https://www.facebook.com/154805800033170/

Cat & Dog Clinic, الشوبك . بجوار حضانه الاندلس, Shibin al Qanatir (2026)

02/04/2022

مواعيد رمضان.
من ١٠ صباحا ل ٥ مساء يوميا ماعدا الخميس.
كل عام وانتم بخير🌹

15/02/2022

كنت عايزه انبه لحاجه👇
طالما بتربي حيوان🐕🐶 يبقى لازم تقضي معاه وقت ولو انت مش فاضي يبقى ممكن تخلى اي حد في البيت يعمل كدا لازم الكلب أو القطه دول يخرجوا معاك من البيت.
على فكره الحاله النفسيه للحيوان بتفرق كتير ويتبقى سبب مشاكل كتير. حاول تفهم ازاي تتعامل معاه كويس لأن دي مسؤليتك طالما قررت انك تربيه في بيت فبالتالي انت بتعزله عن باقي فصيلته وأصحابه وبتخلي حياته مقتصره عليك فلازم تعوض دا.🌹

15/02/2022

يبان كيوت ولذيذ🤗 بس بصراحه هو مطلعش كيوت خالص في اول تطعيم للديدان 😁 اتمنى لما اشوفك التطعيم الجاي نكون اخدنا على بعض اكتر من كدا ❤️

01/11/2021

تساقط الشعر عند الكلاب والقطط🦮🐈
الشكوى اللي معظمكم بيشتكي منها. يادكتوره القطه أو الكلب بتاعي شعره دايما بيقع ومبهدلي الفرش والبيت كله.
يادكتور شوفيلي حل احسن شويه كمان وهتطرد انا والقط برا البيت.🙆
طب عشان نبقى متفقين من الاول كدا ان تساقط الشعر ليه أسباب كتير بتتعرف من خلال الفحص وعلى حسب السبب بنعالج.
بس عامة لازم يبقى فيه روتين للعنايه بالشعر.
اولا يتغسل بشامبو أطفال أو شامبو خاص باليفك🚿. دا طبعا عدد مرات معينه على حسب الجو ودا اتكلمنا عنه قبل كدا
ثانيا لازم تمشط الشعر يوميا لإزالة الشعر الميت.
دا طبعا مع علاج طبي لسبب التساقط.🌹
مواعيد العمل بالعياده من ٩ ل ١ ظهرا ومن ٣ ل٧ مساء
ماعدا الخميس

18/09/2021

القطط والعقم والاجهاض عند الفتيات والنساء ٢
بعد ماعرفنا في البوست اللي قبل دا ايه طرق العدوى وان كان احتمالها ضعيف جدا جدا.
هنعرف انهارده ازاي نحمي نفسنا من الموضوع دا.🙅
١ نتخلص من رملة الفضلات باستمرار ولو عرفنا نعود القط بتاعنا على استعمال الحمام يبقى كويس جدا👌
٢ نغسل اليد جيدا بعد التخلص من رملة الفضلات ولو نلبس جوانتي يبقى افضل
٣متخرجش القط لوحده في الشارع.🐈
٤متخليش القط يصطاد فئران.🐁
٥ متخليش القط ياكل لحمه نيئه ولا لانشون. 🍖
٦ لو كنتي حامل يفضل متتعامليش انت مع رملة الفضلات.
٧ نغسل الخضار والفاكهه كويس جدا. 🍏🥭🥕🥒🥦🌶️
٨ مناكلش لانشون ني.
طب لو انت مكنتيش بتتبعي التعليمات دي وخايفه وشاغله دماغك بالموضوع.
متقلقيش لو عايزه تتطمني بيبقى عن طريق تحليل دم بسيط في أي معمل تحاليل أو مستشفى بيشوفلك فيه إذا كان العدوى موجوده ولا لا.
والعلاج بيبقى بسيط جدا عن طريق مضاد حيوي خاص بنوع الطفيل🌹

12/09/2021

القطط والعقم أو الإجهاض عند الفتايات والنساء (١)
دايما بنسمع كتير من الناس الكبيره لما بتشوف بنت بتربي قطه. لا دا غلط ياحبيبتي مش هتخلفي لما تكبري.✋
احيانا بنسمع أن فلانه كانت حامل واجهضت والدكتور سألها إذا كانت بتربي قطه ولا لا وقالها أن دا من القطط.🐯
طب ايه مدى صحة الموضوع دا وهل فعلا بالهلع دا. طب مافيه الاف البنات بيربوا قطط ومش بيحصلهم اي حاجه.
فيه كمان بيحصلهم الاصابه بالطفيل وبيكون عمرهم ماربوا ولا اتعاملوا مع قطط في حياتهم خالص🤔
نركز شويه بقى مع بعض
اولا المرض طفيل بيتنقل من القطط للبنات أو النساء ويسبب إجهاض أو عقم بس مش من أي قطه لازم تكون القطه دي مصابه ومش من أي قطه مصابه وهنوضح الموضوع دا.
طيب القطط بس بتنقل الطفيل دا. لا طبعا❌
كمان الخضروات الغير مغسوله جيدا. والكينج بتاع الموضوع دا وهو اللانشون المصنع من لحوم مصابه والغير مطهو جيدا كمان اللحوم النيه أو الغير مطهوه جيدا وتكون مصابه بالطفيل.🤦‍♀️
طيب نرجع تاني للي يهمنا وهو وقتيه يتنقل من القطط.🐶
١ _لازم تكون القطه مصابه بالمرض ومش هتتصاب غير عن طريق حاجتين
*اولا تكون بتصطاد فئران
*ثانيا بتاكل لحوم نيئه ومش اي لحوم نيئه لازم تكون اللحوم دي مصابه بالطفيل ودا صعب لأن الاصابه بتكون باينه في اللحمه فأنت عمرك مهتاكلهالها
٢_ الاصابه تتنقلك من القطه عن طريق فضلاتها ومش اي فظلات لازم تكون مركونه من يومين يعني من لو انت متعوده ترمي رملة الفضلات كل يوم وبعدين تغسلي ايدك كويس مفيش اي مشكله.
يعني من الاخر استمتعوا بتربية القطط بتاعتكم ومتخافوش خالص. 🌹
هنكمل في بوست تاني ازاي تعرفي ان عندك أصابه.
ايه العلاج ومدى فاعليته.
ازاي تحمي نفسك من الموضوع.

07/09/2021

مفيش حقنة شراسه❌
السؤال المعتاد انا عايز حقنة شراسه للكلب دا يادكتوره🦮
مفيش ياابني حاجه اسمها حقنة شراسه.🤦‍♀️
لا فيه يادكتوره صاحبي بيديها للكلب بتاعه🤨
من الاخر عشان انا زهقت من الموضوع دا مفيش حقن شراسه. الشراسه بتاعة الكلب بتعتمد على نوع الكلب🐕🦮 نفسه وعلى تدريبه من وهو صغير على الشراسه ودا بيكون على ايد مدربين متخصصين. 🧍‍♂️
🌹🌹🌹

28/08/2021

العنايه بنظافة اليفك 🚿🐕🐈
الموضوع دا بالذات يادكتوره انا شاطر فيه اوي انا على طول بحميه وبالشامبو بتاعي كمان🤗
على طول بتحميه وبالشامبو بتاعك كمان🤦
طب نركز بقى مع بعض شويه🤚
*اولا القط أو الكلب ربنا خالق ليه القدره على تنظيف نفسه بشكل طبيعي عن طريق لسانه🐶
*ثانيا ربنا مانحه ماده زيتيه على جسمه لحمايته إلى حد كبير من البرد والميكروبات فكل ماحضرتك بتغسل جسمه زياده عن اللازم كل ما بتزيل الماده دي وبتعرضه اكتر للبرد
*ثالثا مش اي شامبو ينفع تستخدمه لازم شامبو مخصص ليه أو شامبو أطفال
*رابعا بعد الاستحمام تحافظ انك تنشفه كويس جدا ويفضل في مكان دافي
*خامسا الطريقه الأمثل انك تحميه على سطح خشن زي انك تحط موكيت أو دواسه خشنه في البانيو عشان الكلب لو القط يتشبث فيها ويحس بالامان
*سادسا تحافظ أن مفيش مياه تدخل في الأذن عن طرق وضع قطن بها
*سابعا المياه متكونش بارده
*ثامنا تمشيط الشعر حوالي ٤ مرات أسبوعيا لازالة الشعر الميت باستمرار
اخيرا بقى عدد ممرات الاستحمام مهم جدا تلتزم بيها وهي مره كل شهر في الصيف والامتناع عن الاستحمام في الشتاء وممكن مره واحده عند الضرورة زي الاتساخ الشديد🌹

28/08/2021

مواعيد العمل بالعياده
٩ل ١ ظهرا
٤ ل ٨ مساء
الشوبك بجوار حضانة الاندلس

21/08/2021

تطعيمات ٤🐈🐕
اهم تطعيم هنتكلم عنه على الإطلاق هو تطعيم السعار لأنه مش هيحمي اليفك فقط إنما كمان هيحميك من المسائله القانونيه وتقد تطلع بيه رخصه للكلب بتاعك.🦮
المعلومه الغلط اللي معظمكم عارفها أن تطعيم السعار للكلاب فقط❌❌❌
لا طبعا تطعيم السعار ضروري جدا للقطط والكلاب
اعرف العمر المناسب للتطعيم اليفك🌹

20/08/2021

تطعيمات ٣💉🩺
لازم تحمي اليفك من الحشرات🐞🦗 عن طريق جرعات منتظمه من المواد الطارده للحشرات
الحشرات دي زي البراغيث والقراد يتسبب مصدر إزعاج جامد للحيوان بتاعك، هتسبب انيميا وضعف عام لأنها بتتغدي على دم الحيوان
هتسبب تساقط للشعر
دا غير أنها بتنقل أمراض كتير زي طفيليات الدم والديدان
تطعيمات الحشرات بتبدأ من عمر شهرين وتكرر بشكل دوري🌹

18/08/2021

تطعيمات ٢💉🩺
طعمت اليفك ديدان؟🐕🐈
ديدان ايه يادكتوره انا محافظ جدا في اكل الحيوان بتاعي ومش بياكل اي حاجه في الشارع.🤗
استنى بس🤚 وانت مين قالك ان كدا مش هيبقى عنده ديدان.🦠 بويضات الديدان بتتنقل حتى مع التراب اللي موجود في الحزاء بتاعك واللي معظم الكلاب والقطط بيحبوا يلعبوا فيه.
مش بس كدا انت تعرف ان الحشرات زي البراغيث ممكن تصيب الحيوان بالديدان.
وطبعا مش محتاج تعرف ايه التأثير السلبي للديدان على صحة اليفك من سوء تغذيه، ضعف عام، تساقط للشعر وحاجات تانيه كتير🌹

Cat & Dog Clinic

02/04/2022

15/02/2022

15/02/2022

01/11/2021

18/09/2021

12/09/2021

07/09/2021

28/08/2021

28/08/2021

21/08/2021

20/08/2021

18/08/2021

Address

Telephone

Website

Alerts

Shortcuts

Share

Category