Pawtastic - 自家製寵物零食

01/06/2020

朋友執左3隻貓bb
有意請dm 要裝貓網
#領養代替購買

26/05/2020

我地嘅細狗福音系列除左係專俾細狗/貓之外
其實大隻啲嘅都適合架 😉
我平時最鐘意拎黎同個細女玩拋零食
而家已經練到好準喇 💯
對佢地黎講咁細粒 呢啲training snack食多啲都唔怕呀
以下嘅都適合
一口羊奶芝士雞粒 $60/50g $110/100g 🍼🧀🐓
一口藍莓四方雞 $68/50g $128/100g 🟣🐓
蜘蛛冬甩(超級推介✨) $78/50g $148/100g 🧀🐖
——————————————————
所有零食即叫即造 👩🏻‍🍳
收到款項就會開始製作
需時5-7日 保證新鮮
採用人類食品級食材
100%天然 無添加色素 味精 防腐劑 ♻️
——————————————————
取貨方法 :
強烈建議選擇852express到付 真係冇辦法先選擇順豐到付
滿$400包852express
滿$800包順豐站 智能櫃 工商地址

注意 ⚠️
-如對任何食材過敏請先告知
-首次食用不宜給過量 要先觀察腸胃和皮膚反應
-每種小食儲存期限都不同 請留意包裝
-開封後請放於陰涼乾爽地方並盡快食用
-因全人手製作 形狀會大小不一 不會完全相同
-拍攝燈光問題 會有輕微色差

任何查詢/預訂 歡迎 whatsapp 69903393
有唔舒服有疾病都可以講聲我知
推薦返適合既零食比你地 😉

#風乾小食 #風乾零食 #寵物零食 #天然寵物零食 #領養代替購買 #領養不棄養 #香港貓奴 #香港狗奴 #唐狗 #唐狗也是寶

26/05/2020

香港獨立 香港建國

23/05/2020

21/05/2020

新增多一個送貨選擇俾大家 📦
隆重同大家介紹 -
初初籌備緊開店時就好想支持
奈何佢地嘅合作點得㕵角 觀塘 新蒲崗
對我呢啲偏僻新界人真係有啲難道
但最近佢地新增左新界嘅合作點喇 ‼️
我可以去寄貨喇 首重$28/1kg 🥳
佢地雖然未有tracking
同收貨需時可能比平時耐少少
但我相信只要大家一齊配合 會越做越好 👍🏻
大家快啲去佢地ig睇詳情
雖然大家用慣左壟斷嘅中資速遞 一時三刻好難改變
始終都明白 人地網絡大 對用家好方便
但如果可行嘅話都希望大家可以支持下本土速遞 🇭🇰
好多人用完嘅Feedback返黎都係好好
最緊要係咩呀？平，靚，黃 呀 ⭐️
所以由即日起開始本店決定更改優惠
由買滿$500包順豐站/智能櫃/工商地址
改為 ➡️ 滿$800 包順豐站/智能櫃
並新增一項優惠 ➡️ 買滿$400 包852express ✨
希望大家可以一齊支持 #黃色經濟圈 💛

21/05/2020

飼養知識分享 - 絕育篇 📚
平時我係診所返工 就最多主人鐘意問 :
我有一仔一女 一齊絕育 照顧上好麻煩
如果想分開絕 絕邊隻好先呀？
唔洗諗 一定係女先或者兩隻一齊
一定唔會係仔先 ❌
你上網問就會見好多人答你 仔先啦
手術簡單啲 復原又快啲 價錢又平啲又唔洗再周圍柯尿
你聽落覺得好有道理喎 然後你打去診所問 📞
聽電話嘅姑娘答你 : 冇所謂呀 你鐘意啦 🤷🏻‍♀️
因為其實好多姑娘都唔知道絕仔先同女先嘅分別 ㊙️
女絕完育係100%唔會再懷孕 🙅🏻‍♀️
但仔絕完育之後嘅6個星期 依然會有精子殘留係體內 💦
如果先絕仔 返到屋企 隻女未絕育然後發情
隻仔聞到走去un隻女 係有機會令到女方懷孕的 🤰🏼
所以真係唔洗諗 如果冇辦法兩隻一齊絕
就一定係絕左女先 唔好以為絕左仔就唔會有BB
其他關於絕育嘅野 遲啲諗到再打 講左最重要嘅野先 🤓
上圖係早排屋企人想churros習慣上繩呢樣野
發明左個Training就係綁多啲繩俾佢習慣呢樣野 大家唔好亂學
咁果段時間佢發緊情 其實都差唔多到尾聲
Churros仲未習慣 所以有啲不知所措企左係度
咁岩poolpool走過黎趁熱鬧 聞左個妹嘅妹妹幾下
然後佢就擒住個妹 唇膏仔都出埋黎但又冇插入去係度隔空un 😑
我果下呆左 影左張相就制止了 因為un呢個動作不是幾好
但大家唔洗擔心churros會有BB 👶🏻
因為係我2016年接手poolpool前 佢已經一早絕左育
呢幾年黎就算佢對住發情嘅狗女都冇反應
冇諗過佢會對自己個妹有興趣 🤦🏻‍♀️
#風乾小食 #風乾零食 #寵物零食 #天然寵物零食 #領養代替購買 #領養不棄養 #香港貓奴 #香港狗奴 #絕育

20/05/2020

羊奶芝土燕麥雞薄脆 🇩🇰🐓🧀
丹麥無激素雞配自家製羊奶芝士及燕麥 ✨
羊奶芝士同燕麥好處 大家應該都知道了
呢個組合簡直係絕配 🈴
我只係想講呢款小食 得兩個重點 ‼️
就係 香 同埋 脆 💭💭💭💭
一打開 哇 香到呢 🌀
芝士燕麥味傳入我的鼻 吸入我個肺 搞到🎶🎶🎶
簡直係too delicious to handle 呀 😻
而且係脆架 聽到佢地食嘅時候咔咔聲 正呀 聽出耳油呀 😌
仲諗❓快啲Order俾你地嘅寶貝食啦 ♥️
適合6個月以上 無對雞過敏 貓狗🐱🐶
成份 : 丹麥無激素雞，自家製羊奶芝士，有機燕麥

價錢💰
$138/100g
——————————————————
所有零食即叫即造 👩🏻‍🍳
收到款項就會開始製作
需時5-7日 保證新鮮
採用人類食品級食材
100%天然 無添加色素 味精 防腐劑 ♻️
——————————————————
取貨方法 :
順豐到付 或 滿$500包順豐

注意 ⚠️
-如對任何食材過敏請先告知
-首次食用不宜給過量 要先觀察腸胃和皮膚反應
-每種小食儲存期限都不同 請留意包裝
-開封後請放於陰涼乾爽地方並盡快食用
-因全人手製作 形狀會大小不一 不會完全相同
-拍攝燈光問題 會有輕微色差

任何查詢/預訂 歡迎 whatsapp 69903393
有唔舒服有疾病都可以講聲我知
推薦返適合既零食比你地 😉

#風乾小食 #風乾零食 #寵物零食 #天然寵物零食 #領養代替購買 #領養不棄養 #香港貓奴

20/05/2020

#幼犬日常
哥哥脾氣真係越級好 😭
但有時見到如果玩得太過份
做主人嘅就要即時制止 避免意外發生 🙅🏻‍♀️

20/05/2020

係電話搵到嘅舊片
點解哥哥唔理我嘅 💔
好多時候 幼犬精力旺盛 好奇心重
年紀較大嘅都會嫌佢地煩 覺得佢地討厭
好多時候都係打交收場
好彩poolpool脾氣好好 🥰

20/05/2020

介紹完大女同呀仔 點少得我細女 - Churros 🥳
本身想領養多一隻唐狗 一直等緊緣份出現
內心一直幻想會係一隻黑色短毛 眼大大嘅唐狗😂
咁話說有一日見到以前診所同事話救左隻狗
佢係馬路飛奔 然後有人衝入診所話有隻狗差啲俾車撞死
咁我啲舊同事就衝出去救左佢返診所
但佢冇晶片懷疑係走失左 估計5個月大左右
咁就出post想幫佢搵返主人
我咁岩係facebook見到個post 覺得佢幾cute喎 😍
同Poolpool一樣色系，仲要大家都豬鼻
但心諗都唔關我事啦，應該有主人嘅，咁就冇左件事
過左一段時間，冇人搵過佢
再睇埋佢啲性格，超級差呀！脾氣又衰，估計應該根本冇主人
咁佢地就改為同佢出領養搵主人，咁岩我又見到個Post
覺得幾有緣喎，咁就約左舊同事帶埋poolpool去見下佢先🤓
第一次見面都ok，雖然冇咩交流，起碼大家唔算討厭對方
但bb專注力真係好差，一叫就走，同埋都feel到佢有啲戒心
最搞笑係pool好鐘意fing尾，佢見到識郁就係咁追住pool條尾黎咬😂
準備哂所有野之後，2019年12月30號就帶佢返屋企
正式改名為Churros ✨
最記得當初佢地話佢乖巧 聽話 親人 識定點大小便
點知返到屋企完全兩回事 😰
唔親人 行近啲就會wu同吠
唔俾掂手腳 一掂就即咬 唔係bb玩果種咬
唔聽話 唔乖巧 周圍大小便
呢啲其實都預左了 始終佢都只係一個bb 👶🏻
12月31號因為要去Camp 唔想獨留佢在家中
決定帶埋佢去Camp 搭車都好乖呀 全程痴住哥哥坐
點知一去到campsite 佢見人就吠 見人就wu
佢好鐘意fing住尾 扮哂cute咁去撩人
人地想摸佢 佢就發惡 好彩都尚算控制得住😪
入營訓覺前 俾左舊零食佢 佢食食下跌左搵唔返
我幫佢搵返想拎俾佢 結果佢一野咬落黎
大獲了 原來仲有護食問題 🤦🏻‍♀️
全晚連訓覺我都冇甩繩 一直揸實 驚佢走甩或傷到人
第二朝訓醒 好得意喎 個頭捱住我訓 好嗲咁
但其實我地都已經意識到問題嘅嚴重性 知道要教好佢好難😥
後來根據我地觀察 估計佢應該本身係野狗/倉狗
俾同伴恰得好勁 冇野食所以好瘦 ➡️ 護食
佢食緊野一行近少少 佢就開始惡了
佢食下玩下 我想收兜 佢就會衝埋去野食度wu你
如果你仲夠膽伸隻手出去 你隻手就唔洗要了
試過有一次 佢食緊野 哥哥係好遠經過 佢衝過去想咬
好彩我即刻擋住 從此之後 大家食野要分三間房
佢係屋企經常同Poolpool打交 好彩哥哥都好忍讓
開始肯俾我地摸下 俾掂手腳 但唔俾抹‼️
一抹就wu然後咬 😥 更加唔洗講 剪指甲洗耳仔係冇可能
其實佢都好慢熱又細膽驚青 ➡️ 典型唐狗性格
慢慢學識點同佢相處 佢都開始會跟我 主動要我摸 嗲下我
本身好擔心佢同家姐相處 始終有身型差距
好彩家姐都有啲氣勢 churros唔敢搞佢 驚左佢😂
大小便而家都有70%準確
每次有朋友黎我地屋企玩 佢都吠爆人 不停wu wu wu
但我地相信慢慢俾時間佢 佢會明白我地心意 唔再咁有戎心
隨住時間過去 佢都仲係好細隻 見哂骨 瘦猛猛咁
又經常柯軟便 腸胃不是幾好 💩
好想同佢轉生肉 / 鮮食 但因為未解決到護食問題
所以俾住乾糧佢食先 但佢勁揀飲擇食 街買嘅零食唔肯食
呢隻糧又唔岩 果隻又唔岩咁 岩佢口味又唔岩佢腸胃
郁啲就發小姐脾氣 踢到成地糧玩絕食
但轉個頭又餓到嘔黃膽水 🤦🏻‍♀️
佢始終仲細 唔可以用餓下佢呢招黎迫佢食
我驚會搞到佢血糖低
後來就變做半乾糧半鮮食 情況開始有好轉
再配搭不同herbs / supplement
同埋親手整唔同種類嘅零食俾佢 好彩佢每一款都好捧場
而家體重開始上升 胃口又好左 四肢勁發達
係肌肉型美女 💪🏻
其實我覺得胃口呢樣野係培養出嚟
當你俾多幾樣佢鐘意食嘅野佢食 培養左個胃口
佢地就會開始乜都食 😂
想當年Poolpool勁多零食唔食 乾糧唔食 鮮食都唔食
我勁頭痕 所以就餓佢 迫佢食
點知個衰仔就三日先肯食一餐 😑
到最後同佢轉食生肉 估唔到佢勁鐘意 胃口變到好好
由養佢果時16kg見哂骨 升到24kg正常身型
從此就一直食生肉 直到有一次去朋友屋企玩
朋友就餵佢啲狗食飯 poolpool衝埋去想食埋一份
以前死都唔肯食嘅野 而家竟然走去爭食
佢由唔肯飲湯 唔肯食生果同菜 唔食生蒜 變到好鐘意食😍
曾經有好多次我真係諗過 不如放棄啦 幫churros搵過個主人
身邊朋友 屋企人都話叫我送走佢 冇人支持我繼續養佢
佢地覺得我養左佢之後 情緒差左 影響同屋企人關係
為左照顧佢 冇覺好訓 精神變到好差
同埋冇人係屋企果時要困pool同dobby係房好唔公平
(因為驚佢地打交 churros又唔願意困房)
啲注意力去哂churros度 忽略佢地兩個
送走佢 我真係會輕鬆好多 但真係過唔到自己個關
帶佢返屋企果日就應承過佢 會照顧佢一世 不離不棄
我而家點可以放棄佢呢？
反而我要做嘅應該係檢討下自己有咩地方做得不足
諗下點去改善 🤔
然後為左佢而搬屋 搬去一個更大嘅空間
相信終有一日 大家都會磨合到 佢性格都會慢慢穩定
我係絕對點都唔會放棄佢 ‼️
希望大家養任何小生命前 真係要諗清楚
帶左返屋企就係一世 冇論幾辛苦 有任何病痛都唔可以離棄佢

19/05/2020

輪到我個乖仔喇，店長PoolPool 🐕
2016年我係一間獸醫診所見到佢
第一日返工見到佢已經好鍾意佢
佢係一隻好熱情好鍾意人既唐狗
但唔係會反肚比你摸既狗仔，始終都有啲警戒心
佢係會撲你，迫你攬佢，控制慾強既狗仔
係佢bb仔果時有腸炎，帶左佢去診所醫
然後主人就一去無回頭了😡
醫好後，佢就同一隻一樣被遺棄既唐狗女一齊係診所長大
診所生活好唔好 ? 只可以話如果好，我就唔需要帶佢走了
詳細領養過情唔方便講太多😪
佢都算多病痛，抵抗力好差，腸胃唔好，jerjer經常發炎
耳仔又成日發炎，又貧血，氣管又差 勁敏感
仲對勁多食物過敏 有皮膚病
我都用左好多時間去調養佢個身體
比左好多supplement、整homemade、煲湯比佢
然後仲同佢轉左食生肉 🥩
其實佢都好多壞習慣架，會拮腳小便，周圍亂柯
見到人就會撲人，會咬爛野，會捉昆蟲黎食 🐛🕷🐞🐜
唔會聽你話sit / down，會失控衝黎衝去，勁搶繩
所以搵左個trainer幫手，經過一個月既努力
同埋trainer既講解，我開始明白佢既諗法
原來剩係鍚佢，比最好佢既野係唔夠架
要了解佢，明白佢諗咩先得 🥰
第一晚同佢訓，佢半夜突然大叫，嚇到我即刻彈起身
原來佢係度發惡夢，不停咁叫，個身係度震
頭一個月，每晚發3-4次惡夢，後尾1晚2次左右
好難想像到一隻成日笑笑口，好hyper既狗仔原來會發惡夢
佢同dobby一樣，見到你拎起吸塵機、掃把就會驚 🧹
會驚到衝入去檯底，叫極都唔敢出黎
我用左好多時間陪佢，同佢傾計、同佢玩、攬住佢訓
慢慢比佢接受呢d野，等佢知道其實係唔會傷害佢
而家已經好小聽到佢再發惡夢喇
佢亦都由唔會反肚比我摸，到而家好鍾意反肚
希望大家真係唔好虐待動物，你永遠唔會知道對佢地傷害有幾大😡
到而家，佢係我3個仔女入面最乖 最懂事嘅
由以前出街好緊張好驚，到而家好放鬆
搶繩甩繩要追住佢跑，到而家可以放繩跟住我行
每個朋友黎我屋企，佢都會好熱情招呼，迫人攬住佢先安落😂
每晚都要上床一齊訓，出左街就會一直望住窗等我返屋企
知你唔開心就會一直陪住你
脾氣超級好，鬧完佢，佢3秒就唔記得仲會氹返你
就算對住佢個霸道家姐同野蠻妹妹，佢都一直忍讓
唐狗真係好乖好生性 ❤️