12/03/2021
مساء الخير
عاملين ايه يارب تكونو بخير ديما يارب
النهارده جاين نتكلم فى موضوع مهم جدا وهوا االاهتمام بتغذيه كلبك كويس جدا
نبدا با بسم الله الرحمن الرحيم
1. لازم تكون عارف الاكل بيروح فين هل فى مكان صحيح ولا مبيستفدش بيه اصلا و ازل بند معانا وهوا هل الكلب عندو ديدان ولا لأ ودى نقدر نعرفها ونعالجها بطرق كتير منها الطبيعه والى انا بميل ليها او الطرق الى فيها كيمكل والى انا مش بحبها اصلا لاضررها الكتير على اكتر من حاجه تمام
2. اول حاجه فى النظام الغذائى لكلبى وهيا محتويات الوجبه والتشريح الجسمانى بيتطلب ايه
اول حاجه البروتين تانى حاجه الدهون علشان يستفيد بالفيتمن الى فى الاكل تالت حاجه الكلسيوم رابع حاجه لحم الاعضاء وكل دول ليهم نسب ...الى جانب المكملات الى بناخدها من الاعشاب ......
3.نسبه البروتين لا تتعدى ال80% من الوجبه وممكن تكون كمان 70% ( رقبه الفراخ او الرومى او البط -- القوانص -- صدور الدواجن -- وراك الدواجن -- الكرشه مصدر كويس جدا للبروتين والكلسيوم -- لحم حيوانى زى الرقبه -- الكتف -- الفخد -- العكاوى )
4.نسبه الدهون لا تتعدى 10% من الوجبه ويستحسن تكون 5% (اى دهون حيوانيه ويفضل دهون المواشى )
5.نسبه الكالسيوم لا تتعدى 15 % من الوجبه ويستحسن تكون من 10 الى 12% علشان ده لو زاد بيكون ليه اضرار كتيره جدا اولهم التبول الكتير والشعور بالعطش تانى حاجه اضطراب فى الجهاز الهضمى الام فى العظام والهشاشه بها .. فشل كلوى .. حصوات الكلى .. ودى حجات بسيطه عن الافراط بكميه الكلسيوم على اد ماهوا جدا جدا جدا مهم على اد ماهو زيادتو عن المئلوف مضره جدا تمام ( افضل مصدر للكلسيوم وهوا العضم النى او المستوى (المفروم) او لبن المعاز + الابل + البروكلى + الفت + البرتقال )
6.لحم الاعضاء وده بيكون بنسبه من 10 الى 12% ولحم الاعضاء بيكون ( كبده - كلاوى - المخ - البنكرياس - العيون - العضو الزكرى - الخصيتين - السان - الازن - الخيشيم - الفشه )
7. وهيه بتكون على حسب وزن الكلب او تكون بتتعامل على النظام العادى Normal وهوا 5g ---طيب نيجى بقا لنوعيه الاعشاب والزيوت المهمه فى حيات كلبك والغنيه بلعناصر المفيده ---
-------1.الكركم (معزز مناعه -- مضاد للاتهابات المفاصل -- وقايه من مرض السكرى -- بيحمى الكبد من التلف -- وقايه من نزلات البرد --مزيل للسموم من الجسم ---وفيه بقا فيتامين هه ك وصديوم وبتسيوم وكالسيوم زنحاس وحديد ومغنسيوم وزنك .. ولاكن بصعب على الجسم امتصاص كل الحجات دى من وجود العنصر رقم .2.)
-------2.الفل الاسود (وده بيكون رشه بسيطه اوى علشان جسم الكلب يستفيد من الكركمين الى موجود فى الكركم )
-------3.بزور الكتان (ودى غنيه بالاوميجا 3 - مضاد اكسده --مخفض لمستوى الكلسترول --يحافظ على توازن الهرمونات -- يقلل الاصابه من امراض الكبد -- يحمى من سرطان البروستاتا--يوازن تغيرات ضغط الدم -- يساعد الجهاز الهضمى )
4.زيت جوز الهند العضوى (للاكل يعنى) -- يقوى العظام -- فيتامين E عالى جدا -- واحماض دهنيه منها الميرستك و الكبريك ودول مضاضات للفطريات والبكتريا -- عنايه بالشعر والبشره -- تحسين عمليه الهضم -- العنايه بالاسنان -- يحافظ على الوزن المثالى )
8.الخضار + الفاكهة ( الجرجير -- السبانخ -- الجزر -- اليقتين(قرع العسل) -- البطاطا -- التين البرشومى -- الفراوله -- الموز -- البرتقال -- التوت البرى (الاحمر والاسود ) وكل دول بيكونو بنسبه 5% فقط
بكده نكون خلصنا كلام عن اهم العناصر ناقص طريقه التقديم وهيا بتكون بطريقتين
1.وهوا النى Raw food وده بتقدم كل حاجه زى مهيا نيه خام للكلب
2.الاكل الستوى Fresh Food وده بنطبخ الاكل لمده 15 دقيقه بس ونحرص ان العضم يكون مفروم لو حضرتك قدمت عضم فى الاكل
اما بنسبل عن المعاير الى بتححط للاكل من الاعشاب والزيوت بتكون عن طريق معالق المعاير وده بيكون مكتوب عليها الجرامات وبنحط 5g بس او معلقه شاى غويطه شويه وممسوحه ... كل المعاير لازم تكون معلقه ممسوحه
اسف على الكلام الكتير بس بحاول الملكو كل حاجه فى التغذيه
الكميه تحسبها ازاى بقا
1.لو كلبك عمرو من شهريرن لى 4 شهور فا هياكل من 8 الى 10% من اجمالى وزنو
2.لو كلبك عمرو من اربع الى 6 شهور فاهتديلو من 6 الى 8% من اجمالى الوزن
3.لو كلبك عمرو من 6 شهور الى 8 شهور فاهتديلو من 4 الى 6% من اجمالى وزنو
4.لو كلبك عمرو فوق السنا فاهتديلو من 2 الى 3 % من اجمالى وزنو
اخر حاجه علشان تعرف كلبك واكل كويس ولا لأ تحسس على ضلوع الكلب لازم تحس عظام الكلب بس يكون فيه طبقه من الحم او الدهون حاسسها برضو وبكده كلبك يكوم تمت تغزيتو بشكل صحيح جدا جدا
وحضرتك بقا بتشترى اكل الكلب لازم تنزل بدرى علشان الحاجه بتكون صابحه ومش مركونه فى الهوا فاتعمل بكتيره واضرار كتير وكمان ريحه مقذذه
وده لينك حلقه الوقايه وعلاج الديدان https://youtu.be/IGr1rVjUwBk
ودى صور الحجات الى تم سردها فى البوست وصور لبعض امثله وجبات الاكل
وشكرا ليكم للقرائه بشكل عام متنسانيش فى الشير وخلى غيرك يستفيد
كلابنا أمانة في رقبتنا لذلك مهم جدًا نعرف الامراض و الطفيليات اللي ممكن تصيبهم و نعرف طرق الوقاية و العلاج. في الفيديو بنناقش اكتر نوع مؤذي من الطفيليات و هو...
