https://www.facebook.com/776839145502436/

Revive pet clinic

Home
Egypt
Tanta
Revive pet clinic

Contact information, map and directions, contact form, opening hours, services, ratings, photos, videos and announcements from Revive pet clinic, Veterinarian, Tanta.

30/10/2026

❄️ Winter is coming… ومواعيد Revive اتغيرت معاه 🐾

مع دخول الجو الشتوي، عدّلنا مواعيد العيادة عشان نكون موجودين معاكم في الوقت الأنسب ❤️

📅 المواعيد الجديدة: من 1 ظهرًا لـ 10 مساءً كل يوم عدا الجمعة من 4 عصراً ل 10 مساءً

مستنيينكم دايمًا في Revive 🐶🐱
وفي الحالات الطارئة معاكم في أي وقت ❤️

24/10/2026

قطقوطة اخدت راحتها زي القرش في المحيط 😂😂😂😂😻😻

23/10/2026

🐱❤️ قطقوطة نورت العيادة، وخطفت الكاميرا والقلب معاها! 😂📸

قطقوطة عندها التهاب في المثانة اسمه FIC، وده نوع من التهاب المثانة بيحصل في القطط من غير سبب واضح، والتوتر والضغط النفسي ممكن يكون ليهم دور فيه 🩺🐾

بس قطقوطة بقى ليها حكاية تانية خالص… قمر وشقية، والكاميرا بتحبها وهي كمان واضح إنها بتحب الكاميرا! 😂😻

💡 نصيحة لكل أصحاب القطط:
خلّوا الميه النضيفة متوفرة لقططكم طول الوقت، ووفّروا لها مكان هادي وآمن، وحافظوا على نظافة الليتر بوكس. ولو لاحظتوا إن قطتكم بتدخل الليتر بوكس كتير، أو بتشد وهي بتحاول تعمل بيبي، أو بتنزل نقط قليلة، لازم تكشفوا عليها عند دكتور بيطري. ولو مش قادرة تتبول خالص، دي حالة طوارئ تستدعي الكشف فورًا. 🩺

ألف سلامة يا قطقوطة يا جميلة، وإن شاء الله ترجعي بألف صحة وتفضلي منوّرة الدنيا بشقاوتك ❤️🐾

Revive Veterinary Clinic 🩺💜
رعاية واهتمام، لأن كل روح صغيرة تستاهل أحسن رعاية ❤️

Care.Treat.Revive 😻

18/10/2026

سيمبا خلّص كل تطعيماته الأساسية 💉✅
وبعد ما اطمن إن صحته تمام… قرر إن وقت النجومية جه 😎📸

دخل العيادة قط 🐱
وخرج منها موديل محترف وعنده عقد حصري مع Revive 😂🔥

«بص هنا يا سيمبا»
سيمبا: «أنا عارف شغلي يا حبيبي» 😂😂

Vaccinated ✔️
Healthy ✔️
Photogenic ✔️
متواضع ❌🤣

ابعتولنا على رسائل الواتس اب عشان تعرفوا عروض التطعيمات ❤️❤️

Care.Treat.Revive

11/10/2026

القطقوطة ملوخية او كيتي 😻

ملوخية وصلت لنا وهي لسه كيتن صغيرة، جاية من الشارع وعينيها تعبانة، والصديد كان بينزل منها.. بس كان لسه في أمل إنها تبقى كويسة وتعيش حياة أحلى ❤️

بدأنا رحلة العلاج، وبفضل ربنا اتحسنت وبقت أحسن، وبعدها لقت بيت يحبها ويهتم بيها، وبدأت حكاية جديدة بعيد عن الشارع 🏡🐾

والنهارده، بعد ما كبرت وبقت القمر ده ما شاء الله 😍، رجعت تزورنا في العيادة علشان تطمّن علينا ونطمن عليها، وتاخد تطعيماتها كمان! 💉💚

من أول صورة للتانية، مش بس كيتي اللي كبرت.. دي حكاية صغيرة بتفكّرنا إن الرحمة والاهتمام ممكن يغيّروا حياة روح كاملة 🥹❤️

فرحانين إننا كنا جزء من حكايتها، والأجمل إننا شفناها بتكبر وتعيش الحياة اللي تستاهلها 🐈✨

📸 اسحبوا وشوفوا الفرق بين ملوخية زمان و كيتي دلوقتي! 😻

كل روح تستحق فرصة.. وكل حكاية إنقاذ تستاهل تتحكي💚

05/10/2026

صاحبنا الصغنن ده زارنا علشان يطمن على تطعيماته، وكمل يومه بجلسة Grooming كاملة… والنتيجة كانت القمر ده ✨

لأن العناية بحيوانك الأليف مش بس تخليه شكله أحلى، لكن كمان تحافظ على صحته وراحته وتخليه يعيش حياة أفضل 🐶❤️

صحة، نظافة، واهتمام… والتفاصيل الصغيرة بتفرق. 🩺🐾

Care.Treat.Revive

29/09/2026

🐾💜 بمناسبة اليوم العالمي للسعار… قررنا نخليها مناسبة تفرّحكم إنتوا كمان! 😂

عشان رعاية حيوانك الأليف مش رفاهية ❤️
استفد من خصم خاص على تطعيمات القطط والكلاب لفترة محدودة 🐶🐱

📅 احجز ميعادك دلوقتي وخلي تطعيمات صاحبك محدثة وفي أمان.

📞 للحجز والاستفسار: 01039199825

📍 Revive عيادة — طنطا، شارع طارق بن زياد

لأن الوقاية دايمًا أسهل… وأوفر من العلاج. 💜🐾

#طنطا

25/09/2026

فستقة خلصت اقامتها عندنا في العيادة، وبجد هنشتاق ليها ولنظراتها العجيبة ❤️❤️
الصور دي بتلخص الأوقات الحلوة اللي قضيناها معاها: من الاسترخاء التام وفي النهاية الحضن اللي بيجمعنا 😻🥰
تمنياتنا لفستقة وصاحبتها بكل السعادة والصحة. واحنا جاهزين دايمًا لاستقبالها مرة تانية ❤️🙏
لو عندك حيوان محتاج إقامة، عيادتنا هي بيتهم الثاني! 🐾💙🏘️"

Care.Treat.Revive
#قطط

20/09/2026

لوزة و بسيوني و تتح 😻🐾
واحد خطف القلوب وطلع تبني ❤️
وفاضل اتنين لسه مستنيين دورهم 🥹

ثلاثة كائنات صغيرة قرروا يحتلوا المكان بعد ما اخدوا التطعيمات 😼😼

Care.Treat.Revive
#قطط

15/09/2026

😂 إنتي واكلة إيه؟

اللي قدامكم مش قطة شاربة بيبسي 🥤😂
دي معدة قطة عندها التهاب وقرحة معدة، والفقاقيع اللي ظاهرة في السونار جزء من محتويات وغازات المعدة.

القطة جت بأعراض بسيطة جدًا:
🤢 قيء مرتين
🍽️ وفقدان شهية

والسبب كان بعد أكل سمك مشوي من أكل البيت 🐟

⚠️ عشان كده متستهونش بالقيء أو إن قطتك تبطل أكل، حتى لو الأعراض شكلها بسيطة.

مش كل معدة تستحمل اللي إحنا بناكله 😂🐈

❤️ Revive Pet Clinic

Address

Tanta

Website

facebook.com

Alerts

Be the first to know and let us send you an email when Revive pet clinic posts news and promotions. Your email address will not be used for any other purpose, and you can unsubscribe at any time.