In Safe hands shelter

03/05/2025

18/02/2024

من يوم ٢٦ ديسمبر جالنا الجرو ده عامل حادثه ..عملنا اشاعه وكانت المفاجأه الغير ساره للجميع ..العضم متكسر وكمان متحرك من مكانه زي ماواضح في الاشعه الاولي ..كان القرار سريع ..لازم عمليه وتركيب شرايح للعضم ..وكان التنفيذ ايضا سريع جدا وتمت العمليه يوم ٢٨ ديسمبر ومن ساعتها وهو معانا ..الفيديو ده فيه مراحل الحاله من اول يوم لحد النهارده العصر وهو بيتنطط ويلعب ..
كل الشكر والامتنان لفريق عياده k9 ..تعبتوا جدا في الحاله لكن فرحتنا كلنا لما شفناه رجع يتنطط ويلعب تساوي كتير قوي ..

10/12/2023

دكاتره مديريه الطب البيطري ومسئوليهم ..
انتم فاشلين ماعندكوش اي حل غير التسميم رغم وجود حلول كتير بيعملوها في الدول المحترمه
انتم عديمي الرحمه علشان بتسموا كلبه واضح جدا انها بترضع جراوي ودي حاجه يعرفها اي حد من شكلها
انتم جبناء علشان بتسمموا في الخفاء وبتنكروا لو حد واجهكم
انتم وصمه عار علي البلد .الم تروا وتتابعوا ماذا يقال عنا في الخارح بسبب هذه التصرفات اللاانسانيه!!
ولكن مايحدث وعرفناه وتاكدنا منه في كليات الطب البيطري من افعال خارج نطاق استيعاب العقول النقيه فهي اقرب الي افعال الشياطين يعطي لنا الاجابه عند السؤال المحير ..
كيف انتم كذلك ؟
والاجابه طبعا اصبحت معلومه لنا جميعا
حسبنا الله ونعم الوكيل

26/08/2023

بعد ماليوم الصعب ده عدي الحمد لله نشرح بقه حكايه الكلب اللي وجع قلوب الكل ..
الكلب حد اتصل بيا وبلغني وطلبت صوره علشان اتاكد من ان الحاله تستاهل
اتبعتت الصوره من شكل الحاله سيبت كل حاجه وجريت عليه ...
رحت لقيت منظر من الصعب احتماله ..هيكل عظمي بيتنفس وجرب والتهابات وجسم مليان دود
تمالكت نفسي وشيلته حطيته في العربيه
لسه مافيش عياده فاتحه
نضفت فيه علي قد ماقدرت وماكنتش متوقع ابدا ان ده ممكن ياكل ويشرب بس جربت لقيته استجاب بس لازم الاكل او الميه يتحطوا علي بقه لانه مابيقدرش يرفع راسه ..
كلمت الدكتور استعجلته لان الحاله صعبه ..
رحت العياده وبسرعه ركبنا الكانيولا قبل اي حاجه اديناله محاليل علشان الجفاف الفظيع اللي عنده
خلص وخدرناه علشان الدكتوره تبدا شغل معاه
اترش جسمه بحاجات تموت كميه الدود الكبيره اللي فيه والحمد لله حصل ..
تم فحص جسمه لقينا كسر في رجله وورم اخر جسمه من ورا ..
اتنشف جسمه كله واتطهر بكحول وبيتادين واتدهن مرهم لتهدئه الالتهابات الفظيعه اللي اكيد بتاكل في جسمه وبتألمه وقبلها طبعا الحقن اللازمه للحاله
ظبطنا الجسم وهديناه بشكل كبير واتنضف خالص
اخدناه وعرضت عليه اكل تاني واكل برضه كويس وده علي فكره ريحنا جدا علشان الاكل مع المحاليل يساعدوه لاستردات صحته بشكل كبير
اللي حصل اول مرحله بس من انقاذ الحاله
طبعا في برنامج كبير لازم يتنفذ علشان واحده واحده وبالتدريج يتم شفاؤه باذن الله
هاياخد بريفكتو للجرب
هايعمل عمليه لاستئصال الورم بس بعد مايسترد جزء كبير من صحته ..
كلب يعتبر من اصعب خمس حالات قابلناها في حياتنا ..
المشوار لسه طويل ادعولنا ربنا يعيننا عليه ويشفيه ..
دي صور وفيديوهات فيها توضيح لكل الكلام اللي قلته ..
Mohamed S Selim
Radwa Essam
كل الشكر ليكم 🙏🙏🙏

15/08/2023

جريمه تانيه من جرائم مساكن الهيئه ..المره دي الكومباوند اللي جنب نادي الفروسيه ..
الحق ناس جايبين سم وبيسموا الكلاب والجراوي
جريت علي هناك شفت اللمه من بعيد
عاملات النظافه ورجاله الامن وتلت اشخاص شكلهم اغراب
كلب وجرو ميتين عالارض وشنطه العربيه مفتوحه وماسكين شوال علشان يحطوه فيه ..وكيس بلاستيك فيه اكل مسموم ..
انتوا من مديريه الطب البيطري ؟
لا احنا شركه مكافحه تابع الهيئه
يعني مش جهه رسميه اومال ازاي تعمل كده انا هاجيبلكم النجده تشوف انتوا مين ..ازاي ترمي سم في الشارع تموت الكلاب ولو طفل صغير داس عليه او لمسه انت عارف هايعمل فيه ايه !؟
مسكت الفون وباصورهم اتنين لفوا وشهم والتالت راح ركب العربيه ومشي وصورت طبعا رقم العربيه
النتيجه ..كلب وجرو ميتين ..وجروين تعبانين لحقتهم الحمد لله بحقن تبطل مفعول السم ..
لما سالنا مسئول الامن في الهيئه قال لا مافيش بلاغات ولا اي تكليفات مننا بحاجه زي دي
المعلومه الاخيره ومش عارف مدي صحتها
ان شخص ساكن هناك اسمه ع . ف جاب العيال دي واداهم فلوس علشان يعملوا كده ..
طلبنا من ناس ساكنه هناك تعمل محضر بالموضوع علشان كان ممكن السم ده يأذي اطفال بيلعبوا لان ده مكان مقفول بجناين والاطفال بيلعبوا فيه وممكن كمان يأذي اي كلب بتاع حد نازل يمشيه ...بس للاسف الناس مش متحمسه للفكره ..المحضر لو اتعمل من حد ساكن هناك هايبقي له صفه غير كده فنكوش ...ده منظر الكلاب الميته
وشكل عيلين من التلاته ورقم العربيه وفرد الامن اللي دخلهم وكل ده حصل قدامه وماعملش حاجه وكان بيتفرج ..بقوله انا ازاي تسمح بكده قاللي حد من اللي ساكنين هو اللي جايبهم ....

20/06/2023

الحلوين 😻😻