18/06/2026
🎣*صيد السمك بالغلة بالليل.. مزاج ما يتوصفش*🌌
بتحب صيد الغله بليل احسن ولا بالنهار
فيه صيد للرزق، وفيه صيد للمزاج. وصيد الغلة بالليل من النوع التاني.
*ليه الغلة بالليل بتفرق؟*
🎣سمك البلطي ، بالليل بيطلع ياكل الغله اللى انت بتظفرها بالنهار الحبايه النشفه وبيسرح يدور على أكل في المية الهادية. بالنهار العيال الصغيرة بتبهدل الطعم، لكن بالليل الكبير بس اللي بياكل.
*التجهيز الصح:*
1. *الغلة*: تنقعها من العصر، وتغير عليها المية مرتين. قبل ما تنزل تضيفلها شوية ثوم مهروس أو فانيليا - ريحة تموّت او ممكن تضيف عليها علف بادى.
2. *العدة*: بوصة رقعة حساسة، سن صغير 6 أو 7، خيط 25. الغماز يكون فسفوري أو تحطله فسفور عشان تشوف النقرة.
ارمي شوية غلة مرقدة قبل ما تبدأ بربع ساعة عشان تلم السمك.
*جو الصيد بالليل:*
الهدوء، صوت المية، والفسفور اللي بينور الغماز لما ينزل. النقرة بتبقى خفيفة في الأول - ترفع وتسيب - وبعدين غطسة مرة واحدة. دي بتاعة الكبير.
أحلى وقت من بعد العشا لحد الساعة 2 بالليل، خصوصاً في الصيف والمية دافية.
*الزتونة:* الصبر نص الصيد. ارمي، رقد، واشرب شايك. الرزق هيجيلك لحد عندك.
منقول للافادة
