23/09/2025
معقول لسه في حد بيسأل السؤال ده (لو جبنا كتاكيت دلوقت ندفي ولا لا وهندفي لحد عمر كام؟؟)
طب تعالي نفكر مع بعض كدا شويه بالأرقام
الحراره الصبح بتكون ٣١ ولما بتعلا اوي بتكون ٣٢
وبليل بتفضل تنزل لحد ٢٠
طب الفراخ ف اول اسبوع عاوزه حراره ٣٢ هتوصليها بقي من ٢٠ل٣٢ازاي من غير لمبه🤔🤔
هتقوليلي منا ممكن احط اللمبه بليل بس طالما بالنهار بتكون الحراره ف الجو ٣٢ هقولك لا بردو لان الحراره اللي انتي بتحسيها غير اللي الفراخ بتحسها
يعني مثلا كانت بتبقي الحراره ٤٠ وكنا بنحط لمبه صفرا اول يومين بردو دا لان الفراخ لازم دفا غير اللي انتي حاسه بيه
معني كدا اننا هندفي بلمبه صفرا ليل نهار اول اسبوع ونيجي من تاني اسبوع نتابع انتشارهم ليل نهار وأما نحس ان الجو حر عليهم نرفع اللمبه شويه بشويه لحد ما نلاقيهم تمام
مش هنقرر نستغني عنها امتي لان كل مادا الجو بيبرد اكتر من الاول عشان كدا لازم نتابعهم يوم بيوم
وبس كدا 🤚🤚
