口艹田拯救隊

口艹田拯救隊 由獨立義工盡自己最大努力去幫助香港浪貓～捕捉、絕育、暫託及放回或領養。及後亦會有寵物運輸，上門照顧貓狗服務等。如果有需要求助，可以致電俾我或者WhatsApp

早排連續三日黑雨前收到求助，喺大埔錦山村有一家大細希望能夠將佢哋捉咗後絕育，當日亦都好順利捉走一家5口，四個小朋友連埋爸爸😊👏🏻因為第二日就已經黑雨，仲要連續三日，都算好彩👍🏻佢哋都好乖乖，亦都希望會有好心人可以領養佢哋四個小朋友😸😼😽😻
08/09/2025

早排連續三日黑雨前收到求助，喺大埔錦山村有一家大細希望能夠將佢哋捉咗後絕育，當日亦都好順利捉走一家5口，四個小朋友連埋爸爸😊👏🏻因為第二日就已經黑雨，仲要連續三日，都算好彩👍🏻佢哋都好乖乖，亦都希望會有好心人可以領養佢哋四個小朋友😸😼😽😻

早前接到因為朋友喺佢屋企上水古洞嗰邊嘅求助，大雨過後，有一隻貓媽媽，喺簷篷頂生咗BB，但當佢發現嘅時候，已經有一隻飲飽水走咗😢一隻都淋過雨，情況唔太好…我呢位朋友真係好好，佢都好緊張BB，我一放工即刻車佢哋出嚟，接到佢哋後即刻用毛巾同風筒吹...
20/08/2025

早前接到因為朋友喺佢屋企上水古洞嗰邊嘅求助，大雨過後，有一隻貓媽媽，喺簷篷頂生咗BB，但當佢發現嘅時候，已經有一隻飲飽水走咗😢一隻都淋過雨，情況唔太好…我呢位朋友真係好好，佢都好緊張BB，我一放工即刻車佢哋出嚟，接到佢哋後即刻用毛巾同風筒吹乾佢哋，再加埋暖包保暖，希望BB 可以捱得過💪🏻但到咗當晚深夜，又接到朋友嘅電話，竟然同我講佢瞓緊覺嘅時間隱約聽到BB叫聲，出去簷篷位再睇，發現留低咗一隻BB，即刻再送過嚟，希望呢兩位BB都可以大步檻過🙏🏻🙏🏻🙏🏻
估唔到再淋多一段時間雨嘅黃貓BB，竟然出奇地頑強，但反觀三色BB狀態就認真麻麻，由於佢哋都係剛出世，加上仲淋過雨，希望佢哋可以捱過呢關🙏🏻🙏🏻🙏🏻過咗幾日，三色啲都係捱唔過😭慶幸黃貓BB平安無事👏🏻
而家BB都有兩個月啦…可以安排出領養😊其實每逢翻風落雨，心裏面不由得埋怨上天，希望天公做美，唔好不停咁落雨，因為好多浪浪（所有在外嘅動物）都未必有好心人餵嘢食俾佢哋，如果加上不停落雨，變相就要夾硬餓足幾日，因為落雨又點樣去搵嘢食😢希望大家可以騰出一點善心，尤其是翻風落雨嘅時候，浪浪要避雨，盡量唔好驅趕，其實當雨落得好大，打落身上係好痛😖當中懷孕嘅貓媽咪，同剛出世嘅BB，佢哋嘅慘況就不在話下，希望老天爺高抬貴手，唔好再不停不停咁落雨🙇🏻‍♀️🙇🏻‍♀️🙇🏻‍♀️比浪浪一個喘息嘅空間⋯⋯

喺五月底嘅時候，接到一個元朗村屋走失貓貓嘅求助，貓貓（小虎）係領養返嚟，因為家人一時疏忽，從窗口出走後走失了😢為咗防止小虎走遠，吩咐主人喺自己屋企樓下同附近嘅地方都要擺多啲啲乾糧或者罐頭，仲要set cam，睇吓小虎會唔會返嚟食嘢，好彩小虎...
03/07/2025

喺五月底嘅時候，接到一個元朗村屋走失貓貓嘅求助，貓貓（小虎）係領養返嚟，因為家人一時疏忽，從窗口出走後走失了😢為咗防止小虎走遠，吩咐主人喺自己屋企樓下同附近嘅地方都要擺多啲啲乾糧或者罐頭，仲要set cam，睇吓小虎會唔會返嚟食嘢，好彩小虎真係冇走遠，喺隔籬屋樓下徘徊……經過幾個星期觀察同set籠，最終喺6月17號凌晨，幾經辛苦，捉到小虎返屋企啦👏🏻👏🏻👏🏻（不過係捉小虎嘅時候，有位義工姐姐受咗傷，辛苦晒義工姐姐🙇🏻‍♀️🙇🏻‍♀️🙇🏻‍♀️謝謝你）
其實貓主亦都係六月尾前搬屋，第二日已經有過新屋，幫手睇一睇啲窗網屋企環境各樣，亦吩咐貓主千萬要小心，唔好再走失，因為再走失，可以捉返嘅機會等於零😤希望各位養貓嘅主人，不能掉以輕心，走失咗，好可能就係永遠，千祈唔好俾你嘅屋企人走失呀🗣️🗣️🗣️

喺三月頭收到大角咀街坊求助，福澤街嘅一棟大廈即將進行清拆，但有兩隻貓係有個外賣姐姐餵開，希望我能夠將佢哋救走，幫佢哋絕育搵個好人家…由於大廈即將進行清拆，基本全部街坊亦都搬走，只係剩低一戶公司兼住宅嘅一對夫婦，留到三月尾，多得呢位好心夫婦...
02/04/2025

喺三月頭收到大角咀街坊求助，福澤街嘅一棟大廈即將進行清拆，但有兩隻貓係有個外賣姐姐餵開，希望我能夠將佢哋救走，幫佢哋絕育搵個好人家…由於大廈即將進行清拆，基本全部街坊亦都搬走，只係剩低一戶公司兼住宅嘅一對夫婦，留到三月尾，多得呢位好心夫婦嘅幫忙，喺三月中set籠，捉咗2隻，但其中一隻黃白貓，並唔係目標，不過既然佢入咗籠，就幫佢做絕育打防疫針，到3月24號，再一次set籠，終於捉到另外一隻目標，任務完成👏🏻👏🏻👏🏻喺3月29號已經將佢哋三隻帶咗去診所絕育再打防疫針，多謝外賣姐姐同一位地產姐姐嘅好心資助，得以減輕壓力🙇🏻‍♀️🥰

大前日收到有位義工求助，希望幫手抓走荃灣酒店停車場嘅走失貓，當日到場只聽見貓叫聲，見唔到蹤影！據說已經出現喺停車場一段時間，初初係附近7–11職員見到，繼而到保安叔叔同各位好心人，知道貓貓喺嗰度都幫忙餵食，等貓貓唔使肚餓，主人亦都渡過現場想...
01/04/2025

大前日收到有位義工求助，希望幫手抓走荃灣酒店停車場嘅走失貓，當日到場只聽見貓叫聲，見唔到蹤影！據說已經出現喺停車場一段時間，初初係附近7–11職員見到，繼而到保安叔叔同各位好心人，知道貓貓喺嗰度都幫忙餵食，等貓貓唔使肚餓，主人亦都渡過現場想捉走貓貓，但唔成功😥據說係主人帶貓貓去附近商場寵物店沖涼，又寵物店天花走咗出嚟，搵咗一段時間，都毫無線索，直至早前差不多兩個多月，附近7–11職員見到貓貓出現喺熊貓酒店嘅停車場入面，跟住就通知主人，有位義工想幫忙救起貓貓，跟住就通知我，叫我幫手set籠捉貓！當晚見唔到貓貓，唯有照set籠，一開罐頭燒魷魚，就即刻聽見喵喵聲，以為佢好快入籠，點知都要等到第二日朝頭早😅，個衰妹終於入咗籠，成功捉咗👏🏻👏🏻👏🏻不過佢好驚，撞到面仔損晒🥲等到主人過嚟再過落飛機龍，任務完成💪🏻主人亦都好有心，捐助咗善款俾我哋兩位義工，希望主人同各位都要小心選擇寵物店沖涼，免得又再走失，過咗咁耐都能夠搵得返成功捉得到，已經算好好彩，貓貓都終於脫離再做返流浪貓嘅危機👍🏻

一直喺我屋苑入面或者對面嘅海濱公園都有唔少嘅流浪貓，最近屋苑入邊有一隻新面孔，聽夜間保安哥哥講，第一次見佢嘅時候只係得大概兩個月大，本身仲有一個同伴，之後就再冇見過佢同伴，可能已經遭遇不測😥當時正正係七月節，即係上年嘅八月左右，因為有好多人...
26/03/2025

一直喺我屋苑入面或者對面嘅海濱公園都有唔少嘅流浪貓，最近屋苑入邊有一隻新面孔，聽夜間保安哥哥講，第一次見佢嘅時候只係得大概兩個月大，本身仲有一個同伴，之後就再冇見過佢同伴，可能已經遭遇不測😥當時正正係七月節，即係上年嘅八月左右，因為有好多人燒香拜祭，有好多雞同燒肉嘅祭品，佢哋走咗出嚟食，而我係到咗今年新年左右，先見到佢嘅真身，但係估唔到見多幾次之後，就發現佢已經有咗BB ，仲要生咗，因為一直每日都有擺乾糧罐頭係一個位置，比流浪貓食，亦都多得一位幫手一齊餵貓嘅姨姨，佢係新年已經叫我幫佢捉走貓貓，但set龍後無收穫，諗住遲少少再set，點知樓下保安姨姨話我知有隻貓BB走咗出嚟食嘢，我就即刻去返餵嘢食附近，尋找媽咪同BB嘅下落，發現只係得返一隻BB同媽媽，搵唔到其他BB😔，因為一齊餵貓嘅姨姨都好希望收養媽媽同BB ，捉走後就交由餵貓姨姨比一個屋企佢哋，剛好為貓姨姨喺年頭嘅時候，屋企兩隻老貓因為患病而走咗，呢兩位新生命又令到屋企再熱鬧🥰其實呢個媽媽都只係得六至七個月大，就已經大肚做咗媽咪，其實佢自己都係一個BB，可能係咁嘅原因，所以只有一隻BB，不過慶幸嘅係，佢哋已經有一個永遠嘅家👏🏻👏🏻👏🏻

請大家支持領養🙏🏻🙏🏻🙏🏻佢哋真係好乖㗎，又靚又嗲🥰
25/02/2025

請大家支持領養🙏🏻🙏🏻🙏🏻佢哋真係好乖㗎，又靚又嗲🥰

喺新年期間前後，收到幾位好心嘅餵貓姨姨求助，發現餵貓地方多咗新嘅流浪貓（唔知係唔係棄養）咁短時間就已有六隻貓😳其中三隻好幸運已有人領養，有2隻貓B交由九龍灣寵物店暫託及出領養（希望順順利利盡快出到領養），但有一隻就冇咁好彩🥺我叫佢大眼妹...
15/02/2025

喺新年期間前後，收到幾位好心嘅餵貓姨姨求助，發現餵貓地方多咗新嘅流浪貓（唔知係唔係棄養）咁短時間就已有六隻貓😳其中三隻好幸運已有人領養，有2隻貓B交由九龍灣寵物店暫託及出領養（希望順順利利盡快出到領養），但有一隻就冇咁好彩🥺我叫佢大眼妹，發現佢嘅時候好瘦，匿埋喺車底，但冇任何病嘅表徵，做咗基本檢查，佢已經絕咗育，喺二月頭嘅時候，見到佢開始唔食嘢，罐頭同吱吱醬都冇興趣，呼吸有啲唔暢順，就即刻帶佢睇醫生，做咗驗血照X-Ray測胰臟聞氧氣等……最後發現佢嘅咽喉淋巴有腫瘤，仲要已經擴散，情況好嚴重😭一隻已經絕育，但冇剪耳，親人但唔親貓，即係曾經有主人，但因為有病，最終被人遺棄，自生自滅……我只係相信一樣嘢，就係報應，呢啲唔係人嘅人，等天收啦⋯⋯😤

喺12月頭，接到求助，喺粉嶺坪輋嘅回收公司入邊，發現咗四隻出世10日左右嘅BB😳由於朝早員工開工發現，一直到收工時間都未見有媽媽蹤跡，但之後兩日係星期六日唔使返工，加上天氣轉凍，唔可以由得佢哋喺公司入邊，萬一媽媽冇返嚟，又冇員工開門，佢哋就...
05/02/2025

喺12月頭，接到求助，喺粉嶺坪輋嘅回收公司入邊，發現咗四隻出世10日左右嘅BB😳由於朝早員工開工發現，一直到收工時間都未見有媽媽蹤跡，但之後兩日係星期六日唔使返工，加上天氣轉凍，唔可以由得佢哋喺公司入邊，萬一媽媽冇返嚟，又冇員工開門，佢哋就會凍死😫搏唔過，唯有接咗佢哋走（感激相熟嘅一位義工朋友幫我去接）跟住就開始餵奶生活模式…因為要餵奶，返工嘅時間都要刻意縮短，終於捱到佢哋可以食浸淋乾糧同BB罐，穩定後，亦都完成領養👏🏻👏🏻👏🏻
希望BB可以開始佢哋嘅幸福生活，以後唔需要再流浪，亦都好感謝貓媽媽照顧得佢哋好好，原諒我哋擅自帶走你嘅BB ，我哋知道呢個地方生存環境都幾惡劣，又有嘢狗又有蛇，衷心希望媽咪能夠平安無事生存🙏🏻🙏🏻🙏🏻

早2個月前收到一單都幾驚險嘅求助，喺南昌WeWork對開兩條來回行車線中間嘅草叢，有三隻貓仔需要盡快捉走（由於兩邊都係馬路，後面就係高速公路，行出去隨時比車車死）但原來已經有三隻比一位好心人用飛機龍捉走咗，剩低依三隻，比較聰明，所以冇被捉走...
18/01/2025

早2個月前收到一單都幾驚險嘅求助，喺南昌WeWork對開兩條來回行車線中間嘅草叢，有三隻貓仔需要盡快捉走（由於兩邊都係馬路，後面就係高速公路，行出去隨時比車車死）但原來已經有三隻比一位好心人用飛機龍捉走咗，剩低依三隻，比較聰明，所以冇被捉走😢最後得到求助人幫手，一齊徒手捉走呢三隻馬騮仔，當時真係好驚險，因為佢哋可能搵媽媽，已經走出去馬路邊，好彩有驚無險捉到佢哋👏🏻👏🏻👏🏻之後幾日都有再過去擺低嘢食set cam等媽媽出現，但最終冇任何貓再出現過😭因為環繞住周圍都係馬路，真係好危險⚠️希望媽媽可以平安無事，亦多謝佢辛辛苦苦湊大6隻BB🙇🏻‍♀️而家三隻BB已經順利出咗領養，多謝求助人做埋暫托，辛苦晒🙏🏻🙏🏻🙏🏻

早前接到荃灣某大型大廈商埸，保安主任發現地下停車場雜物房，有一隻大貓喺入邊逗留，可能係背靠住大廈嘅山邊，佢搵唔到嘢食，於是走咗落嚟，幸得保安哥哥姐姐都好好，餵咗佢一個月有多，但長此落去唔係辦法，於是聯絡我捉走並交由元朗義工暫托（其實呢個大...
10/01/2025

早前接到荃灣某大型大廈商埸，保安主任發現地下停車場雜物房，有一隻大貓喺入邊逗留，可能係背靠住大廈嘅山邊，佢搵唔到嘢食，於是走咗落嚟，幸得保安哥哥姐姐都好好，餵咗佢一個月有多，但長此落去唔係辦法，於是聯絡我捉走並交由元朗義工暫托（其實呢個大男孩好乖，又圓轆轆咁，希望佢可以快啲俾人領養😊)

Address

大角嘴華源工業大廈
Hong Kong

Telephone

+85294607707

Website

Alerts

Be the first to know and let us send you an email when 口艹田拯救隊 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category