviðeigandi meðferð dýrs og verður tekið alvarlega.

Hundar eiga rétt á öruggri, ábyrgri og hættulausa hreyfingu 🐾

11/05/2026

Dýrey kemur til Húsavíkur.

🐾 20.maí
🐾 10.júní

Tímabókanir í síma 461-4950