26/11/2024
感恩
近排太多感觸，不經不覺自己做寵物美容已經第7年啦！由零開始嘅我首先感恩Happy黎到哩個家庭，其實Happy一開始唔係我養嘅，但係我個好朋友之前帶佢睇醫生嘅時候唔得閒，機緣巧合之下我成為左佢嘅主人。佢係我第一個幫佢沖涼狗，之後帶佢去剪毛嘅時候突然有想成為寵物美容師的衝動，於是開始搵美容學校，接觸到pet pet group，多謝佢哋嘅栽培，跟住一段時間嘅操練我順利畢業啦！當畢業等於失業，我又好好彩哋成為左 pet pet group 大家族成員CPC，大家族成員CPC，呢度都要好好多謝老細Kenter，當然仲有好多獸醫，獸醫助護，犬隻訓練師，寵物美容師啦！等我識多咗好多寵物美容以外嘅又關於寵物嘅知識，一路過黎有個讀書好友choco陪伴，佢都係我一個合作夥伴，打大佬嘅時候通常有佢😂，有咩業務問題都係搵佢，佢都介紹左好多客俾我，所以梗係要多謝佢啦😘，美容工具遇到好嘅大家都會分享。跟住再多謝就係pompom嘅出現，pompom係一個非常乖嘅寶寶，好懂人性個寶寶，佢爹到一個點，抱著佢咩煩惱都會消失由於佢嘅乖巧懂性，好想幫佢留一個後代，於是認識咗佢老公仔雪碧，點知生咗個小魔怪mochi，於是變咗個多狗家庭，每次帶佢哋出街，幾乎都話佢哋好得意。梗係要多謝好多一直對我信任嘅客人，我哋都從客人成為左好朋友，朋友再成為合作夥伴，依家有寵物民宿啦！請以後大家多多指教😘
