14/03/2024
الصبح كنت بهزر مع مايو ( الكلب بتاعي 🐶 )
المهم اتعصب عليا راح عضضني عضة بسيطة في وشي 🤕🤕
عاقبته عقاب شديد جدآ 🤬😡
ونزلت من البيت ..
في وسط اليوم أمي اتصلت بيا بتقولي ان مايو مكتئب 😔
ومش بيلعب ولا بياكل خالص
المهم خلصت شغلي ورجعت البيت من شوية لاقيته واقف عند الباب زي كل يوم في معاد رجوعي من الشغل
اول ما شافني زي عادته نط عليا علشان يحضني واطبطب عليه
بس طبعآ علشان انا معاقبه مرضتش احضنه ولا اسلم علية
وقولتله امشي وفضلت ازعقله
المهم فضل يجري ورايا ونط علي رجلي فضل يشم مكان الجرح اللي عملهولي ويبوسني بطريقته الخاصة علي مكان الجرح بنظرات كلها أسف 😟😟
لحد ما طبطبت علية علشان يفهم اني خلاص مش زعلان منه
من بعدها فضل يلعب واكل وقاعد جمبي لحد دلوقتي 🐶🐶😎
دي قصه بسيطه بين الكاتب الكبير محمد طارق .. و كلبه مايو
و بتحصل كتير بطرق مختلفه في بيت اي حد عنده كلب
بس في بردو كتير مننا بيتعاملوا مع الكلب بطريقه تدمر نفسيته
فممكن يإذيه او يعنفه او يضربه لمجرد ان الكلب كان بيلعب معاه و أذاه بالخطأ
فيقابل الخطأ ده برد فعل عنيف و عصبي ممكن يتسبب انه يقتل الكلب نفسياً و يدمره تماما و يخليه جبان !
الكلاب بتحتاج معامله نفسيه خاصه لان دا بيأثر جدا عليهم وعلي سلوكهم سواء معايا او مع ضيوفي او أسرتي
لان الكلاب كائنات حساسه و بتزعل و تفرح و تكتئب
ولازم احنا كمان نكون حساسين معاها و ناخد بالنا من افعالنا و ردود افعالنا
لاننا ممكن نإذي بيها مخلوقات جميله ربنا خلقها عشان تفرحنا و تساعدنا في الحياه
بتساعدنا كتير اننا نتغلب علي الوحده او الخروج من الاكتئاب
و ممكن تبأه حارس شخصي ليك او لعيلتك
و يفديك بعمره و عمره مايخونك او يخذلك
الكلب مش بيطلب اي حاجه غير انك تحسسه انك بتحبه و في المقابل بيديك حب و عطاء و أمان ووفاء و بهجه و سعاده
فلازم تاخد بالك منه و تراعي نفسيته و ماتبالغش في عقابه و ماتفكرش ابداً تضربه او تإذيه
ولو متدايق من سلوك معين في الكلب
كل مشكله و ليها حلها
و دي حلها بسيط
اي مشكله ليها تدريب خاص
تقدر تتواصل معانا و تعرض علينا اي مشكله سلوكيه موجوده عند كلبك و هتلاقي الحل عندنا
و قبل ماتفكر في العقاب دايماً فكر في الحل
أكاديمية Puckaa لتدريب الكلاب .
العنوان : جمعية احمد عرابي خط 2بواية 1
مواعيد العمل : كل ايام الاسبوع ( من 10 صباحاً الي 10 مساءاً ) .
خدمة العُملاء : 01029544738.
قسم المبيعات : 01029747564.
ويب : www.puckaa.com
ايميل : [email protected]
ملحوظه : في حالة انشغال أرقام قسم المبيعات يمكنكم ترك رساله نصيه بتفاصيل الإستفسار و سوف يقوم أحد ممثلي المبيعات بالتواصل معكم خلال 24 ساعه .
