Horus Pets Clinic

22/09/2024

* Rabies virus *

لو اتعضيت اعمل ايه؟؟؟! و ايه اهمية تطعيم السعار؟
و خطورة " فيروس السعار " على حياة الانسان و الحيوان؟؟

1. لو اتعضيت من كلب فى الشارع ...فار...قطة ..او حتى كلبك او قطتك....
تطلع على اقرب حنفية مياه و تحط المكان اللى اتعض تحت المياه " ربع ساعة " كاملة و بعد الربع الساعة تطهر الجرح باى مطهر..

_ليه؟
لان فيروس ال rabies هو فيروس ضعيف جدا و ممكن تعرض الجرح للمياه و للمطهر يساعد فى انه الفيروس يموت او على الاقل هيساعد لو الاصابة شديدة و هيقلل العدد الفيروسى فى جسمك ..

2.تطلع على اقرب مستشفى حكومية و تاخد اول جرعة من الخمس جرعات بتوع تطعيم السعار....

_لو الكلب من الشارع يبقى لازم لازززززم تكمل الجرعات كلها عشان تحافظ على حياتك...لان فيروس السعار...فيروس قاتل بيؤدى الى اعراض عصبية و بعدين " موت "

_ لو كلبك او قطتك يبقى تعزله 10 ايام...هتكون تقريبا اخدت 3 جرعات من الخمسة...لو كلبك مظهرش عليه اى اعراض و فضل عايش...
يبقى خلاص مفيش داعى تكمل جرعات التطعيم

* تطعيم السعار مهم جدا لحياتك و حياة كلبك او قطتك * 😍

20/09/2024

هنكمل الكلام عن التحصينات اللى بيحتاج ياخدها بشكل دورى كل فترة .. و في الأساس هى أدوية ضد الديدان و الحشرات ..

1- مهما كان كلبك شكله من برا سليم .. ممكن يكون بيعانى من مشاكل بسبب الديدان.

2- الدوا ضد الحشرات مهم جدا لو أليفك بيخرج برا البيت لأى سبب .. ممكن يكن بيخرج عشان يعمل حمام في الجنينة أو في مكان مش ضامن إذا كان ممكن يتصاب بالقراد .. ساعتها هتبقى مشكلة كبيرة أنك تنضف البيت أو المكان بتاعه

3- الدواء ضد الديدان بيتاخد كل 3 شهور، و لو أول مرة هيكرر الجرعة بعدها بـ أسبوعين و بعد كدا كل 3 شهور عادى

4- أما الدواء ضد الحشرات بيكون كل شهر ، و حسب نوع الدواء و المفعول و المكان اللى الأليف قاعد فيه

ضرورى جدا تراجع كل فترة المواعيد للأدوية الحشرات و الديدان، عشان أى مشكلة كبيرة بيكون سببها حاجة صغيرة ماخدتش بالك منها..

20/09/2024

هنتكلم انهاردا عن أهمية التطعيم

- تعتبر التطعيمات الطريقة الوحيدة للقضاء على الأمراض الفيروسية حيث أن المضادات الحيوية تقضي فقط على البكتيريا

- يعمل التطعيم على تحفيز الجهاز المناعي في جسم الحيوان لكي ينشط وينتج أجسام مناعية ضد الأمراض الفيروسية

- تعتبر التطعيمات مهمة للأليف لوقايتهم من الأمراض التى قد تكون نسبة الوفاة عند الإصابة بها قد تصل إلى 95%

- يجب إعادة التطعيم لأليفك كل سنة وذلك بسبب أن الأجسام المناعية التي تم إنتاجها داخل الجسم نتيجة التطعيم تقل داخل جسم صديقك الأليف

- نادراً ما يكون هناك آثار جانبية أو سلبية للتطعيم
- ايه لازمة التطعيمات بشكل دورى .. لأليفك 🤔

هنكمل مع بعض في البوست اللي جاي♥

04/09/2024

اتكلمنا قبل كدا عن انواع الكلاب ومميزات كل نوع في البوست دا هنتكلم عن انواع القطط ومميزاتها لان القطط من الكائنات اللي بعض الناس بتفضل تربيها عن الكلاب

1- القطط السيامي
النوع دا من أذكى أنواع القطط حول العالم فهي تحب اللعب والمرح والنشاط وهي من أفضل أنواع القطط الأليفة في العالم، وبتتميز بعيونها الزرقا الواسعة وشخصيتها الودودة مع أصحابها.

2-القطط الشيرازي
تتميز بشعرها الطويل والناعم وألوانها المتعددة وتعد من أكثر فصائل القطط شهرة وجمالاً، إذ تتمتع بشخصية هادئة وودودة ومحبة لأصحابها.

3-القط السيبيري
دا بيبقي عنده بنية جسدية قوية وشعر طويل وكثيف وله شخصية ذكية وودودة ومحبة للعب.

4-قط الماو المصري
دا من أقدم وأغلى اشكال قطط المنزل حيث نجده على جدران المعابد القديمة، وكان يرمز للسلطة والفخر في مصر القديمة ولديه شخصية مرحة ومستقلة ومحبوبة من أفراد العائلة.

5-قط الهيمالايا
هو قط هجين بين القط السيامي والقط الشيرازي ويتميز بعينيه الواسعة الملونة وفروه الكثيف، ويحب المرح واللعب فإذا كنت من عشاق الهدوء فهذا النوع هو المناسب لك.

6-قط الفان التركي/انجورا تركي
من السلالات التركية الشهيرة ويمتاز بعيونه الملونة الجذابة، وله شخصية ودودة وذكية تحب التفاعل مع أفراد العائلة.

7-القط الفرعوني
من السلالات المصرية القديمة وله شكل مختلف وغريب. أصلع خالٍ من الفرو مع مظهر مجعد للجلد، ويُعتقد أنها كانت رمزاً للخصوبة والحماية في الحضارة المصرية القديمة.

8-قط البيكي فيس
هادئ وكسول يأتي بألوان متعددة وفرو كثيف، له جمال فريد وشخصية ودودة ويعرف أيضاً باسم قط البيرميز.

9-قط راغدول
واحد من أشهر القطط المنزلية ويتميز بوزنه الخفيف حيث يمكنك حمله مثل اللعبة لذلك يعد أحد أفضل أنواع القطط للمبتدئين، وله شكل جميل وشخصية محبة لأصحابها.

10-قط ماين كون
تتميز هذه القطط بحجمها الكبير (أكثر من 30 رطلاً) وتحب اللعب والمشاركة مع أصحابها، ودي من أفضل أنواع القطط لصيد الفئران.

11-القط الأمريكي
قط منزلى شعره قصير وعنده عمر طويل عشان كدا يعتبر من أفضل أنواع القطط للاطفال، ومش بيحتاج لمجهود كبير في الرعاية ، ف مش هنضطر ننضف كتير مكان ما هو موجود .
كدا نكون عرفنا مع بعض اشهر انواع القطط اتمني نكون وضحنا الصورة بابسط طريقه لو عاوزين نتكلم عن فصيلة معينه اكتبولنا في الكومنتات🥰
اللي اللقاء في البوست القادم🔥

29/08/2024

يَبدو أنَّ أحدهُم أَحبَّ عالَمنا مُبكرًا.🤍🩺

26/08/2024

بما ان النهاردة اليوم العالمي للكلب وهو اوفي كائن حبينا نتكلم عن انواع الكلاب وصفاتهم المميزة في البوست دا :-

1-كلاب الجريفون أو اللولو
اللولو او الجريفون من أشهر كلاب الزينة بتبقي صغيرة في الحجم كدا وليها شخصية لطيفة ومرحة ومناسب للتربية المنزلية 🥰.

2-الجولدن ريتريفر
الجولدن من السلالات المميزة والمحبوبة للعائلات والأطفال، وبيتميز بالذكاء والقابلية السريعة للتعلم وهي سلالة ودودة ووفية لأصحابها وغير عنيفة.🤗

3-الهاسكي
الهاسكي ليه شكل جذاب وجسم قوي بيتميز بعيونًه الزرقا المميزة لفصيلته وفراء كثيف متنوع الألوان، ويحب الحركة والنشاط ويمكن تربيته في المنازل والهاسكي كائن جليدي 🥶بيحب الاماكن اللي حرارتها منخفضه عشان كدا ممكن نلاقي حركته وحيويته بتقل في الاماكن الحارة🥵

4-الجيرمن
سلالة من اذكى انواع الكلاب وله حواس شديدة خاصة حاسة الشم عشان كدا بنستخدمه في الحراسة والأعمال الأمنية، وهو من اضخم انواع الكلاب و ليه جسم كبير ورشيق ورياضي و يمكن تدريبه بسهولة.🦴

5-الشيواوا
من انواع الكلاب المنزلية وأصغر السلالات في العالم ويتراوح وزنه ما بين 1 إلى 3 كيلوجرام، ويتميز بالطاقة والحيوية والشخصية القوية ويحب اللعب والتفاعل مع الآخرين.🐕

6-البيكينواه
يجمع بين الحجم الصغير والمظهر الجذاب وليه لها فراء كثيف وهو كلب اجتماعي يحب الرعاية والاهتمام.

7-البوكسر
من الأنواع شديدة الذكاء عشان كدا بيتصنف ضمن أفضل كلاب الحراسة في العالم، ويتميز بالمرح والنشاط.

8-الروت وايلر
يتميز بشخصية قوية وشجاعة وحواس عالية يعد من أقوى وأشرس كلاب الحراسة، وهو وفي لأصحابه لذلك يمكن استخدامه لحراسة المنازل🐕‍🦺😤

9-اليوركشاير
يعد من اجمل انواع الكلاب وليه كدا شعر كثيف وطويل بيديه مظهراً جذاب وليه شخصية ودودة تتأقلم بسرعة مع مربيها

10-البودل
يتميز بشعره الكثيف والمجعد وهو سهل وخفيف الحركة و من الأنواع الصغيرة وليه شخصية خجولة وحساسة

كدا نكون اتكلمنا عن اشهر الانواع لو حبيتو نتكلم عن سلالة معينه بالتفصيل ابعتولنا 🔥❤️

25/08/2024

بنرجع نكمل في بعد ما خدنا الاكل المسموح بيه عشان يحافظ علي صحه اليفك ندخل علي الحاجات الممنوعة من الاكل
بالنسبة للقطط والكلاب:-
1-اللانشون والبلوبيف(عشان بتعملهم ديدان )
2-البسطرمة
3-الاسماك (ممكن تبقي مرة في الاسبوع بالنسبه للقطط)
الكبدة لا تفضل (لانها مركز سموم الجسم) فممكن نخليها مرة مرتين في الشهر
4-الحلويات والسكريات والايس كريم
5-المشروم (يتسبب في القئ)
6ـالتوابل والبصل والثوم عموما عشان بنعمل احتباس بول
7-الفواكه اللي سكرياتها عاليا(زي العنب والذبيب)
8-المخبوزات والمعجنات عشان بتعثر عملية الهضم
كدا بنخلص معاكم سلسلة تغذية اليفك ابعتولنا لاي استفسار

22/08/2024

بنكمل معاكم في
هنعرف في البوست دا ايه الحاجات المسموح باكلها بالنسبه للاليف وتحافظ علي صحته
بالنسبه للقطط الاكل الصحي ليها بيكون :-
1-فراخ مسلوقه (وطبعا ميكونش فيها عضم عشان متنزلش الامعاء وتعمل انسداد)
2-خضار مسلوق (كوسة وبطاطس وجزر وحاجات من دي )
3-جبنه نستو
4-لحوم حمراء مسلوقه
5-بيض مسلوق
6-زبادي
7- الدراي فود وعلب الويت فود ( بس مكترش الدراي بالنسبة للولاد عشان مشاكل احتباس البول)

اما الاكل الصحي للكلاب بيكون :-
1-الرز
2-الشوربة
3- عيش بلدي
4-لحوم حمراء مسلوقه
5-فراخ مسلوقه
6-بيض
وطبعا دراي والويت فود

انتظرونا في البوست القادم 🔥

21/08/2024

21/08/2024

تغذية اليفك
كتير مننا بنتهاون في تغذية الاليف وبنديله اي حاجه واي كميه ودا ساعات بيكون ليه ضرر كبير واحنا مش واخدين بالنا عشان كدا حبينا نوضحلكو طريقه التغذية الصحيحه في مجموعة بوستات في لتجنب الامراض والاضرار الناتجه عن سوء التغذية
اولا مراحل التغذية
اول شهرين عبارة عن رضاعه وبيتفطم بعد كدا
من الشهر التاني نبدأ نديله اكل بس يكون سوفت عشان معدته لسه مش مستعده😊
لحد سنه ممكن نديله اربع وجبات في اليوم
ومن سنه لسنتين نخليها 3 وجبات
واكتر من سنتين ممكن نخليها وجبه واحدة رئيسية ومايمنعش حاجات خفيفه كدا شوية تريتس او دراي ندلعه بيهم🥰
انتظرونا في البوست القادم🔥