29/07/2025
照片內容或會引起不安，敬請自行斟酌觀看🙇🏻♀️
尋晚馬田村救既Mochi妹妹，今日醫生返來再做詳細檢查，反覆聽幾次都係有心雜音🤔，怕是真有心臟病，所以決定照個心臟超聲波睇清楚。
照後發現真係有B2級心臟病🤦🏻♀️，雖然還未需要食心臟藥，不過如果要麻醉做手術就要更小心謹慎留意身體狀況了，而口腔潰瘍情況太嚴重實在不能再拖，所以選擇冒險趁佢身體狀況還好的時候快手處理口腔問題。
麻醉後詳細檢查口腔，見到全口都嚴重潰瘍糜爛🥺很多牙齒已經爛溶在口腔組織內，牙床脷底面額都爛哂實在想像不到有多痛苦😢😢
另外還發現左手趾縫間有一個很深的傷口，已經有一堆烏蠅蟲了🤦🏻♀️🥺 夾出來的蟲都比爛牙多🤦🏻♀️
幸好救起了，不然口爛食唔到嘢左手又殘廢，真的離死也不遠了😔
因為口腔實在太爛，為減低術後餵藥和進食的刺激，所以幫Mochi裝了餵食喉，確保能得到足夠營養。
呢粒囡真係命苦，咁乖嗲都要被遺棄😢 據餵貓姐姐說，嗰家人一搬走就遺棄了好幾隻貓😔 另外那些在另一啲位置出沒，情況最差的是Mochi卻也算是幸運的，近來亂七八糟的天氣，還在外的都不知能否捱得過🥺
唉…有咩好講，嬲都嘥氣，救貓還算好了比較容易，時常看到Kent那些救狗case，真正激心又無奈😔
希望各位若有餘力，懇請多少幫忙一下他們的醫療費🙏🏻 如果可以領養他們當然更好，或是幫忙大力分享一下，讓更多人知道後可以有更多人支援🙏🏻🙇🏻♀️
感謝大家！🙇🏻♀️
#醫療費籌募中
#棄養可恥
#請支持領養
