08/10/2025
🐠 Samka Story … الحكاية اللي بدأت بهوايه
مكنتش متخيل إن منظر بسيط لحوض سمك ممكن يغيّر حياتي.
من أول لحظة شُفت فيها الميّه بتلمع، حسّيت إن فيه راحة غريبة… وساعتها بدأت الحكاية.
في الأول كانت هواية، منظر بيريّح العين والقلب،
بس خطوة ورا خطوة، بقيت أعيش معاهم يومي كله،
لحد ما الهواية بقت إدمان جميل ❤️
مكنتش بربي علشان أكسب، كنت بربي علشان بحبهم.
كل سمكة كان ليها حكاية، وكل حوض كنت بعتبره عالم صغير من الهدوء.
ومع الوقت… الأوضة اللي فيها أحواض بقت مش كفاية،
فقررت أفتح معرض صغير، يكون مكان لأي هاوي يدخل يشوف الجمال ده بعينه.
بس الطريق ماكنش سهل…
دخلت حروب كتير مع ناس ملهاش علاقة بالمجال ولا بالهواية.
ناس بتحسبها تجارة، وأنا كنت شايفها حُب ونَفَس وروح.
فضلت مكمل رغم كل حاجة،
لحد ما جت لحظة دخولي الجيش…
وقتها كنت مضطر أقفل المعرض،
وده كان أصعب قرار في حياتي 💔
بس حتى وأنا بعيد، الهواية دي فضلت جوايا،
ولا اتأثرت، ولا اتكسرت، ولا يوم فقدت الأمل.
ولأن اللي بيحب بجد عمره ما بيغرق،
قررت أرجع أقوى من الأول 💪
النهارده بقولكم بفخر:
📢 خلال شهور قليلة… Samka Story راجعة من تاني!
بشكل أكبر، أجمل، وبإمكانيات أعلى بكتير 🔥
المرّة دي مش مجرد معرض…
المرّة دي حلم اتحقق بعد تعب وسنين ❤️🐠
خليكم مستنيين…
لأن الحكاية لسه ما خلصتش.
🌍❤️🩹
