04/12/2025
重溫 - 個案分享19 - 叫我小霸王
2018年5月25日
主人回饋原文
🌻首先向度要再次多謝Winny, 多謝佢幫忙解決了亞仔咬手同搭（車立）的問題，11/5已經出現唔咬手效果（睇圖），👦手繼續咬的原因Winny 都幫忙問左，因為👦隻手肥do do 好好咬🙄，所以👦要繼續對佢惡d先得🙏（吹脹）；搭（車立）情況在（車立）內我指住盞燈佢都無再吠👍👍👍
💋睇哂成段對話，真係好好笑，無諗過佢會叫自己做小霸王👑； 吠部（車立）會快d(笑到肚痛）； 拉開話題佢又識； 妳教佢嘅野又好快學識👍
🌸Winny 有樣野話妳知，由我決定搵你做傳心個日開始就同亞仔日日講（Winny 姐姐會同你傾計，你要乖乖地答姐姐問題）洗腦式教育😂 ，May話我軍訓😁😁😁~我驚佢唔答你。。。哈哈!
以下內文10/5 Winny同芝麻的對話內容 （所有公仔圖案都係表達我嘅）
我：ＨＩ，你好呀，你好靚仔，好中意笑喎😀
芝：係呀，我媽媽都成日話我好靚仔架😄，佢仲話我好叻同好醒目架😅
我：係？咁你知唔知我係邊個呀？
芝：知，媽媽有講，姐姐吖嘛，你來同我傾計嘛，媽媽講咗啦，佢咩都同我講架🤨
我：芝麻，咁你知唔知我想同你傾咩呢？ 芝：叫我小霸王啦😳🤨 我：係嘅，小霸王先生，見你咁得意，又咁靚仔，點解中意咬人呢？
芝：我唔中意就咬架嘞，一有咩係我唔滿意或者唔中意就咬得，我大哂架
我：咁你有咩唔中意要咬人呢？
芝：掂到我個鼻咪唔得囉！我唔中意人掂到個鼻架 （我幫佢檢查下，發覺佢個鼻真係特別敏感，掂到會好似有電咁的感覺）
我：咁點解同你玩玩下你又咬呢？
芝：有時玩得開心囉，有時係佢地掂到我個鼻囉
我：玩得開心都咬？
芝：係呀，興奮得滯嘛 （佢比我睇佢係一玩就好興奮好癲咁）
我：咁你唔知咬人會痛咩，仲會流血喎
芝：知，媽媽會叫架
我：咁你仲咬？佢同你玩係想開心，但你就咬到佢又痛又損，仲流血，咁你都仲咬？（我承認我係有Ｄ惡嘅）
芝：（即時蹼低唔敢出聲）
我：哦～你都知道曳咩？開心還開心嘛，點解要整傷人先？咁你開心人地就要痛？你唔會痛架咩？（佢繼續唔敢郁，蹼起度，用對眼藏下我）人咬你你緊係無咁痛啦，我地Ｄ牙平架，你Ｄ牙尖架，一咬落去入肉架
芝：好痛喎
我：係呀，好痛架，所以媽媽佢地真係好痛架，仲會好唔開心架
芝：（佢真係好醒，即時轉話題）不過媽媽一帶我去街就會開心返啦
我：（咁就啱嘞，佢自動提起）咁你出街時係點架？
芝：（比我睇等升降機時已經好興奮，好想吠，個樣仲好緊張添，一入到【車立】就吠）架［車立］好得意架，我一吠佢，佢就會快Ｄ架
我：快Ｄ？
芝：係呀，會快Ｄ架，有時仲會好快開門有人入嚟架，吠佢就會好快開門好快到架
我：其實你唔吠佢都會開門架，傻豬（佢好奇怪咁側下頭望住我）唔係你吠所以開門，係因為有人撳掣呀，你有無見到媽媽佢地入［車立］前，同入去之後都會撳掣吖，一撳就會發光嘅呢？
芝：有呀，乜唔係我叫佢快Ｄ開門架咩
我：係呀，唔係你叫佢開架，係要撳掣先會開架
芝：咁但係我都想吠佢快Ｄ開喎，因為可以去街街嘛
我：咁唔得喎，你喺架［車立］度咁樣會嘈到人喎
芝：但係我好開心喎，可以去街街喎 我：你又中意吠，又中意咬人，咁真係唔罰你帶口罩唔得喎
我：（我之後比個防咬口罩佢睇，即係有個網那款，因為會掂到佢個鼻嘅）咬人同吠時就要帶呢個，（再比個突鼻嘅佢睇）出街時就帶呢個。
芝：（瞪大對眼望住個防咬口罩）唔得喎，我怕掂到個鼻喎，（再望下突鼻那個）呢個都好Ｄ
我：咩唔得呀，咁你唔聽話嘛，咪要罰你囉！等你無得咬人囉，我會叫媽媽你一咬人就要帶住佢。
芝：咁唔得喎（佢好似唔知咩係罰咁😔）
我：咁如果你想咬人時要點做呀
芝：我唔知喎，咁你有咩辦法呢🙄😓
我：一係咁啦，你想咬人時，就即刻停低，用隻手黯住自己個鼻，咁得唔得？（我比影像佢睇）
芝：即係咁（佢又做返比我睇）
我：係呀 （之後我同佢練習下，我同佢玩，叫佢比手手，佢識架喎，比完左又比右，之後我捽佢面仔，唔覺意咁掂到佢個鼻，佢一想咬，我就叫住佢，之後佢就將隻手黯住個鼻，試咗幾次，由唔記得到記得）
我：咁你宜家知點做未呀
芝：知嘞，唔好咬人，唔係會帶罩，想咬人就黯住自己
我：咁吠呢？
芝：吠又點呀。。。
我：唔好吠囉，一吠又要帶
芝：咁我唔吠佢，佢唔會開門喎
我：會架，你只要一入［車立］就行埋角落，唔係阻到其他人入［車立］嘛，有Ｄ人驚你地架，之後你就望實有光嘅掣，只要個掣一熄就會開門嘞，唔係你吠佢開架，係要有人撳掣，個掣著咗光，咁個掣無咁光，門就會開嘞（我又係一邊講一邊比佢睇）咁你宜家記唔得得一入［車立］要點做呀
芝：（做咗一次比我睇，佢一行入去就自己行埋右邊角，然後望住個掣）
我：咦！你又真係好叻喎，咁快就記得要點做，咁先真係叻同醒目嘛，如果你做到，一定個個都讚你又叻又醒又乖啦，媽媽一定開心死呀
芝：係咪呀，我都話我好另好醒架啦，一講我就識做哂。
我：咁你係咪一定會記得姐姐教你嘅嘢架？
芝：得啦，我記得架嘞
我：咁我就話返比媽媽知，我教過你Ｄ乜，你又好叻咁識做返，好無？
芝：緊係好啦
我：咁你真係好記得先好喎，唔可以應承完話識話知又唔做喎，咁你就好唔叻唔乖喎
芝：得啦，我真係記得喎
我：咁如果你做唔到，媽媽又會搵我嚟同你傾計，咁我就知你唔叻仔，唔醒目仲好曳嘮
芝：好，知道
