Dogville Bakery

Dogville Bakery DOGVILLE 是一間專門為狗隻提供HOMEMADE鮮食的店舖，我們採用各國優質食材，製作天然有益又美味的食品給最愛嘅毛孩…

🧧2026年農曆新年假期安排🧧就快到農曆新年啦！我哋預早同大家拜個早年，祝大家馬上有福，幸福快樂，各位毛孩身體健康，精精靈靈❤️2月16日- ： (農曆假期休息）2月28日 ：(年三十晚至初十二)3月1日 ： 初十三啟市
16/02/2026

🧧2026年農曆新年假期安排🧧

就快到農曆新年啦！我哋預早同大家拜個早年，祝大家馬上有福，幸福快樂，各位毛孩身體健康，精精靈靈❤️

2月16日- ： (農曆假期休息）
2月28日 ：(年三十晚至初十二)
3月1日 ： 初十三啟市

Dogville今個月踏入15周年，同時都要同屯門店說再見，呢個決定其實都諗咗好耐，始終呢間舖陪伴我同老闆15年，帶來好多回憶，能夠認識大家係一種緣份，部份客人更成為朋友，呢一個更係福氣，仲有一班毛孩細路喺舖頭畫面都一直喺個腦裏面。自從三隻...
18/09/2025

Dogville今個月踏入15周年，同時都要同屯門店說再見，呢個決定其實都諗咗好耐，始終呢間舖陪伴我同老闆15年，帶來好多回憶，能夠認識大家係一種緣份，部份客人更成為朋友，呢一個更係福氣，仲有一班毛孩細路喺舖頭畫面都一直喺個腦裏面。

自從三隻狗陸陸續續離開，我個心都喺度諗Dogville係咪繼續營運呢？坦白講自己個心都已經碎咗，只係每一日用強力膠布努力貼返，否則就辜負佢哋三個教曉「無條件的愛」，加上而家經濟環境同埋零售消費模式等等都變咗，就係咁決定都轉變模式，就喺商場一間小小店繼續營運。

舖頭搬到元朗 K-plus商場66號

屯門已經正式結業，元朗舖將會9月21日營業。

感謝大家一路陪伴

P.S.大家有喺舖頭影相嘅話，唔該分享畀我哋，一齊留住呢啲溫暖回憶

不經不覺，Mocha已經離開我們十多天了。這段時間，我一直細心留意自己的情緒，心中既有傷痛，也充滿感恩。傷痛是因為失去了你這個最親密的家人，但感恩的是，你能夠以許多人夢寐以求的方式，在睡夢中安然離開。作為你的主人，我們應該感到欣慰。17年來...
06/04/2025

不經不覺，Mocha已經離開我們十多天了。這段時間，我一直細心留意自己的情緒，心中既有傷痛，也充滿感恩。傷痛是因為失去了你這個最親密的家人，但感恩的是，你能夠以許多人夢寐以求的方式，在睡夢中安然離開。作為你的主人，我們應該感到欣慰。17年來，你一直健康快樂，上年妹妹離開後，你的身體開始急速老化，我們看著你逐漸衰老，心裡雖然不捨，但也接受這是自然的過程。

為了讓你過得更舒服，我和老公盡全力去做能做的一切——全屋鋪上加厚地氈、買氧氣機、帶你去針灸……一切只為求沒有遺憾，只希望你離開前的日子能夠舒舒服服。

3月27日那天，你完成了今世的功課，成為了一位小天使。當天晚上，你安靜地拒絕進食，選擇去休息。大約一個小時後，你在睡夢中安詳地離開了。你的離開是那麼平靜、瀟灑，像是用最溫柔的方式向我們告別。這是一種莫大的福氣，我真的很感恩，也感動於上天對你的厚愛。你的福氣，令我和老公感到無比安慰。

這五年來，我們先後送別了豆豆、妹妹，如今又是你。每一次的離別都讓我們心痛，但你這次用最溫柔的方式離開，彷彿是要減輕我們的不捨。

回想17年前，能夠遇見你，是我和老公最大的福氣。你陪伴我們走過人生的高低起伏，幫助我們一起創造了很多不可能的事。Dogville的誕生，也是因為有你。你的生命不僅改變了我們，也充滿了意義和愛。

既然你都走得這麼好，我也要加倍努力，學會放下，努力去開開心心、幸福地過好每一天，這樣才不會辜負你這麼瀟灑地離開。

Mocha，永遠愛你，謝謝你的17年。

蛇年恭喜發財！今年遲咗同大家拜年，因為媽咪話我每一張相都影到西口西面，其實呢一個係攝影師技巧問題而唔係Model問題，不過點都好啦！我係行「型格路線」，每一個姿勢，每一個面口，最緊要合乎我心意。雖然我面口比較似木頭，但係內心係暖暖，新一年大...
09/02/2025

蛇年恭喜發財！
今年遲咗同大家拜年，因為媽咪話我每一張相都影到西口西面，其實呢一個係攝影師技巧問題而唔係Model問題，不過點都好啦！我係行「型格路線」，每一個姿勢，每一個面口，最緊要合乎我心意。

雖然我面口比較似木頭，但係內心係暖暖，新一年大家要繼續幸福開心，各位小朋友身體健康，繼續食多啲好嘢，日日記得去玩，玩完就瞓，好好享受每一日😘

舖頭已經開工，仲要多謝俾利是我Uncle Auntie,仲記得我🥰

謝謝

就嚟過農曆新年，訂開「一對一粥粥家長」早前應該都收到老闆溫馨提示，至於「鮮食粥粥」如果唔想嚟到冇咗心儀口味，記得早啲預訂，我哋已經不停趕工，務求所有毛孩新年都唔會缺糧! 由1月27號開始放假啦, 要2月7號先見到大家。
22/01/2025

就嚟過農曆新年，訂開「一對一粥粥家長」早前應該都收到老闆溫馨提示，至於「鮮食粥粥」如果唔想嚟到冇咗心儀口味，記得早啲預訂，我哋已經不停趕工，務求所有毛孩新年都唔會缺糧!

由1月27號開始放假啦, 要2月7號先見到大家。

Mocha :講樣嘢俾你哋知！今日係我17歲生日，凌晨瞓緊覺嘅時候媽咪吵醒我拎個蛋糕出嚟同我慶祝，由八歲開始佢都眼濕濕同我唱生日歌，今年當然唔例外啦！佢隻眼又搏咗落水喉度，同我講祝我健康開心⋯⋯其實我都一直覺得已經擁有㗎啦！只係身體上體力差...
03/01/2025

Mocha :講樣嘢俾你哋知！今日係我17歲生日，凌晨瞓緊覺嘅時候媽咪吵醒我拎個蛋糕出嚟同我慶祝，由八歲開始佢都眼濕濕同我唱生日歌，今年當然唔例外啦！佢隻眼又搏咗落水喉度，同我講祝我健康開心⋯⋯其實我都一直覺得已經擁有㗎啦！只係身體上體力差咗，今日正日都同大家分享呢一份喜悅♥️
都祝大家一齊「開心幸福」

P.S 所以如果你哋見到我記得同我講「生日快樂」😗

#幸福係要分享的
#優雅地老
#生日大晒
#今晚我要食魚魚同肉肉

Mocha : 今年中秋節點解咁熱㗎？ 年紀大唔熱得唔捱得，媽咪話叫我影張相同大家分享吓近況，其實就嚟17歲開始腳仔冇乜力啦，身體唔似舊時咁有活力，但係都好自然好在仲食得瞓得仲痾得！ 如果天氣冇咁熱，就可以多啲出街街，到時希望可以返到舖頭做...
18/09/2024

Mocha : 今年中秋節點解咁熱㗎？ 年紀大唔熱得唔捱得，媽咪話叫我影張相同大家分享吓近況，其實就嚟17歲開始腳仔冇乜力啦，身體唔似舊時咁有活力，但係都好自然好在仲食得瞓得仲痾得！ 如果天氣冇咁熱，就可以多啲出街街，到時希望可以返到舖頭做一小時店長😬（太耐我頂唔順！老人家要瞓多啲）⋯⋯仲有！代媽咪爹哋多謝大家送來嘅禮物，大家嘅心意全部收到晒🩷但係呢⋯⋯都係呢一句下次可唔可以記得我？送啲我可以食得嘅嘢呢？次次淨係送俾爹哋媽咪會唔會好過分呢😤

最後都要講句「中秋節快樂」


#西面王子
#但係我又願意俾你西
#西多幾多年都值得
#只要你健康就好

親愛的妹妹：永遠最靚最生性嘅妹妹回憶起某一日，妳三個月大第一日返到我哋屋企，妳係充滿好奇又聰明，當時妳眼中只有Mocha，跟住佢行出行入，玩玩吓突然停咗然後呆咗幾秒，之後急急腳跑去籠裡VV。從個一刻起，我哋就知道妳是一個好守規矩又生性嘅公主...
31/05/2024

親愛的妹妹：永遠最靚最生性嘅妹妹

回憶起某一日，妳三個月大第一日返到我哋屋企，妳係充滿好奇又聰明，當時妳眼中只有Mocha，跟住佢行出行入，玩玩吓突然停咗然後呆咗幾秒，之後急急腳跑去籠裡VV。從個一刻起，我哋就知道妳是一個好守規矩又生性嘅公主。

15年後妳離開呢個世界前一日，雖然行路拐吓拐吓，但妳依然堅持去廁所VV，完成後仲滿心歡喜對住我哋笑，呢一份堅持和
聰明一直伴隨著妳一生。

不經不覺妳離開已經一個星期了，告別禮亦都係簡單而寧靜地完成了。妳差不多16歲，已經是高齡狗狗。臨走前的一個星期，睇住妳突然衰退，就好似睇電影一樣由精神奕奕去到行唔到昏迷之後離開⋯⋯雖然心痛，但係上天安排最好的選擇。就像英女皇一樣，高齡安然地離開。

回憶起我哋一齊度過嘅點點滴滴，總係充滿愛同幸福，妳第一次生BB時候，當時我睇緊電視，突然妳跳上我大腿，冇幾耐我就感覺到濕濕地，原來妳已經開始生產了。經過8個小時努力，妳終於成為了一位媽媽。妳係幾咁堅強，而且好盡責任照顧狗BB ，連醫生都大讚妳嘅大愛，因為很多狗媽媽當BB有牙仔嘅時候就會拒絕餵奶，但妳依然每天堅持餵一次，儘管肚皮紅腫又痛⋯⋯

妳眼仔碌碌，鍾意人多過鍾意狗，所以好多人都會讚你，但係妳曾經做人阿媽，唔知係咪因為咁，妳對其他狗特別多規矩，一睇唔過眼就喺度吠😑⋯⋯妳雖然係靚，但係1秒就變癲婆🥲⋯⋯不過我都會咁愛妳咁錫妳，因為妳總係陪住我身邊，特別係我熬夜做嘢時候，其他兩隻狗一早已經入房睡覺，而妳就一直瞓喺腳邊陪住我，之後慢慢妳就習慣成我去到邊⋯妳就跟到去邊，管家婆呢一個至高無上職位，妳絕對係勝任。

親愛的妹妹，真係好多謝妳15年來比我哋帶來無限幸福快樂回憶，而且好幸運妳亦帶來豆豆給我哋（雖然四年前佢已經俾妳走先）但係呢啲回憶永遠藏喺我哋心中。我知道我哋一定會再見，願妳係另一個世界要乖乖地做一個善良的孩子要幸福快樂，我哋永遠都咁愛妳。

P.S : Mocha雖然多女仔鍾意佢，但係佢係對你好專一，你走咗佢呢一個星期好失落，所以你唔好話佢花心啦！

今日大年初三我哋恭祝大家笑口常開哈哈哈哈哈哈哈哈哈哈哈哈。。。。。。「哈」可以令到人好開心「蝦」亦都可以令到毛孩好開心所以，當你哋食緊蝦嘅時候，想我哋開心就記得分甘同味啦😙 #狗狗係可以食蝦嘅 #當然要睇返自己隻狗有冇敏感啦
12/02/2024

今日大年初三
我哋恭祝大家笑口常開
哈哈哈哈哈哈哈哈哈哈哈哈。。。。。。

「哈」可以令到人好開心
「蝦」亦都可以令到毛孩好開心

所以，當你哋食緊蝦嘅時候，想我哋開心就記得分甘同味啦😙

#狗狗係可以食蝦嘅
#當然要睇返自己隻狗有冇敏感啦

Mocha : 呢幾日啲大人好忙，但係最搞笑媽咪直程唔記得咗聽日就係年初一，佢連貼揮春佈置等等嘅嘢全部都未做，因為隻Bell嘈喧巴閉，佢今日沖涼，吹毛毛去到條尾嘅時候就好驚，佢咁大個仔仍然有心理陰影（佢當日流浪時夾斷咗條尾，媽咪帶佢睇醫生之...
09/02/2024

Mocha : 呢幾日啲大人好忙，但係最搞笑媽咪直程唔記得咗聽日就係年初一，佢連貼揮春佈置等等嘅嘢全部都未做，因為隻Bell嘈喧巴閉，佢今日沖涼，吹毛毛去到條尾嘅時候就好驚，佢咁大個仔仍然有心理陰影（佢當日流浪時夾斷咗條尾，媽咪帶佢睇醫生之後老屈咗Bell Bell做我哋屋企人😆）, 冇辦法，為咗自身利益唔想佢嘈住晒我姑且走去安慰下佢，點知媽咪嘅手勢非常差，同佢吹毛吹到我，搞到我啲髮型又亂咗啦！

Bell Bell不停話好慘好慘！其實我同妹妹每個月都好慘兩次（沖涼剪毛）咁就玩咗16年啦，要班人類服侍我哋其實都不知幾梳乎要逆向思維嘛！呢個大道理條友仔仲未學識，搞到妹妹都要一齊氹佢先搞得掂！

聽日就係農曆新年，同大家拜個早年
祝大家身體健康、龍精虎猛、各位主人對我哋毛孩記得要「龍情蜜意」要溫柔對待我哋💗


#真係好犀利

2024農曆新年假期安排：2月9日：做到年三十（營業時間：下午3:00 - 6:00）2月10日～：農曆假期休息2月20日：（年初一至初十一）2月21日：初十二啟市溫馨提示，如果訂購養生粥粥嘅朋友記得留意本店休息日子，請提早安排送貨
05/02/2024

2024農曆新年假期安排：
2月9日：做到年三十（營業時間：下午3:00 - 6:00）
2月10日～：農曆假期休息
2月20日：（年初一至初十一）
2月21日：初十二啟市

溫馨提示，如果訂購養生粥粥嘅朋友記得留意本店休息日子，請提早安排送貨

27/12/2023

妹妹：都12月媽咪有大半年冇update Facebook同IG，其實最大件事就係我阿媽好鬼懶，佢而家只係鍾意用IGstory，貪佢夠快簡單唔使寫咁多嘢喎🤭

8月嘅時候我15歲生日呀，近呢兩年我學識唱生日歌，見到你哋咁開心，其實係順便鬧下你哋快啲俾嘢我食啦🤭點知你哋就咁歡喜，正一傻仔🥴

媽媽叫我同你哋講，天氣變幻莫測，記得保持濕度50-60就對我哋嘅氣管最好（特別係我哋啲年長嘅狗狗） 保暖就着返件衫。

祝大家聖誕快樂！ 身體健康🫶🏻

#我唱得係咪好好聽呢🤭
#你睇吓爹哋媽咪幾開心
#其實我係想叫佢哋快啲俾我食
#慢吞吞


https://www.instagram.com/p/C1UU6gZywuy/?igsh=MWc5Zm1oYmdhbTNkZA==

Address

Yuen Long

Opening Hours

Wednesday 15:00 - 19:00
Friday 15:00 - 19:00
Sunday 15:00 - 19:00

Telephone

3487 6678

Website

Alerts

Be the first to know and let us send you an email when Dogville Bakery posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dogville Bakery:

Shortcuts

Share

Category