29/11/2025
في يوم وليلة لقينا حملات غريبة على السوشيال بتدعو لقتل الكلاب البلدي…
واللي لازم كلنا نفهمه إن أغلب البوستات دي مش حقيقية ومبنية على خوف وإشاعات.
✔️ الكلاب البلدي مش عدوانية، بالعكس دي أهدى أنواع الكلاب، وعايشة معانا في الشوارع من سنين بدون مشاكل.
✔️ لو كان فيها خطر زى ما بيقولوا، مكانش حد عرف يمشي في الشارع أصلاً.
✔️ كل الهجمات اللي بنسمع عنها يا إما مبالغات يا إما مواقف فردية، وممكن تحصل من أي حيوان لو اتضايق أو حد ضايقه.
اللي بيحصل دلوقتي مجرد "ترند" ناس بتجري وراه، وفيه صفحات بتستغل خوف الناس علشان مشاهدات بس.
🐾 بدل ما نعمل فوضى وننشر هلع… خلّونا نكون رحيمين ونفكر بعقل.
القتل مش حل… الحل هو:
– التوعية
– التعقيم
– التطعيم
ودي طرق محترمة ومطبقة في كل دول العالم.
الكلب البلدي جزء من بيئتنا… صديق مش عدو.
وإحنا مجتمع كبير وواعي… مش هنمشي ورا إشاعات بتقلب الدنيا على الفاضي.
