11/04/2026
سبات الحلزون (Sleep Mode)
عمرك شفت حلزون قافل على نفسه ومش بيتحرك؟
ده مش كسل… ده اسمه سبات أو إجهاد🐌✨
💡 الحلزون بيدخل في السبات لما: ❄️ الجو يكون بارد
🔥 أو حر شديد💧 أو الرطوبة قليلة🍽️ أو مفيش أكل مناسب
🛡️ بيعمل إيه؟ الحلزون: بيدخل جوه القوقعة ويكوّن طبقة بيضا تحميه ويقلل نشاطه لحد ما الظروف تتحسن ووقتها يقولك هطلع أكل😂😂🤍كائن بارد بس نعمل اي بقا
يفضل قد إيه؟ ممكن:
ساعات أيام وأحيانًا فترة أطول حسب الظروف
🌿 أول ما البيئة تتحسن: 💧 رطوبة مظبوطة
🌡️ حرارة مناسبة
🥕 أكل طازة
👉 بيرجع طبيعي وينشط تاني المهم نتابعه كويس جداً 🐌
الخلاصة: نخلي بالنا من الرطوبة بإننا نرش رذاذ مايه على جوانب العلبة مرة أو اتنين والحرارة تكون مناسبه يعني يتحط في مكان دافي بعيد عن شباك أو تيار هواء ساقع والصيف قرب فخلاص هينشطوا والأكل مهم جدا تنوع ليهم في الأكل بين الخس والكوسه والجزر وياسلام بقا لو قطعة موز بيموتوا فيها😂😂😂🤍، مع الكالسيوم طبعاً أساسي معاهم
