貓行為治療師 Fania Wong

18/04/2024

20/12/2023

大膽奴才，怎麼總想着要僭越？而事實上，貓主的地位恐怕連奴才也不如。

很多貓主都好奇「我的貓咪有當我是主人嗎？」「貓咪有覺得我是老大嗎？」「主子們愛我嗎？」不，貓咪嘅社會既沒有如狗隻般明顯嘅階級分層，更沒有將「主人」納入呢個社會結構之中，而是視佢哋為資源嘅一部份。因為有家中嘅人類，貓咪才有新鮮嘅水可喝、美味嘅食物可吃、乾淨嘅砂盤可用，而呢啲都係貓咪賴以為生嘅必要資源。

追溯至幾千年前，其實人類亦從來沒有刻意馴化貓咪。當時人類開始發展務農社會，需要糧倉存放穀物，儲糧繼而引來了鼠患，同時亦吸引貓咪前來捕獵。人類需要消滅老鼠、保存糧食，而貓咪樂於留喺人類身邊享受自助餐，於是產生互惠互利嘅關係。《國家地理雜誌》中寫到一個很有趣嘅說法：貓咪用符合自己形象嘅方式，自行馴化了自己。

醒醒吧，奴才，夠鐘剷屎了！

貓模：🐱Ninja @ 浪浪抱抱 hug and home

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓咪行為學 #貓行為治療 #貓行為治療師

15/12/2023

近年國際貓科醫學會提出一個論調：點解街貓似乎冇咩行為問題？又係喎，點解街貓唔會焦慮理毛？點解街貓唔會周圍亂咁咬嘢？點解街貓唔會無緣無故咬抓路人？究竟係愛定係責任？

係「忙」呀！佢哋每日都忙住搵兩餐晏仔，捉到獵物仲要肢解才可以進食；相反家貓終日無所事事，而某啲行為問題嘅主因正正就是過多嘅精力，令貓咪好似「沒事找你碴」咁樣。要解決呢類行為問題，需要減低飯來張口、閒着沒事幹嘅情況，所以喺日常生活中填補「尋食」行為其實有助貓咪放電、平靜情緒，可以解決因為精力過盛而引起嘅行為問題。

藏食玩具或漏食玩具 (Food Puzzle) 便是提供「尋食」環節嘅絕佳工具，除咗坊間所售賣嘅各式各樣商品之外，奴才亦可以發揮創意自製：簡單地將廁紙筒嘅兩邊封起來，再喺上面拮幾個小洞，然後將乾糧或零食放入去，畀貓咪自行撥弄即可。奴才亦可以多利用身邊嘅日常用品，例如扭蛋殼、蛋盒、樽蓋、紙球…… 只要細心留意，不少物品都可以成為貓咪嘅藏食玩具。

貓模：🐱花生妹🥜

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓咪行為學 #貓行為治療 #貓行為治療師 #尋食 #藏食玩具 #漏食玩具

20/10/2023

感謝 香港四邑商工總會陳南昌紀念中學 嘅邀請，為同學舉辦貓行為講座《為甚麼貓咪這麼難懂》，讓我可以分享少許跟貓咪相處嘅小知識。

狗隻為了刺激人類嘅照料欲望，逐漸進化發展出模仿嬰兒表情嘅眼眉肌肉，相比起長期「面癱」嘅貓咪，看起來確是帶着多樣而易於理解嘅身體語言。當我們與難懂嘅貓咪處於同屋簷下，便會出現種種嘅誤解，繼而引發相處上嘅困難甚或是行為問題。呢次有機會可以由馴化、演變、獨居動物特性開始細細說起，確實是很有趣而值得參考嘅經驗。

再次感謝陳南昌紀念中學師生嘅耐心聽課，祝願貓舍順利開張，貓咪健康快樂成長。

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓咪行為學 #貓行為治療 #貓行為治療師 #貓行為講座 #合作邀請 #陳南昌紀念中學

21/05/2023

除咗因為眼瞓、無聊呢類原因之外，其實當貓咪感到不安緊張嘅時候，亦同樣會透過打喊露來消除焦慮嘅情緒。如果你嘅貓咪經常作出呢個行為的話，就可以留意吓日常生活中是否有什麼東西導致壓力出現了。

貓模：🐱金金

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓咪行為學 #貓咪冷知識 #貓行為治療 #貓行為治療師

12/05/2023

當日MM嘅訪問還討論咗很多不同嘅貓行為小知識，不過相信因為篇幅問題而未有剪輯出街。但既然是大家都好奇嘅東西，不妨就來簡單談談，而其中一個熱門提問就是：點解貓咪喜歡將枱上嘅物件推到地上？

喺回答前反倒想先問問，當貓咪咁樣做嘅時候，你嘅反應通常是怎麼樣？喝止？大叫大罵？馬上衝過去要把東西接住？我哋不妨先抽離看看這個畫面，你大概也會認同比起旁邊那個死翹翹的玩具，眼前這個氣得「手舞足蹈」嘅人類實在要好玩有趣得太多了吧。貓咪於是學懂了只要把東西推到地上，就可以得到全場的聚光燈。此舉不但成為了貓咪尋求關注 (attention seeking) 嘅其中一個手段，更成為了你們之間的共同語言。

要解決呢類與互動相關嘅行為問題，需要先重新定義人貓之間嘅共同語言。簡單來說，當貓咪再次作出不恰當行為嘅時候，必須以「忽略」、「不理睬」作應對，以切斷貓咪對尋求關注嘅聯想。你以為貓咪會馬上明白而停止將物件推到地上嗎？不，貓咪反而會變本加勵，由推一件物品到地上變為推五、六、七件：「怎麼以前行得通嘅方法，怎麼現在沒有用了？」但相信我，只要捱過一至兩星期，你的貓咪就會開始收斂了。

貓模：🐱默默 @浪浪抱抱 hug and home

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓咪行為學 #貓行為治療 #貓行為治療師 #尋求關注

15/04/2023

「既然反正要買貓抓板，不如買個靚啲、可愛啲㗎啦，可能啲貓都會鍾意呢？」

大概有呢類想法嘅貓奴也不少，而廠商當然亦覷準商機，推出各式各樣嘅貓抓板造型：板凳、貴妃椅、長尾鼠、鯊魚、X型、圓周 π型…… 不論你想像得到還是想像不到的都有。但唔知你又有冇發現，通常呢類貓抓板嘅使用率甚低，可能只有邊沿位置稍有抓痕，甚至最後變成了另類床仔，貓咪只會窩在上面睡覺。

有啲看似精巧嘅造型其實並不太符合貓體工學，過度凹凸不平嘅設計只會妨礙貓咪作出伸展動作，最終得物無所用。挑選水平型貓抓板嘅一大原則就是「四平八穩」，所以一塊扁平嘅瓦通紙板就已經非常足夠。你會發現有時最平實而簡單的，往往是最好的。

貓模：🐱阿大、🐱阿二、🐱阿三

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓奴購物指南 #貓行為治療 #貓行為治療師 #貓抓板

26/03/2023

喺了解🐱小忌廉個案嘅過程中，主人曾經提出一個很令我印象深刻嘅說法：「我想改變佢屙尿嗰個習慣咋，如果行為上 (與其餘三貓發生衝突) 嗰啲…… 我又覺得都可以包容。佢本身性格係咁，我哋都OK嘅。」

大概是狗隻行為訓練喺香港嘅發展要蓬勃得多，我曾不下數次聽過求助嘅主人問道，可否以訓犬般嘅困籠方式讓貓咪習慣喺砂盆內大小便。貓咪固之然不是狗隻，而且不少行為問題都環環相扣，難以「頭痛醫頭、腳痛醫腳」地拆件式處理。就如🐱小忌廉嘅隨處小便問題，就是源自於對環境嘅不安，最終引致地盤標記呢個令人懊惱嘅狀況。

🐱小忌廉喺入屋四個多月後才出現隨處小便嘅情況，但係冰封三尺當然非一日之寒，行為問題其實早就有跡可尋。主人形容🐱小忌廉性格敏感，每當其他貓咪靠近嘅時候，便會發出嘶嘶聲或凹嗚凹嗚地哮叫，結果令其他貓咪反感並繼而攻擊。不少貓主都誤解「嘶嘶聲 = 撩事鬥非」，但其實呢種聲音卻是一種警告：「你唔好再行埋嚟啦，再行埋嚟就打你㗎啦！」所以通常呢啲貓咪反而屬於弱勢，而個案中嘅🐱小忌廉正正盡顯咗對於身處呢個群族嘅不安，只是主人沒有接收到訊息而已。

準確地了解咗成因，經過連串對症下藥嘅行為治療後，🐱小忌廉已再無出現隨處小便嘅行為。希望喺主人持續嘅努力下，四隻貓咪最終可以喺相同空間和平共存吧。

貓模：🐱小忌廉

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓咪行為學 #貓行為治療 #貓行為治療師 #個案分享 #隨處小便 #多貓家庭 #兩貓不和

11/03/2023

很多貓咪喺如廁後都會撥砂將自己嘅排泄物埋起來，但有些貓咪則會挖掘砂盆嘅四邊，好似笨得沒有意識到大小便喺自己腳下咁。不過其實呢個行為係直接地表達了貓咪認為砂盤過細，簡單地更換一個較大嘅貓砂盆已經可以解決問題。

貓模：🐱哈爾 @ 浪浪抱抱 hug and home

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓咪行為學 #貓行為治療 #貓行為治療師 #貓砂 #貓砂盆

08/02/2023

遇上隨處大小便問題，當然要轉換貓砂為礦物砂？未必，其實亦有少數貓咪偏好硬倔嘅材質。

隨住接觸嘅個案越多，越是發現貓行為學不止書本知識咁簡單，所以貓舍係一個非常適合學習嘅地方。🐱壽司打從送到貓舍那天開始，已經可以感受到呢隻貓咪對貓砂嘅抗拒，不論床仔、貓抓板、抑或籠內嘅不同角落都可以是大小便嘅落點，唯獨是貓砂盆不曾得到寵幸。呢個重大問題旋即引起義工們嘅關注討論，說真的，誰又會願意將一隻不懂得定點大小便嘅貓咪帶回家？🐱壽司得到領養嘅機會想必大大降低吧。

是貓口眾多引起壓力？還是人來人往導致缺乏安全感？抑或是單純貓砂材質嘅問題？喺充滿限制嘅環境下，以上問題其實都難以一一解答，所以義工們只好先從貓砂和貓砂盆着手。豆腐砂、紙砂、礦物砂、尿墊、泥土都嘗試過，當然也少不了轉換各式各樣嘅貓砂盆，寬闊的、扁平的、高身的、甚至是花槽造型的都有，最後我哋終於喺鋼盆加少量報紙碎呢個配搭搵到曙光 (見圖) 。雖然結果未能完全排除上述嘅環境因素，但至少可以推斷出🐱壽司似乎較鍾愛硬倔嘅質感。

如果你家主子也有貓砂材質偏好嘅問題，亦同樣可以用測試嘅方式搵出答案，礦物砂有時候未必係絕對選項。而喺家居環境下，你甚至可以將一盆盆不同材質嘅貓砂放喺家中不同角落，再每七日調換擺放位置，就可以排除地點、行走路線對結果嘅影響，大大提升準繩度了。

貓模：🐱壽司 ＠香港拯救貓狗協會

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓咪行為學 #貓行為治療 #貓行為治療師 #貓舍日常 #隨處大小便 #貓砂 #貓砂盆 #豆腐砂 #紙砂 #礦物砂 #尿墊 #泥土

06/02/2023

又出乎意料地，如果做法正確，困籠真係可以發揮作用。

坊間其中一個經常提出嘅馴貓術就是「困籠」。咬人嗎？罰隻貓坐監啦！打交嗎？罰隻貓坐監啦！喺床屙尿嗎？罰隻貓坐監啦！唔聽話嗎？罰隻貓坐監啦！困籠的確有其作用，但係所講嘅作用並非指懲罰，而係作平伏情緒之用。再次強調，貓咪世界中並沒有對錯之分，亦無法理解行為與懲罰之間嘅關聯。因此呢個處理方式只適用於劍拔弩張嘅咬人攻擊、不和打交等情況，讓奴才可以使貓咪冷靜下來，而如果是面對隨地大小便、啃咬物件等行為問題便無所作為了。

不少奴才將貓咪過份擬人化，認為收監訓話之餘，還要讓「犯人」看着其他同伴喺籠外享受自由，便可收教化嘅效果。既然上文已提及到困籠並非懲罰，大家可想而知現實正好相反。如果仍能看見籠外嘅情況，即係代表貓咪持續地接收外來嘅刺激，同時又無法接觸刺激嘅源頭，反而會令貓咪嘅情緒更難以平伏。因此困籠期間必須以毛巾或布包覆籠外四邊，讓空間變得黑暗而安靜才可以令貓咪慢慢冷靜下來。

貓模：🐱Stack ＠香港拯救貓狗協會

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓咪行為學 #貓行為治療 #貓行為治療師 #困籠 #多貓家庭 #兩貓不和 #咬抓攻擊

03/02/2023

既然唔打得又唔鬧得，咁當貓咪出現「百厭」行為嘅時候，可以點樣制止？

明白嘅，某啲行為有其嚴重性，如果唔馬上制止的話，可能會產生更不堪嘅後果。不過我仍然唔建議用喝罵嘅方式去處理，否則只會令貓咪選擇喺無人在家時才啃咬電線，又或者為咗得到奴才嘅關注而將更多玻璃杯摔到地上，而當然兩者均非奴才樂見。為貓咪建立安全感、增加放電方式等等都屬事後才可執行嘅長線戰略，那麼奴才當下可以點樣做呢？

一般來說，書本會教導我哋利用零食或玩具分散貓咪注意力 (Distraction)，例如當貓咪正準備想要撲咬奴才，奴才可以趕緊將事前藏喺褲袋裡嘅小紙球拋向遠方，引誘貓咪跑開追玩。注意！時間點需要抓得極度精確，如果喺貓咪撲咬後才使出呢招，就會變相成為獎勵並強化咗呢個問題行為。所以如果沒有信心做到呢點，我反而會建議奴才寧願喺問題行為出現嘅當下選用某啲較中性、非由奴才發出嘅聲響，就可以有效地達到分散注意力，同時又避免墮入獎勵或懲罰嘅陷阱。

貓模：🐱牧牧 @ 浪浪抱抱 hug and home

====================
貓行為治療師 Fania Wong
• Certified Advanced Feline Training Professional
• Certified Feline Training and Behavior Specialist
• 畢業於美國 Animal Behavior Institute
查詢及預約：9222-5015

#貓 #行為問題 #貓咪行為學 #貓行為治療 #貓行為治療師 #制止行為 #分散注意力