Harmn Shwan Haji

Harmn Shwan Haji بەكالۆریوس لە پزیشكی ڤێتێرنەری_تەكنیكار...

 #الحَمدلله عَلى كُل حَال..
17/04/2025

#الحَمدلله عَلى كُل حَال..

بەبۆنەی هاتنەوەی جەژنی قوربانی پیرۆز گەرمترین پیرۆزبایی خۆمان ئاڕاستەی موسڵمانان دەکەین، هیواخوازین ئەم جەژنە ببێتە مایە...
15/06/2024

بەبۆنەی هاتنەوەی جەژنی قوربانی پیرۆز گەرمترین پیرۆزبایی خۆمان ئاڕاستەی موسڵمانان دەکەین، هیواخوازین ئەم جەژنە
ببێتە مایەی خۆشبەختی بۆ موسڵمانان.
𝐄𝐢𝐝 𝐌𝐮𝐛𝐚𝐫𝐚𝐤..

Medical veterinary’ ڤێتێرنەری پزیشکی

بەناوی خوای گەورە و میهرەبان..بابەت/چۆن بزانین هێلكەیەك تەندروستە و شیاوە بۆ خواردن!؟‎هەندێك جار کە هێلکەیەك دەشکێنین دە...
26/03/2024

بەناوی خوای گەورە و میهرەبان..

بابەت/چۆن بزانین هێلكەیەك تەندروستە و شیاوە بۆ خواردن!؟

‎هەندێك جار کە هێلکەیەك دەشکێنین دەبینین لەسەر زەردێنەی هێلکەکە پەڵەیەکی سپی یان هێڵێک(ڕیشاڵێک) ی سپی هەیە
‎لەڕاستیدا بوونی ئەم پەڵەیە یان ئەو ڕیشاڵە سپیە ئاماژەیە بۆ هێلکەیەکی تەندروست و شیاو بۆ خواردن

‎زۆر جار لەكاتی كوڵاندنی هێلكە دەبینین ڕەنگی زەردێنەكە لە زەردباوەوە ئەبێت بەڕەنگی سەوزباو ئەوە مانای كۆنی هێلکەکە ناگەیەنێت بەڵكو هیچ كیشەیەك لە هێلكەكە نیە و شیاوە بۆ خواردن ئەمەش بە هۆی گۆڕانی ترشە ئەمینیەكانی ناو زەردێنەیە کە لەگەڵ پلەی گەرمی ئەو گۆرانەی بەسەر دادێت.

بوونی شێوە و قەبارەیەکی بچووک یان گەورەی هێلکە لەچاو هێلکەی ئاسایی, ئەمە زۆرجار بەهۆکاری بۆماوەیی ڕودەدات و هیچ پەیوەندیەکی بە خراپبوون و تێکچوونی هێلکەوە نیە.

‎ئایە هێلكە ئەبێت بشۆڕێت؟
زۆر كەس پێوایە شوشتنی هێلكە ڕێگایێكی تەندروستە
‎بەڵام لە ڕاستیدە بۆ هێلكە ئەم كارە تەندروست نیە و هێلکەکە توشی تێكچوون ئەبێت ئەگەر بۆ ماوەیكی زۆر هەڵیبگرین ،ئەمەش بە هۆكاری ئەوەی لەكاتی شوردنی هێلكە بەرگێك هەیە لە دەوری هێلكە بەناوی Defense membrane
‎لەكاتی شوشتن ئەو پەردەیە نامێنێت بەمەش میکرۆبی زیان بەخش دەچێتە ناو هێلکەکەوە و هێلكەكە تێك ئەچێت.

‎بوونی خاڵ یاخود پەڵەی سوور یان رەشی بچووك لەناو هێلكە لەكاتی شكاندنی ئەكرێت بخوورێت بەمەرجێك كاتی زۆر بەسەردا تێنەپەڕیبێت یاخوود پەڵی خوێن لەناو هێلكە ئەمەش بە هەمان شێوە ئەكرێت بخورێت بەمەرجێك بچووك بێ, چونکە دەکرێت لەكاتی دروست بوونی هێلكە لە هێلکەداندا دڵۆپی خوێن تێکەڵ بە زەردێنەی هێلکە بێت

‎لەكاتی خواردنی هێلكە یاخوود شكانی پێش خواردن ئەگەر هاتوو بۆن ماسی یاخود بۆن ساردی لێهات ئەوە شیاو نیە
بۆ خواردن ئەو حاڵەتە دەکرێ ڕوبدات بەهۆی خراپی لە خۆراكی مریشكەكە یاخوود خراپ هەڵگرتنی هێلكەكە بۆ ماوەیەكی زۆر.

‎ئەگەر هاتوو هێلكەكە درزیدابوو وەكاتی زۆر بەسەردا تێپەڕی بوو بۆ خواردن شیاو نیە ئەوەش لەبەر ئەوەی بەكتریای زیان بەخش یاخوود ڤایرۆس یان هەر هۆكارێكی تری نەخۆشی داخڵیی هێلكەكە بووە و بۆتە هۆكاری تێك چوونی

‎نیشانەیەکی تری باشی کوالێتی و هێلکەی تەندوست. لەكاتی شكاندی سپێنەكە لەدەوری زەردێنە زۆر بڵاو نابێتەوە تووندە ئەگەر سپێنەكە زۆر بڵاو بۆوە ئەوە ئاماژەیە بۆ ئەوەی كوالێتی باش نیە یاخود هێلکەکە كۆنە.


بەهیوای سوود بینین..
✍🏻𝐇𝐚𝐫𝐦𝐧 𝐬𝐡 𝐇𝐚𝐣𝐞.

بەناوی خوای گەورەو میهرەبان.بابەت/جیقنە نووسان بە کۆمی جوچکە:-کێشەیەکی زۆر باوە لە جوچکەدا کە پێویستە پشتگوێ نەخرێت چون...
06/02/2024

بەناوی خوای گەورەو میهرەبان.

بابەت/جیقنە نووسان بە کۆمی جوچکە:-

کێشەیەکی زۆر باوە لە جوچکەدا کە پێویستە پشتگوێ نەخرێت چونکە ئەگەر چارەسەر نەکرێت دەبێتە هۆی مردن.

برییتیە لە لکانی جیقنە بە توکی دەوروبەری کۆمەوە و رەق بوونی بەجۆرێک کە رێگرە لە هاتنە دەرەوەی جیقنە واتە بۆری دەرهاویشتەی دەگیرێت.
بە تایبەت جوچکەی تەمەن بچووک تووشی دەبێت بە تایبەت تر ئەو جوچکانەی کە دەفرۆشرێن و دەگوازرێتەوە لە کارتۆنە بەوەش جوچکەکە تووشی سترێس دەبێت ئەوەش دەبێتە
هۆکار بۆ جیقنە نووسان بە کۆمەوە.
بەڵام بە گشتی دوورە لەو جوچکانەی کە لەژێر مریشکدا هەڵدێن و دایکیان بەخێویان دەکات لەبەر ئەوەی
•تووشی سترێس نابن
•ئەو پلە گەرمییەی کە پێویستە بۆ جوچکە دایکیان پێیان دەدات لەبەر ئەوە کاتێک بە هەڵهێنەر جوچکە هەڵدێنی پێویستە ئەو پلە گەرمییەی بۆ دابین بکەیت کە پێویستە بۆی.

~دیاری کردنی ئەو حاڵەتە لەناو ژمارەیەکی زۆر لە جوچکەدا
بەهۆی هەندێ نیشانەوە لە باو ترینیان:

∞ لاوازی جوچکە لە رۆشتن و جوڵەدا.
∞ ئالیک ناخوات و ئاویش ناخواتەوە.
∞ ناخەوێت.
∞ پیسای بە کۆمیەوە کە یەکێکە لەنیشانە سەرەکیەکان.

~هۆکارەکانی کە ئەو حاڵەتە دروست دەکات:-

١.سترێس.

٢.وەک دەنگی بەرز لە دەوروبەریان , دەست لێدان و هەڵگرتنی زۆر بە تایبەت لالایەن منداڵەوە , یان لەکاتی گواستنەوەی شوێنی تەسکە.

٣.بۆماوەی زۆربەی جار نەخۆشیەکانی جوچکە لە دایکی تووش بووەوە بۆی دەگوازرێتەوە بۆ ئەو حاڵەتەیش زۆر جار دایکی توش بوو بە سالمۆنێلا دەبێتە هۆی دروستبونی ئەو حاڵەتە لە جوچکەدا.

٤.سەرما بوون هۆکارێکی ترە بۆ دروست بوونی ئەو کێشەیە بۆیە پێویستە هەفتەی یەکەم پلەی گەرمییان 37 بێت هەفتەی دووەم 32 بێت هەفتەی سێیەم 27هەفتەی چوارەم 20 ئیتر لەو تەمەنەدا تووک دەگۆرێت بۆ پەر کەمتر سەرمای دەبێت.

٥.گەرمی بەرز.

٦.بە پێچەوانەی سەرما بوونەوە گەرمی بەرزیش هۆکارە کەواتە پێویستە پلەی گەرمی
گونجاوی بۆ دابین بکەین.

٧.خواردن.

~چارەسەرو ڕێگری کردن لەو حاڵەتە:-

بۆ چارەسەری ئەو حاڵەتە واباشە دوروبەری کۆمی جوچکە بەلۆکەیەک کەچەورکرابێت جوان پاکبکرێتەوە وچەور بکرێت و دواتر بە ئاوی شلەتێن بشۆردرێتواتە زوو زوو بۆی چەور بکرێت.
پێدانی
١.تێتراسایکلین ٢.نیوماسین ٣.کۆلستین.

پێدانی شەکراو یاخود دۆشاوی خورما لە ڕۆژەکانی سەرەتای تەمەنی و پاشان پێدانی ئالیکی کوالێتی بەرزو باش بەپێی تەمەنی لەهەفتەی یەکەم ئالیکی وردو لە هەفتەکانی دواتر ئالیکی زبرو ئامادەکراو.

•پاککردنەوەو تەعقیمکردنی شوێنی بەخێوکردنیان بۆ ڕێگری کردن لەتوش بونی بەنەخۆشیە بەکتیریایی و کەڕویەکان چونکە زۆر جار تەڕی شوێن وتەڕی ڕاخەر و پیسی ڕاخەر هۆکاری نوسانیجیقنەیە بە کۆمیانەوە.

بەهیوای سوود بینین:
✍🏻Harmn sh Haje.

سەرچاوە:
https://the-chicken-chick.com/pasty-butt-in-chicks-causestreatmen/
https://t.me/c/1712254814/28

بەناوی خوای گەورە و میهرەبان..بابەت/نەخۆشی زۆنۆتیك و هۆكارەكانی و خۆپارێزی:ئاژەڵ چەندین سوود بە مرۆڤ دەبەخشێت هەروەها زۆ...
21/01/2024

بەناوی خوای گەورە و میهرەبان..

بابەت/نەخۆشی زۆنۆتیك و هۆكارەكانی و خۆپارێزی:

ئاژەڵ چەندین سوود بە مرۆڤ دەبەخشێت هەروەها زۆر جار زیان بەخشیشە بۆ مرۆڤ،زۆر کەس لە ژیانی ڕۆژانەیاندا لەگەڵ ئاژەڵەکاندا کارلێک دەکەن، چ لە ماڵەوە و چ لە دووری ماڵەوە.
بەڵام لەگەڵ تێكەڵ بوون بە ئاژەڵان پێویستە هەندێك خاڵ هەیە بۆۆ سەلامەتی مرۆڤەكان بۆ دوور بوون لە نەخۆشیەكان بزانین.

زۆنۆتیك كە بریتیە لەو نەخۆشیانەی كە دەگوازرێنەوە لەنێوان مڕۆڤ و ئاژەڵ

ئاژەڵەکان هەندێک جار دەتوانن میکرۆبی زیانبەخش
هەڵبگرن کە دەتوانن بۆ مرۆڤەکان بڵاوببنەوە و ببنە هۆی نەخۆشی ئەمانە بە نەخۆشی زۆنۆتیک یان زۆنۆس ناسراون.

نەخۆشی زۆنۆتیک بەهۆی میکرۆب زیانبەخشەکانی وەک ڤایرۆس و بەکتریا و مشەخۆرەكان دروست دەبێت.
ئەم میکرۆبانە دەبنە هۆی دروستبوونی چەندین جۆری جیاوازی نەخۆشی لە مرۆڤ و ئاژەڵدا، لە نەخۆشییەکی سووکەوە تا نەخۆشییەکی قورس و تەنانەت مردنیش،ئاژەڵەکان هەندێک جار دەتوانن تەندروست دەربکەون تەنانەت کاتێک میکرۆبیان هەڵگرتووە کە دەتوانێت مرۆڤ نەخۆش بکات، ئەمەش بەپێی نەخۆشییە زۆنۆتیکەکە.

نەخۆشییە زۆنۆتیکەکان زۆر باون، لە سەرانسەری جیهان.وە پێویستە خۆیان لێ بەدوور بگرین

چۆن میکرۆبەکان لە نێوان ئاژەڵ و مرۆڤەکاندا بڵاودەبنەوە؟

بەهۆی پەیوەندییەکی نزیک لە نێوان مرۆڤ و ئاژەڵەکاندا، گرنگە ئاگاداری ئەو ڕێگا باوانە بیت کە مرۆڤەکان دەتوانن تووشی میکرۆب ببن کە دەتوانن ببنە هۆی نەخۆشییە
زۆنۆتیکەکان.

هۆكارەكانی گواستنەوە ئەمانە:

١.بەرکەوتنی ڕاستەوخۆ: بەرکەوتن لەگەڵ لیک، خوێن، میز، چڵک، پیسایی، یان شلەکانی تری جەستەی ئاژەڵێکی تووشبوو. نموونە لەوانە چەقۆکێشان یان دەست لێدانی ئاژەڵان، و گازگرتن یان پێوەدان.

٢.بەرکەوتنی ناڕاستەوخۆ: بەرکەوتن لەگەڵ ئەو شوێنانەی کە ئاژەڵەکان تێیدا دەژین و دەسوڕێنەوە وە لێ دەمێنەوە، یان ئەو جێگایانەی کە بە میکرۆب پیس بوون. نموونە لەوانە ئاوی تانکی ئەکواریۆم، شوێنی نیشتەجێبوونی ئاژەڵە ماڵیەکان، کۆختەی مریشک، ئەشکەوت بۆ ئاژەڵە كێویەكان،ڕووەک و خاک، هەروەها قاپەکانی ئاو بۆ ئاژەڵەماڵیەكان بەتایبەت سەگوو پشیلە.

٣.پێوەدانی لەلایەن مێش، یان مێروویەک یان مێشوولە

٤.بەهۆی خۆراکەوە: خواردن یان خواردنەوەی شتێکی ناپارێزراو، وەک شیری تێك چوو، گۆشت یان هێلکەی کەم کوڵاو، یان سەوزە و میوەی کاڵ کە پیس بوون بە پیسایی ئاژەڵێکی تووشبوو. خۆراکی پیس دەبێتە هۆی نەخۆشی لە مرۆڤ و ئاژەڵدا، لەوانەش ئاژەڵە ماڵیەکان.

٥.ئاو: خواردنەوە یان بەرکەوتن لەگەڵ ئاوێک کە بە پیسایی ئاژەڵێکی تووشبوو پیس بووە.

کێ مەترسی تووشبوون بە نەخۆشی سەختی زیاترە بەهۆی
نەخۆشییە زۆنۆتیکەکانەوە؟

هەر کەسێک دەتوانێت بەهۆی نەخۆشییەکی زۆنۆتیکەوە نەخۆش بکەوێت، لەنێویاندا کەسانی تەندروست. بەڵام هەندێک کەس زیاتر لە هەندێکی تر مەترسییان لەسەرە و پێویستە هەنگاو بنێن بۆ پاراستنی خۆیان یان ئەندامانی خێزانەکەی.
ئەم کەسانە زیاتر لە کەسانی تر ئەگەری تووشبوونیان هەیە
تەنانەت مردنیشیان هەیە.

ئەم کۆمەڵە کەسانە بریتین لە:
منداڵانی خوار تەمەنی ٥ ساڵ
گەورەساڵانی سەروو ٦٥ ساڵ
ئەو کەسانەی سیستەمی بەرگری لەشیان لاوازەئافرەتی دوو گیان

چی بکەیت بۆ ئەوەی خۆت و خێزانەکەت لە نەخۆشییە زۆنۆتیکەکان بپارێزیت؟

مرۆڤەکان دەتوانن لە زۆر شوێن بەرکەوتنیان لەگەڵ ئاژەڵەکاندا هەبێت. ئەمەش لە ماڵەوە و دوور لە ماڵەوە، لە شوێنەکانی وەکو باخچەی ئاژەڵانی ماڵی مێرووەکان وەک مێشوولە و کۆپان شەو و ڕۆژ گاز لە مرۆڤ و ئاژەڵ دەگرن.

بەڵام شتێک هەیە کە دەتوانیت بیکەیت بۆ پاراستنی خۆت و خێزانەکەت لە نەخۆشییە زۆنۆسەکان.

دەستەکان پاک ڕابگرن. دەستشۆردنی دەستەکانت ڕاستەوخۆ دوای ئەوەی لە دەوری ئاژەڵەکان بوویت، تەنانەت ئەگەر دەستت لە هیچ ئاژەڵێک نەدابێت، یەکێکە لە گرنگترین هەنگاوەکان کە دەتوانیت بیگریتە بەر بۆ ئەوەی نەخۆش نەبیت و میکرۆبەکان بۆ کەسانی تر بڵاو نەبیتەوە.
هەمیشە دەستەکانت بشۆ دوای ئەوەی لە دەوری ئاژەڵەکان بوویت، تەنانەت ئەگەر دەستت لە ئاژەڵەکان نەدابێت.
زۆرێک لە میکرۆبەکان بەهۆی نەشۆردنی دەستەکان بە باشی بە سابوون و ئاوی پاک و ڕژاو بڵاودەبنەوە.
ئەگەر ئاو و سابوون بە ئاسانی دەست نەکەوت، دەتوانیت پاککەرەوەی دەست بە بنەمای کحول بەکاربهێنیت کە لانیکەم
٦٠% کحولی تێدایە.

ئەو شتە سادانە بزانە کە دەتوانیت بیکەیت بۆ ئەوەی لە دەوروبەری ئاژەڵە ماڵییەکانتدا سەلامەت بمێنیتەوە.
وەڕێگری لە پێوەدانی مێشوولە.

بەهیوای سوودبینین.
✍🏻 𝐇𝐚𝐫𝐦𝐧 𝐒𝐡 𝐇𝐚𝐣𝐞

سەرچاوە:
https://www.cdc.gov/onehealth/basics/zoonotic-diseases.html

Address

Ranya

Alerts

Be the first to know and let us send you an email when Harmn Shwan Haji posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Harmn Shwan Haji:

Share

Category